https://www.facebook.com/104831865143027/

SciTej - វិទ្យាសាស្ត្រនិងបច្ចេកវិទ្យា, Phnom Penh (2026)

27/11/2025

🇩🇰 ដាណឺម៉ាកបានអនុម័តច្បាប់ថ្មីមួយដើម្បីហាមឃាត់កុមារអាយុ ១៥ ឆ្នាំចុះក្រោម មិនឲ្យប្រើប្រាស់បណ្តាញសង្គម។ គោលបំណងគឺដើម្បីការពារសុខភាពផ្លូវចិត្តរបស់ក្មេងៗពីការថប់បារម្ភ ជំងឺបាក់ទឹកចិត្ត និងទម្លាប់ញៀនអ៊ីនធឺណិត។

07/11/2025

#កុមារដែលទម្លាប់ធ្វើការងារផ្ទះ អាចអភិវឌ្ឍនូវអារម្មណ៍នៃតម្លៃខ្លួនឯង និងការយោគយល់ខ្ពស់ ដោយបានបណ្តុះនូវក្រមសីលធម៌ការងារនិងសមត្ថភាពការងារក្រុម ដែលសំខាន់សម្រាប់ភាពជោគជ័យក្នុងអាជីព។

04/11/2025

ចុះមនុស្ស? 😱🐁 “Mouse Paradise”

នៅចុងទសវត្សរ៍ឆ្នាំ ១៩៦០ អ្នកជំនាញខាងឥរិយាបថសត្វជនជាតិអាមេរិកម្នាក់ឈ្មោះ បណ្ឌិត John B. Calhoun បានបង្កើតអ្វីដែលគាត់ហៅថា “ឋានសួគ៌កណ្ដុរ”។ នេះគឺជាកន្លែងដែលត្រូវបានរៀបចំឡើងយ៉ាងល្អិតល្អន់ និងគ្រប់គ្រងយ៉ាងតឹងរ៉ឹងបំផុត ដោយមានចំណីអាហារ ទឹក និងទីជម្រក មិនខ្វះសម្រាប់កណ្តុរ និងគ្មានការយាយី គ្មានការខ្វះខាត និងគ្មានការភ័យខ្លាចអ្វីឡើយ។

#ដំបូងឡើយ វាជាឋានសួគ៌មែន។ កណ្ដុរទាំងនោះបានរស់នៅយ៉ាងសម្បូរសប្បាយ កើនចំនួនយ៉ាងលឿន និងបង្កើតបានជាសំបុកតូចៗដ៏រស់រវើក។ ប៉ុន្តែនៅពេលដែលចំនួនកណ្តុរបានកើនឡើង លើសពី ៦០០ ក្បាល អ្វីៗគ្រប់យ៉ាងក៏ចាប់ផ្ដើម រង្គោះរង្គើ។

សត្វដែលខ្លាំងជាងបានចាប់ផ្ដើមដណ្ដើមយកសំបុកល្អៗ ហើយកណ្តុរឈ្មោលដែលខ្សោយជាងគេ ត្រូវកណ្តុរខ្លាំងជាងធ្វើបាប និងដេញឱ្យទៅកន្លែងកៀនៗ។ សណ្តាប់ធ្នាប់ចាប់ផ្តើមបាត់បង់។
កាន់តែអាក្រក់ទៅទៀត មេកណ្ដុរបានបាត់បង់សភាវគតិក្នុងការថែទាំកូន ហើយខ្លះថែមទាំងបោះបង់ ឬបែរមកធ្វើបាបកូន របស់ខ្លួនទៀតផង។

#ហិង្សាបានផ្ទុះឡើង ហើយទីបំផុតការរួមរស់និងថែរក្សាគ្នាក៏ត្រូវបាត់ទាំងស្រុង ហើយចំនួនកណ្តុរលែងកើនឡើងទៀត។ អ្វីដែលគួរឱ្យខ្លាចនោះគឺសង្គមទាំងមូលបានបាត់ឆន្ទៈក្នុងការរស់នៅទៅវិញ។ បើទោះជាអាហារនៅតែហូរហៀរ តែគោលបំណងជីវិត របស់ពួកវាបានបាត់ទៅហើយ។

ជំនាន់ចុងក្រោយនៃកណ្ដុរដែលកើតក្នុងបរិយាកាសនេះបានក្លាយទៅជាអសកម្ម និងមិនមានទំនាក់ទំនងគ្នា។ ពួកវាគ្មានភាពរីករាយ គ្មានការចង់រស់រាន ហើយពួកគេចំណាយពេលស្ទើរតែទាំងអស់ សម្អាតរោមខ្លួនឥតឈប់ ជៀសវាងការប៉ះពាល់គ្នា និងមិនចាប់អារម្មណ៍នឹងការស្វែងរកដៃគូ ឬការចងសម្ព័ន្ធភាពសង្គមអ្វីឡើយ។

លោក Calhoun បានហៅដំណាក់កាលនេះថា “ #ការលិចលង់ខាងឥរិយាបថ” (the behavioral sink) ដែលជាការដួលរលំ មិនមែននៃរូបកាយទេ តែជាការដួលរលំនៃស្មារតី។ នៅពេលដែលកណ្តុរក្បាលចុងក្រោយបានស្លាប់ទៅ ទីជម្រកនោះនៅតែពោរពេញទៅដោយអ្វីៗដែលពួកវាត្រូវការដដែល។

លោក Calhoun បានធ្វើការពិសោធន៍នេះ ២៥ ដង ហើយលទ្ធផលគឺ ដូចគ្នាបេះបិទ រាល់លើក។

#សេចក្តីសន្និដ្ឋាន ៖ “នៅពេលដែលប្រជាជនមួយបាត់បង់គោលបំណង អត្ថន័យ និងចំណងសង្គម នោះពួកគេនឹងស្លាប់បាត់បង់ទៅយូរហើយ គឺមុនពេលរូបកាយរបស់ពួកគេស្លាប់ទៅទៀត”។

17/04/2025

៥៤ សំណួរ-ចម្លើយ ផែនដីនិងបរិស្ថានវិទ្យាថ្នាក់ទី១២ ត្រៀមប្រលងប្រចាំខែ ឆមាស និងបាក់ឌុប ងាយស្រួលក្នុងការអាន តាមរយៈវេបសាយរបស់ SCITEJ ៖
https://scitej.blogspot.com/2025/01/54QnAearthscienceg12.html

Address

Phnom Penh

Website

facebook.com

Alerts

Be the first to know and let us send you an email when SciTej - វិទ្យាសាស្ត្រនិងបច្ចេកវិទ្យា posts news and promotions. Your email address will not be used for any other purpose, and you can unsubscribe at any time.

SciTej - វិទ្យាសាស្ត្រនិងបច្ចេកវិទ្យា