31/08/2026
***Kaisar***ကုန်အမှတ်တံဆိပ်နှင့် ပတ်သက်၍ အများသိစေရန် အသိပေးကြေညာခြင်း
ကျွန်တော်တို့Machine City မှ Kaisar အမည်ဖြင့် မှတ်ပုံတင်ထားရှိသည့် ကုန်အမှတ်တံဆိပ်(Logo)၊ စက်ပစ္စည်းများ၏brandအမည်၊ အမှတ်အသားများအား ရန်ကုန်မြို့ စာချုပ်စာတမ်း မှတ်ပုံတင်ရုံးတွင်သော်လည်းကောင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ မူပိုင်ခွင့်ဦးစီးဌာနတွင်သော်လည်းကောင်း၊Online Registration တွင်သော်လည်းကောင်း အသီးသီးမှတ်ပုံတင်ထားရှိပြီးဖြစ်ပြီး မြန်မာနိုင်ငံတစ်ဝှမ်းတွင် ကောင်းမွန်သောဂုဏ်သတင်းဖြင့် မုန့်လုပ်ငန်းသုံးစက်ပစ္စည်းများအား တရားဝင် လိုင်စင်ဖြင့် တင်သွင်းဖြန့်ဖြူးရောင်းချလျှက်ရှိပါသည်။
သို့ဖြစ်ပါ၍ Kaisar ကုန်အမှတ်တံဆိပ်၊ စက်ပစ္စည်းများ၏brandအမည်၊ အမှတ်အသားများဖြင့် ရိုက်နှိပ်ထုတ်လုပ်ထားသော စက်ပစ္စည်းများအား ဈေးကွက်အတွင်း တရားမဝင်ပြန်လည် ရောင်းချခြင်း၊ မိမိတို့ အကျိုးစီးပွားအတွက် ပြန်လည်အသုံးပြု၍ ဖြန့်ဖြူးရောင်းချခြင်း၊ ပုံတူပုံမှား၊ ထင်ယောင်ထင်မှား၊ ဆင်တူယိုးမှား၊ ပုံစံတူတုပ၍ ရောင်းချခြင်းများမပြုလုပ်ကြရန်နှင့် ထိုသို့ပြုလုပ်ပါက ကုန်အမှတ်တံဆိပ်မူပိုင်ခွင့်ပါ ပြဌာန်းချက်များနှင့်အညီ အရေးယူဆောင်ရွက်သွားမည်ဖြစ်ကြောင်း အများသိစေရန် ကြေညာအပ်ပါသည်။
ထို့အပြင် ဝယ်ယူသူများအနေဖြင့် Kaisar တံဆိပ် အစစ်အမှန်ဖြစ်ကြောင်း စစ်ဆေးလိုပါက အချိန်မရွေး ဆက်သွယ်၍ စစ်ဆေးနိုင်ပါကြောင်း အသိပေးအကြောင်းကြားအပ်ပါတယ် ခင်ဗျာ
