Kaudulla Division

03/08/2026

මධ්‍යම කඳුකරය වෙත ඇදහැලෙන අධික වර්ශාපතනය හේතුවෙන් අද (2026/08/03) වන දින දහවල් වාරිමාර්ග දෙපාර්තමේන්තුවට මගින් නිකුත් කරන ලද නිල නිවේදන.

17/07/2026

-විශේෂ නිවේදනයයි -

අප විසින් අද දින (2026/07/17) මින්නේරිය ව්‍යාපාරයට අයත් කලත්තෑව ප්‍රදේශයේ ක්ෂේත්‍ර පරික්ශාවක් සිදු කරන ලදී.

මෙහි මූලික අරමුණ වනුයේ මෙම ස්ථානයෙන් ජලය පහත් මට්ටම් ප්‍රධාන ඇලවෙත් ලබාගෙන කවුඩුලු වැවේ පවතින ජලය ආරක්ෂා කර ගැනීම හා එමගින් ඉතිරිවන ජලය උස්මට්ටම් ප්‍රධාන ඇලෙහි අඹගස්වැවෙන් පහල කොටසේ සිදු කර ඇති වගාවන් බේරාගැනීම සඳහාය.

මීට ඉහත අවස්ථාවල දී අප ව්‍යාපාරයේ පහත් මට්ටම් අමුණ වෙත ජලය ලබා ගැනීමට පවතින කුණු ඇල පද්ධතිය දැඩි ලෙස ජලජ ශාක හා අනෙකුත් ශාක වර්ධනය වීමක් දක්නට ලැබුනි.

එම හේතුව නිසා මෙහි රොන්මඩ ඉවත්කොට පවතින අවහිරතා ඉවත් කිරීම අත්‍යවශ්‍ය වේ.

මෙම කුණු ඇල පද්ධතිය සුද්ද පවිත්‍ර කිරීම සඳහා සිදු කරනු ලබන ශ්‍රම දාන වැඩසටහන 2026.07.18 වන දින උදෑසන 8.30ට ගොවි ජනතාවයේ දායකත්වයෙන් කලැත්තෑවේ දී ආරම්භ කිරීමට නියමිතයි.

එදිනට පැමිණෙන ගොවි ජනතාව සුද්ද පවිත්‍ර කිරීමට අවශ්‍ය උදලු හා කැති සමග සහභාගී වන්න.

වාරිමාර්ග ඉංජිනේරු
කවුඩුල්ල

06/07/2026

"යමෙකු මා හට උපස්ථාන කරන්නේද, හේ ගිලලුන් හට උපස්ථාන කරන්නේ ය" යන උතුම් බුදු වදන පෙරටු කර ගනිමින් කවුඩුල්ල ප්‍රාදේශීය වාරිමාර්ග ඉංජිනේරු කාර්යාලීය සුබ සාධක සංගමය තුන්වන (3) වරටත් සිදු කරනු ලබන ප්‍රජා සත්කාර වැඩසටහන, 2026/07/06 (අද දින) දින උදෑසන 9.00යේ සිට මැදිරිගිරිය මූලික රෝහල් පරිශ්‍රයේ දී සාර්ථකව සිදු කිරීමට යෙදුනි.

සමාජ සුබ සිද්ධිය වෙනුවෙන් නිබඳවම ඇප කැපවීමෙන් කටයුතු කරන අප රාජකාරී ජීවිතයට එහා යමින් සැබෑ ජීවන තෘප්තිය අත්පත්කර ගැනීම හා සමාජය වෙත ඉටුවිය යුතු යුතුකම් සැබෑ රාජ්‍ය සේවකයන් වශයෙන් ඉටු කරමින් පවතී.

මෙම ප්‍රජා සත්කාරක වැඩසටහන සාර්ථක කර ගැනීමට අවස්ථාව සලසා දුන් මැදිරිගිරිය රෝහලේ අධ්‍යක්ෂ තුමා ඇතුලු සියලුම කාර්යාලීය මණ්ඩලයටත් නන් අයුරින් උපකාර සිදු කර දුන් සියලුම දෙනාටමත්, වාරිමාර්ග ඉංජිනේරුතුමිය ඇතුලු සුබ සාධක සංගමයේ සියලු දෙනාගේ ආචාරය මෙයින් පුද කර සිටින්නෙමු.

02/07/2026

පුරා වසර හතකට අධික කාලයක් කවුඩුල්ල ප්‍රාදේශීය වාරිමාර්ග ඉංජිනේරු කාර්යාලයේ සේවය කරමින් වෘත්තීය ජීවිතයට එහා යමින් ගොවි ජනතාව වෙත සේවය කොට 2026 වර්ශයේ ජුනි මස සිට මින්නේරිය වාරිමාර්ග ඉංජිනේරු කාර්යාලයට ස්ථාන මාරු ලඳ රියදුරු නිලන්‍ත උදය කුමාර මහතාගේ සේවය ඇගයීමේ උත්සවය පසුගියදා ආයතන පරිශ්‍රයේ දී පවත්වන ලදී.

පුරා වසර ගණනාවක් ඔබ මැදිරිගිරිය ගොවි ජනතාවට හා අප ආයතනයට සිදු කරන ලද සේවය මෙසේ ලඝු කොට දැක්විය නොහැක.
ඔබ තබන සෑම ඉදිරි පියවරක්ම සා‍ර්ථක වන්නට බිසෝ බංඩාර දෙවි පිහිට දේව ආරක්ෂාව ලැබේවා.

19/06/2026

කවුඩුල්ල ප්‍රාදේශීය වාරිමාර්ග ඉංජිනේරු කාර්යාලීය සුබ සාධක සංගමය තුන්වන (3) වරටත් සිදු කරනු ලබන ප්‍රජා සත්කාර වැඩසටහන,
2026/07/06 වන දින උදෑසන 9.00යේ සිට මැදිරිගිරිය මූලික රෝහල් පරිශ්‍රයේ දී පැවැත්වේ.

04/05/2026

කවුඩුලු අවුරුදු මංගල්‍යය 2026

2026 වර්ෂයේ සිංහල හා හින්දු අලුත් අවුරුද්දට සමගාමීව කවුඩුල්ල ප්‍රාදේශීය වාරිමාර්ග ඉංජිනේරු කාර්යාලීය සුබ සාධක සංගමය මගින් පවත්වනු ලැබූ අලුත් අවුරුදු උත්සවය පසුගිය දා කාර්යාලීය භූමියේදී අති සාර්ථක අයුරින් පවත්වන ලදී.

කොට්ට පොර, කණා මුට්ටිය බිදීම, සිගිති අවුරුදු කුමරිය හා කුමරා ඇතුලු විවිධ තරග ඉසව් වලින් මෙය වර්ණවත් වී තිබුනි.

මෙය අප රාජකාරී ජීවිතයෙන් ඔබ්බට ගොස් කවුඩුලු වාරි පවුලේ සගයන්ගේ එකමුතුව වැඩි දියුනු කිරීම සදහා ඇප උපකාර වූ අතර සතුට හා සහජීවනය ගෙන ඒමට උපකාර වී තිබුණි.

මෙම කර්තව්‍යය සාර්ථක කර ගැනීමට නන් අයුරින් උපකාර වූ ඔබ සියලු දෙනාටම කාර්‍යාලය සුබ සාධක සංගමය වෙනුවෙන් විශේෂ කෘත වේදී ස්තුතිය ද මේ සමග පුද කරමි.

මේ එම විශේෂ දිනයේ දී අප කැමරා කාචයේ සටහන් වූ මතක සටහන් කිහිපයක්

20/04/2026

20/04/2026

~ 2026 යල කන්නය වෙනුවෙන් අඹගස්වැව ව්‍යාපාරයේ ජලය නිකුත් කිරීම ~

2026/04/20 වන දින උදෑසන 11.05ට යෙදුන සුබ මොහොතින් ප්‍රධාන සොරොව්ව අසලදී කිරි ඉතිරවීමෙන් අනතුරුව සිදු කරන ලදී.

20/04/2026

~ 2026 යල කන්නය වෙනුවෙන් ජලය නිකුත් කිරීම ~

2026/04/20 වන දින උදෑසන 11.05ට යෙදුන සුබ මොහොතින් 2026 වර්ශයේ යල කන්නය සඳහා ජලය නිකුත් කිරීම පුරාණ චාරිත්‍රයන්ට අනුකූලව කවුඩුල්ල උස්මට්ටම් ප්‍රධාන සොරොව්වේ දී සිදුකිරීමට යෙදුනි.
මැදිරිගිරිය යාය 2 ශ්‍රී අබේවර්ධනාරාමධිපති ස්වාමීන් වහන්සේ ප්‍රධානව වැඩමවා සිටි මහා සංඝරත්නය විසින් පිරිත් දේශනය සිදු කරන ලද අතර කවුඩුල්ල ප්‍රාදේශීය වාරිමාර්ග ඉංජිනේරු කාර්යාලීය හා කවුඩුල්ල ව්‍යාපාර කළමනාකරණය කාර්යාලීය පිරිස ප්‍රමුඛත්වයෙන් හා ගොවි නායකයින් සමග එක්ව මෙම කටයුත්ත සිදු කරන ලදී.
අදින් ඇරඹෙන 2026 යල කන්නය සාර්ථක අස්වැන්නක් ලබාගැනීමට අවශ්‍ය ශක්තිය ලබා දීමට අප දෙපාර්තමේන්තුවක් වශයෙන් සුදානම් වී සිටී.

22/02/2026

අද දින (2026.02.22) කවුඩුල්ල ජලාශයේ ජලධාරිතාවය 95% ඉක්මවා ගිය බැවින් වාන් දොරටු දෙකක් අඟල් 6 බැගින් විවෘත කොට එමගින් තත්පරයට ඝණ අඩි 250ක ජල පරිමාවක් කවුඩුලු ඔයට මුදා හරින ලදී.

කාළගුණ වාර්ථා අනුව පැවති වැසි තත්වයේ අඩුවීමක්ද දක්නට ලැබේ.

කවුඩුලු ඔය පහත් බිම් පරිහරණය කරන ජනතාව අවධානයෙන් පසුවන්න.

ප්‍රාදේශීය වාරිමාර්ග ඉංජිනේරු,
කවුඩුල්ල