15/05/2022
အိမ်ရှင်နှင့် ကန်ထရိုက်တာတို့ အမြဲအငြင်းပွားရသော PAE စနစ်နှင့် ဟိုဟာမပါ၊ဒီဟာမပါသောပြဿနာများ
ကျောင်းမှာတော့ Civil Engineer တွေသင်ခဲ့ရတဲ့ Estimate တွက်နည်းတွေ အမျိုးမျိုးရှိပေမယ့် အခုမြန်မာနိုင်ငံမှာအသုံးများနေတဲ့ PAE လို့ ခေါ်တဲ့ Plinth Area Estimate ယူပုံယူနည်းကိုပဲရှင်းပြပေးသွားမှာဖြစ်ပါတယ်
ပထမဆုံးအနေနဲ့ ကျွန်တော်အင်ယာတွေအနေနဲ့ PAE Rate ဘယ်လိုယူလည်းဆိုတာရှင်းပြရရင်တော့ အိမ်ရှင်စိတ်ကြိုက်ဆွဲပြီးပြီဖြစ်တဲ့ အလှအပအတွက် Archi Drawing၊ကြံ့ခိုင်မှုအတွက် Structure Drawing၊Interior Decoration အတွက်Detail Drawingေတွ ၊ M&E Drawing တွေကိုမူတည်ပြီး ကုန်ကျမယ့် လေဘာနဲ့ ပစ္စည်းတွေကို တိတိကျကျနဲ့ Detail Estimate တွက်ပြီးတော့ ကာလတန်ဖိုးတခုတွက်ထုတ်ပါတယ်
အဲ့ဒီထွက်လာတဲ့ပမာဏကိုမှ အဆောက်အအုံရဲ့ဧရိယာစုစုပေါင်းနဲ့စားလိုက်တဲ့အခါမှ Kyat per Sqft ဆိုတဲ့ နှုန်းတခုရလာပါတယ်
အဲ့ဒီ Rate ကိုမှ PAE Rate လို့ခေါ်ဆိုကြတာပါ
ဥပမာအားဖြင့် ယနေ့ဆောက်တာများနေတဲ့ 20ပေx60ပေ မြေကွက်အတွင်းက 18ပေx45ပေ 2 ထပ် Roof Slab အဆောက်အအုံအတွက် ကာလတန်ဖိုး သိန်း 800 ဆိုရင် PAE Rate က 80,000,000÷18÷45÷2=49,382 Kyat per Sqft တပေပတ်လည်ကို 49,382 ကျပ် ဆိုပြီးတော့ Rate ထွက်လာမှာဖြစ်ပါတယ်
အဲ့ဒါကိုမှ ကန်ထရိုက်တွေတော်တော်များများက ဈေးကွက်ထိုးဖောက်တဲ့နည်းဗျူဟာအဖြစ် PAE Rate ကို လျှော့ယူပြီး Roof Slab ကို တစ်၀က်တိုးယူတဲ့စနစ်နဲ့ဈေးကွက်ကိုထိုးဖောက်လေ့ရှိပါတယ်
ဥပမာပြောရရင် အပေါ်က သိန်း800 ကုန်ကျတဲ့ 18ပေ x45ပေ x2 ထပ် Roof Slab ကိုပဲ Roof Slab ဖြစ်လို့ 0.5 တိုးယူပြီးတော့တွက်မယ်ဆိုရင် 80,000,000 ÷18÷45÷2.5= 39,506 Kyat per sqft တပေပတ်လည်ကို 39,506 kyat ဆိုပြီးတော့ Rate တခုထွက်လာမှာဖြစ်ပါတယ်
အဆောက်အဦးချင်းအတူတူ ကုန်ကျစရိတ်အတူတူကိုမှ ဂဏန်းသင်္ချာလှည့်စားမှုတခုပြုလုပ်လိုက်တဲ့အခါ တပေပတ်လည်ကို 10,000 နီးပါး ကွာသွားသယောင်ယောင် ဖြစ်သွားစေပေမယ့် နောက်ဆုံးကုန်ကျစရိတ်မှာ အတူတူပဲကုန်ကျစေမှာပါ
တကယ်လို့များ မိလ္လာကန်(Septic Tank) တွေ၊
မြေအောက်ရေကန်(Ground Tank)တွေ၊ခြံစည်းရိုးတွေ၊
အိမ်ဘေးပတ်လည် ကွန်ကရိလောင်းခြင်းတွေပါ ပါ၀င်ထည့်သွင်းချင်မယ်ဆိုရင်တော့ သက်ဆိုင်ရာ Drawing နဲ့အတူ Detail Estimate တွက်ချက်ပြီး PAE rate မှာ ထည့်ပေါင်းပြီးပြောနိုင်ပေမယ့် များသောအားဖြင့် PAE Rate မှာ ဈေးများမှာစိုးတဲ့အတွက် PAE rate မှာပါ၀င်လေ့မရှိတတ်ကြပဲ ထပ်တိုးလုပ်ငန်း(Extra Work )အဖြစ် အိမ်ရှင်နဲ့ကန်ထရိုက်တာတို့ နှစ်ဖက်ညှိနှိုင်းပြီးပြုလုပ်လေ့ရှိပါတယ်
အိမ်ရှင်တွေအနေနဲ့လည်း ကိုယ်တတ်နိုင်တဲ့ဘတ်ဂျက်ကိုအရင်ဆုံးလျာထားပြီးမှသာတည်ဆောက်သင့်ပါတယ်
ကိုယ်ကတတ်နိုင်တာက သိန်း400 လောက် ဆောက်ချင်တာက သိန်း800 ဖိုးလောက်ဆိုရင်ဘယ်လိုမှ အဆင်မပြေနိုင်ပါဘူး
အိမ်ရှင်ရဲ့လိုချင်တာကိုသိပြီး သိန်း 800 ကုန်မှာကို သိန်း 400 နဲ့ရအောင်လုပ်ပေးမယ်ဆိုရင်တော့ လေဘာပိုင်းမှာပဲဖြစ်ဖြစ်၊ပစ္စည်းအသုံးပြုမှုပိုင်းမှာဖြစ်ဖြစ် Quality ပြည့်မှီဖို့ မလွယ်ကူနိုင်ပါ
Min Zaw Naing
ဘယ်လိုနေရာတွေမှာ Quality မပြည့်မှီတာဖြစ်နိုင်လည်းဆိုတော့ မြေကြီးဖုံးရင်ပျောက်သွားမှာဆိုတဲ့ ဖောင်ဒေးရှင်းတွေမှာအများဆုံးခိုတတ်ကြပါတယ်
ရန်ကုန်မှာတင်နှစ်ထပ်အိမ်ကို ဖောင်ဒေးရှင်းမပါပဲ ဆောက်ထားတဲ့သူတွေအများကြီးပါ
အဲ့ဒါအပြင် Size မပြည့်၊ကြံ့ခိုင်မှုမပြည့်တဲ့သံချောင်းတွေသုံးတာ၊ ကွန်ကရိလောင်းရင်ခိုပြီးလောင်းတာ၊သံချောင်း သုံးချောင်းနေရာမှ နှစ်ချောင်းပဲသုံးတာ၊ ကြံ့ခိုင်မှုမပြည့်တဲ့ အရည်ပျော်အုတ်တွေသုံးစွဲတာ၊အုတ်စီချောလုပ်ရင် ဘိလပ်မြေလျှော့ပြီးသဲပိုထည့်တာစတဲ့လုပ်ရပ်တွေပြုလုပ်လာမှာပါ
ရန်ကုန်မှာဆို ယုဇနနဲ့ကျောက်မြောင်းကတိုက်ခန်းတွေက ဥပမာပါ
အိမ်ရှင်တွေအနေနဲ့ ကိုယ်တသက်လုံးနေမယ့်အိမ်ကို ကျွမ်းကျင်တဲ့သူတွေနဲ့ Detail Drawing သေချာဆွဲသင့်ပြီး PAE နည်းတာ၊များတာထက် ပစ္စည်းအရည်အသွေးနဲ့လက်ရာလက်သား ကောင်းမွန်၊စနစ်ကျတဲ့ကန်ထရိုက်တာကို ရှာဖွေပြီးမှသာတည်ဆောက်သင့်ပါကြောင်းအကြံပြုလိုက်ရပါတယ်
Min Zaw Naing (အင်ယာကန်ထရိုက်တာ)
