10/10/2026
REM Solar Pvt Ltd ආයතනයේ අරමුණ වන්නේ ඔබගේ සූර්ය බලශක්ති පද්ධතිය දිගුකාලීනව, ආරක්ෂිතව සහ උපරිම කාර්යක්ෂමතාවයකින් ක්‍රියාත්මක වන බව සහතික කිරීමයි. ඒ සඳහා පහත නඩත්තු ක්‍රියාපටිපාටි අනුගමනය කරන්න.
සූර්ය පැනල නිරීක්ෂණය
- පැනල මත කොළ, දූවිලි හෝ වෙනත් ද්‍රව්‍ය එකතු වී ඇත්දැයි නිරීක්ෂණය කරන්න.
- ගස්වල සෙවණැලි හෝ අලුතින් ඇති වූ බාධා තිබේදැයි බලන්න.
- පැනල කැඩීම් හෝ දෘශ්‍යමාන හානි තිබේ නම් REM Solar වෙත දැනුම් දෙන්න.
ඉන්වර්ටරයේ තත්ත්වය පරීක්ෂා කිරීම
- ඉන්වර්ටරයේ තිරයේ පෙන්වන තත්ත්වය පරීක්ෂා කරන්න.
- දෛනික විදුලි උත්පාදනය සාමාන්‍ය දින සමඟ සසඳන්න.
- දෝෂ පණිවිඩයක්, අනතුරු ඇඟවීමක් හෝ අසාමාන්‍ය ශබ්දයක් තිබේ නම් සේවා අංශයට දැනුම් දෙන්න.
Hybrid Solar සහ Battery පද්ධති සඳහා අමතර උපදෙස්
- බැටරියේ ආරෝපණ මට්ටම සහ ඉන්වර්ටරයේ පෙන්වන දෝෂ පරීක්ෂා කරන්න.
- බැටරි අවට ප්‍රදේශය පිරිසිදුව හා හොඳ වාතාශ්‍රයක් සහිතව තබාගන්න.
- බැටරියේ හෝ ඉන්වර්ටරයේ ආවරණ විවෘත නොකරන්න.
- බැටරිය ඉදිමීම, අසාමාන්‍ය උණුසුම, දුම හෝ අසාමාන්‍ය ගන්ධයක් ඇති වුවහොත් එම ප්‍රදේශයෙන් ඉවත් වී ආරක්ෂිතව සිටිමින් වහාම සුදුසු සේවා සහාය ලබාගන්න.
6. දෝෂයක් ඇති වූ විට අනුගමනය කළ යුතු ක්‍රියාමාර්ග
ඉන්වර්ටරයේ තිරයේ පෙන්වන දෝෂ පණිවිඩය හෝ Error Code එක සටහන් කරගන්න.
ඉන්වර්ටරයේ තිරයේ හෝ නිරීක්ෂණ යෙදුමේ පෙන්වන තත්ත්වයේ ඡායාරූපයක් ලබාගන්න.
දෝෂය ඇති වූ දිනය, වේලාව සහ විදුලි උත්පාදනයේ සිදු වූ වෙනස සටහන් කරගන්න.
REM Solar සේවා අංශය අමතා තත්ත්වය දැනුම් දෙන්න.
සේවා කාර්මිකයාගේ උපදෙස් ලැබෙන තෙක් විදුලි පැනල්, කේබල් හෝ ඉන්වර්ටරය ඔබ විසින් විවෘත කිරීමෙන් වළකින්න.
ආරක්ෂාව පිළිබඳ විශේෂ දැනුම්දීම
- තෙත් අත්වලින් විදුලි උපකරණ ස්පර්ශ නොකරන්න.
- සජීවී විදුලි සම්බන්ධතා හෝ DC ස්විච ඔබ විසින් අලුත්වැඩියා නොකරන්න.
- ගිගුරුම් සහිත වැසි හෝ තද සුළං පවතින විට වහලය මත නඩත්තු කටයුතු නොකරන්න.
- හදිසි අවදානමක් ඇති විට පද්ධතිය ස්පර්ශ කිරීමෙන් වළකින්න; ආරක්ෂිත ස්ථානයකට ගොස් වෘත්තීය සහාය ලබාගන්න.
