13/05/2025
ФУД ЛАБ – Генерален спонзор на Третиот семинар од областа на ветеринарната медицина во Битола.
Со особена гордост и благодарност објавуваме дека лабораторијата ФУД ЛАБ повторно беше дел од значаен настан во ветеринарната заедница – Третиот семинар од областа на ветеринарната медицина со меѓународно учество, кој се одржа на 10 мај 2025 година во Офицерски дом – Битола.
Како генерален спонзор, ни претставуваше чест да ја поддржиме оваа извонредна иницијатива организирана од Ветеринарната комора на Република Македонија и Ветеринарниот факултет – Битола при Универзитетот „Св. Климент Охридски“.
На настанот присуствуваа над 200 стручни лица, предавачи и гости од Македонија и регионот.
Благодарни сме за можноста да бидеме дел од платформа која промовира стручна едукација, размена на знаења и унапредување на ветеринарната практика.
Особена благодарност до сите кои изразија интерес за соработка со ФУД ЛАБ.
Вашата доверба и поддршка се наша мотивација да продолжиме со уште поголема посветеност.
Со нетрпение ги очекуваме следните средби и заеднички проекти кои ќе придонесат за унапредување на квалитетот и стандардите во ветеринарната медицина.
