EcoFlow Authorized Distributor KH

29/10/2026

🙏🇰🇭 សូមថ្វាយព្រះពរ ក្នុងឱកាសព្រះរាជពិធីគ្រងព្រះបរមរាជសម្បត្តិ🙏🇰🇭
សូមក្រាបបង្គំថ្វាយព្រះសព្ទសាធុការពរ និងព្រះពរជ័យ សិរីមង្គល វិបុលសុខ មហាប្រសើរ ថ្វាយចំពោះព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា សូមព្រះអង្គមានព្រះរាជសុខភាពល្អបរិបូរណ៍ ព្រះជន្មាយុយឺនយូរ និងគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចនិរន្តរ៍។ 🙏❤️

27/10/2026

🙏🪷 សូមអនុមោទនាពិធីបុណ្យកឋិនកាល 🪷🙏
📅 ថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែតុលា ឆ្នាំ២០២៦។
ពិធីបុណ្យកឋិនកាល ជាប្រពៃណីដ៏ល្អផូរផង់របស់ពុទ្ធបរិស័ទខ្មែរ ក្នុងការនាំយកសំពត់ និងចីវរ ព្រមទាំងគ្រឿងបរិក្ខារទៅប្រគេនព្រះសង្ឃ ដើម្បីឧទ្ទិសកុសលផលបុណ្យ និងបន្តប្រពៃណីព្រះពុទ្ធសាសនា។
សូមជូនពរប្រជាពុទ្ធបរិស័ទទាំងអស់ ជួបតែសេចក្តីសុខ សុភមង្គល និងសេចក្តីចម្រើនគ្រប់ប្រការ។ 🙏✨

26/10/2026

🙏សូមអនុមោទនា ពិធីបុណ្យចេញព្រះវស្សា
ថ្ងៃចន្ទ ១៥កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែតុលា ឆ្នាំ២០២៦។
✨សូមជូនពរប្រជាពុទ្ធបរិស័ទទាំងអស់ ជួបប្រទះតែសេចក្តីសុខ សុភមង្គល សុខភាពល្អ និងសិរីមង្គលគ្រប់ប្រការ។
#បុណ្យចេញព្រះវស្សា #ប្រពៃណីខ្មែរ #ព្រះពុទ្ធសាសនា

23/10/2026

🕊🇰🇭 អបអរសាទរខួបលើកទី៣៥ នៃកិច្ចព្រមព្រៀងសន្តិភាពទីក្រុងប៉ារីស 🇰🇭
📅 ២៣ តុលា ១៩៩១ – ២៣ តុលា ២០២៦
✨ ក្នុងឱកាសដ៏មានអត្ថន័យនេះ សូមយើងទាំងអស់គ្នាចងចាំ និងឱ្យតម្លៃចំពោះសន្តិភាព ឯកភាពជាតិ និងសាមគ្គីភាព ដោយរួមគ្នាថែរក្សាមរតកសន្តិភាព ដើម្បីកសាងប្រទេសកម្ពុជាឱ្យកាន់តែរីកចម្រើន និងមានអនាគតភ្លឺស្វាងសម្រាប់កូនចៅជំនាន់ក្រោយ។ ❤️🕊
🇰🇭 សន្តិភាពជាក្តីសង្ឃឹម សាមគ្គីភាពជាកម្លាំង និងការអភិវឌ្ឍជាអនាគតរបស់កម្ពុជា!
#កិច្ចព្រមព្រៀងសន្តិភាពទីក្រុងប៉ារីស #៣៥ឆ្នាំនាំនៃកិច្ចព្រមព្រៀងសន្តិភាព

14/10/2026

🙏🇰🇭 គម្រប់ខួបលើកទី១៤ នៃទិវាគោរពព្រះវិញ្ញាណក្ខន្ធ ព្រះបរមរតនកោដ្ឋ 🇰🇭
ក្នុងឱកាសគម្រប់ខួបដ៏មានអត្ថន័យនេះ យើងខ្ញុំសូមចូលរួមគោរពព្រះវិញ្ញាណក្ខន្ធ និងចងចាំជានិច្ចនូវព្រះរាជគុណដ៏ថ្លៃថ្លារបស់ ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ»។
សូមព្រះវិញ្ញាណក្ខន្ធព្រះអង្គបានយាងសោយសុខក្នុងព្រះបរមសុគតិភពជានិរន្តរ៍។ 🙏🕊
១៥ តុលា ២០១២ – ១៥ តុលា ២០២៦

09/10/2026

🙏✨ អបអរសាទរ ពិធីបុណ្យភ្ជុំបិណ្ឌ!
🌾 ពិធីបុណ្យភ្ជុំបិណ្ឌ ជាពេលវេលាដ៏មានអត្ថន័យសម្រាប់ការជួបជុំក្រុមគ្រួសារធ្វើបុណ្យ និងរក្សាប្រពៃណីដ៏ល្អរបស់ខ្មែរ។ 🇰🇭 សូមជូនពរបងប្អូនខ្មែរទាំងអស់ឱ្យមាន សុខភាពល្អ សុភមង្គល សំណាងល្អ និងជោគជ័យគ្រប់ភារកិច្ច។ 💛🙏
សូមឱ្យការធ្វើដំណើរទៅកាន់ស្រុកកំណើតប្រកបដោយសុខសុវត្ថិភាព និងភាពកក់ក្តៅជាមួយក្រុមគ្រួសារ។ 🌿✨

04/10/2026

📚 អបអរសាទរ ទិវាគ្រូបង្រៀនពិភពលោក 🌍👩‍🏫
Happy World Teachers’ Day! 🎉
ក្នុងឱកាស ទិវាគ្រូបង្រៀនពិភពលោក យើងសូមថ្លែងអំណរគុណយ៉ាងជ្រាលជ្រៅជូនចំពោះលោកគ្រូ អ្នកគ្រូគ្រប់រូប ដែលបានលះបង់ពេលវេលា កម្លាំងកាយចិត្ត និងចំណេះដឹង ដើម្បីបណ្តុះបណ្តាល និងបំភ្លឺផ្លូវអនាគតដល់សិស្សានុសិស្ស។ ❤️
សូមជូនពរលោកគ្រូ អ្នកគ្រូទាំងអស់ ជួបប្រទះតែសុខភាពល្អ សុភមង្គល ជោគជ័យ និងមានកម្លាំងចិត្តបន្តបេសកកម្មដ៏មានតម្លៃនេះជារៀងរហូត។ 🌟
អរគុណលោកគ្រូ អ្នកគ្រូ សម្រាប់ការបំភ្លឺផ្លូវអនាគតរបស់យើង! 🙏💙

03/10/2026

07/07/2026

៩ ឆ្នាំនៃមោទនភាពជាតិខ្មែរលើឆាកអន្តរជាតិ! 🇰🇭✨
(៨ កក្កដា ២០១៧ - ៨ កក្កដា ២០២៦)

រួមគ្នាអបអរសាទរខួបលើកទី៩ នៃការដាក់បញ្ចូល «តំបន់ប្រាសាទសំបូរព្រៃគុក» ទៅក្នុងបញ្ជីបេតិកភណ្ឌពិភពលោក ដោយអង្គការ UNESCO នាទីក្រុងក្រាកូវ ប្រទេសប៉ូឡូញ។

ក្នុងនាមជាកូនខ្មែរជំនាន់ក្រោយ ពួកយើងរួមគ្នាថែរក្សា និងផ្សព្វផ្សាយអច្ឆរិយភាពនេះទៅកាន់ពិភពលោក ព្រោះ កិច្ចការពារបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប។ 🇰🇭❤️

03/07/2026

🎉 អបអរសាទរ ខួបលើកទី៧៥ 🎉 🇰🇭 កម្ពុជាចូលជាសមាជិកអង្គការយូណេស្កូ
📅 ៣ កក្កដា ១៩៥១ – ៣ កក្កដា ២០២៦ (Cambodia joined UNESCO)រយៈពេល ៧៥ ឆ្នាំនៃភាពជាសមាជិកអង្គការយូណេស្កូ គឺជាសក្ខីភាពនៃការប្តេជ្ញាចិត្តរបស់កម្ពុជា ក្នុងការលើកកម្ពស់ការអប់រំ វប្បធម៌ វិទ្យាសាស្ត្រ និងការអភិរក្សបេតិកភណ្ឌជាតិឱ្យមានការទទួលស្គាល់ និងលេចធ្លោលើឆាកអន្តរជាតិ។

សូមចូលរួមអបអរសាទរ និងបន្តរួមគ្នាថែរក្សា អភិរក្ស និងផ្សព្វផ្សាយនូវបេតិកភណ្ឌវប្បធម៌ដ៏មានតម្លៃរបស់កម្ពុជា ដើម្បីជាមរតកដល់មនុស្សជំនាន់ក្រោយ។