18/10/2017
Rio Tinto Alcan velur Snók verktaka ehf.
Í dag var undirritaður samningur milli Rio Tinto Alcan í Straumsvík og Snóks verktaka ehf um hafnarþjónustu. Samningurinn var gerður að undangengnu útboði Rio Tinto Alcan á þjónustu vikuskipa og uppskipunar á súráli.
Einnig var gengið frá kaupum Snóks verktaka ehf á tækjabúnaði hafnarþjónustunnar af Rio Tinto Alcan.
Þessi samningur er stór áfangi í auknum umsvifum Snóks og það er ánægjulegt að stórfyrirtæki eins og Rio Tinto Alcan treysti Snók fyrir mikilvægum verkefnum. Snókur leggur mikið upp úr öryggis- heilbrigðis- og gæðamálum ásamt því að veita trausta, hagkvæma og góða þjónustu viðskiptavinunum til heilla.
