What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm Saturday 9am - 5pm Sunday 9am - 5pm

https://www.facebook.com/569965350129086/

Anuroop G's Mantra, Thanneermukkom, Alappuzha, Cherthala (2026)

01/06/2025

ടീച്ചറമ്മയും കുട്ടിയും 🥰

10/05/2025

MVD ഈ വണ്ടി കണ്ടപ്പോൾ ...............................................

വണ്ടി ഭ്രാന്തന്മാരെ ഇതിലെ ഇതിലെ...

എങ്ങനെയുണ്ട് ഈ ബൈക്ക്?
ഒറ്റനോട്ടത്തിൽ അറിയാം തട്ടിക്കൂട്ടി ഉണ്ടാക്കിയതാണെന്ന്.

ഇതൊരാൾ ഒറ്റയ്ക്ക് ഉണ്ടാക്കിയ ബൈക്കാണ്

വർഷം 1993
അന്ന് 42 വയസ്സുകാരനായ Emile Leray തന്റെ citroen 2CV യിൽ മൊറോക്കോയിലെ മരുഭൂമിയിൽ കൂടി ഒരു സാഹസിക യാത്ര നടത്തുന്നു.

അപ്രതീക്ഷിതമായി ഒരു പാറയിൽ അടിച്ച്, വാഹനം ഓടിക്കാൻ പറ്റാത്ത അവസ്ഥയിലാകുന്നു.

ഇന്നത്തെ കാലമല്ല, മൊബൈലുകൾ ഒക്കെ വരുന്നതിനും വർഷങ്ങൾക്കു മുമ്പാണ്.

70-80 കിലോമീറ്റർ ദൂരമുണ്ട് അടുത്ത ഗ്രാമത്തിലേക്ക്, അത്രയും ദൂരം മരുഭൂമിയിൽ കൂടി നടന്നു പോകുന്നത് സാധ്യമല്ല

പിന്നെ ഒന്നും നോക്കിയില്ല കയ്യിലുള്ള ടൂൾസും ഉപകരണങ്ങളും വെച്ച് - കാറിന്റെ പല ഭാഗങ്ങൾ ഉപയോഗിച്ച് ഉണ്ടാക്കിയ ബൈക്ക് ആണ് ചിത്രത്തിൽ കാണുന്നത്.

12 ദിവസം എടുത്തു പുള്ളിക്ക് ഈ ബൈക്ക് ഉണ്ടാക്കാൻ, ( സാഹസിക യാത്രയായതുകൊണ്ട് തന്നെ അത്രയും ദിവസത്തേക്കുള്ള വെള്ളവും ഭക്ഷണവും ഒക്കെ കയ്യിൽ ഉണ്ടായിരുന്നിരിക്കും)

ബൈക്ക് ഓടിച്ച്, അടുത്ത ഗ്രാമത്തിലെത്തി പുള്ളി രക്ഷപ്പെട്ടു.

ഈ ലോകപ്രശസ്തമായ ബൈക്ക് ഇന്നും അദ്ദേഹം സൂക്ഷിച്ചു വച്ചിട്ടുണ്ട്...

നമ്മുടെ കയ്യിൽ എന്തുണ്ട് എന്നുള്ളതല്ല,
കയ്യിലുള്ളത് വെച്ച് നമ്മൾ എന്തു ചെയ്യുന്നു എന്നുള്ളതിലാണ് കാര്യം...🥰

എനിക്ക് ഒരേയൊരു സംശയമേ ഉള്ളൂ

മൊറോക്കോ എം വി ഡി ഈ ബൈക്കിന് എത്ര ഫൈൻ അടിച്ചിട്ടുണ്ടാവും 😁?
Anuroop G's Mantra

NB: ഒറിജിനൽ പടത്തിനെ ചാറ്റ് ജിപിറ്റി യിൽ ഇട്ട് ഒന്ന് പെരട്ടിയെടുത്തതാണ് ഈ പടം🙏🏼

01/05/2025

പണത്തിനോടുള്ള ആർത്തി കാരണമാണ്, ആളുകൾ എളുപ്പം പറ്റിക്കപ്പെടുന്നത്
===========================???
ശരിയാണോ????

ഒരു 100 രൂപ നോട്ട് കളഞ്ഞു പോയാൽ നിങ്ങൾക്ക് സങ്കടം തോന്നുമോ?

എന്നാലും അത് എവിടെ പോയി? ഞാൻ ഒന്നുകൂടി ശ്രദ്ധിക്കേണ്ടതായിരുന്നു..

ഒരു സങ്കടം നമുക്ക് തോന്നും..

എന്നാൽ നഷ്ടപ്പെടുന്നതിനു പകരം ഒരു 100 രൂപ കളഞ്ഞു കിട്ടിയാലോ -വഴിയിൽ,

പോലീസ് സ്റ്റേഷനിൽ ഏൽപ്പിക്കുമായിരിക്കും - എന്നാലും നമുക്കൊരു സന്തോഷം തോന്നും.

ഈ സന്തോഷമാണോ അതോ 100 രൂപ കളഞ്ഞു പോകുമ്പോൾ ഉണ്ടാകുന്ന സങ്കടം ആണോ വലുത്

ഒരു സംശയവും വേണ്ട ഒരു രൂപ പോലും കയ്യിൽ നിന്ന് അറിഞ്ഞുകൊണ്ട് പോയാൽ, ആ സങ്കടം തന്നെ വലുത്.

പഠനങ്ങൾ പ്രകാരം- കിട്ടുമ്പോൾ ഉണ്ടാകുന്ന സന്തോഷത്തിനേക്കാൾ
രണ്ടര ഇരട്ടി കൂടുതലായിരിക്കും- നഷ്ടമാകുമ്പോൾ ഉണ്ടാകുന്ന സങ്കടം

കാശല്ല -നമുക്ക് പ്രിയപ്പെട്ട ഒരു തൂവാല, ഇഷ്ടമുള്ള പേന ഒക്കെ ആണെങ്കിൽ പോലും നല്ല സങ്കടമാകും....

അയൽക്കാരൻ വേലി 0.000001 mm അകത്തേക്ക് കെട്ടിയാലും ( അല്ലെങ്കിൽ അങ്ങനെ കെട്ടി എന്നൊരു തോന്നൽ ഉണ്ടാക്കിയാലും) ഇതേ നഷ്ടബോധം നമുക്കുണ്ടാകും.

2002 ഇൽ നോബൽ പ്രൈസ് കിട്ടിയ, 1979 le Prospect Theory യിലെ loss aversion, യഥാർത്ഥമായോ, സാങ്കല്പികമായോ ഉണ്ടാകുന്ന ഒരു നഷ്ടം ഒഴിവാക്കാനുള്ള തത്രപ്പാടാണ്.

പണത്തിനോടുള്ള ആർത്തിയേക്കാൾ വളരെയധികം ശക്തമാണ് ഈ - " ഒന്നും പുതിയതായിട്ട് ഉണ്ടാക്കിയില്ലെങ്കിലും കുഴപ്പമില്ല ഉള്ളത് പോകാതെ നോക്കി നടത്തിയാൽ മതി" feelings

തലച്ചോറിൽ - ഇത് fear റെസ്പോൺസ് ആണ് ഉണ്ടാക്കുന്നത്, ആഗ്രഹത്തിനെക്കാൾ വലിയ urgency തോന്നിക്കുന്ന ഫീലിംഗ്.

ലോജിക്കൽ/ rational ചിന്തകൾക്ക് മേലെ, തീരുമാനം എടുക്കാനുള്ള കഴിവിനെ, കൂടുതൽ ഇൻഫ്ലുവൻസ് ചെയ്യുന്നത് ഈ ഫീലിംഗ് ആണ്.

കച്ചവടക്കാർ വളരെ എത്തിക്കലി ഇതിനെ കച്ചവടം നടത്താൻ വേണ്ടി ഉപയോഗിക്കുന്നു. മൊബൈൽ ഫോണുകളിൽ ഈ അടുത്തായി ഉപയോഗിച്ചുവരുന്ന - " Sale starts at 12:00 noon on 20th April " പരിപാടി, ഈ നഷ്ടബോധത്തെ വളരെ ഫലപ്രദമായി ഉപയോഗിക്കുന്നു.

എന്തു പ്രശ്നം ഉണ്ടായാലും ആൾക്കാർ കുത്തിയിരുന്ന് ആ സമയത്ത് ഫോൺ ഓർഡർ ചെയ്യും.

അത് കിട്ടിയില്ലെങ്കിൽ സിനിമ തിയേറ്ററിൽ ടിക്കറ്റ് കിട്ടാത്ത ഒരു ഫീലിംഗ് ആണ് ആൾക്കാർക്ക്.

" രണ്ടെണ്ണം അപ്പൊ തന്നെ പറഞ്ഞില്ലെങ്കിൽ ശരിയാവില്ല " - എന്ന ഫീലിങ്ങിൽ ഉണ്ടാകുന്ന വഴക്കുകളുടെ കാരണവും ഇതുതന്നെ

ഇതേ ലോസ് അവേർഷൻ ആണ് , നല്ലൊരു ശതമാനം തട്ടിപ്പുകാരും വളരെ ഫലപ്രദമായി- കാശ് അടിച്ചു മാറ്റാൻ വേണ്ടി ഉപയോഗിക്കുന്ന ഒരു ടെക്നിക്.....

അതായത് കുരുവി ------ കാശിനോടുള്ള ആർത്തിയേക്കാളും, സാങ്കല്പികമായി നമുക്ക് വരാൻ പോകുന്ന ഒരു നഷ്ടം നമ്മുടെ മനസ്സിൽ ഉണ്ടാക്കിയെടുക്കാൻ സാധിക്കുമ്പോഴാണ്, തട്ടിപ്പുകാരൻ വിജയിക്കുന്നത്.

അതുകൊണ്ട് പണത്തിനോട് ആർത്തിയുള്ളവർ മാത്രമാണ് തട്ടിപ്പിൽപ്പെടുന്നത് എന്ന ആലോചന ശരിയല്ല. നല്ലൊരു ശതമാനം ആളുകളും പണത്തിനോടുള്ള ആർത്തി കൊണ്ടല്ല ഈ തട്ടിപ്പിൽപ്പെടുന്നത്.

" once in a lifetime chance, ഒന്നുങ്കിൽ ഇപ്പോൾ ഇൻവെസ്റ്റ് ചെയ്ത് ലാഭം കൊയ്യാം, ഇല്ലെങ്കിൽ ഈ നഷ്ടമോർത്ത് ജീവിതകാലം മുഴുവൻ ദുഃഖിക്കാം "

" എല്ലാവരും ഇൻവെസ്റ്റ് ചെയ്യുന്നുണ്ട് എല്ലാവരും കാശുണ്ടാക്കുന്നുണ്ട്, നിങ്ങൾ മാത്രം ഒറ്റപ്പെട്ടുപോകും കാശില്ലാതാവും "

" ലോട്ടറി നിങ്ങൾക്ക് ഓൾറെഡി കിട്ടിക്കഴിഞ്ഞിരിക്കുന്നു, ഈ ചെറിയ ഫീസ് അടയ്ക്കാതിരുന്നാൽ വലിയൊരു തുകയാണ് നിങ്ങൾക്ക് നഷ്ടമാകുന്നത്"

ഈ ചിന്തകൾ initiate ചെയ്യാൻ വേണ്ടി തുടക്കകാലത്തിൽ - ചില ചെറിയ ലാഭങ്ങൾ കൊടുക്കുകയും

ധാരാളം റഫറൻസുകൾ സൃഷ്ടിക്കുകയും ചെയ്യുന്നു.

ഒടുക്കം നല്ലൊരു ശതമാനം ആളുകളുടെയും കാശ് അടിച്ചുമാറ്റി മുങ്ങുന്നു.

പ്രതിവിധിയുണ്ടോ?

തീർച്ചയായും ഉണ്ട്

1. ഇങ്ങനെയൊരു ചിന്ത നമുക്കുണ്ട് എന്ന് തിരിച്ചറിയൽ ആണ് ആദ്യപടി - loss aversion

2. എന്ത് കാര്യം വരുമ്പോഴും ഈ ചിന്ത കൊണ്ടാണോ ഞാൻ തീരുമാനമെടുക്കുന്നത് എന്നൊന്ന് ആലോചിക്കണം, ഉപബോധ മനസ്സിലെങ്കിലും കുറച്ചുനാളുകൾ കഴിയുമ്പോൾ അത് പതിയും

3. ഇൻവെസ്റ്റ്മെന്റ് ട്രാൻസ്ഫർ ചെയ്യുന്നതിന് മുൻപ് തീർച്ചയായും പത്തടി എങ്കിലും നടക്കുക, മുഖം കഴുകുക, എന്നിട്ട് ഒന്നുകൂടി ചിന്തിക്കുക

4. തീരുമാനമെടുക്കാൻ പറ്റുന്നില്ലെങ്കിൽ, - എന്റെ കയ്യിൽ ഇത്രയും പണമില്ല ബാങ്കിൽ നിന്ന് ലോൺ എടുത്താണ് ഞാൻ കൊടുക്കുന്നതെങ്കിൽ- ഇതിൽ ഞാൻ ഇൻവെസ്റ്റ് ചെയ്യുമായിരുന്നോ?

ബാങ്ക് എന്തൊക്കെ ചോദ്യങ്ങൾ ആയിരിക്കും ഇതിൽ ചോദിക്കുക?

എന്തൊക്കെ ഡോക്യുമെന്റ്സ് ഞാൻ ചെക്ക് ചെയ്യണം?

5. ഇതിനൊന്നും സമയമില്ലാത്ത ഒരാൾ ആണെങ്കിൽ - നല്ല ഒരു ഇൻവെസ്റ്റ്മെന്റ് അഡ്വൈസറെ വയ്ക്കുക ( സാധാരണ ഇൻഷുറൻസ് ഏജന്റിനെ അല്ല ഞാൻ ഉദ്ദേശിച്ചത് എന്ന് വ്യക്തമാക്കട്ടെ), അത് പറ്റില്ലെങ്കിൽ ഇക്കാര്യത്തിൽ അത്യാവശ്യം അറിവും വിവരവും ഉള്ള നല്ല ഒരു കൂട്ടുകാരനോട് ഒന്ന് സംസാരിക്കുക

6. അഥവാ ചെറുതായി അബദ്ധത്തിൽ പെട്ടുപോയാൽ, ആ കാശ് തിരിച്ചുവിടാൻ പിടിക്കാൻ കൂടുതൽ കാശ് ഇടുന്ന പരിപാടി ചെയ്യരുത്. നല്ല ഒരു ഫിനാൻസ് പ്രാക്ടിക്കൽ കോഴ്സ് ചെയ്യാൻ വേണ്ടി കൊടുത്ത ഫീ ആണെന്ന് കൂട്ടി വിട്ടുകളയുക

ഓർക്കുക ശതകോടീശ്വരൻ മാർക്ക് പോലും തട്ടിപ്പ് / നഷ്ടം സംഭവിക്കുന്നുണ്ട്, അവരത് എപ്പോൾ തിരിച്ചറിയുന്നു അപ്പോൾ തന്നെ നിർത്തും, പെട്ടെന്നുതന്നെ തിരിച്ചുവരികയും ചെയ്യും.

7. തട്ടിപ്പാണെന്ന് തിരിച്ചറിഞ്ഞാൽ ബ്ലോക്ക് ചെയ്യുക റിപ്പോർട്ട് ചെയ്യുക

തുടർന്ന് എഴുതാം, ഇന്നത്തേക്ക് വിട

Anuroop Gopalakrishna Bhakthan

NB : ഇമേജ് ഫ്രീ to use വെബ്സൈറ്റിൽ നിന്നും (pexels) കടം കൊണ്ടത് 🙏🏼 ( ഇത് ഒരു മോഡൽ മാത്രമാണ്, ഈ പറഞ്ഞ കണ്ടന്റും ഫോട്ടോയും തമ്മിൽ യാതൊരു ബന്ധവുമില്ല എന്ന് ഇതിനാൽ തെര്യപ്പെടുത്തിക്കൊള്ളുന്നു.
ശ്രദ്ധ കിട്ടാൻ വേണ്ടി മാത്രം ഇട്ട ഒരു ഫോട്ടോയാണ്🙏🏼)

24/11/2024

🥰 മിടുക്കി ലോഗോ ഡിസൈനിങ് contest വിന്നർ ആയ അനൂപിനെ ഓർമ്മകാണുമല്ലോ,

അനൂപ് Huddle Global Designers Award 2024 winner ആയ വിവരം സസന്തോഷം അറിയിക്കുന്നു.
കപ്പപൊടി കൊണ്ടുള്ള പാസ്റ്റയ്ക്ക് വേണ്ടി, ബ്രാൻഡ് നെയിം, ലോഗോ, strategy, പാക്കേജിങ്, മുതലായവ ചെയ്തതിനാണ് - ഈ prestigious അവാർഡ് കിട്ടിയിരിക്കുന്നത്.

Congratularions Anoop - long long way ahead Dear Bro..

അനൂപിന്റെ FB പോസ്റ്റ്‌ അതുപോലെ താഴെ കൊടുക്കുന്നു..

🌟 I’m thrilled to share that I am a proud winner of the "Huddle Global Designers Award 2024"! 🎉

I won the Branding Challenge 2.0 organized by Kerala Startup Mission partnered by HP. I created a compelling brand identity including name, logo, packaging, etc. for Functional Pasta, one of the Food Technologies developed by research institutions in Kerala. The challenge aimed to facilitate the promotion and commercialization of these innovative technologies.

I’ll be receiving the Award on 30th November, the closing day of Huddle Global. 🏆

Grateful for the opportunity and support throughout this journey! 🙌

28/10/2024

🥰 വണ്ടി സർവീസിന് കൊടുക്കാൻ സമയമായി....

ടൂവീലർ ആയാലും ഫോർവീലർ ആയാലും കൃത്യമായി സർവീസ് ചെയ്ത്, ഏറ്റവും വൃത്തിയായി സൂക്ഷിച്ച്, എപ്പോഴും തയ്യാറായിരിക്കുന്ന ഒരു സ്വഭാവം, കേരളത്തിലെ ഒട്ടുമിക്ക ആളുകൾക്കും ഉണ്ട്.

മിക്കവർക്കും വാഹനം, കുടുംബത്തിലെ ഒരു അംഗത്തെ പോലെയാണ്.

അല്ല - കുടുംബത്തിലെ അംഗങ്ങൾക്കും മേലെയാണ്..

എപ്പോഴെങ്കിലും നിങ്ങൾ നിങ്ങളുടെ വൈവാഹികജീവിതത്തിലെ പ്രണയം സർവീസ് ചെയ്തിട്ടുണ്ടോ? 😳

എന്തൊരു പൊട്ടൻ ചോദ്യമാണ്..😂

വരട്ടെ...

എന്തിനാണ് നമ്മൾ ഒരു കാറോ ബൈക്കോ സർവീസ് ചെയ്യുന്നത്....

ആദ്യമായി ഒരു വാഹനം വാങ്ങിയ നിമിഷം നമ്മൾ ആരും ഒരിക്കലും മറക്കില്ല,

അത്രയ്ക്ക് ത്രില്ലിംഗ് ആയിട്ടുള്ള ഒരു സ്പാർക്കിംഗ് മൊമെന്റ് ആയിരിക്കും അത്... വിവാഹത്തിന്റെ/ പ്രണയത്തിന്റെ പുതുമോടി പോലെ..

എന്നാൽ കുറച്ചുനാൾ കഴിയുമ്പോൾ, ആ പുതുമ വാഹനത്തിനും നമുക്കും പതുക്കെ മങ്ങിത്തുടങ്ങും...

അപ്പോൾ നമുക്ക് മെയിന്റനൻസ് ആവശ്യമായി വരും

ചിലത് - വാഹനത്തിന്റെ സേഫ്റ്റിയെ ബാധിക്കുന്നത്

ചിലത് - വാഹനത്തിന്റെ ഭംഗിയെ ബാധിക്കുന്നത്

ചിലത് - വാഹനത്തിന്റെ ദീർഘകാല നിലനിൽപ്പിനെ ബാധിക്കുന്നത്

ചിലത് - അഴുക്ക് അടിഞ്ഞുകൂടി, നിർബന്ധമായും മാറ്റേണ്ടവ

ഒന്നാലോചിച്ചു നോക്കൂ..

നമ്മുടെ ജീവിതത്തിലും ഇതുപോലെ മാറ്റങ്ങൾ കാലം കൊണ്ടുവരാറില്ലേ...
മനസ്സിനെയും ശരീരത്തിനെയും ബാധിക്കുന്നവ.....

കുറ്റങ്ങൾ ഒന്നും കാണാത്ത പുതുമോടി കാലം.

പരിചയം കൂടി വരുന്തോറും, നഷ്ടമാകുന്ന spark, എന്നാൽ ദൃഢമാകുന്ന ബന്ധങ്ങൾ
( dopamine, Oxytocin രണ്ടണ്ണന്മാരുടെയും മുഖ്യ കാർമികത്വത്തിൽ ഉള്ള ഒരു ഡ്യുവൽ ഡാൻസ് - വിശദമായി വരും ദിവസങ്ങളിൽ എഴുതുന്നുണ്ട്)

കാലം നമ്മുടെ എൻജിനുകളിൽ ഈഗോ കാർബൺ കുത്തി നിറയ്ക്കും

ചുരുക്കത്തിൽ പറഞ്ഞാൽ..

പ്രണയത്തിനും കൃത്യമായ ഒരു സർവീസ് ആവശ്യമാണ്

വാഹനം വഴിയിൽ എവിടെയെങ്കിലും break ഡൌൺ ആകുന്നത് വരെയോ, റോഡിൽ നിന്ന് കത്തുന്നത് വരെയോ, അപകടത്തിൽ പെടുന്നത് വരെയോ കാത്തു നിൽക്കണോ?

ഇത്തരം ഒരു പോസ്റ്റ്‌ ഇൻസിഡൻസ് മെയിന്റനൻസ് മാത്രമേ ഇന്ന് ബഹുഭൂരിപക്ഷം വിവാഹങ്ങൾക്കും ഉള്ളൂ...

പക്ഷേ വേണ്ടത് ഒരു ആന്റസിപ്പേറ്ററി പ്രിവന്റിവ് periodic മെയിന്റനൻസ് ആണ്.

A stich in time saves nine...

വിവാഹത്തിലെ പ്രണയ ജീവിതത്തിന് ഒരു സർവീസ് മെയിന്റനൻസ് ബുക്ക് ഉണ്ടോ?

അതുണ്ടാക്കാനുള്ള ഒരു എളിയ ശ്രമമാണ് നാളെ 🥰🙏🏼

NB : എല്ലാ വാഹനങ്ങൾക്കും സർവീസ് ഒരുപോലെയല്ല, ചില വാഹനങ്ങൾ വർഷത്തിൽ ഒരു തവണ സർവീസ് ചെയ്താൽ മതി, മറ്റു ചിലവ ഇടയ്ക്കിടയ്ക്ക് . അതുകൊണ്ട് നന്നായി ആലോചിച്ചു തീരുമാനമെടുത്ത ശേഷം മാത്രം വാങ്ങുക😁🙏🏼

വാങ്ങിയാൽ - സർവീസ് ചെയ്യുക എന്നുള്ളത് മസ്റ്റ് ആണ്

27/10/2024

🥰🥰🥰 I Love You❤️

പ്രണയം.. അതെത്ര മധുരമാണ്...

കുസൃതി നിറഞ്ഞ ഒരു കള്ളനെപ്പോലെ മനസ്സിന്റെ ഉള്ളിൽ എവിടെയോ ആദ്യമായി പ്രണയത്തിന്റെ തീപ്പൊരി, വന്നുവീണ നിമിഷം നമ്മൾ ആരും മറന്നിരിക്കാൻ ഇടയില്ല...

ആദ്യ പ്രണയം...

പ്രണയങ്ങൾ ഏറെ ജനിക്കുന്നു....
അതിൽ വളരെ കുറച്ചു മാത്രമേ ജീവിക്കുന്നുള്ളൂ.....

എങ്കിലും ആദ്യ പ്രണയം, ആ തീപ്പൊരി..

ഒരു അനുഭൂതി പോലെ ജീവിതകാലം മുഴുവൻ നമ്മുടെ ഉള്ളിൽ, ഒരു കുഞ്ഞു ചെപ്പിൽ അടച്ചുവെച്ച് നമ്മൾ സൂക്ഷിച്ചു വെക്കുന്ന, നമ്മുടെ മാത്രം ഒരു സ്വകാര്യ സമ്മാനം...

ചിലപ്പോൾ വേദനയുടെ... വിരഹത്തിന്റെ...
ഓർമ്മകൾ പേറുന്ന ഒരു മധുരനൊമ്പര സമ്മാനം.....

പ്രണയിക്കുന്നവരുടെ കണ്ണുകളിൽ....

പ്രണയിക്കപ്പെടുന്നവരുടെ കണ്ണുകളിൽ...

ഒരു തിളക്കം ഉണ്ടാകും....

അതിന് പ്രായഭേദം ഒന്നും ഇല്ല...

Middle Age ലേക്ക് കടക്കുവാൻ ഉള്ള, Second Adolescence പ്രണയം പൂക്കുന്ന ഒരു മനോഹര കാലം കൂടിയാണ്....

അന്ധമായ, ചപലത നിറഞ്ഞ ആദ്യ പ്രണയത്തിനേക്കാൾ,

ജീവിതയാഥാർത്ഥ്യങ്ങളെ തിരിച്ചറിഞ്ഞ്, matured ആയ ഒരു രണ്ടാം പ്രണയകാലം...

പക്ഷെ ആരെ പ്രണയിക്കും?

സമൂഹം എന്നെ പറ്റി എന്തു വിചാരിക്കും?

എന്താണ് പ്രണയത്തിന്റെ സൗന്ദര്യം,

മനസ്സിന്റെ ഉള്ളിൽ ഉണ്ടാകുന്ന ഒരു തീപ്പൊരി,

മറ്റാരും അറിയാത്ത നിഗൂഢത,

എന്തെങ്കിലുമൊക്കെ പുതിയ റിസ്ക് നിറഞ്ഞ ത്രിൽ,

ഏറ്റവും മധുരമായ നാളയെ കുറിച്ചുള്ള വലിയ സ്വപ്നങ്ങൾ..

കുറവുകളെയൊന്നും തിരിച്ചറിയാൻ പോലും പറ്റാത്ത അന്ധത,

എന്തിനെയും വെല്ലുവിളിച്ച് മുന്നോട്ടുപോകാനുള്ള കോൺഫിഡൻസ്,

മറ്റൊന്നിനെക്കുറിച്ചും തിരിച്ചറിയാൻ പോലും പറ്റാത്ത രീതിയിലുള്ള അന്ധമായ പ്രണയം...

എന്നാൽ ഈ രണ്ടാം പ്രണയകാലത്ത് ഇതൊരു വലിയ പ്രശ്നം തന്നെയാണ്.

ജീവിത പ്രാരാബ്ധങ്ങൾ തീർക്കാനുള്ള നെട്ടോട്ടത്തിനിടയിൽ പ്രണയിക്കുവാൻ ആർക്കാണ് സമയം,

പക്ഷേ പ്രണയം മനസ്സിൽ പൂത്തു തളിർത്ത് നിൽക്കുന്നുണ്ട്.

കൂടെയുള്ള ജീവിതപങ്കാളിയെ പ്രണയിക്കാൻ നിങ്ങൾക്ക് പറ്റുന്നുണ്ടോ?

അതോ പ്രണയിക്കാനായി, മറ്റൊരാളെ കണ്ടെത്തണോ?

അതോ ഗന്ധർവ്വ പ്രണയത്തിന്റെ മനോഹാരിതയിൽ മുങ്ങി നിൽക്കണോ?

പ്രായം എത്രയെങ്കിലും ആയിക്കോട്ടെ....

പ്രണയത്തിന്റെ മേൽപ്പറഞ്ഞ ത്രില്ലുകൾ എല്ലാം..

നമ്മുടെ പങ്കാളിയിൽ, കണ്ടെത്താൻ നമുക്ക് സാധിക്കുമോ?

അതോ കയ്യിലുള്ള വൈഡൂര്യത്തെ മറന്ന്, മിന്നാമിനുങ്ങുകളുടെ പുറകെ നടന്ന്

ആ വൈഡൂര്യത്തെ നഷ്ടപ്പെടുത്തുമോ?

സ്വന്തം ജീവിത പങ്കാളിയെ,
ഒന്നുകൂടി പ്രണയിക്കാൻ, ഒരിക്കൽ കൂടി വിവാഹം കഴിക്കാൻ, ഒരിക്കൽ കൂടി മധുവിധു ആഘോഷിക്കാൻ.....

നാളെ മുതൽ ഒരു പുതിയ സീരീസ് ആരംഭിക്കുന്നു. for married couple

ഒരല്പം ഇക്കിളി, ഒത്തിരി സൈക്കോളജി, മേമ്പൊടിക്ക് കുറച്ച് ശാസ്ത്രവും....

കുന്നോളം പ്രണയവും❤️❤️❤️❤️

പ്രണയിക്കാൻ ആഗ്രഹിക്കുന്ന ഒരു ഹൃദയം നിങ്ങൾക്ക് ഉണ്ടെങ്കിൽ

വായിക്കുക❤️
വരിക്കാരാകുക❤️
പ്രചരിപ്പിക്കുക❤️

Anuroop Gopalakrishna Bhakthan

NB : ഈ സീരീസിന്റെ അനൗൺസ്മെന്റ് ചെയ്യാൻ, എന്റെ പ്രണയത്തെക്കാൾ, എന്റെ വൈഡൂര്യത്തെക്കാൾ, നല്ലൊരു പടം ആലോചിക്കാൻ പോലും പറ്റുന്നില്ല ❤️❤️❤️❤️ Veena Anuroop ❤️❤️❤️❤️❤️❤️❤️❤️

26/10/2024

😂പാത്രം കഴുകി കഴിഞ്ഞോ?

ഇല്ല...

അപ്പോഴല്ലേ വെള്ളം ചൂടാക്കാൻ പറഞ്ഞത്.......

എന്നിട്ട് വെള്ളം ചൂടാക്കിയോ

ഇല്ല.... അപ്പോഴല്ലേ അരി കഴുകി ഇടാൻ പറഞ്ഞത്....

കിലുക്കത്തിലെ ഈ സീൻ അറിയാത്തവർ കുറവായിരിക്കും.

അതിൽ അറ്റ്ലീസ്റ്റ് തിലകൻ പറഞ്ഞിട്ടാണ് രേവതി ഈ കാര്യങ്ങൾക്കൊക്കെ പോകുന്നത്.

പക്ഷേ മറ്റു ചിലരുണ്ട്.....

ഏതുകാര്യവും പുതുമയോടെ മാറ്റത്തോടെ ചെയ്യണം എന്ന് ആഗ്രഹിക്കുന്ന ഒരു കൂട്ടർ...

കാര്യമായി ഒന്നിലും അവർ അധികകാലം അടങ്ങി നിൽക്കില്ല...

അപ്പോഴേക്കും അവർ മറ്റു കുറെ കാര്യങ്ങളിൽ പുതുമ കണ്ടെത്തും, ഇന്നൊവേഷൻ കണ്ടെത്തും, അതിൽ ആകൃഷ്ടരായി അങ്ങോട്ടേക്ക് പോകും...

ഒരു ലൈറ്റ് ഡെക്കറേഷനിൽ കുറെ എൽഇഡി ബൾബുകൾ മിന്നി മിന്നി കത്തുമ്പോൾ, പ്രാണികൾ ഒന്നിൽ നിന്ന് മറ്റൊന്നിലേക്ക് ആകൃഷ്ടരായി പറക്കുന്ന പോലെ...

അതുകൊണ്ട് ഇതിനെ shiny object syndrome എന്ന് പറയാറുണ്ട്. ഒരു കൂട്ടം തിളങ്ങുന്ന വസ്തുക്കളിൽ ഒന്നിൽ നിന്നും മറ്റൊന്നിലേക്ക് ആകൃഷ്ടരായി പോയിക്കൊണ്ടിരിക്കുന്ന അവസ്ഥ.

എല്ലാത്തരം ജോലിയിലും ഇത് മോശമായ ഒരു കാര്യമല്ല കേട്ടോ.. ഒന്ന് കൺട്രോൾ ചെയ്ത് കഴിഞ്ഞാൽ വളരെയധികം ഉപകാരമുള്ള ഒരു നല്ല ഗുണവിശേഷമാണിത്.

സെയിൽസ് ആൻഡ് മാർക്കറ്റിംഗ് ജോലിയിൽ ഉള്ള പല ആളുകളും ഇത്തരക്കാരാണ്, എപ്പോഴും മാറ്റങ്ങൾ പുതുമ ആഗ്രഹിക്കുന്നവർ...

സയന്റിസ്റ്റുകൾക്ക് ഇതിന്റെ കൺട്രോൾഡ് മോഡൽ എപ്പോഴും ആവശ്യമാണ്.

എല്ലാ ജോലിയിലും കൂടിയും കുറഞ്ഞും ഈ സ്വഭാവ വിശേഷം അത്യാവശ്യമാണ്

എന്നാൽ ഇത് വളരെ കൂടുതലായാൽ പ്രശ്നമാണ്.

വളരെ ലളിതമായി പറഞ്ഞാൽ ഇക്കൂട്ടർക്ക് ചീര മാത്രമേ നടാൻ പറ്റൂ, കൃഷി ചെയ്യാൻ പറ്റൂ,

ദീർഘകാല വിളകൾ നട്ട് പരിപാലിക്കാനുള്ള ക്ഷമയും, മനസ്ഥിതിയും ഇക്കൂട്ടർ കാണിക്കില്ല.

വളരെ പെട്ടെന്ന് മാറുന്നതുകൊണ്ട് സ്ഥിരതയും, വൈദഗ്ധ്യവും ഇക്കൂട്ടർക്ക് പൊതുവെ കുറവായിരിക്കും.

സ്വന്തം ജോലിയിൽ വളരെ ഇംപോർട്ടന്റ് ആയിട്ടുള്ള കാര്യങ്ങൾ ചെയ്യുമ്പോൾ പോലും, ചുറ്റുമുള്ള തിളങ്ങുന്ന വസ്തുക്കളിലേക്ക് ശ്രദ്ധ പോകുന്നത് കൊണ്ട്, റിസൾട്ട് പൊതുവേ ഇക്കൂട്ടർ ക്ക് കുറവായിരിക്കും.

ഓർക്കുക ഒരു കഴിവും മോശമല്ല, നല്ലതുമല്ല

അത് നമ്മൾ എങ്ങനെ പ്രയോജനപ്പെടുത്തുന്നു എന്നതിനെ അനുസരിച്ചാണ് - ഒരു കഴിവ് നല്ലതും ചീത്തയും ആകുന്നത്.

ഷൈനി ഒബ്ജക്റ്റ് sindrome ഉള്ള ആളുകളാണോ നിങ്ങൾ?

ചിട്ടയായ പരിശീലനത്തിലൂടെ നിങ്ങൾക്ക്, വളരെ പെട്ടെന്ന് ജീവിതവിജയം കൈവരിക്കാൻ പറ്റും..

അതിനെക്കുറിച്ച് നാളെ എഴുതാം...

Anuroop Gopalakrishna Bhakthan

ആരോഗ്യപരമായ മുന്നറിയിപ്പ് : വൈവാഹിക ജീവിതത്തിലെ Shiny Object Syndrome മ്യാരകമായ " പ്രത്യാഘാതങ്ങൾ"
കൈകാലുകൾ തല മുതലായ സ്ഥലങ്ങൾക്ക് ഉണ്ടാക്കാൻ സാധ്യതയുണ്ട്.

( പടത്തിലെ കാല് നോമിന്റെ തന്നെ ആകുന്നു 🥰😁🙏🏼)

25/10/2024

🥰 അസാധ്യ എഴുത്താണ് കേട്ടോ...

ഞാൻ കോളർ ഒന്ന് ശരിയാക്കി നിവർന്നിരുന്നു...

പ്രശംസ തരുന്ന മോട്ടിവേഷൻ... ❤️ അതൊരു സുഖം തന്നെയാണ്...

വീണ്ടും വീണ്ടും ആരെങ്കിലും പ്രശംസിച്ച എങ്കിൽ എന്ന് കരുതി നമ്മൾ നല്ല കാര്യങ്ങൾ ചെയ്തു കൊണ്ടേയിരിക്കും..

പക്ഷേ അതിനൊരു മറുവശം കൂടിയുണ്ട്

ഏറ്റവും വലിയ ഉദാഹരണം ഫേസ്ബുക്ക് തന്നെ, ഏതെങ്കിലും ഒരു ഫോട്ടോ ഇട്ടിട്ട് സുന്ദരിയാണ് മിടുക്കനാണ് എന്നൊക്കെ കുറച്ചു കമന്റ് കിട്ടിയാൽ,

അടുത്ത ദിവസം മുതൽ, പുട്ടി ടോറസ് ലോറിക്ക് അടിച്ച് തേക്കും, ( ഫിൽറ്ററിനൊക്കെ ഒരു പരിധി ഇല്ലേടെയ് 😂)

അപ്പോൾ എല്ലാ പ്രശംസകളും ഒരുപോലെയാണോ നമ്മളെ ബാധിക്കുന്നത്...

അതിന് പ്രശംസ എല്ലാം ഒന്നുതന്നെയല്ലല്ലോ....

പ്രശംസ FE
പ്രശംസ pro
പ്രശംസ pro max

അങ്ങനെയൊക്കെ ഉണ്ടോ...

ഉണ്ട്.... നോക്കണ്ട ഉണ്ണീ......ഉണ്ട്....

പ്രശംസയുടെ ഫലം എങ്ങനെ ബാധിക്കുന്നു എന്നതിനനുസരിച്ച് പ്രശംസയെ നമുക്ക് രണ്ടായി തിരിക്കാം

1. Person Praise - ഒരു വ്യക്തിയെ, ആ വ്യക്തിയിലുള്ള കഴിവുകളെ പ്രശംസിക്കുന്നു

മിടുക്കി..

നല്ല ചിത്രകാരൻ ആണല്ലോ..

നല്ല ഡോക്ടറാണ്.

അവനല്ലെങ്കിലും നല്ല കഴിവുള്ളവനാണ്..

ആശാൻ സൂപ്പറാ... പൊളിയാ....

2. Process Praise - ആ വ്യക്തി ചെയ്ത കാര്യത്തിനെ, അവരെടുത്ത effortine പ്രശംസിക്കുന്നു.

മിടുക്കി, അവൾ എന്ത് ഫാഷനബിൾ ആയിട്ടാണ് സാരി ഉടുത്തിരിക്കുന്നത് എന്ന് നോക്കൂ..

വാട്ടർ കളർ ഉപയോഗിച്ച് അദ്ദേഹം ആ ചിത്രം അതിമനോഹരമായി ചെയ്തിരിക്കുന്നു,

സൗമ്യവും ശാന്തവുമായ പെരുമാറ്റം, എത്ര പെട്ടെന്ന് ഡോക്ടർ മരുന്ന് നിർദ്ദേശിച്ചു, എന്റെ അസുഖം പൂർണ്ണമായും മാറി..

എത്ര നന്നായാണ് സ്വന്തം കഴിവ് അവൻ ഉപയോഗിച്ചിരിക്കുന്നത്, സമ്മതിച്ചു കൊടുക്കണം.

ആശാൻ ആണെങ്കിൽ പിന്നെ ഒന്നും നോക്കാനില്ല, എല്ലാ കാര്യവും കൃത്യമായി ചെയ്തിരിക്കും, കറക്റ്റ് സമയത്ത് തന്നെ

ഇതിൽ ആദ്യത്തെ പ്രശംസകളാണ് നമ്മൾ കൂടുതൽ ഉപയോഗിക്കുന്നത്, കാരണം വളരെ ക്യാഷുവൽ ആയും, എളുപ്പത്തിലും പറയാൻ പറ്റിയ പ്രശസ്ത പ്രശംസകളാണ് അവ...

പക്ഷേ കേൾക്കുന്ന ആളിൽ കൂടുതൽ ഗുണം ചെയ്യുന്നത് രണ്ടാമത്തെ പ്രശംസയാണ്.

( അമ്മച്ചിയാണെ നേര്, Carol Dweck എന്നൊരു അമ്മച്ചി, കാലങ്ങളായി ഇതിന്റെ പുറകെ നടന്ന്, മുന്നാധാരം മൂലാധാരം ഒക്കെ തപ്പിയെടുത്ത്, തണ്ടപ്പേര് പിടിച്ച്, കരമടച്ച് അനുഭവിച്ചു വരുന്ന ശാസ്ത്ര സത്യം )

അല്ല ഇതൊക്കെ ഞാൻ അറിഞ്ഞിട്ട് എന്തിനാ?

കാര്യമുണ്ടെന്നേ

- നിങ്ങൾ ഒരു ടീച്ചർ ആണെങ്കിൽ - പഠിപ്പിക്കുന്ന കുട്ടികളോട് അവർ ചെയ്ത effort നെ കുറിച്ച് അവർ ചെയ്ത കാര്യങ്ങളെക്കുറിച്ച് പ്രശംസിക്കുക,

കുട്ടികളിൽ കൂടുതൽ പ്രോബ്ലം സോൾഡിങ് എബഅയക്കുന്നതാണ് wth mindset ഉം ഡെവലപ്പ് ചെയ്യും.

നേരെമറിച്ച് സുന്ദരി മിടുക്കി തുടങ്ങിയ പ്രയോഗങ്ങൾ ആണെങ്കിൽ, കുറച്ചുകാലം കഴിയുമ്പോൾ അവരിൽ ആൻഗ്സൈറ്റി ഉണ്ടാവാനുള്ള സാധ്യത കൂടുതലാണ്

- Parents - അച്ഛനും അമ്മയും കുട്ടികളോട് സംസാരിക്കുമ്പോഴും ഇതുപോലെ പ്രോസസ് പ്രശംസകൾ കൊടുക്കാൻ ശ്രദ്ധിക്കുക.

- ഓഫീസിൽ - നല്ല ഒരു ലീഡർ, പ്രോസസ് പ്രശംസകൾ മാത്രമേ ഉപയോഗിക്കൂ, വ്യക്തിപരമായ, വ്യക്തി അധിഷ്ഠിതമായ പ്രശംസകൾ പൂർണ്ണമായും ഒഴിവാക്കണം

ഇവിടെ മാത്രമല്ല ഭാര്യ ഭർതൃ ബന്ധത്തിൽ, സൗഹൃദങ്ങളിൽ - എല്ലാറ്റിലും നമ്മൾ ഒരാളെ എങ്ങനെ പ്രശംസിക്കുന്നു എന്നത്, നമ്മുടെ കൂടെ ഐഡന്റിറ്റിയെ ബാധിക്കുന്ന ഒരു കാര്യമാണ്.

അടുത്ത തവണ ഒരാളെ പ്രശംസിക്കുമ്പോൾ - അയാളുടെ ചെയ്തിയെ പ്രശംസിക്കാൻ ശ്രദ്ധിക്കുക🥰

ഇതേക്കുറിച്ച് കൂടുതൽ വായിക്കാൻ താല്പര്യമുള്ളവർ കമന്റ് ചെയ്താൽ മതി - ലിങ്കുകൾ അയക്കുന്നതാണ്.

Anuroop G's Mantra

NB : പടത്തിൽ പ്രശംസ പിടിച്ചുപറ്റാൻ നാളെ എന്തെഴുതും എന്നാലോചിക്കുന്ന le ഞാൻ 😁

24/10/2024

🤯🥵 എന്നെക്കൊണ്ട് വയ്യ ഇങ്ങനെ കിടന്നു ഓടാൻ....

താമസിക്കരുത് എന്ന് മനസ്സിൽ ഉറപ്പിച്ചു കരുതി, രാവിലെ നാലുമണിക്ക് തന്നെ എഴുന്നേറ്റതാ....

എന്നാലും ഏഴ് 50 കഴിഞ്ഞാലുള്ള ഈ നെട്ടോട്ടത്തിന് ഒരു കുറവുമില്ല,

എട്ടുമണിക്ക് പിള്ളേരെ എങ്ങനെയൊക്കെയോ ആണ് സ്കൂൾ ബസ്സിൽ കയറ്റി വിട്ടത്...

കുളിച്ചു കുളിച്ചില്ല എന്ന് വരുത്തി എട്ടു പത്തിന് സ്കൂട്ടറിൽ ചാടിക്കയറി കത്തിച്ചൊരു വിടലായിരുന്നു...

എങ്ങനെയൊക്കെയോ ഓഫീസിൽ എത്തി...

എന്തൊക്കെ ടൈം മാനേജ്മെന്റ് ചെയ്താലും ഒടുക്കത്തെ അവസ്ഥ ഇതുതന്നെ...

ഇതിന്റെ പലവിധ വേർഷനുകൾ അനുഭവിക്കാത്ത ആളുകൾ കുറവായിരിക്കും..

എന്താണ് ഇവിടുത്തെ യഥാർത്ഥ പ്രശ്നം..

Critical Time Management

ചില കാര്യങ്ങൾ നമുക്ക് നേരത്തെ ചെയ്തു വയ്ക്കാൻ പറ്റില്ല, ആ സമയത്ത് മാത്രമേ ചെയ്യാൻ പറ്റൂ...

ആ സമയമാണ് ക്രിട്ടിക്കൽ സമയം...

രാവിലെ എല്ലാവരും ഓഫീസിലേക്കും സ്കൂളിലേക്കും ഒക്കെ ഇറങ്ങുന്ന സമയം.

പരീക്ഷകൾ...

ഓഫീസിലെ multi function ജോയിൻഡ് work
അങ്ങനെ പലപല ക്രിട്ടിക്കൽ ടൈമുകൾ..

പൊതുസമൂഹം മടിയന്മാർ എന്ന് വിളിക്കുന്ന സ്മാർട്ട് വർക്ക് ചെയ്യുന്ന ആളുകൾ ഇത്തരം സമയങ്ങൾ വളരെ ഈസിയായി ഹാൻഡിൽ ചെയ്യുന്നത് കാണാം.

എന്നാൽ പൊതുവേ അടുക്കും ചിട്ടയുമുള്ള മിടുക്കന്മാരായ ആളുകൾ ഇത്തരം സന്ദർഭങ്ങളിൽ ഒന്ന് പതറിപ്പോകുന്നത് കാണാം

ഇത്തരം സന്ദർഭങ്ങളെ അതിജീവിക്കാൻ ചില കുഞ്ഞു ടെക്നിക്കുകൾ പറയാം

1. Set hard deadlines and work backwards.

എട്ടുമണിക്ക് കുട്ടിയെ ബസ്സിൽ കയറ്റി വിടണം എന്നുണ്ടെങ്കിൽ 7:55 ടിഫിൻ ബോക്സ് അടക്കം എല്ലാ സാധനങ്ങളും ബാഗിൽ വച്ച് റോഡരികിൽ കുട്ടിയെ എത്തിക്കണം, അതിന് 7:40 ന് കുട്ടിയുടെ ഭക്ഷണം കഴിഞ്ഞ് ഒരുങ്ങാൻ തുടങ്ങണം 7 മണിക്ക് കുട്ടിയെ വിളിച്ച് എഴുന്നേൽപ്പിക്കണം...

പലപ്പോഴും ഇത്തരം കാര്യങ്ങൾ പകുതി പകുതി ചെയ്തു വയ്ക്കുന്ന മിടുക്കന്മാരായ ആളുകൾ അവസാനം എല്ലാത്തിനും കൂടി കിടന്ന് ബുദ്ധിമുട്ടും

2. പെർഫെക്ഷനിസം - എടുത്ത് തോട്ടിൽ കളയണം

7:55 ന് കുട്ടികളുടെ ടിഫിൻ ബോക്സിൽ ഉപ്പുമാവ് വെക്കാൻ പറ്റിയില്ലെങ്കിൽ ബിസ്ക്കറ്റ് / മുട്ട പൊരിച്ചത് വെച്ച് അഡ്ജസ്റ്റ് ചെയ്യണം

ഉദ്ദേശിച്ച കാര്യം ഉദ്ദേശിച്ച രീതിയിൽ തന്നെ നടക്കണം എന്ന് വിചാരിച്ചാൽ, ക്രിട്ടിക്കൽ സമയത്ത് കഷ്ടപ്പെടേണ്ടി വരും.

സമയത്ത് കാര്യങ്ങൾ നടക്കുകയാണ് കൃത്യമായി ചെയ്യുന്നതിനേക്കാൾ ഈ സമയത്ത് ആവശ്യം

3. തീരുമാനങ്ങൾ സ്വയം പെട്ടെന്ന് എടുക്കുക

ഇൻഡിസിസീവായി നിൽക്കുകയോ പലരോടും അഭിപ്രായം ചോദിക്കുകയോ ചെയ്യുന്നത് അനാവശ്യമായി സമയം കളയും

കുട്ടിയുടെ ബാഗിൽ വെള്ളം മറിഞ്ഞു വീണെങ്കിൽ, പുറത്തെടുത്ത് തുടച്ച് അതേ ബാഗ് കൊടുത്തു വിടണമോ, അതോ വേറെ ഒരു കവറിൽ കൊടുത്തുവിടുന്നു എന്ന് പെട്ടെന്ന് തന്നെ തീരുമാനമെടുക്കണം

ഓർക്കുക കൃത്യമായ തീരുമാനത്തെക്കാൾ സമയത്തെടുക്കുന്ന തീരുമാനമാണ് ക്രിട്ടിക്കൽ സമയങ്ങളിൽ ആവശ്യമായിട്ടുള്ളത്

4. Routine + back up plan

Pizza ഉണ്ടാക്കുന്നത് കൃത്യമായ ഒരു രീതിയിലാണ്, ഒരു കൺട്രോൾഡ് എൻവിയോൺമെന്റ് ആയതുകൊണ്ട് അതിനു വലിയ തടസ്സങ്ങൾ ഉണ്ടാവില്ല

എന്നാൽ ക്രിട്ടിക്കൽ ടൈമിൽ ഇതുപോലെത്തെ റുട്ടീനുകൾ വർക്കായി എന്ന് വരില്ല

രാവിലെ എഴുന്നേൽക്കുമ്പോൾ ടാങ്കിൽ വെള്ളമില്ല മോട്ടോർ വർക്ക് ചെയ്യുന്നില്ല..

പണി പാളിയോ...

ഇത്തരം സന്ദർഭങ്ങളിൽ ഉചിതമായ പ്ലാൻ ബി പെട്ടെന്ന് തീരുമാനമെടുത്ത് ചെയ്യണം.

( 20 ലിറ്ററിന്റെ കുടിവെള്ള വാട്ടർ ക്യാനിൽ കുട്ടികളെ കുളിപ്പിച്ച ആരെങ്കിലുമുണ്ടെങ്കിൽ ഒന്ന് കമന്റ് ചെയ്യണേ 😂)

5. Stress management

സമാധാനപ്രിയരായ ആളുകൾക്ക് ഈ സമയത്ത് ഓട്ടം താങ്ങാൻ പറ്റി എന്ന് വരില്ല

ചൂട് കുക്കറിൽ കൊണ്ട് കൈ പൊള്ളുക, അടുക്കളയിലും ബാത്റൂമിലും ഒക്കെ വഴുതിവീഴുക, മുഴുവനായി എടുത്തുവച്ച ടിഫിൻ പാത്രം തട്ടിമറിച്ചിടുക

ഇങ്ങനെ സ്വയവും മറ്റുള്ളവർക്കും ഉപദ്രവം ഉണ്ടാക്കുന്ന ചില കലാപരിപാടികൾ ഇക്കൂട്ടർ കാണിച്ചുകൊണ്ടേയിരിക്കും

മൈൻഡ് ഫുൾ പ്രാക്ടീസ് ചെയ്ത്, ക്രിട്ടിക്കൽ ടൈമിന് ഹാൻഡിൽ ചെയ്യാനുള്ള മനസ്ഥിതി ഉണ്ടാക്കിയെടുക്കുക മാത്രമേ നിവൃത്തിയുള്ളൂ

ഒഴിവാക്കാൻ പറ്റുന്ന ഒരു കാര്യമല്ല ഇത്.

6. അക്കൗണ്ടബിലിറ്റി ആൻഡ് റിവ്യൂ

ചെയ്യുന്ന കാര്യങ്ങളുടെ ഉത്തരവാദിത്വം നല്ലതാണെങ്കിലും ചീത്തയാണെങ്കിലും സ്വയം ഏറ്റെടുക്കാൻ പഠിക്കണം,

വൈകിട്ട് സമാധാനമായിരിക്കുമ്പോൾ ചെയ്ത കാര്യങ്ങളെക്കുറിച്ച് ഒന്നുകൂടി ആലോചിച്ച് അത് എങ്ങനെ നന്നാക്കാം എന്നൊന്ന് ചിന്തിക്കുക

സമയം ഒന്നൂടെ പുറകോട്ട് ഓടിച്ച്, ഒരവസരം കൂടി നിങ്ങൾക്ക് കിട്ടിയാൽ എന്ത് ചെയ്യുമായിരുന്നു എന്ന് ആലോചിക്കുക

ഒരു 10 15 ദിവസം കഴിയുമ്പോൾ, പുതിയ കുറെ നല്ല ശീലങ്ങൾ ഇതേ ക്രിട്ടിക്കൽ സമയത്ത് നിങ്ങളിൽ വരുന്നതായി കാണാൻ പറ്റും..

നേരെമറിച്ച് നമുക്കുണ്ടാകുന്ന പ്രശ്നങ്ങളും മറ്റും മറ്റുള്ളവരുടെ തലയിലിട്ട് ദേഷ്യപ്പെട്ട് ഒഴിഞ്ഞുമാറിയാൽ, ഒരിക്കലും നമുക്ക് ആ വ്യത്യാസം അനുഭവപ്പെടില്ല

പകരം ദേഷ്യപ്പെട്ട് സ്ട്രെസ്സ് അടിച്ചു നമ്മുടെ ജീവിതം പോകുന്നത് മാത്രമായിരിക്കും ബാക്കി

ഇത്തരം ക്രിട്ടിക്കൽ സമയങ്ങളിൽ ജീവിതപങ്കാളി നിങ്ങളെ സഹായിക്കാറുണ്ടോ?

അതോ സഹായിക്കാൻ വന്ന് ഉപദ്രവിക്കാനാണോ പതിവ്? 🥰

Anuroop G's Mantra

NB : പടത്തിൽ രണ്ട് ചിക്കൻ കാലുകൾ ആണെന്ന് തോന്നുന്നു.. 😁

22/10/2024

😳 മിണ്ടാതിരി.... ഒന്ന് സ്വൈര്യം തരുമോ?

ജോലി ചെയ്ത് വിഷമിച്ചു വൈകിട്ട് വീട്ടിൽ വന്നു കഴിയുമ്പോൾ, ഒരിക്കലെങ്കിലും കുട്ടികളോട് / ജീവിതപങ്കാളിയോട് ഇങ്ങനെ പറയാത്തവർ കുറവായിരിക്കും...

മിക്കവാറും അവസരങ്ങളിൽ അവർ ഒരു തെറ്റും ചെയ്തു കാണില്ല.

ജോലിയിലെ ടെൻഷൻ, പ്രഷർ ഇതൊക്കെയാണ് നമ്മളെക്കൊണ്ട് പറയിപ്പിക്കുന്നത്.

വർക്ക്-ലൈഫ് ബാലൻസിനെ കുറിച്ച് വലിയ ചർച്ച നടക്കുന്ന കാലമാണല്ലോ..

ആദ്യമായി പറയട്ടെ അങ്ങനെ ഒരു ബാലൻസ് ഇല്ല...

അങ്ങനെ ബാലൻസ് ചെയ്യാൻ പറ്റുകയുമില്ല..

വീട്ടിൽ നിന്ന് ഇറങ്ങുമ്പോൾ ജീവിതം മറക്കണം,
ഓഫീസിൽ നിന്ന് ഇറങ്ങുമ്പോൾ ജോലിയും മറക്കണം, പറയാൻ വളരെ എളുപ്പമാണ് പക്ഷേ ഒരിക്കലും നടക്കില്ല.....

ജോലിയിലെ കുറെ കാര്യങ്ങൾ നമ്മുടെ ജീവിതത്തെ ബാധിക്കും..... തീർച്ചയായും ബാധിക്കും......

ജീവിതത്തിലെ കുറെ കാര്യങ്ങൾ നമ്മുടെ ജോലിയേയും ബാധിക്കും... തീർച്ചയായും ബാധിക്കും....

ഇതിൽ ഏതെങ്കിലും ഒരു തട്ട് താണ് തന്നെ ഇരിക്കും....

വീട്ടിലെ പ്രശ്നങ്ങൾ കാരണം ജോലിയിൽ ശ്രദ്ധിക്കാൻ പറ്റാതിരിക്കുക, ജോലിയിലെ പ്രശ്നങ്ങൾ കാരണം വീട്ടിൽ ശ്രദ്ധിക്കാൻ പറ്റാതിരിക്കുക...

അത് പിറ്റേദിവസം ജോലിയെ കൂടുതൽ ബാധിക്കും, അന്ന് വൈകിട്ട് ജീവിതത്തെയും അത് കൂടുതൽ ബാധിക്കും..

അങ്ങനെ കൂടി കൂടി പോകും ( Vicious Cycle )

ഇത് രണ്ടുമാലോചിച്ച് കൂട്ടി, സ്വന്തം സ്വസ്ഥത,സമാധാനം, ആരോഗ്യം ഒക്കെ പോകുന്ന കാര്യം വേറെ...

അപ്പൊ എന്താ ഒരു പരിഹാരം? ( കൂടുതൽ വായിക്കാൻ താല്പര്യമില്ലാത്തവർക്ക് ഏറ്റവും താഴെ ബുള്ളറ്റ് പോയിന്റ് ആയി കൊടുത്തിട്ടുണ്ട് )

ജീവിതവും ജോലിയും കൂടി കുഴഞ്ഞ് മാത്രമേ കിടക്കൂ എന്ന് ആദ്യം മനസ്സിലാക്കുക..അംഗീകരിക്കുക...

അതിരുകെട്ടി തിരിക്കാൻ പറ്റുന്ന രണ്ട് കാര്യങ്ങളല്ല - ഇവ

ചില സമയങ്ങളിൽ ജോലിക്ക് കൂടുതൽ പ്രാധാന്യം നൽകണം

അപ്പോൾ ജീവിതത്തിന് വിട്ടുവീഴ്ച ചെയ്യേണ്ടി വരും - മറിച്ചും

Right Prioritising സമയാനുസരണം ചെയ്യേണ്ടത് അത്യാവശ്യമാണ്.

അതിൽ ചില ആഘാതങ്ങൾ / നഷ്ടങ്ങൾ ഉണ്ടായാൽ പോലും, സാരമില്ല എന്ന് വയ്ക്കണം.

Right Prioritising ചെയ്യാൻ നമ്മുടെ വ്യക്തമായ താല്പര്യങ്ങൾ എന്താണെന്ന് ആദ്യം മനസ്സിലാക്കണം, ( Self Awareness)

ഓർക്കുക ഇത് എപ്പോഴും ഒരേ പോലെ ആയിരിക്കണം എന്നില്ല. സമയാസമയം താൽപര്യങ്ങൾ മാറി വരാം ( Timely updation)

സമയം എല്ലാവർക്കും ഒരുപോലെ കിട്ടും, പക്ഷേ ഉപയോഗിക്കുന്നത് പലരീതിയിൽ ആയിരിക്കും, Time management ആണ് അടുത്ത പടി.

Time management ന് ഏറ്റവും അത്യാവശ്യമായ ഒരു കാര്യമാണ് പ്രോഡക്ടിവിറ്റി, പ്രൊഡക്ടിവിറ്റി നന്നാക്കണമെങ്കിൽ Self Care വേണം

അവനവനെ തന്നെ ഹോമിച്ച്, അവനവൻ തന്നെ കത്തിയെരിഞ്ഞ്, മറ്റുള്ളവർക്ക് ചൂടും പ്രകാശവും നൽകുന്നത് കഥകളിൽ കേൾക്കാൻ രസമാണ്, പക്ഷേ പ്രായോഗിക ജീവിതത്തിൽ ചെയ്യാൻ പാടില്ല.

സ്വന്തം ശാരീരികവും മാനസികവുമായ ആരോഗ്യവും ഉത്സാഹവും നിലനിർത്തിയാൽ മാത്രമേ, മറ്റുള്ളവർക്ക് കൂടുതൽ പ്രയോജനം ചെയ്യാൻ കഴിയൂ

( Wear your mask before assisting others)

ജോലിക്ക് വളരെ കൂടുതൽ പ്രാധാന്യം കൊടുത്താൽ ജീവിതം കൈവിട്ടു പോകും - മറിച്ചും

അമിത പ്രാധാന്യം അതുകൊണ്ട് രണ്ടിനും കൊടുക്കാതിരിക്കുക...

പക്ഷേ എല്ലാവർക്കും ഏതെങ്കിലും ഒന്നിലേക്ക് ഒരല്പം അമിത ചായ്‌വ് ഉണ്ടാകുന്നത് സ്വാഭാവികമാണ്

അതിനനുസരിച്ചുള്ള ലിമിറ്റ്സ് സെറ്റ് ചെയ്തു വയ്ക്കണം - ഓർക്കുക സമയാനുസരണം ഇതും മാറുന്നതാണ്..

ഇന്നത്തെ ശരി നാളത്തെ ശരി ആവണമെന്നില്ല.

ഈ ലിമിറ്റ് അനുസരിച്ചിട്ട്, പറ്റാവുന്ന രീതിയിൽ ഒരു Routine സെറ്റ് ചെയ്യുന്നതാണ് അടുത്ത പടി, അച്ചടക്കത്തോടെ കാര്യങ്ങൾ ചെയ്യുന്നത്, issue overlapping നല്ലൊരു പരിധിവരെ കുറയ്ക്കാൻ സഹായിക്കും

( Most Disciplined Perfoms better than Most Skilled )

ചെയ്യുന്ന കാര്യങ്ങളിൽ ശ്രദ്ധ കൊടുക്കുന്ന മൈൻഡ് ഫുൾനെസ് പ്രാക്ടീസ് ചെയ്യാനും ഇത് സഹായിക്കും.

ചിരിച്ചുകൊണ്ട് ആരെയും വെറുപ്പിക്കാതെ പറ്റില്ല എന്ന് പറയാനുള്ള കഴിവാണ് അടുത്തതായി വേണ്ടത്, ദേഷ്യത്തോടെയും ആരെയെങ്കിലും വെറുപ്പിച്ചും പറ്റില്ല എന്ന് പറയാൻ എല്ലാവർക്കും പറ്റും, അത് ഒഴിവാക്കണം.

( say NO with a Smile)

അനാവശ്യമായി നമ്മളിലേക്ക് വരുന്ന കുറെ കാര്യങ്ങൾ ഇതുവഴി ഒഴിവാക്കാൻ പറ്റും, ജീവിതത്തിലായാലും ജോലിയിലായാലും.

ഇനി ഒഴിവാക്കാൻ പറ്റാത്ത കുറെയധികം കാര്യങ്ങൾ നമ്മുടെ തലയിൽ വന്നു പെട്ടാലോ?

Delegate / Outsource ആണ് അതിൽ നിന്നുള്ള ഒരു രക്ഷാമാർഗ്ഗം. ജോലി കാര്യത്തിൽ ഇത് മിക്കവർക്കും അറിയാമായിരിക്കും, എന്നാൽ ജീവിതത്തിലും ഇത് ചെയ്യാം

" ചേട്ടായി വന്നിട്ട് ചെയ്യാം എന്ന് വിചാരിച്ചു " എന്നത്, അപ്രധാന കാര്യങ്ങളിൽ വരുന്നത് വലിയ തലവേദനയാകും. Delegate & Empower

ഇപ്പോൾ സൊമാറ്റോയും സ്വിഗ്ഗിയും വന്നതോടുകൂടി ഭക്ഷണക്കാര്യത്തിലെ ഔട്ട് സോഴ്സിംഗ് മിക്കവാറും എല്ലാവരും തന്നെ ചെയ്യുന്നുണ്ടാകുമല്ലോ?

സമയമില്ലായ്മ മാത്രമല്ല ഇവിടുത്തെ കാര്യം

ഒരേ ഭക്ഷണം കഴിക്കുമ്പോൾ ഉണ്ടാകുന്ന മടുപ്പ് കൂടിയാണ്.

ജോലിയിലും ജീവിതത്തിലും ഇതും സംഭവിക്കാം

അതുകൊണ്ട് ഏറ്റവും അവസാനത്തെ കാര്യം - Unplug

സ്ഥിരം ശൈലിയിൽ നിന്ന് ഇടയ്ക്ക് ഒന്ന് വിട്ടു പിടിക്കുന്നത് നല്ലതാണ് - ഒരു ചെറിയ യാത്ര, പഴയ കൂട്ടുകാരുടെ കൂടെ ഒരു ഒത്തുചേരൽ, ഇനി എന്നെപ്പോലത്തെ കടുത്ത ഇൻട്രോവേർട്ടുകൾ ആണെങ്കിൽ, ഒന്നും ചെയ്യാതെ ഏതെങ്കിലും പാറപ്പുറത്തോ,തോട്ട് വക്കത്തോ ഒക്കെ പോയി ഒരു ദിവസം മുഴുവൻ വെറുതെ ഉച്ചത്തിൽ കവിതകൾ ചൊല്ലി ഇരിക്കൽ

അങ്ങനെ ഏതുമാകാം.

ഇതിൽ ചില കാര്യങ്ങൾ നമ്മൾ ഉദ്ദേശിച്ച പോലെ നടന്നില്ല എന്ന് വരാം - ഒന്നും നോക്കണ്ട, Let Go...

വിട്ടുകളയണം ഹേ....

But the show must go on... അവിടെത്തന്നെ അങ്ങനെ നിന്നു പോകരുത്.

ഒന്നേന്നു പിന്നേം തുടങ്ങണം...

നമ്മുടെ മാറിയ പ്രയോറിറ്റികൾ എന്തൊക്കെയാണ് എന്ന് വീണ്ടും ചിന്തിക്കുക.. അതേ ചക്രത്തിൽ കാര്യങ്ങൾ തുടർന്നുകൊണ്ടേയിരിക്കുക..

ഇതൊക്കെ നമുക്ക് ഒറ്റയ്ക്ക് ചെയ്യാൻ സാധിക്കുമോ?

പറ്റുന്നില്ലെങ്കിൽ ഒരു നല്ല കോച്ചിന്റെ സഹായം തേടണം.

(കാശും വാങ്ങി പറ്റിച്ച് നിങ്ങളെ തെറി വിളിക്കുന്ന കോച്ച് എന്നല്ല ഉദ്ദേശിച്ചത് എന്ന് വ്യക്തമാക്കുന്നു, 😁)

വളരെ ദീർഘമായ ഒരു എഴുത്തായതുകൊണ്ട് ഇപ്പോഴത്തേയ്ക്ക് നിർത്തുന്നു.

കൂടുതൽ അറിയാൻ താല്പര്യമുണ്ടെങ്കിൽ കമന്റുക. - വരും ദിവസങ്ങളിൽ ഓരോന്നായി എഴുതാം.

Anuroop Gopalakrishna Bhakthan ❤️

NB : ദീർഘമായി വായിക്കാൻ താല്പര്യമില്ലാതെ താഴേക്ക് വന്നവർക്ക് - Cyclic approach to work life happiness - ( പലയിടത്തുനിന്നും കടം വാങ്ങിച്ചും കടമെടുത്തും ഒന്ന് രണ്ടെണ്ണം ഞാൻ സ്വന്തമായി ഉണ്ടാക്കിയും വാർത്തെടുത്തത് )

1. Self Awareness
2. Timely updation of self awareness
3. Right priority's - as per situation
4. Critical time management
5. Self care
6 Productivity
7. Setting the limit according to the situation
8. Routine
9. Mindfulness
10. Say No with a smile
12. Empowered delegation / Outsourcing
13. Unplug - from Life, From Work
14. Let Go

Anuroop G's Mantra

01/06/2025

10/05/2025

01/05/2025

24/11/2024

28/10/2024

27/10/2024

26/10/2024

25/10/2024

24/10/2024

22/10/2024

Address

Opening Hours

Telephone

Website

Alerts

Contact The Business

Shortcuts

Share

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	9am - 5pm
Sunday	9am - 5pm