26/01/2026
බෝගල ග්රැෆයිට් පිරිනැමූ මුදල ගලිගමුවට කෝටියක් වටිනවා
================================
දිට්වා සුළි කුණාටුව හේතුවෙන් හානියට පත් මාර්ගවල පාලම් සහ බෝක්කු ප්රතිසංස්කරණය සඳහා බෝගල ග්රැෆයිට් පී. එල්. සී. ආයතනය විසින් කෑගල්ල දිස්ත්රික් ලේකම් කාර්යාලයෙන් සුදුසු ස්ථාන විමසන ලදුව එම ප්රතිපාදන වෙන් කිරීම සඳහා ප්රාදේශීය ලේකම් කාර්යාල නියෝජනය කරමින් ගලිගමුව ප්රාදේශීය ලේකම් කොට්ඨාසය තෝරාගෙන ඇත.
ඒ සඳහා ඇස්තමේන්තුගත මුදල වන රුපියල් හැත්තෑ නව ලක්ෂ තිස්තුන්දහස් අටසිය විසි හයයි ශත විසි හතක මුදලක් (7,933,826.27) "ප්රාදේශීය ලේකම්, ගලිගමුව" නමට රේඛනය කරන ලද අංක 015797 දරන චෙක්පත කෑගල්ල දිස්ත්රික් ලේකම් එච්. එම්. ජේ. එම්. හේරත් මහත්මා වෙත බෝගල ග්රැෆයිට් පී. එල්. සී. ආයතනයේ ප්රධාන විධායක නිලධාරී අමිල ජයසිංහ මහතා විසින් අද දින (2026 01 26) පරිත්යාග කරන ලදී.
රජයේ ප්රසම්පාදන මාර්ගෝපදේශ සංග්රහයට අනුකූලව මෙම ප්රතිසංස්කරණ සිදු කිරීමටත් ව්යාපෘතිය අවසන්වීමට පෙර බෝගල ග්රැෆයිට් ලංකා පී. එල්. සී. නිලධාරීන්ගේ නිරීක්ෂණයට අවශ්ය කටයුතු සිදු කරන ලෙස ඉල්ලීමක්ද මෙහිදී සිදු කරන ලද අතර මෙම අවස්ථාවට ගලිගමුව ප්රාදේශීය ලේකම් සුසන්ත හේරත් මහත්මා ද සහභාගි විය.
