16/05/2026
வணக்கம் நண்பர்களே! 🏡✨
வீடு கட்ட பிளான் பண்ணும்போதே நம்ம எல்லாருக்கும் வர்ற முதல் குழப்பம் — "பேஸ்மென்ட்-கு செங்கல் (Red Bricks) பயன்படுத்தலாமா? இல்ல ஃப்ளை ஆஷ் சாம்பல் செங்கல் (Fly Ash Bricks) பயன்படுத்தலாமா?" என்பதுதான்.
உண்மை என்ன தெரியுமா? பாரம்பரிய சிவப்பு செங்கற்களை விட, தற்கால தொழில்நுட்பத்தில் தயாராகும் ஃப்ளை ஆஷ் கற்கள் தான் இப்போதைய பெஸ்ட் சாய்ஸ்! ஏன் செங்கலை விட ஃப்ளை ஆஷ் கற்களை நாம் அதிகம் பரிந்துரைக்கிறோம் என்பதற்கான காரணங்கள் இதோ:
1. சிவப்பு செங்கற்கள் கைகளால் செய்யப்படுவதால் சில கற்கள் பலமாகவும், சில பலவீனமாகவும் இருக்கும். ஆனால், ஃப்ளை ஆஷ் கற்கள் மெஷின் மூலம் அதிக அழுத்தத்தில் செய்யப்படுவதால், எல்லா கற்களுமே சமமான, மிக அதிக எடையைத் தாங்கும் பலத்தைக் (High Compressive Strength) கொண்டிருக்கும்.
2. ஃப்ளை ஆஷ் கற்கள் அச்சு பிசகாமல் ஒரே சீரான செவ்வக வடிவத்தில், கூர்மையான மூலைகளுடன் இருக்கும். இதனால் சுவர் கட்டும்போது சிமெண்ட் சாந்து (Mortar) மிகக் குறைவாகவே பிடிக்கும். சுவர் நேராக இருப்பதால், பூச்சு வேலைக்கும் (Plastering) சிமெண்ட் செலவு பெருமளவு மிச்சமாகும்!
3.செங்கல் தண்ணீரை அதிகளவு உறிஞ்சும் தன்மை கொண்டது (சுமார் 20%). ஆனால் ஃப்ளை ஆஷ் கற்கள் மிகக் குறைந்த அளவே (10%-க்கும் கீழ்) தண்ணீரை உறிஞ்சும். இதனால் பேஸ்மெண்ட் மற்றும் செப்டிக் டேங்க் போன்ற ஈரப்பதம் அதிகம் உள்ள இடங்களில் கூட சுவர்களில் பூஞ்சை காளான் பூப்பது, உப்பசம் அல்லது உப்புக்கறை (Efflorescence) ஏற்படுவது முற்றிலும் தடுக்கப்படும்.
4. செங்கல் தயாரிக்க விளைநிலத்து களிமண் அழிக்கப்பட்டு, சூளையில் சுடப்படுகிறது. ஆனால் ஃப்ளை ஆஷ் என்பது அனல் மின் நிலைய சாம்பல் மற்றும் சிமெண்ட் கொண்டு இயற்கையை பாதிக்காமல் செய்யப்படுகிறது. விலையும் சிவப்பு செங்கலை விடக் குறைவு என்பதால் பட்ஜெட்டுக்கு மிகவும் ஏற்றது!
ஃப்ளை ஆஷ் கற்கள் வாங்கும் போது, அது குறைந்தது 14 முதல் 21 நாட்கள் நல்லா தண்ணி ஊற்றி பதப்படுத்தப்பட்டிருக்கா (Well Cured) அப்படின்னு உறுதி பண்ணிக்கோங்க.
லோடு இறக்கும்போதே ஒரு கல்லை எடுத்து சுமார் 4 அடி உயரத்துல இருந்து கீழே போடுங்க. கல் உடையாமல் அப்படியே இருந்தால் மட்டுமே அது தரமானது. இரண்டு கற்களை தட்டும்போது மெட்டாலிக் சவுண்ட் வர வேண்டும்.
இப்போ நம்ம உளுந்தூர்பேட்டை மார்க்கெட்ல ஒரு தரமான ஃப்ளை ஆஷ் கல்லோட விலை ₹7-க்கு விக்கிறாங்க.
உங்க ஊர்ல இந்த ஃப்ளை ஆஷ் செங்கல் என்ன விலைக்கு விக்கிறாங்க? உங்க ஏரியா ரேட்டை கீழே கமெண்ட்ல சொல்லுங்க, மத்தவங்களுக்கும் பயனுள்ளதா இருக்கும்!
இந்தத் தகவல் உங்களுக்குப் பிடிச்சிருந்தா, வீடு கட்டப் போற உங்க நண்பர்களுக்கும், சொந்தக்காரங்களுக்கும் கண்டிப்பா ஷேர் பண்ணுங்க!
பொறியாளர். ஆனந்த் M.Tech.,
சிவில் இன்ஜினியர்
ஆனந்த் கன்ஸ்ட்ரக்ஷன்ஸ், உளுந்தூர்பேட்டை.
📞 தொடர்புக்கு: 9080150280
