BRAKO

14/05/2026

🟢 Green Machines вработува PLC инженер!

👉 Потребно е познавање на:
• Ladder diagram
• Function block diagram (FBD)
• Structured text (ST)
• Дигитални системи
• Електрични шеми
• CAN bus комуникација

👉 Што нудиме:
• Редовни и сигурни примања
• Топол оброк во фабрички ресторан (избор од повеќе јадења)
• 24/7 осигурување од повреди
• Регрес за годишен одмор (К-15)
• Менторство и поддршка од искусен професионален тим
• Работа во извозно ориентирана и технолошки напредна компанија
• Можност за посета на саеми, обуки, тренинзи и кариерен напредок

Детално огласот можете да го погледнете на: https://www.vrabotuvanje.com.mk/rabota/aa4d3c58-4f61-11f1-97ec-022a7f4ce407/plc-inzener?source=homepage_featured

📩 Испрати CV на: [email protected]
📞 043 551 107

13/05/2026

Голем интерес за возилата на Грин Машинс на ACT Expo 2026 во Лас Вегас

Тимот на Грин Машинс во САД успешно се претстави на ACT Expo 2026 во Лас Вегас – еден од најзначајните саеми во Северна Америка посветени на одржлив транспорт и напредни технологии.

На саемот беше покажан голем интерес за возилата за урбана хигиена произведени во БРАКО, при што беа остварени бројни контакти и отворени нови можности за соработка на северноамериканскиот пазар.

Грин Машинс и БРАКО продолжуваат активно да ги промовираат македонското производство, иновациите и одржливите решенија за почисти градови ширум светот.

11/05/2026

Македонските возила за урбана хигиена „Грин Машинс“, кои се произведуваат во БРАКО во Велес, деновиве привлекоа големо внимание во Германија на светскиот саем ИФАТ — водечки меѓународен саем за технологии за животна средина, комунална опрема и одржлива урбана инфраструктура.

Рамо до рамо со конкуренцијата од Швајцарија, Франција, Италија, Германија, Соединетите Американски Држави и други земји производители во оваа индустрија, македонската компанија ги презентираше своите најсовремени решенија за одржување на урбаната хигиена.

Од „Грин Машинс“ велат дека клиентите денес бараат возила со различни типови на погон — електрични, дизел и водородни — а македонскиот производител нуди комплетна палета на решенија.

Дури 98 проценти од производството на БРАКО и „Грин Машинс“ се пласира надвор од државата, во повеќе од 60 земји низ светот. Последната голема испорака беше реализирана во Саудиска Арабија, поточно во главниот град Ријад, каде беа испорачани 52 возила за одржување на урбаната хигиена.

„Грин Машинс Македонија“ има свои компании-ќерки во Обединетото Кралство, Холандија и Соединетите Американски Држави.

Изминатата недела Грин Машинс истовремено ги изложи своите машини на три светски настани, во Минхен, во Лас Вегас и во Ливерпул.

Follow Sitel Televizija on...• WEB: http://sitel.com.mk/• FB: https://www.facebook.com/sitelmk• IG: https://www.instagram.com/sitel.tv/• Tw: https://twitter....

08/05/2026

Голем интерес на штандот на Green Machines на IFAT Munich 2026! ⚡

Посетители од целиот свет покажуваат огромен интерес за новото GM720ze — најновото целосно електрично компактно возило на Green Machines, создадено за иднината на урбаното чистење.

Со целосно електричен погон, литиум-јонска батерија и висока маневрабилност, GM720ze нуди ефикасни и одржливи перформанси за модерни урбани средини.

Горди сме што Green Machines привлекува внимание на глобално ниво со иновативни решенија за почисти и попаметни градови. 🌍

06/05/2026

IFAT Munich 2026 е во полн ек — а интересот за Green Machines е навистина огромен! ⚡

Посетители од целиот свет покажуваат голем интерес за нашите електрични и дизел возила, како и за целата палета на Green Machines возила. Од компактни решенија за урбано чистење до високо ефикасни комунални возила, нашите машини привлекуваат внимание со својата иновативност, ефикасност и одржливост.

Како бренд кој се произведува во рамки на БРАКО, горди сме што македонско производство, технологија и иновација се претставуваат на еден значаен светски саем .

05/05/2026

🟠 БРАКО ВРАБОТУВА – РЕФЕРЕНТ ЗА НАБАВКА

Бараме одговорна и организирана личност која ќе се приклучи на нашиот тим во секторот за набавки.

👉 Доколку имаш искуство во набавки, познавање на англиски јазик и сакаш да работиш во динамична и професионална средина – ова е вистинската можност за тебе.

✔ Работа во извозно ориентирана и технолошки напредна компанија
✔ Сигурни и редовни примања
✔ Можност за професионален развој и напредок

📩 Испрати CV на: [email protected]
📞 043 551 107

👉 Детално огласот можете да го погледнете на: https://www.vrabotuvanje.com.mk/rabota/0d8c9c3d-487a-11f1-97ec-022a7f4ce407/referent-za-nabavka?source=search_results&searchId=e0b08876-2e0a-467c-ac02-358fa289a09d&searchSource=legacy

17/04/2026

IFAT Munich 2026

БРАКО на IFAT Munich 2026 – светската сцена за индустријата!

Од 4 до 7 мај во Минхен, БРАКО ќе биде дел од најголемиот светски саем за животна средина, каде се претставуваат најсовремените решенија во индустријата.

Преку брендот Green Machines, ќе бидат презентирани електрични и дизел метларки:
GM 400ze | GM 500ze | GM 720ze | GM 636 Stage V | GM 414RS

Овие производи се резултат на македонско производство, инженеринг и знаење, кои денес се препознаени и ценети на глобалниот пазар.

➡️ Нашето присуство на IFAT е уште една потврда дека БРАКО успешно ја позиционира Македонија на светската индустриска мапа.

15/04/2026

БРАКО во Лондон!

Нашите возила ќе бидат дел од Fleet Vision International Show – еден од значајните настани за иднината на урбаната мобилност и одржувањето на градовите.

Преку брендот Грин Машинс, кој се произведува во БРАКО, ќе бидеме присутни на 23 април во Guildhall, каде ќе ги претставиме нашите решенија за почисти и поодржливи градови.

Нашата технологија веќе е дел од улиците на многу европски и светски градови, а секогаш сме дел и од реномирани меѓународни настани.

Горди што македонско производство е препознаено и присутно на глобалната сцена. 🌍

#БРАКО #Македонија #ПроизведеноВоМакедонија #ЧистаИднина

14/04/2026

📢БРАКО вработува Машински Инженер!

👉 Работни обврски:
• Техничка подготовка на производството за тешки метални конструкции и заварени склопови
• Анализа и интерпретација на техничка документација (цртежи, спецификации, стандарди)
• Изработка и контрола на работни налози, технолошки постапки и BOM
• Континуирана комуникација со производството (заварување, сечење, монтажа, машинска обработка)
• Следење на квалитетот, роковите и техничката усогласеност

👉Што нудиме:
• Редовни примања
• К-15
• Обезбеден топол оброк
• 24-часовно осигурување од повреди
• Можност за работа во современа работна средина
• Можност за работа во докажана компанија со преку 500 вработени
• Работа со професионален тим со големо искуство во област

📨Заинтересираните да се пријават на:
📩 [email protected]
☎️+389 43 551 107

Деталниот оглас можете да го погледнете на следниот линк: https://www.vrabotuvanje.com.mk/rabota/f95e2bca-37fd-11f1-97ec-022a7f4ce407/masinski-inzener-sektor-za-teski-metalni-konstrukcii-i-avtomatizacija?source=homepage_featured

21/03/2026

Ученици од ДСУ „Партенија Зографски“, наменето за деца со посебни образовни потреби, беа во едукативна посета на БРАКО, каде одблиску се запознаа со современите индустриски процеси и технологии. 🔧

Девет ученици од профилите машински техничар и бравар/заварувач имаа можност да го проследат производството на возилата за урбано чистење од брендот Green Machines, како и работата со тешки метални конструкции и роботизирани системи за заварување.

Посетата предизвика голем интерес, со многу прашања и активна вклученост од страна на учениците, кои беа водени од инженерскиот тим на компанијата.

13/03/2026

Работен ден во БРАКО.
Panasonic робот од 350 ампери, со две позициони станици, во моментот заварува производ од Медицинската програма.
Паралелно, 12-метарскиот конзолен Panasonic робот, со 500 ампери и водено ладење, заварува вили како дел од приклучна опрема за вилушкари, за клиент кој произведува тешка механизација во Западна Европа.
Напредни роботски системи во реална производствена работа.