Енергетска Ефикасност (ЕЕ)– намалување на трошоците за потрошена енергија без да намалува комфорот и условите за живот и работа во даден објект.
Обновливи Извори на Енергија (ОИЕ) – извори на енергија кои природата сама ги обновува. Природата всушност самата ги обновува сите извори на енергија, но поради различниот период на времетраење се делат во неколку групи.
- Фосилни Горива, нафта
та, јагленот и земјениот гас, се горива кои за да ги создаде природата, биле потребни стотици милиони години. Овие горива спаѓаат во категоријата на високо калорични горива и земаат огромен замав на користење во втората половина на 19 век. За жал научниците дури на почетокот на 20 век доаѓаат до сознание дека овие горива при процесот на согорување испуштаат премногу штетни соединенија на јаглеродот во атмосферата, кои негативно влијаат врз човекот, односно воопшто кон природата и балансот на гасови во воздухот. Фосилните горива се карактеризираат со висока цена на чинење и висока цена на одржување на опремата за согорување, висока количина на штетни материи во атмосферата.
- Дрвото е гориво кое природата го обновува за период 20-30 години, но и тоа при согорување испушта штетни гасови во атмосферата. Во последно време научниците се трудат да развијат хибридни видови на дрво, кое ќе расте за период од 5-10 години, а во атмосфера ќе ослободува помала количина на штетни гасови. Дрвото се карактеризира со прифатлива цена на чинење, но премогу физичка работа, прифатлива цена на одржување и прифатлива количина на штетни материи во атмосферата.
- Сонцето, Водата, Воздухот се енергија која природата ја обновува секојдневно односно може да се рече дека Сонцето се обновува секојдневно, а Водата и Воздухот се енергии кои се во континуитет во секој момент. Ги имаме во изобилство насекаде околу нас, немаат цена на чинење, и не ослободуваат никакви штетни материи во атмосферата. Се карактеризираат со висока почетна инвестиција на опремата за трансформирање на нивната енергијата во енергијата која ни е нам потребна и ниски трошоци за одржување на истата.
