Iðnaðartækni

Iðnaðartækni Hönnun og forritun á iðnstýri og hússtjórnarkerfum. Sala á iðntölvum, snertiskjám og ýmsum nemum.

Í lok sumars byrjar rútínan hjá flestum, vinna skóli og íþróttir. Og margir fara í rútínuna í nýjum byggingum. Það átta ...
24/08/2026

Í lok sumars byrjar rútínan hjá flestum, vinna skóli og íþróttir. Og margir fara í rútínuna í nýjum byggingum. Það átta sig ekki allir á því hvað ótrúlega margir hafa unnið mörg handtök yfir langt tímabil til að klára verkin. Hinn þrautseigi og vandvirki Toni hjá Rafverkstæði IB er ásamt kollegum búinn að setja upp og tengja græjur í endurbyggðum Holtaskóla í Reykjanesbæ. Og við höfum verið með í að græja smá. Flottur skóli þar sem við vitum að nemendum og starfsfólki mun líða vel.

Stundum hugsum við að sundlaugar landsins ættu að vera skilgreindar sem lykilinnviðir í þjóðaröryggisstefnu. Og að við m...
30/07/2026

Stundum hugsum við að sundlaugar landsins ættu að vera skilgreindar sem lykilinnviðir í þjóðaröryggisstefnu. Og að við mættum keyra á bláum ljósum í forgangsakstri til þess að heiti potturinn kólni ekki. En sem betur fer getum við yfirleitt keyrt á löglegum hraða á leið okkar í þessi skemmtilegu verkefni. Við erum með nokkur fín kerfi í gangsetningu þessa dagana.

Fyrir mörgum árum var í Borgartúninu sett upp snúningshurð sem var sú stærsta í Evrópu á sínum tíma. Hurðin gekk lengi v...
21/07/2026

Fyrir mörgum árum var í Borgartúninu sett upp snúningshurð sem var sú stærsta í Evrópu á sínum tíma. Hurðin gekk lengi vel eins og klukka en hin síðari ár hafa bilanir orðið tíðari og þjónustan flóknari. Þess vegna var ákveðið að taka hana í gegn og endurnýja stýringuna. Við fengum að vera með í þessu verkefni og unnum það að mestu með Þórhalli hjá Ferli verkfræðistofu og Szymon hjá Rafholti. Það vantar ekkert upp á metnaðinn í þessari grúppu og er nú hurðin kominn með nýjan heila og nýtt taugakerfi. Og héðan af verður stutt að sækja þjónustu þegar eitthvað klikkar.

Nokkrar fyrir-og-eftir myndir fylgja.

Tímamót eru allskonar, afmæli, brúðkaup og jafnvel hola í höggi. Í dag voru svo sannarlega tímamót hjá Iðnaðartækni. Í...
25/06/2026

Tímamót eru allskonar, afmæli, brúðkaup og jafnvel hola í höggi. Í dag voru svo sannarlega tímamót hjá Iðnaðartækni. Í dag voru kynslóðaskipti í brúnni þar sem Guðmundur og Kristján tóku við keflinu af stofnanda félagsins, Þóri Lárussyni, sem eigendur. Við þökkum Þóri fyrir samstarfið, frumkvöðlastarfið og þá braut sem hann hefur rutt í aðkomu stýri- og stjórnkerfa í iðnaði og ekki síst hússtjórnarkerfum á Íslandi. Við hlökkum til komandi tíma hjá Iðnaðartækni og erum fullir tilhlökkunar að halda áfram þessu góða starfi í þágu þjóðar, hvort sem það er að halda hárréttu hitastigi á heitum pottum eða tryggja rétt loftgæði á sinfóníutónleikum. Framtíðin er björt og allir glaðir enda tala myndirnar sínu máli.

Eins og flesti vinir okkar vita, elskum við sundlaugar og þá ekki hvað síst tæknikjallara þeirra. Það var okkur því sér...
15/06/2026

Eins og flesti vinir okkar vita, elskum við sundlaugar og þá ekki hvað síst tæknikjallara þeirra. Það var okkur því sérstök ánægja að ræsa nýjan kaldan pott í sundlaug Kópavogs i dag. Það koma svo sannarlega margar hendur að svona framkvæmd. Allt frá því að hanna hlutinn, steypa, flísa, leggja pípulagnir, smíða stjórnskáp og græja raflagnir þar til svo loks kemur að okkur við forritun, prófanir og gangsetningu. Okkar allra besti Ingþór hjá Rafgeisla sá um smíði og tengingar á búnaði á sinn einstaka faglega hátt. Við óskum Kópavogsbæ innilega til hamingju með enn eina frábæra viðbót í sundlaugar menningu bæjarins. Það voru svo nokkrir heiðursborgarar Kópavogs sem fengu að lauma sér inn fyrir öryggisgirðingar og dýfa tánum í ískalda dýrðina.

Á Dalveginum erum við nú að ljúka gangsetingu á hita- og loftræsikerfum fyrir nýja skrifstofubyggingu. Viktor hjá Rafís ...
28/05/2026

Á Dalveginum erum við nú að ljúka gangsetingu á hita- og loftræsikerfum fyrir nýja skrifstofubyggingu. Viktor hjá Rafís hefur þar rutt okkur braut með vandvirkni, metnaði og snyrtimennsku. Sjáið bara stjórnskápinn sem hann smíðaði! Frábær verðlaunaútfærsla sem auðveldar alla framkvæmd og viðhald.

Við erum snarir í snúningum en horfum þó með einskærri aðdáun á alvöru viðbragðsaðila í einkennisbúningum. Í kvöld fengu...
15/03/2026

Við erum snarir í snúningum en horfum þó með einskærri aðdáun á alvöru viðbragðsaðila í einkennisbúningum. Í kvöld fengum við svo að vinna við hlið þeirra - Gummi fékk smá skjálfta í hnén þegar Sigurjón, aðstoðarvarðstjóri, bráðatæknir, slökkviliðsmaður og kafari heilsaði upp á hann þar sem þeir sáu til þess að Laufeyjartónleikarnir í Kórnum færu vel fram. Reyndar þurftum við hvorki að plástra né slökkva elda - kerfið okkar er búið að þjóna byggingunni af öryggi í heilt ár og sló ekki feilpúst á meðan átta þúsund manns nutu góðrar innivistar og ljúfra tóna.

Reglulega ber fyrir augu fréttir af verkefnum sem við tökum þátt í. Hér er lítið sýnishorn af verkefnum þar sem við erum...
10/03/2026

Reglulega ber fyrir augu fréttir af verkefnum sem við tökum þátt í. Hér er lítið sýnishorn af verkefnum þar sem við erum að græja stýringar þessa dagana. Við erum heppnir að fá að vera með í svona flottum verkefnum með topp samstarfsaðilum.

Okkur leiðist ekki í dag frekar en aðra daga. Við fáum að búa til borholustýringar, hita fótboltavelli, stýra innivist o...
13/02/2026

Okkur leiðist ekki í dag frekar en aðra daga. Við fáum að búa til borholustýringar, hita fótboltavelli, stýra innivist og alls konar. Og vikan endaði með helling af jólapökkum sem voru rifnir upp um leið og lítið gleðitár rann niður kinn.

Við áttum góðan bóndadag. Fengum toppmenn í heimsókn, Torfa Vestmann sem er að byggja með okkur flott kerfi í Hvammsvík ...
24/01/2026

Við áttum góðan bóndadag. Fengum toppmenn í heimsókn, Torfa Vestmann sem er að byggja með okkur flott kerfi í Hvammsvík og Venna Stuð sem töfrar fram sjálfvirkni um allt land. Mikil atorkusemi saman komin, lausnamiðaðir kallar og ekkert bull..

Við brösuðum ýmislegt fleira, Knútur prófaði flottan stjórnskáp sem Elmax smíðaði og almennt lékum við á als oddi.

Address

Akralind 2
Kópavogur
201

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+3545627127

Website

Alerts

Be the first to know and let us send you an email when Iðnaðartækni posts news and promotions. Your email address will not be used for any other purpose, and you can unsubscribe at any time.

Shortcuts

Share

Category