HS Orka

08/10/2026

Lífæð heils samfélags var skyndilega rofin 💧

Þegar hraunrennsli rauf Njarðvíkuræðina varð samfélagið á Suðurnesjum skyndilega heitavatnslaust. Þá hófst kapphlaup við tímann.

Stuttmyndina "Í takti við náttúruna" má nálgast í heild sinni í hlekk í fyrstu athugasemd.

07/10/2026

Laust starf hjá HS Orku ⚡

👉 Hægt er að lesa nánar um starfið og sækja um hér
https://www.hsorka.is/um-okkur/stoerf-og-styrkir/

06/10/2026

Grunnvatnsfræði í verki 💦

Nemendur í grunnvatnsfræði við Háskóla Íslands heimsóttu okkur í liðinni viku og kynntu sér hvernig grunnvatnsfræði, vöktun og vernd grunnvatns tengjast daglegum rekstri og ábyrgri nýtingu vatnsauðlindarinnar.

Farið var að Lágum þar sem vatnstökusvæðið okkar var skoðað og nemendur fengu að framkvæma vatnsborðsmælingu í eftirlitsholu. Þar er jafnframt fylgst með seltu til að vakta ferskvatnslinsuna og þróun hennar.

Í heimsókninni sköpuðust góðar umræður um mikilvægi grunnvatnsverndar, vöktunar og innleiðingar vatnatilskipunarinnar – og hvernig langtímaþekking á grunnvatnskerfinu styður við ábyrga nýtingu og ákvarðanatöku.

Við þökkum nemendunum og kennaranum þeirra, Jónasi Ketilssyni, fyrir komuna og áhugaverðar umræður um eina af okkar mikilvægustu auðlindum🙏

Verkfræði- og náttúruvísindasvið Háskóla Íslands

05/10/2026

HS Orka er stoltur aðalstyrktaraðili IGC27♨️

Jarðvarmi er ein verðmætasta auðlind Íslands og er Iceland Geothermal Conference - IGC mikilvægur vettvangur þar sem þekking, reynsla og nýsköpun á sviði jarðvarma mætast.

Við hlökkum til að taka þátt og hitta samstarfsaðila, sérfræðinga og frumkvöðla hvaðanæva að úr heiminum🌍

Nú fer hver að verða síðastur að skila inn ágripi en skilafrestur rennur út fimmtudaginn15. október!

Ef þú vinnur að verkefni, rannsókn eða nýsköpun tengdri jarðvarma er tækifærið núna til að koma því á framfæri.

Hægt er að nálgast hlekk fyrir ágrip í meðfylgjandi færslu IGC 👇

01/10/2026

Nýr raforkusamningur Norðuráls og HS Orku ⚡

Í dag tekur gildi nýr samningur milli Norðuráls og HS Orku um afhendingu á 50 megavöttum af raforku fyrir starfsemi álvers Norðuráls á Grundartanga.

Samningurinn var undirritaður síðastliðið haust og gildir út september 2031. Hann markar mikilvægan áfanga í samstarfi fyrirtækjanna en Norðurál hefur keypt raforku frá HS Orku allt frá því að álverið hóf starfsemi árið 1998.

Lesa má nánar í hlekk í fyrstu athugasemd 👇

Norðurál

30/09/2026

Óvissan jókst ⛰

Á meðan landsmenn fylgdust grannt með þróun mála bjuggu íbúar og fyrirtæki á Suðurnesjum við vaxandi óvissu.

Stuttmyndina "Í takti við náttúruna" má nálgast í heild sinni í hlekk í fyrstu athugasemd.

29/09/2026

HS Orka á HönnunarÞingi á Húsavík⚡💡

Orka og nýsköpun var rauði þráðurinn í HönnunarÞingi Hraðsins á Húsavík um nýliðna helgi. Frábær samsuða hugmynda og raunverulegra verkefna þar sem nýsköpunarverkefni HS Orku smellpössuðu inn.

Valdís Guðmundsdóttir, verkefnastjóri í auðlindastýringunni okkar, sagði frá því hvernig við hjá HS Orku hlustum á jarhitaauðlindina á Reykjanesi og hvílum hana þegar þörf krefur og tækifæri gefst ♨️

Nýting fjölbreyttra auðlindastrauma var einnig mikið rædd þar sem afgangur eins verður auðlind annars. Auðlindagarður HS Orku er einmitt eitt besta dæmið hér á landi um slíka fjölnýtingu 🌍

Við tókum líka höndum saman með Siggu Soffíu í Eldblóm, sem ein og sér er auðlind sem hægt er að virkja, og allt þingið dansaði🕺 🔥

Takk fyrir okkar Hraðið miðstöð nýsköpunar

https://www.facebook.com/watch/?v=4575663572754401

28/09/2026

Nýjasta virkjunin hjá HS Orku ⚡💧

HS Orka hefur fest kaup á Múlavirkjun á Snæfellsnesi. Virkjunin, sem var gangsett árið 2005, framleiðir hreina endurnýjanlega orku og hún er fyrsta eign fyrirtækisins á Vesturlandi.

25/09/2026

Risastór viðbót við Auðlindagarð HS Orku 💦

Það er ótrúlega spennandi að fylgjast með uppbyggingu landeldis Samherja í bakgarðinum okkar við Reykjanesvirkjun en þar rís nú ein stærsta laxeldisstöð landsins.

Meginástæðan fyrir staðarvali Samherja í Auðlindagarðinum er aðgengið að ylsjó, ferskvatni og raforku frá Reykjanesvirkjun.

Samherji nýtir straumana frá okkur en stefnir einnig að því að skapa nýjar hliðarafurðir og strauma sem aðrir í nærumhverfinu geta nýtt til frekari verðmætasköpunar á svæðinu.

Fyrirætlanir Samherja falla sérlega vel að hugmyndafræði Auðlindagarðsins um hringrásarhagkerfið þar sem afgangur eins verður auðlind annars ♻️

Hægt er að lesa meira um verkefnið í meðfylgjandi frétt Víkufrétta.

Víkurfréttir I Samherji

Áætlað er að taka á móti fyrstu laxaseiðunum í nýrri laxeldisstöð Samherja á Reykjanesi í apríl næstkomandi. Verkefnið hefur verið í undirbúningi í um sjö ár og er eitt það stærsta sinnar tegundar á Íslandi. Meira í frétt.
https://www.vf.is/frettir/40-milljarda-fiskeldisverkefni-samherja-tekur-a-sig-mynd-a-reykjanesi

22/09/2026

Fyrst komu skjálftarnir ⛰️

Árið 2019 hófust jarðhræringar á Reykjanesskaga sem mörkuðu kaflaskil í sögu Suðurnesja.

Stuttmynd Baldvins Vernharðssonar, Í takti við náttúruna, varpar ljósi á náttúruöflin, fólkið og orkuna sem heldur samfélaginu gangandi.

Hlekkur á stuttmyndina "Í takti við náttúruna" má nálgast í fyrstu athugasemd.