28/05/2026
Gervigreind með tilgang 🤖
(þessi texti er samt skrifaður af manneskju)
Það er ekki alltaf augljóst hvar, hvernig eða hvenær best er að nota gervigreind.
En eitt sem hún getur gert mjög vel er að hjálpa fólki að vinna sig í gegnum mikið magn upplýsinga, skilja flókin málefni og nálgast gögn á eigin forsendum.
Þegar umræðan um ESB og þjóðaratkvæðagreiðsluna fór af stað upplifðum við hjá Reon að upplýsingaflæðið væri sundurtætt, óskýrt og oft erfitt að nálgast án þess að detta strax inn í fylkingar.
Þá kviknaði hugmyndin:
Gætum við notað gervigreind til að byggja upplýsingaveitu sem hjálpar fólki að kynna sér málið á einfaldari og gagnsærri hátt?
Úr varð https://jaedanei.is/ - gagnvirk upplýsingaveita sem byggir á umfangsmiklum heimildum og gögnum um ESB-málið.
Markmiðið var ekki að segja fólki hvað því ætti að finnast heldur að gera það auðveldara að mynda sér sjálfstæða skoðun.
Við trúum því að tæknin eigi ekki bara að gera hluti hraðari. Hún á líka að hjálpa okkur að eiga betri samtöl, skilja hvort annað betur og taka upplýstari ákvarðanir.
Búum til tækni með tilgang 💐
