Raftákn

11/10/2026

Vekjum athygli á þessari atvinnuauglýsingu og hvetjum áhugasama til að senda inn umsókn. Raftákn er líflegur og skemmtilegur vinnustaður.

Raftákn verkfræðistofa leitar að skipulögðum, áreiðanlegum og framsýnum einstaklingi í framtíðarstarf skrifstofu- og gæðastjóra á starfsstöð fyrirtækisins á Akureyri. Um er að ræða fjölbreytt hlutverk þar sem viðkomandi hefur umsjón með fjármálum og gæðamálum fyrirt....

07/09/2026

Raftákn sá um hönnun raflagna og stjórnkerfa fyrir nýjar stúdentaíbúðir sem rísa munu við Dalsbrautina steinsnar frá Háskólanum á Akureyri. Verkefnið er mjög metnaðarfullt og ljóst að þessar íbúðir munu gjörbreyta aðstöðunni sem hægt verður að bjóða nemendum HA uppá. Við þökkum hönnunarhópnum fyrir gott samstarf og óskum FÉSTA til hamingju með áfangann.

Fyrstu skóflustungurnar að nýjum stúdentagörðum Félagsstofnunar stúdenta við Háskólann á Akureyri (FÉSTA) voru teknar síðdegis í dag. Stúdentagarðarnir munu rísa við Norðurslóð 3, 5 og 7, en liggja meðfram Dalsbrautinni, frá Borgarbraut upp að Norðurslóð. Þar munu verð...

16/06/2026

🏠 Árið 2009 hafði Raftákn vaxið það mikið að húsnæðið á Glerárgötu var farið að þrengja verulega að starfseminni.

Lausnin?

Að kaupa aðra hæðina í húsinu… og saga síðan bókstaflega g*t milli hæða.

Í kjölfarið var skrifstofan endurskipulögð og hluti húsnæðisins endurinnréttaður. Í gömlu myndasafni fyrirtækisins má sjá starfsmenn standa í framkvæmdum, stigag*t sagað og allt á öðrum endanum.

Kannski lýsir þetta Raftákni ágætlega:
Þegar eitthvað þarf að leysa — þá er bara fundin leið.

14/06/2026

🍼 Í lok árs 2009 blasti verkefnaskortur við og framkvæmdastjóri Raftákns setti á yfirvinnubann.

Níu mánuðum síðar fæddust fimm Raftáknsbörn.

Við vitum ekki alveg hvort þetta tengist. En tímasetningin er allavega athyglisverð.

12/06/2026

📜 Föstudagsmorgun árið 1993 hringdi síminn.
Reiðhjallavirkjun á Vestfjörðum hafði legið niðri í nokkra daga og það þurfti að bregðast hratt við.

Þengill Ásgrímsson og Árni V. Friðriksson stukku í flug frá Akureyri til Ísafjarðar klukkan 11 — eins og þeir stóðu. Enginn farangur. Enginn tannbursti. Bara verkefni sem þurfti að leysa.

Eftir langan dag af bilanagreiningu, símtölum við Siemens í Þýskalandi og alls kyns tilraunum tókst að koma virkjuninni aftur í gang.
Þeir voru komnir heim aftur um kvöldið.

Svona sögur segja meira en mörg kynningarbæklingar um það hvernig fyrirtæki Raftákn hefur verið í 50 ár: Lausnamiðað, úrræðagott og alltaf tilbúið að mæta þegar á reynir.

Myndatexti: Árni V. Friðriksson og Klaus Jaskoviak frá Siemens að forrita tölvustýrðan gangráð fyrir vél 2 í Mjólkárvirkjun í júlí 1995.

10/06/2026

👉 Raftákn var stofnað á Akureyri þann 1. júní 1976 af þeim Árna V. Friðrikssyni, Daða Ágústssyni, Gerði Jónsdóttur, Gunnari Ámundasyni, Jóhannesi Axelssyni, Jóni Otta Sigurðssyni og Sigrúnu Arnsteinsdóttur.

Í upphafi var starfsemin lítil. Unnið var í um 25 fermetra húsnæði við Glerárgötu og fyrstu árin fór vinnan að mestu fram á kvöldin og um helgar.

Smám saman óx fyrirtækið:

🎯 árið 1980 voru fastir starfsmenn orðnir þrír,
🎯 árið 2002 voru þeir orðnir 18 á Akureyri og í Reykjavík,
🎯 og í dag starfa tugir sérfræðinga hjá Raftákni við fjölbreytt verkefni um allt land.

Það sem byrjaði sem lítið frumkvöðlaverkefni hefur á 50 árum þróast í öfluga verkfræðistofu með sterkar rætur á Akureyri og verkefni um allt land.

Myndatexti: Starfsólk Raftákns árið 2002 og 2009.

08/06/2026

Takk fyrir okkur! 🎉

Á föstudaginn fögnuðum við 50 ára afmæli Raftákns í menningarhúsinu Hofi í góðra vina hópi.

Það er ekki sjálfgefið að fyrirtæki nái hálfri öld, og við erum stolt og þakklát fyrir allt sem þessi tími hefur fært okkur — verkefnin, viðskiptavinina, samstarfsfólkið og þá liðsheild sem hefur borið okkur áfram alla leið. 👉 Eins og Eva Hlín framkvæmdastjóri orðaði það í ávarpi sínu: stök verkefni leysast með hæfni einstaklinga, en 50 ára saga verður aðeins til með liðsheildinni.

Við horfum björtum augum til framtíðar og hlökkum til næstu 50 ára. ⚡

Að lokum viljum við þakka stofnendum, starfsfólki og öllum gestum sem sáu sér fært að fagna með okkur. Villa Vandræðaskáldi þökkum við kærlega fyrir utanumhaldið og gleðina, Jóndísi Hinriksdóttur fyrir myndirnar og Komplíment fyrir uppsetningu og hönnun sögusýningarinnar sem var til sýnis í veislunni.

08/06/2026

🚗 Árin 1996–1997 tók Raftákn að sér alla hönnun fyrir Hvalfjarðargöng: Raflagnahönnun, lýsingu og stjórnkerfi. Þá voru aðeins 8 starfsmenn hjá fyrirtækinu.

Þetta var stærsta verkefni sem Raftákn hafði tekið að sér fram að því og varð mikilvægur áfangi í sögu fyrirtækisins.

Síðan þá hefur Raftákn komið að fjölmörgum göngum og samgönguverkefnum víða um land, þar á meðal Héðinsfjarðargöngum, Norðfjarðargöngum og Dýrafjarðargöngum.

06/06/2026

✨ Hof á Akureyri er eitt þekktasta kennileiti bæjarins og Raftákn sá um hönnun rafkerfa og hússtjórnarkerfa fyrir menningarhúsið.

Verkefnið sameinaði lýsingarhönnun, stjórnkerfi og tæknilausnir í húsi sem hefur síðan orðið miðpunktur menningar á Norðurlandi.

Í 50 ár hefur Raftákn komið að verkefnum sem fólk upplifir á hverjum degi — stundum án þess að taka eftir því.