Dunga Operating GmbH

25/04/2026

25 сәуір күні республикалық «Таза Қазақстан» экологиялық акциясы аясында Түпқараған ауданының Ақшұқыр ауылында ағаш отырғызу шарасы өтті. Экологиялық бастамаға Dunga Operating GmbH қызметкерлері отбасыларымен және балаларымен бірге қатысты.

Осындай игі шараларға қатысу компанияның экологиялық жауапкершілікке, қоршаған ортаға жанашырлыққа және әлеуметтік белсенділікке бейілділігін айқындайды. Бірлескен еңбек ауызбіршілік пен өзара құрметтің, келер ұрпаққа деген қамқорлықтың жарқын үлгісіне айналды.

Іс-шара қорытындысы бойынша Түпқараған ауданында 500 түп ағаш отырғызылды, оның ішінде 370-тен астамы Ақшұқыр ауылында егілді. #ТазаҚазақстан #ЭкоКМГ

24/04/2026

Dunga Operating GmbH компаниясында Дүниежүзілік еңбекті қорғау күніне арналған іс-шара өткізілді.

Еңбек қауіпсіздігі мен қызметкерлердің денсаулығын қорғау – компания қызметіндегі негізгі ұстанымдарының бірі.

Іс-шара аясында Ақтау офисі мен Доңға кен орны қызметкерлері арасында телемост ұйымдастырылып, оның барысында қауіпсіздік мәселелері мен өзгерістерді басқару тақырыптары талқыланды.

Сондай-ақ, еңбек қауіпсіздігі, техника қауіпсіздігі және қоршаған ортаны қорғау саласындағы процестерді жетілдіруге бағытталған цифрлық шешімдер таныстырылды.

Іс-шара барысында қызметкерлерді марапаттау рәсімі өтті. Қауіпсіздік мәдениетін дамытуға және өндірістік процестерді жетілдіруге қосқан үлесі үшін Аманкулов Болат, Станислав Югай және Ербол Орысбай алғыс хаттармен марапатталды.

Осындай іс-шаралар өзара құрмет пен ортақ жауапкершілікке негізделген қауіпсіздік мәдениетін одан әрі дамытуға ықпал етеді.

17/04/2026

Ақтау қаласы әкімдігінде өткен салтанатты рәсім барысында Dunga Operating GmbH компаниясы Наурыз мерекесіне арналған қалалық іс-шараларды ұйымдастыруға белсенді қатысқаны және ұлттық салт-дәстүрлерді насихаттауға қосқан үлесі үшін алғыс хатпен марапатталды.

Алғыс хатты компанияға Ақтау қаласының әкімі Әбілқайыр Байпақов табыс етті.

Бұл жоғары баға – компанияның қоғамдық бірлікті нығайтуға, ұлттық дәстүрлерді дәріптеуге және мәдени құндылықтарды сақтауға бағытталған бастамаларының айқын көрінісі.

Осындай жобаларға қатысу Dunga Operating GmbH компаниясының негізгі құндылықтарын – ауызбіршілік пен өзара құрметтің көрінісі.

#Наурыз #Ақтау #Бірлік #Құндылықтар КорпоративтікМәдениет

13/04/2026

Dunga Operating GmbH «Таза Қазақстан» республикалық экологиялық акциясына қосылды.

11 сәуір күні компания қызметкерлері балаларымен бірге Маңғыстау облысы, Түпқараған ауданындағы Голубая бухта аумағында, 63-шақырымда өткен сенбілікке қатысты.

Акция барысында қатысушылар аумақты тазалап, тұрмыстық қалдықтарды жинады және өңірдің көрікті орындарының бірінің тазалығын сақтауға өз үлестерін қосты. Мұндай бастамалар жауапкершілік мәдениетін нығайтып, ұжымды біріктіреді әрі келер ұрпақтың табиғатқа жанашыр көзқарасын қалыптастыруға ықпал етеді.

Dunga Operating GmbH үшін экологиялық жобаларға қатысу – компанияның әлеуметтік жауапкершілігінің маңызды бөлігі және өңірдің тұрақты дамуына қосқан үлесі.

06/04/2026

Геологтар күніне орай компанияда мерекелік іс-шара өтіп, оның барысында қызметкерлерге «ҚазМұнайГаз» ҰК АҚ марапаттары табысталды.

Мусинова Рашида Алғыс хатпен марапатталса, Тлепин Артур мен Кальмухамбетова Динара Құрмет грамоталарымен марапатталды.

Бұл марапаттар әріптестеріміздің кәсібилігі мен жауапкершілігін, өз ісіне деген адалдығын айқындайды. Мамандарымыздың күнделікті еңбегі компанияның нәтижелі жұмысына елеулі үлес қосып келеді.

Әріптестерімізді лайықты марапаттарымен құттықтаймыз және алдағы уақытта да жаңа жетістіктерге жете берулеріңізге тілектеспіз!

04/04/2026

Компания қызметкерлері «Мөлдір бұлақ» экологиялық акциясына қатысып, Каспий теңізінің жағалау аумағын тазалау жұмыстарын жүргізді.

Акция барысында тұрмыстық қалдықтар жиналып, аумақты тазартуға бағытталған жұмыстар атқарылды.

Мұндай бастамалар қоршаған ортаға ұқыпты қарау мәдениетін қалыптастырып, қызметкерлер арасында бірлік пен ортақ жауапкершілікті нығайтады.

Компания табиғатты қорғауға бағытталған экологиялық іс-шараларды тұрақты түрде қолдайды.

#Мөлдірбұлақ #ТазаҚазақстан #ЭкоКМГ

17/03/2026

Dunga Operating компаниясында өрт сөндіру депосында іс-шаралар өткізуге арналған жаңа залдың ашылуы өтті.

Іс-шара аясында символикалық лента қиылып, одан кейін компания қызметкерлерімен мерекелік атмосферада кездесу өтті.

Бұл шара Наурыз мейрамының бастауын білдіретін Амал мерекесі — Көрісу күнімен тұспа-тұс келді. Осыған орай кездесу барысында арнайы бағдарлама ұсынылып, қызметкерлер Наурыздың тарихымен танысып, көктемнің жаңару мен бірлікке толы ерекше көңіл күйін бірге бөлісті.

Кездесу ұжым үшін компания өміріндегі маңызды оқиғаны бірге атап өтіп, бір-бірін көктемнің келуімен құттықтауға жақсы мүмкіндік болды.

Жаңа зал кен орны үшін маңызды нысанға айналып, қызметкерлерді біріктіретін, кездесулер мен пікір алмасуға арналған жаңа орта қалыптастырады.

13/03/2026

Dunga Operating GmbH Бас Директоры алдағы республикалық референдумның маңыздылығы туралы пікір білдірді.

Компания басшысы референдумға қатысып, өз таңдауын жасайтынын атап өтті.

15 наурыз – еліміз үшін маңызды күн. Бұл күні Қазақстанда жаңа Конституция бойынша республикалық референдум өтеді.

12/03/2026