05/05/2026
Një deklaratë e rrallë nga një historian grek ka rikthyer në vëmendje debatin mbi origjinën dhe lashtësinë e ilirëve, duke sfiduar narrativat tradicionale që kanë dominuar për dekada në historiografinë greke.
Historiani Dhimitri Bethanis, ndonëse i formuar brenda një konteksti të fortë nacionalist, pranon hapur se ilirët janë një popull i lashtë, i krahasueshëm në kohë me vetë grekët.
Kjo pranim konsiderohet i rëndësishëm, pasi në shumë raste, sipas studiuesve, historia e shqiptarëve është interpretuar në mënyrë selektive apo subjektive nga qarqe të ndryshme akademike në rajon.
Deklarata e tij, e raportuar nga Alsat, vjen si një moment reflektimi në një debat të vjetër, ku identiteti dhe rrënjët historike të shqiptarëve kanë qenë shpesh objekt polemikash.
Përtej ndikimit të narrativave kombëtare, ky qëndrim i një historiani grek shihet si një hap drejt një qasjeje më të balancuar dhe më objektive ndaj historisë së Ballkanit.
Në një kohë kur diskutimet mbi origjinën dhe gjuhën shqipe vazhdojnë të jenë të ndezura, pranime të tilla nga studiues të huaj marrin një peshë të veçantë në opinionin publik.
