01/11/2025
*බුබුලු අංගමාර රෝගය
*
👉බුබුලු අංගමාරය යනු දිලීර ආසාදන තත්ත්වයක්.
👉 මෙම දිලීර රෝග කාරකයා තේ පඳුරේ ලපටි පත්ර සහ ලපටි දඬු කොටස්වලට පහසුවෙන්ම ආසාදනය වෙනවා.
👉 තේ වගාවේ අස්වැන්න විදිහට ලබාගන්නේ ලපටි දලු නිසා බුබුලු අංගමාර රෝගය ඒ ලපටි දලු වලට ආසාදනය වීම තුළින් විශාල ආර්ථික හානියක් ඇති කරනවා.
- රෝගය පාලනය කරගැනීමට අපොහොසත් උනොත් 40% පමණ අස්වනු හානියක් සිදු වන බව හදුනාගෙන ඇත.
👉 මෙම දිලීරය විසින් නිපදවන බීජාණු, එහෙමත් නැත්නම් බිත්තර, සුළඟින් ව්යාප්ත වෙලා තෙතමනය සහිත ලපටි පත්ර මත තැන්පත් වීමෙන් පසුව රෝගය ආසාදනය වීම ආරම්භ වෙනවා.
👉 පරිසරයේ උෂ්ණත්වය අඩු, ඒ වගේම වායුගෝලයේ ජල වාෂ්ප වැඩි තත්ත්වයන් යටතේ මෙම රෝගයේ ව්යාප්තිය වැඩි වශයෙන් සිදුවෙනවා.
👉 ඒ කියන්නේ වර්ෂාව වැඩි කාලවල වගේම මීදුම සහ පින්න අධික කාලවල මෙම රෝගයේ ව්යාප්තිය වැඩි වශයෙන් දකින්නට පුළුවන්.
👉 හොඳින් හිරු එළිය පතිත වෙලා තේ පඳුරේ පත්ර වියළිව පවතින තත්ත්වයන් යටතේ බුබුලු අංගමාර රෝගය ආසාදනය වන්නේ නෑ.
👉 බුබුලු අංගමාර දිලීරය ආසාදනය වූ මුල් අවස්ථාවේ ලපටි පත්ර මත දීප්තියෙන් අඩු ලා කහ පැහැති ලප දකින්නට පුළුවන්.
👉 දිලීරය ක්රමානුකූලව වර්ධනය වීමත් සමඟ මෙම ලප විශාල වී පත්රයේ යටි පැත්තට බුබුලක් ආකාරයට නෙරා වැඩෙනවා.
👉 එම බුබුලු සුදු පැහැයෙන් දිස්වෙනවා.
👉 මෙම නෙරා වැඩුණු බුබුලු තුළ එම දිලීරය විසින් නිපදවන බීජාණු නැත්නම් බිත්තර අති විශාල ප්රමාණයක් අඩංගු වෙනවා.
👉 එම බුබුලු මෝරා පුපුරා යාමෙන් බිත්තර වාතයට මුදා හැරෙනවා.
👉 බුබුලු පුපුරාගිය ස්ථානයේ පටක මිය යන නිසා එම ස්ථානය කළු පැහැයට පත්වෙනවා.
👉 මේ ආකාරයේ බුබුලු වැඩි සංඛ්යාවක් පත්රය මත වර්ධනය වුණොත් මුළු පත්රයම විනාශ වී යනවා.
👉 බුබුලු අංගමාර රෝගය පාලනය සඳහා පාලන ක්රමවේද කිහිපයක් අනුගමනය කළ යුතුයි.
👉 එම සියලුම පාලන ක්රමවේද වලින් බලාපොරොත්තු වෙන්නේ රෝගය ආසාදනය වීමට පෙර පූර්ව ආරක්ෂාවක් ලබා දීමත්, ආසාදනය මුල් අවස්ථාවේදීම හඳුනාගෙන රෝගය යටපත් කර ගැනීමට කටයුතු කිරීමත්ය.
- යම් ආකාරයකින් බුබුලු අංගමාර රෝගය මුල් අවස්ථාවේදීම හඳුනාගෙන පාලන ක්රමවේද ආරම්භ නොකළහොත් සැලකියයුතු අස්වනු හානියක් සිදු වීමට වැඩි අවස්ථාවක් ඇත.
👉 මුලින්ම රෝගය ආසාදනය වන කාලය එළඹීමට පෙර තේ වගාවේ මැදි සෙවන කප්පාදු කර තැබිය යුතුයි.
👉 එමගින් රෝගය ආසාදනය වීමට වැළැක්වීමට යම් පිටුවහලක් ලැබෙනවා.
👉 ඒ වගේම දින පහක හෝ හයක කෙටි දලු රවුම් අනුගමනය කිරීමත් මීන පත්රය දක්වා දැඩි දලු නෙළීමත් තුළින් රෝගය පාලනය කිරීමට හැකියාවක් තියෙනවා.
👉 යම් ආකාරයකින් රෝග ආසාදනයේ මූලික ලක්ෂණ එනම් දීප්තියෙන් අඩු ලා කහ පැහැති ලප ලපටි පත්ර මත දකින්නට ලැබුණොත් තේ පර්යේෂණ ආයතනය මගින් නිර්දේශිත දිළිරනාශක යොදා රෝගය තවදුරටත් ආසාදනය වීම වළක්වා ගත යුතුයි.
👉 දළු නෙලන තේ වගාවන් සඳහා තේ පර්යේෂණ ආයතනය මගින් තඹ අඩංගු දිලීර නාශක වන *සී.අයි.සී. කොපර් 50% ඩබ්.පී.* (CIC Copper 50% WP), *චෑම්ප් කොපර් හයිඩ්රොක්සයිඩ් 37.5% ඩබ්.ඩී.ජී.* (Champ Copper Hydroxide 37.5% W.D.G.), සහ *කියුප්රොසැට් 345g/L එස්.සී.* (Cuproxat 345g/L SC) පමණක් නිර්දේශිත මාත්රාවෙන් යෙදීම නිර්දේශ කරනවා.
*🟣 සී.අයි.සී. කොපර් 50% ඩබ්.පී.* (CIC Copper 50% WP):- අක්කර එකක් සදහා 113g - 170g ක් වතුර ලීටර් 68ක.
🟣 චෑම්ප් කොපර් හයිඩ්රොක්සයිඩ් 37.5% ඩබ්.ඩී.ජී.* (Champ Copper Hydroxide 37.5% W.D.G.):- අක්කර එකක් සදහා 55g - 68g ක් වතුර ලීටර් 68ක.
🟣කියුප්රොසැට් 345g/L එස්.සී. (Cuproxat 345g/L SC):- අක්කර එකක් සදහා 283ml - 344ml ක් වතුර ලීටර් 68ක.
- දළු නෙලන තේ වගාවන් වලට ඉහත සඳහන් කළ දිළිරනාශක අවම වශයෙන් දින හතක පෙර අස්වනු කාල පරතරයක් සහිතව යෙදිය යුතුයි.
👉 දළු නෙළීම සිදු නොකරන, තේ වගාවේ අනෙකුත් අවදීන් සඳහා එනම් තේ පැළ වගාවන්, කප්පාදුවෙන් පසුව ලියලන අලුත් අංකුරවලට (මට්ටම් කපන තෙක්) මෙන්ම තේ තවාන් පැළ සඳහාත් ඉහත සඳහන් කරන ලද තඹ අඩංගු දිලීර නාශකවලට අමතරව පත්ර මගින් ශාකය තුළට උරා ගන්නා සංස්ථානික දිලීරනාශක වන හෙක්සකොනසෝල්_ ඉරේසර් ඊ.සී. (Eraser EC), ටෙබුකොනසෝල්_ ෆොලිකර් 250 ඊ.සී. (Folicur 250 EC), සහ ප්රොපිකොනසෝල්_ බම්පර් (Bumper) නියමිත මාත්රාවෙන් ඉසීම සිදුකළ හැකි යි.
🟣 සී.අයි.සී. කොපර් 50% ඩබ්.පී. (CIC Copper 50% WP):- අක්කර එකක් සදහා 183g - 227g ක් වතුර ලීටර් 68ක.
🟣 චෑම්ප් කොපර් හයිඩ්රොක්සයිඩ් 37.5% ඩබ්.ඩී.ජී. (Champ Copper Hydroxide 37.5% W.D.G.):- අක්කර එකක් සදහා 55g - 68g ක් වතුර ලීටර් 68ක.
🟣කියුප්රොසැට් 345g/L එස්.සී.* (Cuproxat 345g/L SC):- අක්කර එකක් සදහා 283ml - 344ml ක් වතුර ලීටර් 68ක........
🟣 හෙක්සකොනසෝල්_ ඉරේසර් ඊ.සී. (Eraser EC)
🟣ටෙබුකොනසෝල්_ ෆොලිකර් 250 ඊ.සී. (Folicur 250 EC), සහ
🟣ප්රොපිකොනසෝල්_ බම්පර් (Bumper)
යන දිලීරනාශක 3ම අක්කරයකට 35ml ක් වතුර ලීටර් 68 ක වන මාත්රා වෙන් යෙදිය යුතු වන අතර පෙර අස්වනු කාලයක් අදාල නොවේ.
👉 ඉහත තඹ අඩංගු දිලීරනාශක මාත්රාවන් වල අඩු මාත්රාව මෝසම් වැසි පවතින කාලවලදී ත්, වැඩි මාත්රාව මීදුම අධික කාලවලදීත් ලෙස භාවිතා කළ යුතුය.
👉 ඉහත දිලීරනාශක දියකල යුතු වතුර ප්රමාණය (68L) ක්නැප්සැක් දියර ඉසින සදහා වේ. මිස්ට් බ්ලෝවර් (Mist Blower) භාවිතා කරන්නේනම් වතූර 40L ක් ප්රමාණවත්.
