Hafrannsóknastofnun

09/06/2026

Sjómannadagurinn í Hafnarfirði tókst einstaklega vel þökk sé frábæru samstarfi Hafrannsóknastofnunar, Hafnarfjarðarbæjar, björgunasveita, fjölmargra annarra aðila, góðu veðri og síðast en ekki síst þúsundum glaðra og jákvæðra gesta. Myndir segja meira en mörg orð en Hafnarfjarðarbær lét gera þetta skemmtilega mynd frá deginum.

08/06/2026

Hrönn Egilsdóttir, sjávarlíffræðingur og sviðsstjóri umhverfissviðs Hafrannsóknastofnunar, flutti erindi um hafið sem auðlind á fordæmalausum tímum, á málþingi sem haldið var í dag í tilefni af alþjóðlegum degi hafsins 🌊🌊🌊 .

08/06/2026

Sérfræðingar hjá Hafrannsóknastofnun birtu nýlega yfirlitsgrein um tilvist blendinga steypireyðar (Balaenoptera musculus) og langreyðar (B. physalus) í heimshöfunum. Greint hefur verið frá blendingum þessara tegunda í hvalveiðum í atvinnuskyni allt frá lokum 19 aldar. Þar lýstu hvalveiðimenn oft hvölum sem sýndu útlitseinkenni sem voru á milli steypireyðar og langreyðar. Á síðustu áratugum hefur verið staðfest með erfðagreiningu að þessir hvalir, sem eru óhefðbundnir í útliti, séu blendingar beggja tegunda.
Sjá nánar í frétt á vef Hafrannsóknastofnunar í athugasemd.

07/06/2026

Sjómannadagurinn var haldinn hátíðlegur í Hafnarfirði eins og víðar um landið í dag. Veðrið lék við landsmenn í firðinum fagra en talið er að milli 7 og 8 þúsund manns hafi lagt leið sína að Hafnarfjarðarhöfn til að taka þar þátt í skemmtidagskrá á vegum Hafnarfjarðarbæjar. Hafrannsóknastofnun tók þátt með glæsilegum hætti; bauð gestum og gangandi um borð í rannsóknaskipið Þórunni Þórðardóttur, kynjafiskar og nytjafiskar voru sýndir og mikil aðsókn var í smiðjur tengdar LIFE og verkefnunum þar sem mikilvægi vatns og lífið í fjörunni var kynnt með margvíslegum hætti.
Hafrannsóknastofnun þakkar öllum sem lögðu hönd á plóg kærlega fyrir þeirra framlag og gestum fyrir komuna og gleðina. Einnig þakkar stofnunin Náttúruminjasafn Íslands fyrir gott samstarf í fjörudýrasmiðjunni.

05/06/2026

Í árlegum vorleiðangri Hafró greindust eiturþörungar í miklu magni í sjósýnum í Faxaflóa og fyrir sunnan landið. Því varar Matvælastofnun almenning við því að tína og borða krækling úr fjörum sunnan og suðvestanlands, hvort sem er í Hvalfirði eða öðrum vinsælum stöðum til tínslu kræklinga við landið.
Sjá nánar í frétt á vef Hafrannsóknastofnunar í athugasemd.

03/06/2026

Hafrannsóknastofnun kynnir úttekt á ástandi helstu nytjastofna og ráðgjöf fyrir komandi fiskveiðiár fös. 12. júní,kl. 9.00. Kynningin fer fram í höfuðstöðvum stofnunarinnar að Fornubúðum 5, Hafnarfirði en einnig í fjarfundi. Dagskrá, skráning og nánari upplýsingar má finna í frétt um fundinn á vef stofnunarinnar í athugasemd.

Stærsta rannsóknastofnun landsins á sviði hafs- og vatnarannsókna.