17/09/2021
النومة عالسطح 😍❤
من زمان كانت النومة ع سطح البيت سعادة يشعر بها معظم الناس .. بس كان إلها طقوس وشغل
تبلش القصة بين العصر والمغرب هين ببلش شطف الأسطوح
والمتعة وانت تشطف السطح ريحة الأرض والبلوك ريحة مميزة ويضل الواحد يرش بهالمي .... بعدين يبلش حفلة نقل عفش البيت من الغرف لفوق والكل سعيد والتلفزيون وكاسات المتة و الشاي والقهوة و الموالح ونص عدة المطبخ وبتبلش السهرة
الكل مبسوط . ونحكي قصص رعب قبل النوم طبعا كنا نحكي كتير مع بعض لانو ماكان في انترنت و جوالات.... ونضحك من قلبنا مو عالفيس ههههههه
المهم طبعا كل واحد بينعس ينام.....
أول منبه يصحيك .. الدبان، المهم يصير كل واحد يسحب غطاه وينزل لتحت مشان يكمل النومة وهون ييجي صوت ناعم قومو نزلو العفش من فوق يا............ الشمس حميت.....
وببلش حملة إعادة الي طلع بالليل إلى مكانه.....
رغم التعب بس نرجع بنستنى الليل لقضاء سهرة ثانية
شكرا لكل من استرسل مع الكلمات واستحضر الذكريات كأنها حلم وانقضى .ليته يعود بدون ظلم وبدون قهر وتعمر البيوت والأساطيح بأهلها
مين عاش هي الأيام ❤
