BJP Dholka

30/10/2026

29/10/2026

29/10/2026

કર્મઠ અને પ્રજાવત્સલ વ્યક્તિત્વ, પૂર્વ કેન્દ્રીય સંચાર રાજ્ય મંત્રી તથા ખેડા લોકસભાના લોકપ્રિય સાંસદ માનનીય શ્રી દેવુસિંહ ચૌહાણજીને જન્મદિવસની હૃદયપૂર્વક શુભકામનાઓ. 💐

પ્રભુજીના ચરણોમાં આપશ્રીના ઉત્તમ સ્વાસ્થ્ય, દીર્ઘાયુષ્ય અને સતત લોકસેવા માટે શક્તિ અર્પે તેવી પ્રાર્થના.

Devusinh Chauhan

25/10/2026

📻 મન કી બાત – આપણા મોદી સાહેબની હૃદયસ્પર્શી અને પ્રેરણાત્મક વાત

ધોળકા તાલુકાના સીમેજ ગામે બુથ નં. 170 ખાતે ભારતીય જનતા પાર્ટીના કાર્યકર્તાઓ અને ગામના આગેવાનો સાથે દેશના યશસ્વી પ્રધાનમંત્રી શ્રી નરેન્દ્રભાઈ મોદી સાહેબના ‘મન કી બાત’ના 139મા એપિસોડનું સામૂહિક શ્રવણ કર્યું.

આજના ‘મન કી બાત’ કાર્યક્રમમાં આદરણીય વડાપ્રધાનશ્રીએ કાર્યક્રમની 12 વર્ષની પ્રેરણાદાયી સફરને યાદ કરતાં દેશના સામાન્ય નાગરિકોના પરિશ્રમ, સમર્પણ, સેવાભાવ અને રાષ્ટ્રનિર્માણમાં તેમના અમૂલ્ય યોગદાનને બિરદાવ્યું.

🔹 વોકલ ફોર લોકલનો સંકલ્પ: દિવાળીના પાવન પર્વ નિમિત્તે સ્વદેશી ઉત્પાદનોને પ્રાધાન્ય આપવા અને સ્થાનિક કારીગરો, વેપારીઓ તથા ઉદ્યોગોને પ્રોત્સાહન આપવા અપીલ કરી.

🔹 જનભાગીદારીથી રાષ્ટ્રનિર્માણ: સમાજ અને દેશ માટે નિઃસ્વાર્થભાવે કાર્ય કરતા સામાન્ય નાગરિકોની પ્રેરણાદાયી ગાથાઓને લોકો સમક્ષ રજૂ કરી.

🔹 સ્વચ્છતા અને પર્યાવરણ સંરક્ષણ: તહેવારોના સમયમાં સ્વચ્છતા જાળવવા તથા નદીઓ અને કુદરતી સંસાધનોના સંરક્ષણ માટે સામૂહિક જવાબદારીનું મહત્ત્વ સમજાવ્યું.

માનનીય વડાપ્રધાન શ્રી નરેન્દ્રભાઈ મોદી સાહેબના પ્રેરક વિચારો આપણને સ્થાનિક ઉત્પાદનોને પ્રોત્સાહન આપવા, સમાજસેવામાં સહભાગી બનવા અને વિકસિત ભારતના સંકલ્પને સાકાર કરવા માટે નવી ઊર્જા અને પ્રેરણા આપે છે.

આવો, સૌ સાથે મળીને ‘વોકલ ફોર લોકલ’ અપનાવીએ અને આત્મનિર્ભર, સમૃદ્ધ તથા વિકસિત ભારતના નિર્માણમાં સહભાગી બનીએ.

આ કાર્યક્રમમાં તાલુકા પંચાયત સદસ્ય શ્રી બહાદુરસિંહ દાયમા, શ્રી વનરાજસિંહ દાયમા, શ્રી ચંદનસિંહ દાયમા, ગામના આગેવાનો અને કાર્યકર્તાઓ હાજર રહ્યાં.

24/10/2026

"🏥 આંબલીયારા ગામે નવનિર્મિત પ્રાથમિક આરોગ્ય કેન્દ્રનું લોકાર્પણ - ધોળકા વિધાનસભા વિસ્તારમાં કુલ ₹ 2.58 કરોડના આરોગ્યલક્ષી વિકાસકાર્યોનું લોકાર્પણ"

ધોળકા તાલુકાના આંબલીયારા ગામે આરોગ્ય અને પરિવાર કલ્યાણ વિભાગ, ગુજરાત સરકાર દ્વારા ₹1.68 કરોડના ખર્ચે નવનિર્મિત પ્રાથમિક આરોગ્ય કેન્દ્ર (PHC)ના માનનીય મુખ્યમંત્રી શ્રી ભુપેન્દ્રભાઈ પટેલ સાહેબની વર્ચ્યુઅલ ઉપસ્થિતિમાં લોકાર્પણ કરી આ આરોગ્ય સુવિધા વિસ્તારના નાગરિકોને સમર્પિત કરવામાં આવી.

માનનીય વડાપ્રધાન શ્રી નરેન્દ્રભાઈ મોદી સાહેબના મજબૂત નેતૃત્વમાં નાગરિકોને ગુણવત્તાયુક્ત અને સુલભ આરોગ્ય સેવાઓ મળી રહે તે માટે કેન્દ્ર તથા રાજ્ય સરકાર દ્વારા સતત પ્રશંસનીય કામગીરી કરવામાં આવી રહી છે. માનનીય મુખ્યમંત્રી શ્રી ભૂપેન્દ્રભાઈ પટેલ સાહેબ દ્વારા આજે ઇન્સ્ટિટ્યૂટ ઓફ ન્યુરોસાયન્સ એન્ડ રિસર્ચ સેન્ટરનું ભૂમિપૂજન તેમજ રાજ્યમાં ₹124.40 કરોડનાં વિવિધ આરોગ્યલક્ષી વિકાસકાર્યોનું ઇ-ખાતમુહૂર્ત અને ₹164.18 કરોડનાં વિકાસકાર્યોનું ઇ-લોકાર્પણ કરવામાં આવ્યું છે.

આ સાથે આપણા ધોળકા વિધાનસભા વિસ્તારમાં ગુંદી અને સરગવાળા ગામે પણ અનુક્રમે ₹45-₹45 લાખના ખર્ચે નવનિર્મિત પ્રાથમિક આરોગ્ય કેન્દ્રોનું લોકાર્પણ કરવામાં આવ્યું છે. આમ, ધોળકા વિધાનસભા વિસ્તારમાં કુલ ₹2.58 કરોડનાં આરોગ્યલક્ષી વિકાસકાર્યો લોકાર્પિત થતાં ગ્રામ્ય વિસ્તારની આરોગ્ય સુવિધાઓ વધુ મજબૂત બનશે અને નાગરિકોને સ્થાનિક સ્તરે આરોગ્ય સેવાઓનો લાભ મળશે.

આ મહત્ત્વપૂર્ણ આરોગ્યલક્ષી ભેટ બદલ માનનીય વડાપ્રધાનશ્રી નરેન્દ્રભાઈ મોદી સાહેબના માર્ગદર્શન હેઠળ કાર્યરત કેન્દ્ર સરકાર, માનનીય મુખ્યમંત્રી શ્રી ભૂપેન્દ્રભાઈ પટેલ સાહેબ, માનનીય આરોગ્યમંત્રીશ્રી તથા આરોગ્ય અને પરિવાર કલ્યાણ વિભાગ, ગુજરાત સરકારનો ધોળકા વિધાનસભા વિસ્તારના નાગરિકો વતી હૃદયપૂર્વક આભાર વ્યક્ત કરું છું.

આ પ્રસંગે ધોળકા તાલુકા પંચાયત પ્રમુખ શ્રી દશરથભાઈ મકવાણા, તાલુકા ભાજપ પ્રમુખ શ્રી વિષ્ણુભાઈ પરમાર, મહામંત્રી શ્રી હિતેન્દ્રસિંહ વાઘેલા, જિલ્લા મેલેરિયા અધિકારી શ્રી નરેન્દ્રસિંહ રાઠોડ, તાલુકા આરોગ્ય અધિકારી શ્રી ડૉ. રાકેશભાઈ મહેતા, તાલુકો તથા જિલ્લા પંચાયતના સદસ્યશ્રીઓ, ગામના સરપંચ શ્રી ભરતસિંહ વાઘેલા, શ્રી જયેન્દ્રસિંહ વાઘેલા, આરોગ્ય વિભાગની ટીમ, દરેક સમાજના આગેવાનો તથા ગ્રામજનો ઉપસ્થિત રહ્યા.

23/10/2026

ધોળકા તાલુકા સેવા સદન ખાતે શ્રી સ્વામિનારાયણ મંદિરના મોરલીમનોહરદેવ શ્રી હરિકૃષ્ણ મહારાજના ૨૦૦ વર્ષ નિમિત્તે આયોજિત દ્વિશતાબ્દી મહોત્સવ તથા ગુજરાતમાં પ્રસિદ્ધ એવા આપણા વૌઠાના મેળાના સુવ્યવસ્થિત આયોજન સંદર્ભે યોજાયેલી બેઠકમાં હાજરી આપી.

આ બેઠકમાં દ્વિશતાબ્દી મહોત્સવના સ્થળે રસ્તા, સફાઈ, ગટર અને પાણીના નિકાલ, વીજ વ્યવસ્થા તથા દબાણ દૂર કરવા સહિતની સુવિધાઓ તેમજ વૌઠા મેળામાં કાયદો-વ્યવસ્થા, આરોગ્ય, પીવાના પાણીનું ક્લોરિનેશન, સ્વચ્છતા, ટ્રાફિક અને વાહનવ્યવસ્થા, એસ.ટી. બસ સેવા, ફાયર સેફ્ટી, આપત્તિ વ્યવસ્થાપન, કંટ્રોલ રૂમ, હેલ્પ ડેસ્ક અને સાંસ્કૃતિક કાર્યક્રમો સહિતની વ્યવસ્થાઓ અંગે સંબંધિત અધિકારીઓ સાથે ચર્ચા કરી જરૂરી દિશાનિર્દેશો આપ્યા.

બંને ધાર્મિક અને સાંસ્કૃતિક આયોજનો સુવ્યવસ્થિત, સુરક્ષિત અને સુવિધાસભર રીતે સંપન્ન થાય તે માટે વહીવટી તંત્ર સાથે સંકલન સાધી જરૂરી કામગીરી સુનિશ્ચિત કરવા પર ભાર મૂક્યો.

આ બેઠકમાં ધોળકા પ્રાંત અધિકારીશ્રી, મામલતદારશ્રી, ચીફ ઓફિસરશ્રી, નગરપાલિકા પ્રમુખશ્રી, વૌઠા ગામના ડેપ્યુટી સરપંચશ્રી, ગામના આગેવાનો, સ્વામિનારાયણ મંદિરના પ્રતિનિધિઓ, તાલુકા પંચાયત પ્રમુખશ્રી તથા તમામ વિભાગના અધિકારીશ્રીઓ હાજર રહ્યા.