زانیاری ڕۆژ

زانیاری ڕۆژ ئامانجمان گەیاندنی ڕاستی و زانیارییە بە هەموو شوێنێک. تکایە پەیجەکە فۆڵۆ بکەن و هاوبەشمان بن بۆ وەرگرتنی هەواڵ و نوێکارییەکان

بەخێربێیت بۆ پەیجی زانیاری ڕۆژ 🌟
ئامانجمان خزمەتکردنی کۆمەڵگەیە, لە ڕێگەی پێشکەشکردنی زانیاریی ڕاست و خێرا و جوانترین دیمەنە سروشتییەکان و هەواڵی ڕۆژانە لەگەڵ بابەتی ئاینی و قورئان.

لەگەڵمان بمێنە بۆ نوێترین و گرنگترین هەواڵ و زانیارییەکان ❤

ئەو خاتونە 4,000,000,000$ چوار ملیار دۆلاری دزیوە (دەستی خۆش بێت) و FBI زیاتر لە 10 ساڵە لە دوای دەگەڕێت، کە تاقە داواکر...
25/08/2026

ئەو خاتونە 4,000,000,000$ چوار ملیار دۆلاری دزیوە (دەستی خۆش بێت) و FBI زیاتر لە 10 ساڵە لە دوای دەگەڕێت، کە تاقە داواکراوی ئافرەتە لە لیستەکە!

ڕوژا ئیگناتۆڤ، بە شاژنی کریپتۆ ناسراوە، کۆینێکی دروست کرد بە ناوی OneCoin, ڕێکلامی بۆ کرد و لە ناکاو هەموو پارەکەی دزی، گەورەترین دزیە کە بە سکام ئەنجام درابێت!

دوای ئەوەی بۆی دەرکەوت مێردەکەی دەستی لەگەڵ FBI تێکەڵ کردووە، چوە یۆنان و بزر بوو وەک ئەوەی بڵێی چوە بە ناخی زەویدا!

ئەم وێنەیە تەنها وێنەیەک نییە، بەڵگەیەکی زیندووی ترسناکی جەنگ و گەورەیی خۆشەویستی برایەتییە.لە تشرینی یەکەمی ساڵی 1945 د...
25/08/2026

ئەم وێنەیە تەنها وێنەیەک نییە، بەڵگەیەکی زیندووی ترسناکی جەنگ و گەورەیی خۆشەویستی برایەتییە.
لە تشرینی یەکەمی ساڵی 1945 دوای دوو مانگ لە تەقاندنەوەی بۆمبی ئەتۆمی بەسەر شاری ناگاساکی لە ژاپۆن، وێنەگرێکی ئەمریکی بە ناوی جوو ئۆدۆنێل ئەم وێنەیەی گرت.

لە وێنەکەدا کوڕێکی دە ساڵان بە پێی پەتییەوە وەستاوە و برا بچووکە مردووەکەی لەسەر پشتی بەستووە و چاوەڕێی نۆرەی خۆی دەکات بۆ سووتاندنی تەرمەکەی

وێنەگرەکە خۆی دەڵێت کوڕێکم بینی دێت منداڵێکی لەسەر پشت بوو لەو سەردەمەدا زۆرمان دەبینی منداڵ براکەی هەڵدەگرت، بەڵام ئەمە جیاواز بوو دیار بوو بۆ کارێکی زۆر جدی هاتووە. پێڵاوی لە پێدا نەبوو، دەموچاوی ڕەق بوو، سەری منداڵە بچووکەکە بەلاوە کەوتبوو وەک ئەوەی خەوتووبێت. پێنج بۆ دە خولەک وەستا. پیاوە سپی پۆشەکان هاتن و منداڵە مردووەکەیان لە پشتی کردەوە و خستیانە سەر ئاگرەکە. کوڕەکە هەر وەستابوو، سەیری گڕەکەی دەکرد و لێوی خوارەوەی بە توندی دەگەست تا خوێنی لێهات بۆ ئەوەی نەگری، ئینجا بە بێدەنگی سووڕایەوە و ڕۆیشت

تا ئەمڕۆش نازانرێت ئەو کوڕە کێ بوو و چی بەسەرهات. ئەم وێنەیە بووەتە سیمبولی دڕندەیی چەکی ئەتۆمی و هەروەها شکۆی خۆشەویستی برا. ئەو کوڕە بچووکە تەنانەت لە ترسناکترین ساتیشدا دەستبەرداری برایەتی نەبوو

سەلمان خان :من سوپاسی خوای گەورە دەکەم لەنێوان سەدان ئاینی هیندستان ئاینی ئیسلامی بەمن بەخشی
24/08/2026

سەلمان خان :من سوپاسی خوای گەورە دەکەم لەنێوان سەدان ئاینی هیندستان ئاینی ئیسلامی بەمن بەخشی

لە ساڵی ٢٠٠٢ کوڕێکی ١٩ ساڵان بە ناوی مایکڵ کارۆڵ، کە کاری کۆکردنەوەی خاشاکی دەکرد و بازنەیەکی چاودێری لە قاچیدا بوو، بە ...
22/08/2026

لە ساڵی ٢٠٠٢ کوڕێکی ١٩ ساڵان بە ناوی مایکڵ کارۆڵ، کە کاری کۆکردنەوەی خاشاکی دەکرد و بازنەیەکی چاودێری لە قاچیدا بوو، بە بلیتێکی ١ پاوەندی بووە خاوەنی ٩.٧ ملیۆن پاوەند.

ڕۆژنامەکان نازناوی Lotto Loutیان لێنا. سەرەتا دەیویست تەنها خانوویەکی بچووک لە نزیک دەریاچەیەک بکڕێت، بەڵام دواتر ١ ملیۆنی بە دایکی و خوشکی و پورەکەی بەخشی و دەستی کرد بە کڕینی کۆشک و ئۆتۆمبێل و ئاهەنگی بێکۆتا. کێشە یاساییەکانیشی زۆر بوون و لە ٢٠٠٦ بۆ ماوەی ٩ مانگ زیندانی کرا، تا ئەوەی لە ٢٠١٠دا هەموو پارەکەی تەواو بوو و گەڕایەوە سەر هەمان ئیشی جاران و وتی پەشیمان نییە.

ئەمڕۆ لە ناوچە ساردەکانی Moray لە سکۆتلەندا وەک کرێکاری گەیاندنی خەڵوز کاردەکات بە ١٠ پاوەند بۆ کاتژمێرێکو دەڵێت ئەوە باشترین ١٠ ساڵی ژیانم بوو، ئێستا دڵخۆشم بە زیندوویی گەڕامەوە بۆ ژیانی ئاسایی

کاروان عوسمان؛ لەوتنی گۆرانییەوە بۆ سێدارەچیرۆکی هونەرمەندێک کە ناوی لە مێژووی تاوانێکی پڕ لە پرسیاردا مایەوەلە مێژووی ه...
22/08/2026

کاروان عوسمان؛ لەوتنی گۆرانییەوە بۆ سێدارە

چیرۆکی هونەرمەندێک کە ناوی لە مێژووی تاوانێکی پڕ لە پرسیاردا مایەوە

لە مێژووی هونەری کوردیدا هەندێک ناو هەن کە تەنها بە گۆرانی و دەنگە خۆشەکانیان نەماونەتەوە؛ بەڵکو چیرۆکی ژیانیان بە بەشێک لە مێژووی پڕ لە ئاڵۆزیی کۆمەڵگەکەمان گۆڕاوە.

کاروان عوسمان یەکێک لەوانەیە.

گۆرانیبێژێکی گەنجی سلێمانی بوو، لە ساڵی ١٩٦٨ لە گەڕەکی مەڵکەندی لەدایک بوو و بە گۆرانیی «ئاهێک» زۆر ناسرا.

بەڵام چارەنووسی کاروان بە هونەر کۆتایی نەهات.

هاوڕێیەتییەک کە بە تراژیدی کۆتایی هات

بەپێی گێڕانەوەیەکی بڵاوکراوە، کاروان عوسمان و محەمەد خورشید حەمەڕەش لە ساڵی ١٩٨٨ لە عیمارە پێکەوە سەرباز بوون و پەیوەندییەکی نزیکیان هەبوو.

محەمەد خورشید کوڕی حاجی خورشید، کەسایەتییەکی ناسراوی کەرکووک، بوو. بەپێی هەمان گێڕانەوە، خێزانەکەی ئۆتۆمبێلێکی بەرازیلییان بۆ کڕیبوو.

لە پاییزی ١٩٨٨، محەمەد خورشید لەگەڵ کاروان بەرەو سلێمانی دەچێت؛ بەڵام ئەم جارە، ئەو هاوڕێیەی کە لەگەڵی چووبوو، بۆ ماڵەوە ناگەڕێتەوە.

خێزانەکەی سەرەتا پێیان وابووە ڕەنگە چووبێتە دەرەوەی عێراق. چەند مانگ بەبێ هیچ زانیارییەکی ڕوون تێدەپەڕێت.

تاوەکو ئۆتۆمبێلەکەی دەردەکەوێت.

لەوێوە پەروەندەکە دەست پێدەکات.

پارە؛ هۆکاری تاوان؟

بەپێی ئەو گێڕانەوەیە، لێکۆڵینەوەکانی پۆلیس گەیشتنە ئەو ئەنجامەی کە کاروان عوسمان، لەگەڵ ئیبراهیم مەولوود ــ ناسراو بە ئیسماعیل سەکران ــ و کەسێکی سێیەم، تۆمەتبار بوون بە کوشتنی محەمەد خورشید.

گێڕانەوەکە دەڵێت هەوڵی سەرەتایی بۆ کوشتنی خورشید لە بەکرەجۆ سەرنەکەوتووە و دواتر لە شوێنێکی تر کوژراوە.

لە پاش کوشتنەکەش، بەپێی هەمان سەرچاوە، تەرمەکەیان بە بنزین سوتاندووە بۆ ئەوەی ناسینەوەی قوربانییەکە قورس بێت.

بەڵام بەشێکی سەرنجڕاکێشتر لە گێڕانەوەکە ئەوەیە کە دەڵێت ٩ هەزار دیناری بەدەستهاتوو لە فرۆشتنی ئۆتۆمبێلەکە لە نێوان سێ کەسەکەدا دابەش کراوە.

ئەگەر ئەم گێڕانەوەیە وەک ئەوەی سەرچاوەکە دەیگێڕێتەوە وەربگیرێت، ئەوا هۆکاری سەرەکیی تاوانەکە دەستگەیشتن بە پارە بووە.

لە گۆرانییەوە بۆ پۆلیس

لە ١٢ی کانوونی دووەمی ١٩٨٩، کاروان عوسمان لە سەربازگەکەی لە عیمارە دەستگیر کرا و بۆ کەرکووک گوازرایەوە.

دواتر پەروەندەکە گەیشتە قۆناغی دادگایی.

بەپێی گێڕانەوەکە، کاروان و ئیبراهیم مەولوود لە دادگادا بە تاوانەکە پەیوەست کران و کەسی سێیەم هەڵات و بە غیابی حوکمی بۆ دەرچوو.

سەرچاوەیەکی دیکەش کاروان عوسمان و ئیبراهیم مەولوود بە تۆمەتبارانی کوشتنی محەمەد خورشید ناودەبات و دەڵێت لە کۆتایی ساڵی ١٩٩١ لە ئەبوغرێب لەسێدارە دران. (Kurd Collect)

بەڵام پرسیارە گەورەکە هەر ماوەتەوە

ئایا کاروان بەڕاستی تاوانبار بوو؟

ئایا پەروەندەکە بە دادگاییەکی دادپەروەرانە بەڕێوەچوو؟

ئایا بەڵگەکان بە شێوەیەکی سەربەخۆ پشکنین کرابوون؟

ئەم پرسیارانە گرنگن، چونکە ئەو سەردەمە سەردەمی ڕژێمی بەعس بوو و دادگاکانی ئەو سەردەمە بە تایبەتی لە کەیسە سیاسی و جنایییە هەستیارەکاندا، پێویستیان بە لێکۆڵینەوەی مێژوویی و سەربەخۆ هەیە.

بۆیە نابێت تەنها بە یەک گێڕانەوە بڕیار بدەین کە «کاروان بێگومان تاوانبار بوو» یان «بێگوناه بوو».

ئەوەی بەردەستە، پەروەندەیەکە کە بە حوکمی لەسێدارەدان کۆتایی هاتووە؛ بەڵام هێشتا بۆ خوێنەر پرسیارەکانی زۆر هەیە.

کۆتایی؛ کاتێک دەنگێکی هونەرمەند بێدەنگ کرا

کاروان عوسمان تەنها بە ناوی «تاوانبار» لە مێژوودا نەماوەتەوە.

ئەو پێش ئەوەی ناوی بە پەروەندەیەکی جنایییەوە پەیوەست بکرێت، هونەرمەندێکی گەنج و گۆرانیبێژێکی ناسراوی سلێمانی بوو.

چیرۆکی ئەو، چ ڕاستییەکەی هەر چی بێت، نموونەیەکە لەوەی چۆن لە سەردەمێکی پڕ لە ترس و تۆقاندن، ژیانی مرۆڤێک دەتوانێت لە ماوەی چەند ساڵێکدا لە شانۆی هونەرەوە بگاتە دادگا و لە دادگاوشەوە بگاتە سێدارە.

لە کۆتاییدا، شاید پرسیاری گەورە ئەوە نەبێت کە:

«کاروان کێ بوو؟»

بەڵکو:

«ئایا ئێمە هێشتا هەموو ڕاستییەکەی ئەو شەوە دەزانین؟»

تا ئەو کاتەی پەروەندە و بەڵگە سەلمێنراوەکان بە تەواوی بخرێنەڕوو، چیرۆکی کاروان عوسمان هەر دەمێنێتەوە؛ چیرۆکی هونەرمەندێک، تاوانێک، پارەیەک و سێدارەیەک کە هێشتا پرسیار لە دوای خۆی جێهێشتووە.

گیرفان بڕ بەڵام بە ویژداندەجێڕنەوە ئەم پیاوە خەڵکی بصرە بووە لە ساڵانی پەنجاکان (سەردەمی پاشایەتی ) بەناوی قەدوری (قەدور...
21/08/2026

گیرفان بڕ بەڵام بە ویژدان
دەجێڕنەوە ئەم پیاوە خەڵکی بصرە بووە لە ساڵانی پەنجاکان (سەردەمی پاشایەتی ) بەناوی قەدوری (قەدوری گیرفان بڕ) لەناو بازاڕو بازرگانەکاندا ئەسوڕایەوەو جزدانی خەڵکی ئەدزی و پارەکەی ئەبردو ،هەر کاغەز و شتێکی تێدا بوایە دەستکاری نەدەکرد بەڵکو بە جزدانەکەوە لە شوێنێکی دیاردا دایدەنا تا خاوەنەکەی بیدۆزێتەوە یان بۆی بدۆزنەوە .تەنها پارەکەی بردووە
هەرگیز دزی لە بازاڕ و خاوەن پیشەکان نەدەکرد ،ئەیوت تامی خوێ یانم کردووە ڕۆژێک ئەفەندییەک بە جلێکی تازەوە لەگەڵ خێزانەکەیدا بە بازاڕی بصرەدا ئەسوڕێنەوە قدوری گیرفانبڕیش جزدانەکەی دەدزێت و ئەیباتەوە بۆ ئەو چاخانەیەی کە شوێنی گیرفان بڕەکانە،چایچیەکەش هەر لە خۆیانە، دادەنیشێت خەنجەرەکەی دەخاتەسەرمێزەکە واتە دزی قەڵەوم کردووە کاتێک پارەکە دەردێنێ کاغەزێک دەبینێک لە سەندیکای مامۆستایانی عێراقەوە دەرچووە نوسراوە بۆ هەموو مامۆستایانی بصرەلەبەر ئەوەی مامۆستا فلان (خاوەنی جزدانەکە) توشی نەخۆشیەک بووەو چارەسەری لە دەرەوەی عێراق دەکرێت پێویستی بە یارمەتی هەیە بڕیارماندا لەهەر مامۆستایەک ئەوەندە پارە ببڕین تا بۆ چارەسەر بنێررێت بۆ دەرەوە،،قەدوری کە ئەمە ئەبینێت هەموو هاوڕێ دزەکانی کۆ دەکاتەوەو ئەڵێ ئەبێ لە ماوەیەکی کەمدا ئەم پارە بۆ ئەم مامۆستایە کۆ بکەینەوە ،بەدزی نا بەڵکو لە خاوەن دوکانەکان و بازرگانەکان لە ماوەیەکی کەمدا دوو هێندەی بڕە پارە پێویستەکە بۆ مامۆستاکە کۆ دەکەنەوەو بەپێی عنوانی پێناسەکەی بۆی دەبەن و داوای لێبووردنیشی لێدەکەن..دزو خاوەن ویژدان
لە پەیجی (نکت عراقیە )وەرگیراوە...

ڕۆژێک لە ڕۆژان بە ناوی نیشتمانپەروەری پاراستنی خاک و خۆشەویستیی وڵات،منداڵی خەڵکیان بەرەو سەنگەرەکانی مەرگ دەنارد دەیان...
19/08/2026

ڕۆژێک لە ڕۆژان
بە ناوی نیشتمانپەروەری پاراستنی خاک و خۆشەویستیی وڵات،منداڵی خەڵکیان بەرەو سەنگەرەکانی مەرگ دەنارد دەیانگۆت
گەر سەرۆک نەبێت وڵات وێران دەبێت
لە کاتێکدا خۆیان لە ناو کۆشک و تەلارە بەرزەکاندا شەوانی سوور و خۆشییەکانی ژیانیان دەگوزەراند

فێلیکس گرەتارسۆن، پیاوێکی ئایسلەندی لە ساڵی ١٩٩٨دا بەهۆی کارەبای ١١ هەزار ڤۆڵتەوە هەردوو دەستی لەدەست دادوای زیاتر لە ٢٠...
19/08/2026

فێلیکس گرەتارسۆن، پیاوێکی ئایسلەندی لە ساڵی ١٩٩٨دا بەهۆی کارەبای ١١ هەزار ڤۆڵتەوە هەردوو دەستی لەدەست دا
دوای زیاتر لە ٢٠ ساڵ، لە فەرەنسا نەشتەرگەرییەکی دەگمەنی بۆ کرا و هەردوو دەستی لەگەڵ شانەکان بۆی گواسترایەوە دوای چەند ساڵ ڕاهێنان و فیزیۆتراپی توانای هەستکردن و جوڵاندنی دەستە نوێکان و ئەنجامدانی هەندێک کاری ڕۆژانەی بەدەستهێنا
ئەمە یەکێکە لە سەرسوڕهێنەرترین نموونەکانی پزیشکی نوێ و خۆڕاگریی مرۆڤ

ماتیاس شتاینەر یاریزانی قورسایی هەڵگرتن بەڵێنی بە هاوسەرەکەی دابوو کە مەدالیای زێڕی ئۆڵۆمپیادی پەکین لە ساڵی ٢٠٠٨ بۆ ببا...
18/08/2026

ماتیاس شتاینەر یاریزانی قورسایی هەڵگرتن بەڵێنی بە هاوسەرەکەی دابوو
کە مەدالیای زێڕی ئۆڵۆمپیادی پەکین لە ساڵی ٢٠٠٨ بۆ بباتەوە بەڵام کەمێک پێش یارییەکان هاوسەرەکەی
لە ڕووداوێکی دڵتەزێندا گیانی لەدەستدا ماتیاس لەگەڵ هەموو ئازار و خەمیدا بەڵێنەکەی بردە سەر و زێڕەکەی بەدەستهێنا. لەسەر سەکۆی خەڵاتکردن کاتێک مەدالیاکەی وەرگرت
وێنەیەکی هاوسەرەکەی بەرزکردەوە و بۆ ئەوەی پیشانی بدات کە ئەو سەرکەوتنە تەنها بۆ ئەو بووە. ئەمە یەکێکە لە کاریگەرترین و پڕ لە هەستترین ساتەکانی مێژووی ئۆڵۆمپیاد

بیرە نەوتەکەی بابەگوڕگوڕ کەبۆ یەکەمجار لە ١٤ ی تشرینی یەکەمی ١٩٢٧ دا ئینگلیزە داگیرکەرەکان نەوتیان لێ دەرهێنا ، ڕۆژانە ...
18/08/2026

بیرە نەوتەکەی بابەگوڕگوڕ کەبۆ یەکەمجار لە ١٤ ی تشرینی یەکەمی ١٩٢٧ دا ئینگلیزە داگیرکەرەکان نەوتیان لێ دەرهێنا ، ڕۆژانە ٩٢٠٠٠ بەرمیل ، ئیتر لەو ڕۆژەوە کەرکوک چاوی دوژمنی چوە سەر و تائێستایش نەوتەکەی بەتاڵان ئەبرێت و هیچ خێر و بێرێکی بۆ دانیشتوانەکەی نیە

Address

Erbil
Irbil

Telephone

+9647507297847

Website

Alerts

Be the first to know and let us send you an email when زانیاری ڕۆژ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to زانیاری ڕۆژ:

Shortcuts

Share