Renewable Energy and New Materials Institute

Renewable Energy and New Materials Institute REMI has function in conducting of research and development an applied and adaptive research on renewable energy technology and traditional technology for

ສະຖາບັນ ພະລັງງານທົດແທນ ແລະ ວັດສະດຸໃໜ່ ຂຽນດ້ວຍຕົວອັກສອນຫຍໍ້ວ່າ: " ສພວ " ສັງກັດໃນໂຄງປະກອບກົງຈັກຂອງກະຊວງ ວິທະຍາສາດ ແລະ ເຕັກໂນໂລຊີ, ມີພາລະບົດບາດ ເປັນ ເສນາທິການໃຫ້ແກ່ກະຊວງ ໃນການຄົ້ນຄວ້າ, ພັດທະນາ, ຖ່າຍທອດ, ສົ່ງເສີມ, ນຳໃຊ້ ແລະ ບໍລິການ ດ້ານພະລັງງາຊີວະພາບ, ທາງເລືອກ, ວິສະວະກຳກົນຈັກ ແລະ ວັດສະດຸໃໝ່.
ໜ້າທີ່
1. ສຶກສາ, ຄົ້ນຄ້ວາ, ຜັນຂະຫຍາຍແນວທາງ, ນະໂຍບາຍຂອງພັກ ແລະ ລັດຖະບານ; ແຜນການ, ແຜນງານ, ໂຄງການລະອຽດຂອງກະຊວງໃຫ້

ກາຍເປັນແຜນວຽກລະອຽດ ແລະ ໂຄງການສະເພາະ ຂອງສະຖາບັນ ແລະ ຮັບຜີດຊອບຈັດຕັ້ງປະຕິບັດ;
2. ສຶກສາ, ຄົ້ນຄ້ວາ, ເລືອກເຟັ້ນເອົາ ເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່ ຂອງພາຍໃນ ແລະ ຕ່າງປະເທດ ເພື່ອປັບໃຊ້ໃຫ້ແທດເໝາະກັບສະພາບຕົວຈິງ ຂອງການ ພັດທະນາເສດຖະກິດ-ສັງຄົມແຫ່ງຊາດ.
3. ສຶກສາ, ຄົ້ນຄວ້າ, ທົດລອງ, ຢັ້ງຢືນດ້ານເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່ ຢູ່ພາຍໃນປະເທດ ກ່ອນການເຜີຍແຜ່, ການຈົດທະບຽນ ແລະ ການສົ່ງເສີມໃຫ້ສັງຄົມຊົມໃຊ້.
4. ຝຶກອົບຮົມ, ຖ່າຍທອດ, ໂຄສະນາເຜີຍແຜ່, ສາທິດ-ວາງສະແດງ, ບໍລິການ ແລະ ສົ່ງເສີມການນຳໃຊ້ຜົນສຳເລັດ ຂອງການຄົ້ນຄວ້າດ້ານເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່ ເພື່ອປະກອບໃນການຫັນເປັນອຸດສາຫະກຳ ແລະ ທັນສະໄໝ ເທື່ອລະກ້າວ.
5. ສ້າງລະບົບຂໍ້ມູນຂ່າວສານ, ພັດທະນາເຄືອຂ່າຍ ດ້ານເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່ ເພື່ອສາມາດເຊື່ອມຕໍ່ກັບສະຖາບັນຄົ້ນ ຄວ້າ, ອົງການທີ່ກ່ຽວຂ້ອງ ພາຍໃນ ແລະ ຕ່າງປະເທດ.
6. ປະສານສົມທົບກັບຂະແໜງໃນທ້ອງຖິ່ນ ເພື່ອຕິດຕາມ, ຊຸກຍູ້, ສ້າງປະຖົມປັດໄຈ, ສ້າງເງື່ອນໄຂ ເພື່ອການຄົ້ນຄ້ວາ, ການພັດທະນາ, ການຖ່າຍທອດ, ການບໍລິການ ແລະ ການສົ່ງເສີມການນຳໃຊ້ ດ້ານເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່;.
7. ເກັບກຳ, ວິໄຈ ຂໍ້ມູນພື້ນຖານຕ່າງໆ ຮັບໃຊ້ໃຫ້ແກ່ການວາງແຜນ, ການສ້າງຕັ້ງໜ່ວຍງານ, ການຄົ້ນຄ້ວາ, ພັດທະນາ, ຖ່າຍທອດ, ສົ່ງເສີມ, ນຳໃຊ້, ບໍລິການ, ກວດກາ ແລະ ປະເມີນຜົນ ດ້ານເຕັກໂນໂລຊີໃນຂົງເຂດພະລັງງານທົດແທນ ແລະ ວັດສະດຸໃໝ່.
8. ກຳນົດນະໂຍບາຍຊຸກຍູ້ ແລະ ສ້າງເງື່ອນໄຂສະດວກໃຫ້ແກ່ການຈັດຕັ້ງປະຕິບັດແຜນການ, ໂຄງການ, ງົບປະມານ ແລະ ວຽກງານຂອງພະແນກ, ສູນ ແລະ ໜ່ວຍງານຕ່າງໆ; ຈັດຕັ້ງຄຸ້ມຄອງວັດຖຸ ອຸປະກອນ, ພາຫະນະ ແລະ ເຄື່ອງຮັບໃຊ້ອື່ນໆ ພາຍໃນສະຖາບັນ;
9. ສ້າງແຜນການໃນແຕ່ລະໄລຍະ ເປັນຕົ້ນ: ແຜນການເດືອນ, ແຜນການຫົກເດືອນ, ແຜນການປະ ຈຳປີ, ແຜນການໄລຍະຍາວ ແລະ ແຜນຍຸດທະສາດ ກ່ຽວກັບວຽກງານ ການຄົ້ນຄ້ວາ, ພັດທະນາ, ຖ່າຍທອດ, ສົ່ງເສີມ, ນຳໃຊ້ ແລະ ບໍລິການ ດ້ານເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່;
10. ປະກອບສ່ວນ ໃນການກໍ່ສ້າງ, ຍົກລະດັບ ແລະ ພັດທະນາຊັບພະຍາກອນມະນຸດ ຮັບໃຊ້ຂົງເຂດການຄົ້ນຄ້ວາ, ພັດທະນາ, ຖ່າຍທອດ, ສົ່ງເສີມ, ນຳໃຊ້ ແລະ ບໍລິການ ດ້ານເຕັກໂນໂລຊີ ພະລັງງານທົດແທນ ແລະ ນະວັດຕະກຳວັດສະດຸໃໝ່;
11. ສະເໜີ ປັບປຸງໂຄງປະກອບການຈັດຕັ້ງ, ຊັບຊ້ອນບຸກຄະລາກອນ, ກຳນົດໜ້າທີ່, ຈຳນວນ ພະນັກງານ ໃຫ້ສອດຄ່ອງກັບວຽກງານ ຂອງສະຖາບັນໃນແຕ່ລະໄລຍະ, ນັບທັງ ການປະຕິບັດ ລະບອບ ນະໂຍບາຍ ເລື່ອນຊັ້ນ, ເລື່ອນຂັ້ນ, ຍ້ອງຍໍ ແລະ ການປະຕິບັດວິໄນ ຕໍ່ຜູ້ກະທຳຜິດ ລະບຽບລັດ ຖະກອນ;
12. ສ້າງລາຍຮັບວິຊາການ ກ່ຽວກັບ ການຄົ້ນຄ້ວາ, ພັດທະນາ, ຖ່າຍທອດ, ສົ່ງເສີມ, ນຳໃຊ້ ແລະ ບໍລິ ການ ດ້ານເຕັກໂນໂລຊີ ພະລັງງານທົດແທນ ແລະ ນະວັດຕະກຳວັດສະດຸໃໝ່;
13. ຂຶ້ນບັນຊີ, ຈັດຕັ້ງຄຸ້ມຄອງ, ບົວລະບັດຮັກສາ ວັດຖຸອຸປະກອນເຕັກນິກ, ພາຫະນະ, ເຄື່ອງມື, ພາຫະນະຮັບໃຊ້, ຊັບສົມບັດຄົງທີ່ ແລະ ເຄື່ອງຮັບໃຊ້ອື່ນໆ ທີ່ຢູ່ໃນຄວາມ ຮັບຜິດຊອບ ຂອງສະຖາບັນ;
14. ພົວພັນຮ່ວມມື ພົບປະເຈລະຈາ ແລະ ປະສານງານກັບອົງການຈັດຕັ້ງຕ່າງໆ ກັບພາຍໃນ ແລະ ຕ່າງປະເທດ
15. ປະຕິບັດໜ້າທີ່ອື່ນໆ ຕາມການມອບໝາຍຂອງກະຊວງ.
ຂອບເຂດສິດ
1. ຝຶກອົບຮົມ, ຖ່າຍທອດ, ໂຄສະນາເຜີຍແຜ່, ສາທິດ-ວາງສະແດງ, ບໍລິການ ແລະ ສົ່ງເສີມການນຳໃຊ້ດ້ານ ເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່.
2. ບໍລິການ ທາງດ້ານວິຊາການ ກ່ຽວກັບເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່.
3. ເຂົ້າຮ່ວມ, ປະກອບ ແລະ ສະເໜີຄຳຄິດຄຳເຫັນ ທີ່ພົວພັນເຖິງ ວຽກງານ ຄົ້ນຄ້ວາ, ພັດທະນາ, ຝຶກອົບຮົມ ແລະ ການບໍລິການ ດ້ານເຕັກໂນໂລຊີ ພະລັງງານທົດແທນ ແລະ ວັດສະດຸໃໝ່.
4. ຄຸ້ມຄອງນຳໃຊ້ງົບປະມານ, ປະຕິບັດນະໂຍບາຍລາຍຮັບວິຊາການ ແລະ ນຳໃຊ້ລາຍຮັບວິຊາການ ຕາມການອະນຸມັດ ຂອງກະຊວງ ວິທະຍາສາດ ແລະ ເຕັກໂນໂລຊີ.
5.ຄຸ້ມຄອງ, ບົວລະບັດຮັກສາ ວັດຖຸອຸປະກອນເຕັກນິກ, ພາຫະນະ, ເຄື່ອງມື, ພາຫະນະຮັບໃຊ້, ຊັບສົມບັດຄົງທີ່ ແລະ ເຄື່ອງຮັບໃຊ້ອື່ນໆ ທີ່ຢູ່ໃນຄວາມຮັບຜິດຊອບ ຂອງສະຖາບັນ.
6. ສະເໜີ ສ້າງຕັ້ງ, ປັບປຸງ, ດັດແປງ, ຍົກເລີກ ກົງຈັກການຈັດຕັ້ງ, ແຕ່ງຕັ້ງ, ຍົກຍ້າຍໜ້າທີ່, ປົດຕຳແໜ່ງ, ເລື່ອນຊັ້ນ ແລະ ວ່າຈ້າງຊ່ຽວຊານ, ແຮງງານຊົ່ວຄາວ ເພື່ອຮັບໃຊ້ ໃຫ້ແກ່ວຽກສະຖາບັນ
7. ພົວພັນຮ່ວມມື ພົບປະເຈລະຈາ ແລະ ປະສານງານກັບອົງການຈັດຕັ້ງຕ່າງໆ ກັບພາຍໃນ ແລະ ຕ່າງປະເທດ
8. ປະຕິບັດຂອບເຂດສິດອື່ນໆ ຕາມການມອບໝາຍຂອງກະຊວງ.

ແບບແຜນວິທີເຮັດວຽກ
1. ປະຕິບັດຫລັກການລວມສູນປະຊາທິປະໄຕ, ຕົກລົງເປັນໝູ່ຄະນະ, ແບ່ງງານໃຫ້ບຸກຄົນຮັບຜິດຊອບ ແລະ ປະຕິບັດລະບອບຫົວໜ້າດຽວ, ເສີມຂະຫຍາຍຫົວຄິດປະດິດສ້າງ ກ່ຽວກັບ ການຄົ້ນຄ້ວາ ແລະ ພັດທະນາ ວິທະຍາສາດຂົງເຂດພະລັງງານທົດແທນ ແລະ ວັດສະດຸໃໝ່;
2. ເຮັດວຽກມີແຜນການ, ແຜນງານ ແລະ ໂຄງການລະອຽດ; ແກ້ໄຂວຽກງານຢ່າງມີຈຸດສຸມ ແລະ ມີເປົ້າໝາຍໃນແຕ່ລະໄລຍະ; ປະສານສົມທົບຢ່າງແໜ້ນແຟ້ນ ກັບການຈັດຕັ້ງ ທີ່ກ່ຽວຂ້ອງ ຂັ້ນສູນກາງ ແລະ ທ້ອງຖີ່ນ;
3. ເຮັດວຽກມີການກວດກາ, ຕິດຕາມຊຸກຍູ້, ສະຫຼຸບຖອດຖອນບົດຮຽນ, ຕີລາຄາຜົນໄດ້ຜົນເສຍ, ພ້ອມທັງປະຕິບັດລະບອບລາຍງານສ່ອງແສງຢ່າງເຂັ້ມງວດ;
4. ປະຕິບັດລະບອບປະຊຸມປະຈຳເດືອນ, 3 ເດືອນ, 6 ເດືອນ ຫຼື ປະຕິບັດລະບອບລາຍງານໃຫ້ຂັ້ນເທິງ ຂອງຕົນເປັນປົກກະຕິ.

Call for Proposals!
05/02/2020

Call for Proposals!

ສະຖາບັນພະລັງງານທົດແທນ ແລະ ວັດສະດຸໃໝ່, ກົມແຜນການ ແລະ ຮ່ວມມື, ກະຊວງວິທະຍາສາດ ແລະ ແຕັກໂນໂລຊີ (ກວຕ), ບໍລິສັດ Marubeni ປະເທດຍ...
04/02/2020

ສະຖາບັນພະລັງງານທົດແທນ ແລະ ວັດສະດຸໃໝ່, ກົມແຜນການ ແລະ ຮ່ວມມື, ກະຊວງວິທະຍາສາດ ແລະ ແຕັກໂນໂລຊີ (ກວຕ), ບໍລິສັດ Marubeni ປະເທດຍີ່ປຸ່ນ ແລະ ບໍລິສັດ AMZ ກຣຸບຈໍາກັດ ໄດ້ລົງນາມເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການສຶກສາຄວາມເປັນໄປໄດ້ໃນການຄົ້ນຄວ້າ ແລະ ພັດທະນາພະລັງງານໄຟຟ້າແສງຕາເວັນ ໃນ ສປປ ລາວ, ໃນວັນທີ 30 ມັງກອນ 2020 ຢູ່ທີ່ ຫ້ອງປະຊຸມ ຊັ້ນ4 ກວຕ
ຜູ້ລົງນາມເຊັນບົດບັນທຶກຄວາມເຂົ້າໃຈຄັ້ງນີ້ ມີທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່, ທ່ານ ປອ. ຄຳເພັດ ວົງດາລາ, ຫົວໜ້າກົມແຜນການ ແລະ ຮ່ວມມື; ທ່ານ ອາກິຮິໂຕ ກູໂບຕາ (Mr Akihito KUBOTA) ປະທານ ກຸ່ມບໍລິສັດ Kyocera ປະເທດຍີ່ປຸ່ນ ແລະ ທ່ານ ອາລິວັນ ສິທາລາ, ປະທານ ບໍລິສັດ ເອເອັມແຊັດ ກຣຸບ ຈຳກັດ.
ໂດຍການເປັນສັກຂີພິຍານ ຂອງທ່ານ ສຈ ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຫົວໜ້າ ຫ້ອງການ, ກົມ, ສະຖາບັນ, ແຂກຈາກພາກສ່ວນທີ່ກ່ຽວ ຂ້ອງພ້ອມດ້ວຍພະນັກງານວິຊາການພາຍໃນ ກວຕ.
ໂອກາດນີ້, ຫົວໜ້າກົມແຜນການ ແລະ ຮ່ວມມື ກ່າວວ່າ: ອີງຕາມຄວາມຮຽກຮ້ອງຕ້ອງການໃນການພັດທະນາເສດຖະກິດ-ສັງຄົມ ຂອງ ສປປ ລາວ, ໃນຍຸກສະໃໝປະຕິວັດອຸດສະຫະກໍາຄັ້ງທີ 4.0 ຈໍາເປັນຕ້ອງໄດ້ນໍາໃຊ້ ແລະ ພັດທະນາເຕັກໂນໂລຊີ ເພື່ອຍົກສູງລະບັບຄວາມຮູ້ຄວາມສາມາດ ໃນການຄົ້ນຄວ້າ ແລະ ພັດທະນາໂດຍສະເພາະແມ່ນການຊັບພະຍາກອນມະນຸດໃນຂົງເຂດ ວິທະຍາສາດ ແລະ ເຕັກໂນໂລຊີ ໃນນັບມື້ນັບສູງຂື້ນ. ສະນັ້ນ, ການເຊັນບົດບັນທຶກຄວາມເຂົ້າໃຈ ໃນຄັ້ງນີ້ແມ່ນສອດຄ່ອງກັບຈຸດສຸມຂອງແຜນພັດທະນາ ວຽກງານວິທະຍາສາດ ແລະ ເຕັກໂນໂລຊີ ໃນປະຈຸບັນ ອິກດ້ານໜື່ງແມ່ນເພື່ອສຶກສາຄວາມເປັນໄປໄດ້ການຮ່ວມມືໃນອານາຄົດ ໂດຍສະເພາະແມ່ນການຍົກສູງການນໍາໃຊ້ວຽກງານ ວິທະຍາສາດ ແລະ ເຕັກໂນໂລຊີ ເຂົ້າໃນການສຶກສາຄວາມເປັນໄປໄດ້ໃນການຄົ້ນຄວ້າ ແລະ ພັດທະນາພະລັງງານໄຟຟ້າແສງຕາເວັນ ໃນ ສປປ ລາວ ສະເພາະ ບໍລິສັດ Marubeni ຈາກປະເທດຍີ່ປຸ່ນ ຊຶ່ງເປັນບໍລິສັດແຖວໜ້າຂອງ ປະເທດຍີ່ປຸ່ນ ທີ່ມີປະສົບການສູງໃນວຽກງານດັ່ງກ່າວ.

03/01/2020
03/01/2020
ພິທີເຊັນບົດບັນທຶກຄວາມເຂົ້າໃຈວ່າດ້ວຍການຄົ້ນຄວ້າ ແລະ ພັດທະນາເພື່ອການຜະລິດພະລັງງານໄຟຟ້າແສງຕາເວັນ ຢູ່ ສປປ ລາວ---------------...
03/01/2020



ພິທີເຊັນບົດບັນທຶກຄວາມເຂົ້າໃຈວ່າດ້ວຍ
ການຄົ້ນຄວ້າ ແລະ ພັດທະນາເພື່ອການຜະລິດພະລັງງານໄຟຟ້າແສງຕາເວັນ ຢູ່ ສປປ ລາວ
--------------------------------------------------
ກົມແຜນການ ແລະ ຮ່ວມມື ແລະ ສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ (ກວຕ) ແລະ ກຸ່ມບໍລິສັດ Kyocera, ປະເທດຍີ່ປຸ່ນ ແລະ ບໍລິສັດ ເອເອັມແຊັດ ກຣຸບ ຈຳກັດ ໄດ້ເຊັນບົດບັນທຶກຄວາມເຂົ້າໃຈວ່າດວ້ຍການຄົ້ນຄວ້າ ແລະ ພັດທະນາເພື່ອການຜະລິດພະລັງງານໄຟຟ້າແສງຕາເວັນ ຢູ່ ສປປ ລາວ ໃນຕອນເຊົ້າວັນທີ 19 ທັນວາ 2019 ຢູ່ ກວຕ.
ຜູ້ລົງນາມໃນບົດບັນທຶກຄັ້ງນີ້ ມີທ່ານ ປອ. ຄຳເພັດ ວົງດາລາ, ຫົວໜ້າກົມແຜນການ ແລະ ຮ່ວມມື; ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່; ທ່ານ ອາກິຮິໂຕ ກູໂບຕາ (Mr Akihito KUBOTA) ປະທານ ກຸ່ມບໍລິສັດ Kyocera ປະເທດຍີ່ປຸ່ນ ແລະ ທ່ານ ອາລິວັນ ສີທາລາ, ປະທານ ບໍລິສັດ ເອເອັມແຊັດ ກຣຸບ ຈຳກັດ.
ໃນພິທີລົງນາມດັ່ງກ່າວ ໄດ້ຮັບກຽດການເຂົ້າຮ່ວມເປັນສັກຂີພິຍານຂອງ ທ່ານ ບຸນຕີ ທະມິດ, ຮອງລັດຖະມົນຕີ ກວຕ, ບັນດາທ່ານ ຮອງລັດຖະມົນຕີ, ຫົວໜ້າຫ້ອງການ, ກົມ, ສະຖາບັນ, ແຂກຈາກພາກສ່ວນທີ່ກ່ຽວຂ້ອງພ້ອມດ້ວຍ ພະນັກງານວິຊາການພາຍໃນ ກວຕ.
ໂອກາດນີ້, ຫົວໜ້າກົມແຜນການ ແລະ ຮ່ວມມື ກ່າວວ່າ: ອີງຕາມຄວາມຮຽກຮ້ອງຕ້ອງການໃນການພັດທະນາເສດຖະກິດ-ສັງຄົມ ຂອງ ສປປ ລາວ ໃນຍຸກສະໄໝປະຕິວັດອຸດສາຫະກຳ ຄັ້ງທີ 4 ຫຼື ເອີ້ນວ່າ ອຸດສາຫະກໍາ 4.0 ຈຳເປັນຕ້ອງໄດ້ມີການນຳໃຊ້ ແລະ ການພັດທະນາເຕັກໂນໂລຊີ ເພື່ອຍົກສູງລະດັບຄວາມຮູ້ຄວາມສາມາດ ໃນການຄົ້ນຄວ້າ ແລະ ການພັດທະນາ, ໂດຍສະເພາະແມ່ນການພັດທະນາຊັບພະຍາກອນມະນຸດໃນຂົງເຂດ ວິທະຍາສາດ ແລະ ເຕັກໂນໂລຊີ ໃຫ້ນັບມື້ນັບສູງຂຶ້ນ, ສະນັ້ນ ການເຊັນບົດບັນທຶກຄວາມເຂົ້າໃຈ ໃນຄັ້ງນີ້ ແມ່ນສອດຄ່ອງກັບຈຸດສຸມ ຂອງແຜນພັດທະນາ ວິທະຍາສາດ ແລະ ເຕັກໂນໂລຊີ ໃນປັດຈຸບັນ.
ອີກດ້ານໜຶ່ງກໍແມ່ນເພື່ອສຶກສາຄວາມເປັນໄປໄດ້ໃນການຮ່ວມມືໃນອະນາຄົດ, ໂດຍສະເພາະແມ່ນການຍົກສູງການນໍາໃຊ້ວຽກງານວິທະຍາສາດ ແລະ ເຕັກໂນໂລຊີ ເຂົ້າໃນການຄົ້ນຄວ້າ ແລະ ພັດທະນາ. ບໍລິສັດ Kyocera Corporation ກໍເປັນບໍລິສັດແຖວໜ້າຂອງປະເທດຍີ່ປຸ່ນທີ່ມີປະສົບການສູງໃນວຽກງານດັ່ງກ່າວ.
ທ່ານ Akihito KUBOTA, ປະທານ ກຸ່ມບໍລິສັດ Kyocera Corporation, ປະເທດຍີ່ປຸ່ນ ໄດ້ກ່າວວ່າ: ກຸ່ມບໍລິສັດ Kyocera ຂອງພວກເຮົາ ໄດ້ເລີ່ມຕົ້ນທຸລະກິດກ່ຽວກັບການຜະລິດພະລັງງານໄຟຟ້າແສງຕາເວັນຕັ້ງແຕ່ 1975 ເປັນຕົ້ນມາ.
ໃນເວລານັ້ນ, ຄວາມຕ້ອງການ ແລະ ການຕະຫຼາດໃນການຊົມໃຊ້ຍັງບໍ່ທັນມີເທື່ອ. ປະທານກຸ່ມບໍລິສັດຂອງພວກເຮົາ, ທ່ານ ອິນະໂມລິ ຊຶ່ງເປັນຜູ້ກໍ່ຕັ້ງບໍລິສັດ ໄດ້ມີແນວຄິດວ່າ: ເຕັກໂນໂລຊີຜະລິດພະລັງງານໄຟຟ້າແສງຕາເວັນເປັນພະລັງງານໜຶ່ງທີ່ມີຄວາມສຳຄັນເພື່ອຮັບໃຊ້ປະຊາກອນໃນໂລກນີ້ ແລະ ເພື່ອຮັບໃຊ້ໃນການພັດທະນາເສດຖະກິດອີກດ້ວຍ.
ເພິ່ນມີຄວາມເຊື່ອໝັ້ນວ່າ ທຸລະກິດນີ້ຈະຊ່ວຍພັດທະນາເສດຖະກິດສັງຄົມຂອງໂລກໄດ້. ດັ່ງນັ້ນ, ຂ້າພະເຈົ້າຂໍສະແດງຄວາມຂອບໃຈມາຍັງ ກວຕ ແລະ ກຸ່ມບໍລິສັດ ເອເອັມແຊັດ ກຣຸບ ທີ່ໄດ້ຮ່ວມກັນສຶກສາຄວາມເປັນໄປໄດ້ໃນຄັ້ງນີ້. ກຸ່ມບໍລິສັດຂອງພວກເຮົາ ຫວັງຢ່າງຍິ່ງວ່າ ເຕັກໂນໂລຊີ ແລະ ແຜງຜະລິດພະລັງງານແສງຕາເວັນຂອງພວກເຮົາຈະເປັນສ່ວນໜຶ່ງໃນການພັດທະນາເສດຖະກິດ-ສັງຄົມຂອງ ສປປ ລາວ.
ຂ່າວ ແລະ ຮູບພາບ: ແສງທອງ ວັນນະທຳ.

ພິທີມອບ-ຮັບໂຄງການທົດລອງນຳໃຊ້ພະລັງງານແສງຕາເວັນ ຜະລິດໄຟຟ້າໃສ່ຫຼັງຄາບ່ອນຈອດລົດ ແລະ ພິທີເປີດສູນການຮ່ວມມື ວິທະຍາສາດ ແລະ ເຕັກໂ...
15/11/2019

ພິທີມອບ-ຮັບໂຄງການທົດລອງນຳໃຊ້ພະລັງງານແສງຕາເວັນ ຜະລິດໄຟຟ້າໃສ່ຫຼັງຄາບ່ອນຈອດລົດ ແລະ ພິທີເປີດສູນການຮ່ວມມື ວິທະຍາສາດ ແລະ ເຕັກໂນໂລຊີ ນະວັດຕະກຳ ພະລັງງານແສງຕາເວັນ ລາວ-ຈີນ

ສະຖານີ ໂທລະພາບ ປ້ອງກັນຄວາມສະຫງົບ LAO PSTV 13/11/2019 ພິທີມອບ-ຮັບໂຄງການພະລັງງານແສງຕາເວັນຜະລິດໄຟຟ້າໃສ່ບອນຈອດລົດ ຂ່າວ ປກ....

ມອບ-ຮັບໂຄງການທົດລອງນໍາໃຊ້ພະລັງງານແສງຕາເວັນຜະລິດໄຟຟ້າໃສ່ບ່ອນຈອດລົດ-------------------------------------------------------...
08/11/2019

ມອບ-ຮັບໂຄງການທົດລອງນໍາໃຊ້ພະລັງງານແສງຕາເວັນຜະລິດໄຟຟ້າໃສ່ບ່ອນຈອດລົດ
------------------------------------------------------------
ພິທີມອບ-ຮັບ ແລະ ເປີດນໍາໃຊ້ໂຄງການທົດລອງນໍາໃຊ້ພະລັງງານແສງຕາເວັນຜະລິດໄຟຟ້າໃສ່ຫຼັງຄາບ່ອນຈອດລົດ ໄດ້ຈັດຂຶ້ນໃນຕອນແລງວັນທີ 7 ພະຈິກ 2019 ທີ່ສະຖາບັນພະລັງງານທົດແທນ ແລະ ວັດສະດຸໃໝ່ (ດົງໝາກຄາຍ), ກະຊວງວິທະຍາສາດ ແລະ ເຕັກໂນໂລຊີ ໂດຍການເຊັນມອບຂອງທ່ານ ໝ່າ ໝິນຊຽງ, ຫົວໜ້າສະພາບັນດິດ ເຕັກນິກຂໍ້ມູນຂ່າວສານ ແລະ ວິທະຍາສາດ ແຂວງຢຸນນານ, ສປ ຈີນ ແລະ ເຊັນຮັບໂດຍທ່ານ ນາງ ໄມຕີ ວົງຄໍາຊາວ, ຫົວໜ້າສະຖາບັນ ພະລັງງານທົດແທນ ແລະ ວັດສະດຸໃໝ່ ໂດຍມີທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ, ບັນດາທ່ານ ຮອງລັດຖະມົນຕີ, ທ່ານ ຝູ ຕິ່ງເຫວິ່ນ, ຜູ້ຈັດການບໍລິສັດ ເຕັກໂນໂລຊີ ພະລັງງານສະອາດ ແຂວງຢຸນນານ ສປ ຈີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ໄມຕີ ວົງຄໍາຊາວ ກ່າວວ່າ: ໂຄງການທົດລອງນໍາໃຊ້ພະລັງງານແສງຕາເວັນຜະລິດໄຟຟ້າໃສ່ບ່ອນຈອດລົດ ພາຍໃຕ້ໂຄງການສ້າງສູນຮ່ວມມືດ້ານສ້າງສູນຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາ ພະລັງງານແສງຕາເວັນ ລາວ-ຈີນ ແມ່ນການຮ່ວມມືລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສປ ຈີນ ໂດຍແມ່ນກົມແຜນການ ແລະ ຮ່ວມມື, ສະຖາບັນພະລັງງານທົດແທນ ແລະ ວັດສະດຸໃໝ່ ແລະ ສະພາບັນດິດ ເຕັກນິກຂໍ້ມູນຂ່າວສານ ແລະ ວິທະຍາສາດ ແຂວງຢຸນນານ ສປ ຈີນ ທີ່ທັງສອງຝ່າຍໄດ້ເຊັນບົດບັນທຶກຮ່ວມມືວັນທີ 24 ສິງຫາ 2018 ທີ່ຜ່ານມາ ແລະ ປັດຈຸບັນ ໄດ້ສຳເລັດການຕິດຕັ້ງລະບົບໃສ່ຫຼັງຄາບ່ອນຈອດລົດຂອງສະຖາບັນພະລັງງານທົດແທນ ແລະ ວັດສະດຸໃໝ່ ຊຶ່ງເປັນຈຸດສາທິດທົດລອງທີ່ກຳນົດໄວ້ໃນເບື້ອງຕົ້ນ.
ທ່ານກ່າວຕື່ມວ່າ: ລະບົບດັ່ງກ່າວແມ່ນນຳໃຊ້ລະບົບພະລັງງານແສງຕາເວັນ ປະເພດ Polycrytalise ຂະໜາດ 270w ລວມທັງໝົດ 120 ແຜ່ນ ແລະ ໄດ້ແບ່ງອອກເປັນ 6 ກຸ່ມ (ກຸ່ມລະ 20 ແຜ່ນ) ດ້ວຍລະບົບຕໍ່ລຽນ, ກຳລັງການຜະລິດໄຟຟ້າສູງສຸດປະມານ 32,40 ກິໂລວັດ ລວມເປັນມູນຄ່າທັງໝົດ 423,00,000 ກວ່າກີບ. ຊຶ່ງລະບົບດັ່ງກ່າວ ກໍ່ໄດ້ເປີດທົດລອງນໍາໃຊ້ລະບົບເພື່ອທົດສອບ, ກວດກາເບິ່ງການເຮັດວຽກຂອງລະບົບອຸປະກອນຕ່າງໆຂອງລະບົບ ແລະ ໄດ້ເຊື່ອມຕໍ່ເຂົ້າກັບລະບົບຕິດຕັ້ງຕາຂ່າຍໄຟຟ້າຂອງອາຄານພາຍໃນ ສະຖາບັນພະລັງງານທົດແທນ ແລະ ວັດສະດຸໃໝ່ ເຫັນໄດ້ວ່າລະບົບດັ່ງກ່າວແມ່ນສາມາດຜະລິດໄຟຟ້າດ້ວຍລະບົບໄຟຟ້າ 3 ເຟສ (3 Phase) ເປັນປົກກະຕິ, ສາມາດຜະລິດໄຟຟ້າສາມາດຜະລິດໄຟຟ້າປ້ອນເຂົ້າຕາຂ່າຍຕາມຄວາມສາມາດການຜະລິດໄຟຟ້າ ແລະ ປະລິມານແສງແດດຂອງແຕ່ລະມື້ ໂດຍສາມາດຫຼຸດຜ່ອນການຊົມໃຊ້ໄຟຟ້າຕາຂ່າຍລົງປະມານ 20-30% ໃນຕອນກາງເວັນ.
ໃນວັນດຽວກັນ, ໂອກາດທີ່ທ່ານ ໝ່າ ໝິນຊຽງ, ຫົວໜ້າສະພາບັນດິດ ເຕັກນິກຂໍ້ມູນຂ່າວສານ ແລະ ວິທະຍາ ສາດ ແຂວງຢຸນນານ, ສປ ຈີນ ພ້ອມດ້ວຍຄະນະ ໄດ້ເດີນທາງມາເຮັດວຽກຢູ່ ສປປ ລາວຄັ້ງນີ້ ຍັງໄດ້ເຂົ້າຢ້ຽມຂຳ່ນັບ ແລະ ປຶກສາຫາລືການຮ່ວມມືສອງຝ່າຍກັບທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຢູ່ທີ່ຫ້ອງຮັບແຂກ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ນຳອີກ.
ພາບ ແລະ ຂ່າວ: ບຸນທັນ ນັນທະວົງ

ໃນລະຫວ່າງວັນທີ່ 11-16 ຕຸລາ 2019 ສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ເຂົ້າຮ່ວມງານວາງສະແດງວິທະຍາສາດ ແລະ ເຕັກໂນໂລຊີ ລະ...
18/10/2019

ໃນລະຫວ່າງວັນທີ່ 11-16 ຕຸລາ 2019 ສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ເຂົ້າຮ່ວມງານວາງສະ
ແດງວິທະຍາສາດ ແລະ ເຕັກໂນໂລຊີ ລະດັບສູງ ລາວ-ຈີນ ປະຈໍາປີ 2019 ທີຫໍປະຊຸມແຫ່ງຊາດ. ພ້ອມດຽວກັນນັ້ນ, ກໍ່ເພື່ອເປັນການສະເຫຼີມສະຫຼອງ ວັນວິທະຍາສາດແຫ່ງຊາດ ແລະ ວັດປະກາດເອກະລາດ ວັນທີ 12 ຕຸລາ ຢ່າງເປັນຂະ
ບວນການຟົດຟື້ນໃນທ່າມກາງບັນຍາກາດທີທົ່ວພັກ, ທົ່ວປວງຊົນລາວ ກໍາລັງຈັດຕັ້ງຜັນຂະຫຍາຍມະຕິກອງປະຊຸມໃຫ່ຍ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ ແຫ່ງຊາດ 05 ປີ ຄັ້ງທີ VIII ນີ້. ໃນມື້ດຽວກັນຂອງຕອນບ່າຍ ວັນທີ 11 ຕຸລາ 2019 ສະຖາບັນພະລັງງານທົດແທນ ແລະ ວັດສະດຸໃໝ່ ກໍ່ໄດ້ ຈັດກອງປະຊຸມສໍາມະນາເຜີຍແຜ່ທິດທາງການພັດທະນາພະລັງງານທົດແທນ ແລະ ວັດສະດຸໃໝ່ ໃນຍຸກອຸດສາຫະກໍາ 4.0 ຂຶ້ນ, ໃຫ້ກຽດເປັນປະທານ ແລະ ກ່າວເປີດກອງປະຊຸມສໍາມະນາໃນຄັ້ງນີ້ ໂດຍ ທ່ານ ປະລິນຍາເອກ ສຸລິອຸດົງ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລະ ມີຕ່າງໜ້າຈາກບັນດາກົມ,ສະຖາບັນ,ຫ້ອງການ, ຕາງໜ້າຈາກ ຄະນະວິທະຍາສາດທໍາມະຊາດ, ຄະນະວິສະວະກໍາສາດ ມະຫາວິທະຍາໄລແຫ່ງຊາດ, ສະມາຄົມໜໍ່ໄມ້, ອົງການ SNV, ອົງການຢູນີໂດ, ພ້ອມດ້ວຍນັກສຶກສາອີກຈໍານວນໜຶ່ງ ແລະ ຕາງໜ້າບັນດາພະແນກວິທະຍາສາດ ແລະ ເຕັກໂນໂລຊີ ທົ່ວປະເທດ ເຂົ້າຮ່ວມ, ໃນກອງປະຊຸມສໍາມະນາດັ່ງກ່າວຍັງໄດ້ນໍາສະເໜີບົດຮຽນກ່ຽວກັບການເຜີຍແຜ່ ບົດບາດ ແລະ ແນວທາງການພັດທະນາພະລັງງານແສງຕາເວັນ, ພະລັງງານຊີວະມວນ, ວັດສະດຸໃໝ່ ໃນຍຸກອຸດສາຫະກໍາ 4.0, ຄວາມຮູ້ເບື້ອງຕົ້ນກ່ຽວກັບລະບົບສຸລິຍະຈັກກະວານ ແລະ ການເບິ່ງດວງດາວ, ການສຶກສາ ແລະ ການພັດທະນາດ້ານພະລັງງານທົດແທນ ,ການສຶກສາ ແລະ ການພັດທະນາດ້ານວັດສະດຸໃໝ່, ພາຍໃນກອງປະຊຸມສໍາມະນາຍັງໄດ້ມີການສົນທະນາ, ແລກປ່ຽນ, ຖອດຖອນບົດຮຽນ ເຊິ່ງກັນ ແລະ ກັນ ລະຫວ່າງ ນັກວິທະຍາກອນ ແລະ ນັກສໍາມະນາກອນຜູ້ທີ່ເຂົ້າຮ່ວມ,ໃນຕອນທ້າຍຂອງກອງປະຊຸມສໍາມະນາກໍ່ຍັງໄດ້ຮັບຟັງການສະຫຼຸບຜົນ ແລະ ກ່າວປິດກອງປະຊຸມສໍາມະນາຢ່າງເປັນທາງການໂດຍ ທ່ານ ບຸນຈັນ ດວງວີໄລ ຮອງຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່.
ບົດຂ່າວ: ຍອດສີ ວົງວັນສີ

ອ້າຍນ້ອງ ສພວ ຮ່ວມແຮງຮ່ວມໃຈກັນສ້າງຂະບວນການອອກແຮງງານອະນາໄມວັນເສົາແດງ ຕາມການແຈ້ງການຂອງຫົວໜ້າຫ້ອງການເມືອງໄຊທານີ!
31/08/2019

ອ້າຍນ້ອງ ສພວ ຮ່ວມແຮງຮ່ວມໃຈກັນສ້າງຂະບວນການອອກແຮງງານອະນາໄມວັນເສົາແດງ ຕາມການແຈ້ງການຂອງຫົວໜ້າຫ້ອງການເມືອງໄຊທານີ!

Address

Thangon Road, Km 14
Ban Danxang

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+85621739011

Website

Alerts

Be the first to know and let us send you an email when Renewable Energy and New Materials Institute posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Renewable Energy and New Materials Institute:

Shortcuts

Share

Category