Civil Department

22/11/2024

ئاگاداری ...
ئاگاداری سەرجەم خوێندکارانی قۆناغی یەک (سیمستەری یەک) ی بەشی شارستانی ئەکەین کە ڕۆژی یەک شەممە ڕێکەوتی ٢٠٢٤/١١/٢٤ دەوامی فەرمی ساڵی خوێندنی ٢٠٢٤ -٢٠٢٥ دەست پێدەکات. سەرجەم خوێندکارانی تازە وەرگیراو لەبەشەکەمان پێویستە ئامادەی خوێندنی مۆدیولەکان بن. خشتەی هەفتانە لە بۆردی ئاگاداری بەش هەڵواسراوە.
سەرۆکایەتی بەشی ئەندازیاری شارستانی / کۆلێجی ئەندازیاری / زانکۆی سلێمانی

06/03/2024

ئەمڕۆ چوار شەممە 06/03/2024 لە هۆڵی سیمینارەکانی کۆلێج، کۆلێجی ئەندازیاری بە هاوبەشی تاقیگەی بیناسازی سلێمانی ۆرکشۆپێکیان بە ئامادەبوونی بەرپرسانی پەیوەندیدار و مامۆستایانی زانکۆ و ئەندازیاران و ستافی کارگەکانی کۆنکرێت و ستیل و خوێندکارانی کۆلێجە ئەندازیاریەکان سازکرد لەسەرەتادا بەڕێز ڕاگری کۆلێج (پ.د.سیروان خورشید) ووتاری بەخێرهاتنی پێشکەش کردو هۆکاری ڕێکخستنی ئەم ۆرکشۆپەی ڕوونکردەوە. پاشان بەڕێز بەڕێوەوبەریتاقیگەی بیناسازی سلێمانی (کاک فاتح عبداللە)ووتارێکی پێشکەش کرد و جەختی لەسەر پێویستی هەماگەنگی کۆلێجی ئەندازیاری و کەرتە حکومیەکان کردەوە. دوای پێشکەشکردنی ووتارەکان، پێشکەشکردنی سیمینارەکان دەستی پێکرد و سێ سیمینار پێشکەشکرا لە لایەن بەڕێزان مامۆستایانی کۆلێجی ئەندازیاری (د. بڕوا حمە سعید و د. امیر محمد و د. سەردار رشید).
سەرجەم بەشداربوون بە گڕوتینێکی زانستی و تامەزرۆییەوە بەشداریان کرد و بابەتەکانیش بە قوڵی باسکران. لە کۆتایی سیمینارەکانیشدا، پانێڵێک لە لایەن ڕاگری کۆلێجەوە سەرپەرشتیکرا و دەرگای پرسیار کرایەوە و گفتوگۆی چڕو پڕ ئەنجامدرا لەسەرجەم ئەو بابەتانەی لە سیمینارەکاندا ئاماژەی پێدرا وەڵامی سەرجەم پرسیارەکان لە لایەن بەڕێزان مامسۆتاکانەوە درایەوە. هەروەها کۆمەڵێك پێشنیار پێشکەشکرا بۆ ئەوەی گفتوگۆی لەسەر بکرێت و سیمیناری هاوشێوە بەردەوام بێت. هەر لە کۆتاییدا، لە لایەن تاقیگەی بیناسازی سلێمانیەوە، سوپاسنامە پێشکەشکرا بە کۆلێجی ئەندازیاری هەر سێ بەڕێزانی پێشکەشکارانی سیمینارەکە.
جارێکی تر بە ناوی کۆلێجی ئەندازیاری ەوە ، بەخێرهاتنی سەرجەم بەشداربووان ئەکەین و خۆشحاڵبووین بە دیدارتان و بەڵێن ئەدەین لەسەر ئەنجامدانی ئەم سیمینارە زانستیانە بەردەوام بین، هەوڵ ئەدەین کێشە ئەندازیاریەکان ووڵات لەم کۆبوونەوە زانستیانەدا گفتۆگۆی پێویستی لەسەر بکرێت و چارەسەری پێویستی بۆ دابنرێت. لەم بارەوە، سەرجەم بەشەکانی کەرتی گشتی و تایبەت دەتوانن بۆ چارەسەری کێشە ئەندازیاریەکانیان پشت بە ستاف و ئەکادیمیانی کۆلێجی ئەندازیاری ببەستن.

03/03/2024

24/09/2023

https://m.facebook.com/story.php?story_fbid=864073918838857&id=100057087714153&sfnsn=mo&mibextid=RUbZ1f

Sulaimani University has consistently led the way in engineering education, not only within the Kurdistan Region but across the entire nation of Iraq. This impr

14/09/2023

گفتوگۆی تێزی دکتۆرا
ئەمڕۆ، پێنج شەممە ڕێکەوتی (١٤-٩-٢٠٢٣) گفتوگۆی تێزی دکتۆرای مامۆستا (ئاریان عمر محمود) خوێندکاری خوێندنی باڵا لە بەشی ئەندازیاری شارستانی لە پسپۆڕی (ئەندازیاری ڕێگاوبان) لە هۆڵی سیمینارەکانی کۆلێجی ئەندازیاری زانکۆی سلێمانی بە سەرکەوتووی بەڕێوەچوو. بەناوی ڕاگرایەتی کۆلێجی ئەندازیاری و سەرۆکایەتی بەشی ئەندازیاری شارستانی پیرۆزبایی و دەست خۆشی لە خوێندکاری ناوبراو دەکەین. بە هیوای بەردەوامی و سەرکەوتنی زیاتر.