https://www.facebook.com/637226399942923/

Travis & Naethit Moe Construction & Interior Decoration, Mandalay (2026)

26/02/2025

အရပ်ထဲ , Site ထဲမှာ topping ကို လွယ်လွယ်ခင်းတက်ကြပါတယ် , ၄င်းတို့ဟာ အရင်မူလ မဆလာဂျိုးများအား သေချာမခွာခြင်း ၊ သန့်ရှင်းရေး ပြီးစလွယ် လုပ်ခြင်း ၊ လောင်းမယ့် floor ပေါ်၌ ပုံဖျော်ကာ ပေါက်တူး ဂေါ် မျှဉ်းဆွဲရ လွယ်အောင် ရေများစွာထည့်၍ မွေခြင်း၊ အခြောက်မှုန့်များ ပတ်ခြင်း ပြုလုပ်လေ့ ရှိပါတယ် ။
ဒီလိုမျိုး မလိုအပ်ပဲ over wet(အလွန်အမင်း စိုစွတ်အောင်) ဖြစ်အောင် ပြုလုပ်ခြင်းဟာ ဘိလပ်မြေ အနှစ် လေးတွေကို topping မျက်နှာပြင် ပေါ်စုအောင် လုပ်ပေးလိုက်သလိုဖြစ်ပြီး ဒါတွေဟာ topping ခြောက်သွားတဲ့ အခါမှာ dust layer( ဖုန်မှုန့် အလွှာ) တစ်ခုဖြစ်ပေါ်စေပါတယ်။ အခြောက်မှုန့်များ ( cement နင့် sand အရောအနှော) ကို စိုနေသော topping မျက်နှာပြင် ပေါ်သို့ ဖျန်းပက်ခြင်း များသည် အချိန်မတိုင်မီ concrete ခြောက်သွေ၍ crack ဖြစ်ပေါ်ခြင်းကို ဖြစ်စေတာမို့ မလိုအပ်ဘဲ အခြောက်မှုံ့ သုံးခြင်းကိုလည်း ရှောင်ရှားရပါမယ်။ အရင်မူလ မဆလာဂျိုးများကို သေချာမခွာ ၊ သန့်ရှင်းရေး ညံ ခြင်းတို့ ကြောင့် မိမိလောင်းခဲ့တဲ့ topping ဟာ ဘယ်လောက်ပဲ အရည်သွေး ကောင်းပါစေ ၊ လေခိုမှာ ကျိန်းသေပါတယ် ။ topping လေခိုသွားရင်တော့ အပေါ်က ကြွေပြားပဲခင်းခင်း ၊ ကျောက်ပြားပဲ ခင်းခင်း ၊ ပါကေးပဲ ခင်းခင်း ပျက်စီးရ လွယ်ကူသွားပြီး ပြင်ဆင်စရိတ် ကြီးမားပါတယ် ။

Topping ဘယ်လို ခင်းမလဲ ---

Topping မခင်း ခင် သန့်ရှင်းရေး အရေးကြီးပါတယ် ။ ပထမဦးစွာ ဆောင်ရွက်ရမှာက topping လောင်းမယ့် floor ဟာဆိုရင် ယခင်က အုတ်စီ/ချော လုပ်ငန်းများ ဆောင်ရွက်ခဲ့ခြင်းကြောင့်သော်လည်းကောင်း၊ store နေရာအခက်အခဲအရ အုတ်၊သဲ၊ကျောက်၊cement အစရှိသည့် site သုံး ပစ္စည်းများ သိုလှောင်ထားရှိခဲ့မှုကြောင့်သော်လည်းကောင်း အမှိုက်များ၊ မဆလာဂျိုးများ ရှိနေနိုင်ပြီး ၎င်းတို့ကို လှည်းကျင်းဖယ်ရှားရပါမယ်။ ဒီလိုရှင်းလင်းဆောင်ရွက်ရာမှာ အမှိုက်များနင့် ထုထည်ရှိသော မဆလာဂျိုးများကိုသာ အလွယ်တကူ ဖယ်ရှားကြပြီး၊ floor မျက်နှာပြင် တွင် စွဲကပ်နေတတ်သော မဆလာဂျိုးများကို သေသေချာချာ မဖယ်ရှားမိပဲဖြစ်နေတတ်ပါတယ်။ ဒီလိုစွဲကပ်နေတဲ့ မဆလာဂျိုးများကို ဖယ်ရှားဖို့ အလွယ်ဆုံးနည်းကတော့ အဲ့ဒီ floor area ကို ရေသွင်းပြီး တစ်ညထားရပါမယ်။နောက်နေ့တွင် ရေစိမ်ထားသောကြောင့် ပွလာသော မဆလာဂျိုးများကို တူ၊ ခုတ်တူ တို့ကို အသုံးပြု၍ အလွယ်တကူ ဖယ်ရှားလို့ ရမှာပဲဖြစ်ပါတယ်။
ဤကဲ့သို့ သန့်ရှင်းရေး သေချာလုပ်ပြီးပါက survey ဝင်ရပါ့မယ် ။အလွန်အရေးကြီးပါတယ် ။ ရေးဆင်းထားမလား ၊ Level ထားမလား။ WC ခန်းတွေဆိုရင် ရေဆင်းမည့် ဘက် slope ပေးရတာတွေက အသက်ပါပဲ။ topping level အတွက် သတ်မှတ်ထားသည့် pier level များပေးရမှာဖြစ်ပါတယ်။ Pier ပေးရာမှာ ၎င်း pier တုံးများကို 1:2 အချိုး ဖျော်စပ်ပြီး နှစ်လက်မခန့် size များကို တစ်ခုနှင့်တစ်ခု aluminium မျှဉ်းတံ တစ်မှီစာ ပေးရမှာပါ ။ topping level အတွက် သတ်မှတ်ထားသည့် pier level များပေးရမှာဖြစ်ပါတယ်။ ဒါအပြင် topping လောင်းမယ့် ထု ဟာဆိုရင် အနည်းဆုံး 1 လက်မ ရှိနေဖို့ကိုလည်း သတိပြုရပါမယ်။ ဒါမှသာ topping layer အလွယ်တကူ ထိခိုက်ကွဲ ကြေခြင်းမျိုး မဖြစ်ပေါ်စေမှာဖြစ်ပါတယ်။ Level ပေးထားသောpier များကို 24 hr ခန့် အခြောက်ခံပြီးပါက topping လောင်းခြင်းကို စတင် ဆောင်ရွက်လို့ ရပါပြီ ။
Topping လောင်းရာတွင် floor အားစိုစွတ်မှုရှိစေအောင် ဆောင်ရွက်ထားရပြီး over wet ဖြစ်မနေအောင် ဂရုစိုက်ရပါမယ်။ ကောင်းမွန်စွာသန့်ရှင်းရေး လုပ်ထားသော floor area အား cement 1ဆ water 1ဆ ရောစပ်ထားသော အနှစ်ရည်အား brush ဖြင့် floor အနှံ့ ကယ်ရီ ရိုက်ပေးရပါ့မယ်။ ထို့နောက် topping concrete ဖျော်စပ်ရမှာဖြစ်ပြီး အကောင်းဆုံးအချိုးကတော့ (1:1 1/2:2)(cement 1 : sand 1 1/2 : 3/8"size fine aggregate) ဖြစ်ပါတယ်။ (1:2:4) အချိုးကိုလည်း အသုံးပြုနိုင်ပြီး ဒီမှာတော့ အများစု အသုံးပြု ကြပါတယ်။ Topping လောင်းရာမှာ အသုံးပြုမယ် sand နဲ့ fine aggregate များကို ကြိုတင်၍ ရေဆေးခြင်း၊ အမှိုက်များ ဖယ်ရှားထားခြင်းတို့ကို ပြုလုပ်ထားရပါမယ်။

ဒါ့အပြင် concrete mixing ပြုလုပ်ရာတွင်လည်း concrete mixer ကို အသုံးပြု နိုင်ပါက အကောင်းဆုံးဖြစ်ပြီး၊ site အနေအထားအရ mixer အသုံးမပြုနိုင်ပါက topping လောင်းမည့် နေရာတွင် ပစ္စည်းများစုပုံ၍ ဖျော်စပ်ခြင်းထက် အခြားနေရာတွင် ဖျော်စပ်၍ သယ်ယူလောင်းခြင်းကိုသာဆောင်ရွက် သင့်ပါတယ်။
လုပ်ငန်းစဉ်များ အားလုံး ဆောင်ရွက်ပြီးလို့ concrete setting time ဖြစ်ပြီးနောက်မှာတော့ curing ပေးခြင်းကို အနည်းဆုံး ၅ရက်ခန့် မပျက်မကွက် ( နေရောင်ခြည် ထိတွေ့မှုများသည့် နေရာများတွင် ၁၀ ရက်ခန့် အနည်းဆုံး) ပြုလုပ်ပေးရပါမယ်။

ကောင်းမွန်တဲ့ topping မျက်နှာပြင် တစ်ခု ပိုင်ဆိုင်ပါ စေ

ကိုရင်သာအေး

12/12/2024

Sir Aung Hla Min Naing ရေးသားသည်

Structure Engineer အမေးအဖြေ (၁)

မေး။ ။ အခုလက်ရှိ သိပ်နားမလည်တဲ့ကိစ္စလေးတစ်ခုရှိပါတယ်။ Slab ကို Beam နဲ့ ချုပ်တဲ့ Case တွေမှာ ပုံမှန်ဆိုရင် များသောအားဖြင့် Top Level တွေ တူရင်တူ၊ မတူရင် 2”,3” လောက်ပဲ ကွာတာမြင်ဖူးပါတယ်။ များသောအားဖြင့် Beam ရဲ့ Depth အနေအထားနဲ့ Slab အောက်ကို ကျကိုကျပါတယ်။ ဒါပေမဲ့ Slab Bottom Level နဲ့ Beam Bottom Level ကို တူတူထားပြီး Slab ရဲ့ ဘယ်ညာဟာ Beam ရဲ့ Top Level က Slab ရဲ့ Top Level ထက်ပိုပြီးမြင့်တဲ့ Case မျိုးကို Structural Design အရ လက်ခံနိုင်လားသိချင်လို့ပါ။ အဲ့ဒါဆို Load ထမ်းတာမျိုးမှာ ပြဿနာတက်တာမျိုးရှိနိုင်လား သိချင်ပါတယ်။ အဲ့ Case ကို ၁ ခါမှလည်း မမြင်ဖူးဘူး။ ဒါပေမဲ့ Advanced Level ဖြစ်သွားပြီး Design အရ ရနေတာမျိုး ၊ ဒါမှမဟုတ် ပိုကောင်းတာမျိုးများ ဖြစ်နေတာလားဆိုတဲ့ အတွေးဝင်လာလို့ပါ။ အဲ့လို Concept မျိုး တစ်ခါမှ မမြင်ဖူးလို့ပါ။

မေးသူ။ မြတ်သီရိ

ဖြေ။ ။ Inverted Beam လို့ခေါ်ပါတယ်။ သူက Slab ရဲ့ တည်နေရာကလွဲရင် ကျန်တဲ့ရိုးရိုးပုံမှန်သာမန် Beam နဲ့ တူတူ ပါဘဲ။ ပုံမှန် Beam တွေမှာဆိုရင် Slab ရဲ့အပေါ်မျက်နှာပြင်နဲ့ Beam က တပြေးညီထဲမှာရှိတယ်။ ဆိုလိုတာက လူသွား လူလာလုပ်လို့ရအောင် အပေါ်မျက်နှာပြင်ကိုအပြောင်အချောထားပြီး Beam ရဲ့ ပိုနေတဲ့ Depth ကို အောက်မှာထား တယ်။ တကယ်တော့ Slab နဲ့ Beam နဲ့က Depth မတူပါဘူး။ ကျွန်တော်တို့က ပိုနေတဲ့ Depth ကို အပေါ်မှာထားမှာလား၊ အောက်မှာထားမှာလားဆိုတာကို တစ်ခုခုရွေးချယ်ရပါတယ်။ လူသွားလူလာလုပ်မည့် Slab တွေကျတော့ Beam နဲ့ Top Level ညီပါတယ်။ ဆိုတော့ T ပုံစံ Joint ဖြစ်သွားတာပေါ့။

အကယ်လို့ Beam ရဲ့ Bottom Level က Slab ရဲ့ Base Level နဲ့ ညီသွားရင်တော့ ပုံထဲမှာပြထားတဲ့အတိုင်း T ပြောင်းပြန် ပုံစံ Joint ဖြစ်သွားပါတယ်။ ဒါကို Inverted Beam လို့ခေါ်ပါတယ်။ ယခုလိုပုံစံက သမားရိုးကျ T ပုံစံ Beam တွေလောက် Economical မဖြစ်ပေမယ့် အောက်ကနေ အပေါ်ကို မော့ကြည့်လိုက်တဲ့အခါမှာ မျက်နှာကျတ်က Beam တွေမမြင်ရ တော့ပါဘူး။ အမိုးမှာ Beam ပေါ်နေတာကိုမကြိုက်တဲ့သူတွေအတွက်ကတော့ Inverted Beam သုံးဖို့က အကောင်းဆုံး ရွေးချယ်မှုပါ။ အထူးသဖြင့် အိမ်ရဲ့မျက်နှာစာဖြစ်တဲ့ Portico တွေမှာ Cantilever Inverted Beam တွေကိုလှလှပပ သုံးကြတယ်။ ဒါကတော့ Asthetic နဲ့ Function အရ T Beam သုံးမှာလား၊ Inverted T Beam သုံးမှာလား စသည်ဖြင့် ရွေးချယ်တဲ့ အပိုင်းပါ။

Structure နည်းအရလည်း အနည်းငယ်ပြောချင်ပါတယ်။ T Beam နဲ့ Inverted T Beam နှစ်မျိုးက Stress Zone က ပြောင်းပြန်ပါ။ ဥပမာ Beam တစ်ချောင်းကို Neutral Axis နဲ့ပိုင်းလိုက်ရင် တစ်ခြမ်းက Tension Zone ဖြစ်ပြီး ကျန်တဲ့ တစ်ခြမ်းက Compression Zone ဖြစ်လိမ့်မယ်။ အကယ်လို့ Normal Beam မှာ Slab က Tension Zone ထဲမှာရှိမယ် ဆိုရင် Inverted Beam မှာဆိုရင်တော့ Compression Zone ထဲမှာရှိလိမ့်မယ်။ ပြောင်းပြန်ဖြစ်သွားတာပေါ့။ ဘာကြောင့်လဲဆိုရင် Slab က Beam ရဲ့ Top Level မှာရှိမှာလား Bottom Level မှာရှိမှာလား စသည်ဖြင့် ကွာခြားတာနဲ့ Tension Zone ထဲမှာရှိနေတာရယ် Compression Zone ထဲမှာရှိနေတာရယ် ဆန့်ကျင်ဘက်ဖြစ်သွားနိင်ပါတယ်။ ဒါကြောင့် Structural Analysis အပိုင်းမှာလည်း ကွာသွားပါတယ်။ ဒါက Slab အနေနဲ့ ကွာခြားတာကိုပြောတာပါ။

Beam အနေနဲ့ပြောမယ်ဆိုရင် Slab ရဲ့တည်နေရာပြောင်းတာနဲ့ Inverted Beam ဖြစ်သွားပေမယ့် Beam တစ်ခုမှာ ရှိနေကျ Structure Behaviour တွေကတော့ ပြောင်းလဲသွားမှာမဟုတ်ပါဘူး။ ဒါကြောင့် Loading နဲ့ Design လုပ်တာ ကလည်း ပုံမှန် Regular Beam နဲ့ တူတူပါဘဲ။

Inverted Beam တွေက လူ့မျက်လုံးနဲ့မြင်ရတဲ့ မြင်ကွင်းတွေကိုရှင်းလင်းစေတယ်။ လူသွားလူလာများတဲ့ တံတားရဲ့ အမိုးတွေမှာဆိုရင် မြင်ကွင်းရှင်းလင်းဖို့အတွက် Inverted Beam တွေကို တွေ့လေ့ရှိပါတယ်။ Cantilever Inverted Beam ရဲ့ Slab တွေကတော့ Compressive Stress တွေကို အနည်းငယ်ယူရပါတယ်။ ဘာကြောင့်လဲဆိုရင် Cantilver Beam တွေက အောက်ဖက်ခြမ်းက Compression Zone ဖြစ်ပြီး အပေါ်ခြမ်းတွေကတော့ Tension Zone ပါ။ Slab က Inverted Beam တွေမှာ Compression Zone ထဲမှာရှိနေတာကြောင့်ပါ။

ရှေ့မှာပြောခဲ့သလိုဘဲ Inverted Beam တွေကလည်း Beam ဖြစ်တာကြောင့်မလို့ သူတို့ရဲ့ Structural Behaviour တွေကလည်း တူတူပါဘဲ။ Analysis လုပ်လိုက်လို့ Compression Steel လိုရင် Compression Steel ထည့်၊ Tesnion Steel လိုရင် Tension Steel ထဲ့။ ဒါပေမဲ့ တစ်ခုမတူတာကတော့ Transverse Reinforcement လို့ခေါ်တဲ့ Stirrups တွေ ပါ။ ကိုယ့်ရဲ့ Slab က Inverted Beam ရဲ့ Tension Zone ထဲမှာ ဝင်နေရင် Slab ရဲ့ ကွန်ကရစ်ထုကနည်းတာကြောင့် Cracking မဖြစ်အောင် သေချာဂရုစိုက်ဖို့လိုတယ်။ ဒါပေမဲ့ Inverted Beam အများစုက အမိုးအတွက်ဘဲ သုံးကြတာမို့ လို့ Slab တွေက Load မများကြတော့ သိပ်ပြီးစိတ်ပူစရာမရှိပါဘူး။

Aung Hla Min Naing

#မူရင်းလင့်

21/11/2024

#နေအိမ်အဆောက်အဦ_တစ်လုံးကို_ဒီဇိုင်းတွက်တော့မယ် ဆိုရင်..

ပထမဦးစွာ Column တွေကို နေရာချထားပေးနိုင်ဖို့အတွက် နံရံ wall လိုင်း XY grid လိုင်းတွေကို စတင်ရေးဆွဲရပါမယ်

Column တွေ နေရာချရာမှာ စဉ်းစားသင့်တဲ့ အချက်တွေကတော့
(၁) တတ်နိုင်သမျှ XY grid ရဲ့ ဆုံချက်နေရာတွေ မှာပဲ ချပေးရပါမယ်
(၂) နံရံ ဒေါင့်ဆုံနေရာနဲ့ တစ်ထပ်တည်း ကျနေရပါမယ်
(၃) Column အချင်းချင်းကြား ၆ ပေအောက် မကျဉ်းအောင်၊ ပေ ၂၀ ထက်လည်း မကျယ်စေအောင် ဂရုစိုက်ပေးရပါမယ်

အခု နမူနာပြထားတဲ့ ပုံမှာတော့ XY grid မကိုက်တဲ့ အတွက် SB ၂ ချောင်း ထည့်ထားရတာကို တွေ့မြင်နိုင်ပါမယ်
သူ့ရဲ့ အားနည်းချက်ကတော့—-
B2 နဲ့ C2 တိုင် ၂ တိုင်မှာ X direction ချုပ်အား လျော့နည်းသွား သလို
B2-C2 beam နဲ့ C2-D2 beam တွေမှာ Torsion ဝင်လာစေပါတယ်

သည့်အတွက် ခန်းဖွဲ့ စတင် စဉ်းစားစဉ်ကတည်းက နံရံတွေကို တတ်နိုင်သမျှ တစ်ဖြောင့်တည်း ဖြစ်နေအောင် ကြိုးစား ဖွဲ့ကြည့်သင့်ပါတယ် ( နမူနာ ပုံ ၃)

ဒုတိယ အဆင့်အနေနဲ့
Column grid တွေ နေရာချပြီးလို့ Structural ဒီဇိုင်း တွက်တော့မယ် ဆိုရင်—
(၁) Slab အကွက်တိုင်းကို 45 deg လိုင်းတွေ ဆွဲပေးရပါမယ်
(၂) beam တစ်ချောင်းစီ တာဝန်ယူထမ်းနေရတဲ့ slab ဧရိယာ အကွက်တွေ ပုံဖော်ရပါမယ်၊
(၃) Beam span ၄ မျိုးခန့် ခွဲခြားပြီး နာမည်တပ်ထားရပါမယ်
(၄) Beam size တစ်မျိုးစီအတွက် အကြီးဆုံးသော slab ဧရိယာ ကို မျက်မြင်နဲ့ပဲ ရွေးချယ်ပြီး ဧရိယာ ပမာဏတွေ တွက်ထားရပါမယ်

သည့်နောက်
သက်ရောက်ဝန်အား Applied load တွေ တင် ပေးရပါမယ်
Seithu Min ရေးသားမှုကိုပြန်လည်မျှဝေပါသည်

#မူရင်းလင့်

https://m.facebook.com/story.php?story_fbid=6203111069726640&id=100000834260595&mibextid=Nif5oz

12/11/2024

ထောင့်မှန်တြိဂံ တစ်ခုတည်းမှာတင် ကျနော်တို့ရဲ့ မြို့ပြအင်ယာ ပညာရပ်တွေ အကုန်လုံး မြှုပ်နှံပြီး ထည့်ထားတယ် လို့ ကျနော်ပြောခဲ့ပါတယ်

ဘာတွေ ဘယ်လို မြှုပ်နှံထားတာလဲ ဆိုတာကို သိရဖို့အတွက်..
ထောင့်မှန်တြိဂံဆိုတာ ဘာလဲ
သူ့ရဲ့ အရည်အချင်းတွေက ဘာလဲ ဆိုတာကို
ကျနော်တို့ စတင် လေ့လာကြည့်ရအောင်ပါ

ထောင့်မှန်တြိဂံဆိုတာ…
(၁) အနား သုံးဖက်ရှိပြီး ဒေါင့်တစ်ခုက ကျင်တွယ်ကျ 90 deg ထောင့်မှန်ကျ ရှိနေတဲ့ triangle တစ်ခုပါပဲ
သည့်အတွက် သူ့မှာ
(၂) အနား ၃ ဖက်ရဲ့ အလျားပမာဏတွေ ပိုင်ဆိုင်ပါမယ်
(၃) ဒေါင့်သုံးထောင့်ရဲ့ ဒီဂရီပမာဏတွေကို ပိုင်ဆိုင်ပါမယ်
(၄) (က) ထောင့်မှန်ခံအနား သို့မဟုတ် မူရင်း curve
(ခ) မျက်နှာချင်းဆိုင် အနား သို့မဟုတ် rise
(ဂ) နီးစပ် အနား သို့မဟုတ် run ဆိုပြီး အမည် သုံးခုရှိသလို ပမာဏလည်း သုံးခု ရှိပါတယ်
(၅) နီးစပ်အနား Run ကို one unit အဖြစ် ထားတဲ့ အချိန် ရှိနေတဲ့ rise ရဲ့ ပမာဏသည် tangent ပမာဏ ဖြစ်ပါတယ်
(၆) သည့်အတွက် tangent ဆိုတာသည် (rise : run) အချိုး Ratio တစ်မျိုး ဖြစ်ပါတယ်
(၇) 3:4:5, 6:8:10 , 9:16:25 စသည်ဖြင့် ထောင့်မှန်တြိဂံတစ်ခုရဲ့ စံပြုပုံစံ အချိုးသည် 3:4:5 ဖြစ်ပါတယ်
(၈) ဝန်အား Resultant တစ်ခုကို Vector components များ Fx, Fy များအဖြစ် ခွဲဝေခြင်း၊ ပေါင်းစုံခြင်းတွေသည်လည်း ထောင့်မှန်တြိဂံရဲ့ သဘောတရားပါပဲ
(၉) A²= B² + C² ဆိုတဲ့ ပိုက်သာဂိုရပ် သီအိုရမ် သို့မဟုတ် Sine Cos တွေ သုံးပြီး အနားတွေရဲ့ အချိုးဆက်စပ်မှုကို ရှာဖွေရယူနိုင်ပါတယ်
(၁၀) မူလ အလျားနဲ့ တိုးပွါးလာတဲ့ အလျား တို့ကို ဂရပ်ဆွဲရင် strain diagram ရသလို ဂရပ်မျဉ်းတိုင်းသည် function တစ်ခုရဲ့ ဆက်စပ်မှု သဘောတရား XY အချိုးကို ပြသနိုင်ဖို့ ထောင့်မှန် တြိဂံရဲ့ သဘောတရား အပေါ်အခြေတည်ပြီး ရေးဆွဲရပါတယ်.
.
သည့်အတွက် ထောင့်မှန်ခံအနားမျဉ်းလိုင်းသည် function တစ်ခုကို ကိုယ်စားပြုပြီး အဆိုပါ ဒေါင့်မှန်ခံအနားရဲ့ slope သည် differential Calculus ဖြစ်ကာ area ကတော့ Integral calculus ပဲ ဖြစ်ပါတယ်

….
Truss တွေရဲ့ အစွန်ဆုံး support နားက ထောင့်မှန် တြိဂံကို ဖြေရှင်းလိုက်ရင် truss member design ကို အလွယ်တကူ ရရှိလာပါတယ်

ရေးသားသူ Seithu Min

08/11/2024

#အနာဂတ်ပလန်အစီအစဉ် နှင့်
#အောက်ခြေ_ဖူတင်_ပြဿနာ

အိမ်က ၂ထပ် or ၃ထပ်ဆောက်ချင်တာပါ
လောလောဆယ် ငွေမနိုင်သေးလို့ ၁ထပ်ဘဲဆောက်ပီး နောက်မှ ဆက်ဆောက်မယ်ဆိုတဲ့ အိမ်ရှင်တွေ ဒီစာကိုဖတ်ကြည့်ကြပါ။
(စာရှည်ပေမဲ့ သေချာပေါက် ကျေနပ်ကြပါလိမ့်မယ်။ အများနားလည်အောင် engineering တွေမပါဘဲ အရိုးရှင်းဆုံး ရေးပေးထားပါတယ်)

ဟုတ်ပီ ခင်ဗျားတို့က Foundationကို ၂ထပ်စာ or ၃ထပ်စာ ချထားမယ် လောလောဆယ် ၁ထပ်ကလေးဘဲဆောက်မယ်ဆိုတဲ့သဘောပြောတာနားလည်ပါတယ်။

ဒါပေမဲ့ foundationကိုဘယ်လိုချခဲ့မှာလဲ။
ဘာမြေအမျိုးအစားမို့ ဘယ်နှစ်ပေအနက်ထိချပီး ဘယ်sizeတွေသုံးခဲ့မှာလဲ။ ကျွမ်းကျင်တဲ့ ပညာရှင်နဲ့ရော တွက်ချက်ထားလား စတဲ့အချက်တွေအပေါ်မူတည်ပါတယ်။
ကန်ထရိုက်ကို ၃ထပ်စာfoundation
ချပေးခဲ့ပါ ဘယ်လောက်ဆိုပီး စျေးဖြတ်ဆောက်ခိုင်းလိုက်တယ်။ ဘာတွက်ချက်မှုမှ မပါဘူးဆောက်သွားတယ်။

ပြဿနာစပါပီ။ နောက်ကျန်တဲ့အထပ်တွေထပ်ဆောက်တော့ အရင်ကန်ထရိုက်နဲ့ မလုပ်ဖြစ်ဘဲ နောက်တစ်ဦး ပြောင်းလုပ်တယ်ဆိုပါစို့။ နောက်လူကလည်း သူချခဲဲ့တဲ့ Foundationမဟုတ်တဲ့အတွက် ဘယ်နှစ်ပေမှာ ဘယ်sizeချထားတယ်ဆိုတာလောက်ဘဲ အိမ်ရှင်က ပြောပြသလောက်သာသိရမှာပါ။ သံဘယ်နှစ်ချောင်းပါလဲ၊ အောက်ခံမြေသားကဘယ်လိုလဲ ၊
တူးတုန်းကရေထွက်နေလား ဆိုတာ အသေးစိတ် သူမသိပါဘူး။ အဲတော့ ထပ်တင်လိုက်တယ်ထားပါစို့။ ကံမကောင်းစွာနဲ့ footing ကျွံဝင်သွားတာ ၊အဆောက်အဦးစောင်းသွားတာ ၊အပေါ်weightကို မထမ်းနိုင်လို့ မူလအဆောက်အဦးမှာ အက်ကြောင်းလိုက်တာတွေဖြစ်လာပြီဆို ဘယ်သူ့အပြစ်တင်ကြမလဲ။ ရှေ့လူကိုလား နောက်လူကိုလား။ အိမ်ရှင်တိုင်ပတ်သွားမှာပါ။

ဆိုလိုချင်တာပါ မိမိမြေအမျိုးအစားနဲ့ သုံးမဲ့အဆောက်အဦးက ဘာလဲဆိုတာ တတ်သိပညာရှင်နဲ့တိုင်ပင်ပါ။ သာမန် လူနေအိမ်နဲ့ စျေးဆိုင်ဖွင့်ဖို့ဆောက်တဲ့ အဆောက်အဦးချင်းတောင် တင်တဲ့weightမတူပါဘူး။

အိမ်မှာ လူဘယ်နှစ်ယောက် ဘာတွေတင်မယ်ကအစ တွက်ချက်ရပါတယ်။ အပေါ်အမိုးslabလေးပေါ် ရေကန်ဘဲတင်မှာလား။ အမိုးပေါ်မှာ အပင်လေးစိုက်ဦးမှာလား။ စတဲ့ အသုံးပြုမှုအမျိုးမျိုးပေါ်လိုက်ပီး အလေးချိန်ကွာသွားမှာပါ။

လူနေအိမ်အတွက် ကန်ထရိုက်တွေအများဆုံးသုံးပေးတဲ့ Foundationက တစ်တိုင်တစ်ခွာလို့ အရပ်ခေါ် ခေါ်ကြတဲ့ iso footingတွေပါ။ သူ့မှာ မြေသားအလိုက် ဘယ်နှစ်ပေပတ်လည်ဆို အလေးချိန် ဘယ်နှစ်တန်ခံမလဲဆိုတာ တွက်ချက်လို့ရပါတယ်။

တိုင်တစ်လုံးချင်းစီးကဆင်းလာမဲ့အလေးချိန်ကို သူ့ ရဲ့ တစ်ပေပတ်လည် ခံနိုင်အားနဲ့စားပီး ဘယ်sizeအသုံးပြုရမလဲတွက်ရတာပါ။ ထု အထူအတွက်လည်းသတ်မှတ်ထားတဲ့ သတ်မှတ်ချက်တွေရှိပါတယ်။

ခင်ဗျားတို့မေးချင်လိမ့်မယ် အဲ့လောက်အရေးကြီးသလား။
ဟုတ် ကြီးပါတယ်။ မူလအသက်က foundationပါ။ သူက အဆောက်အဦးတစ်ခုလုံးရဲ့ အလေးချိန်ကို မြေကြီးထဲညီမျှစွာဖြန့်ပေးရမှာပါ။

Foundationမှာ အဓိက စစ်ရမဲ့အချက်တွေရှိတယ်
၁။ လုံလောက်တဲ့ footing size ရှိရဲ့လား
၂။ မြေကြီးခံနိုင်အား (လုံလောက်တဲ့ မြေသားမာကျောမှု)
၃။ မြေသားထဲ အိကျမှု ပမာဏ
( ညီမျှစွာ အိကျတာလား။ တစ်ခြမ်းစောင်း ကျွံသလား စစ်ရမယ်)
၄။ footing အောက်ခံကွန်ကရစ်သားရဲ့ မာကျောမှုပြည့်ရမယ်။

footingက လုံလောက်တဲ့ size မပြည့်ရင် အောက်ကိုကျွံဝင်သွားမှာပါ။ မြေသားညံ့ရင်ညံ့သလောက် အဆောက်အဦးမှာ စောင်းသွားနိုင်တယ်။စောင်းတဲ့အထိ ဖြစ်ဖို့ က အတော်ရှားပါတယ်။ စောင်းသွားရင် တော်တော် အသုံးမကျလို့ပါ။ အများဆုံးဖြစ်တာက အဆောက်အဦးနံရံတွေ အက်ကြောင်းကွဲကြီးတွေ လိုက်လာတာပါ။ အုတ်စီတာညံံ့လို့ ဘိလပ်မြေခိုလို့ မဟုတ်ပါ။ footing ကျွံနေလို့ နံရံတွေကွဲတာပါ။ နံရံကွဲတိုင်းတောင် footingကျွံတာမဟုတ်ပါ။ တစ်ခြားအကြောင်းပြချက်တွေရှိပါသေးတယ်။

မြေကြီးခံနိုင်အား။
မြေကြီးခံနိုင်အားကိုတော့ အများစုက အတွေ့အကြုံနဲ့ကြည့်ပီး ဒီလိုမြေသားဆို ဒီလောက်ဘဲတူးမယ် ဘာညာနဲ့ဆုံးဖြတ်ကြတယ်။ တကယ်ကမှားပါတယ်။ တိတိကျကျ သိချင်ရင် soil test စစ်ရပါမယ်။ soil test စစ်တာတောင် companyပေါ်မူတည်ပီး တိကျမှုပမာဏကွာပါသေးတယ်။ ဆိုတော့ သာမန်အထပ်နိမ့်ပီး လူနေနည်းတဲ့ အဆောက်အဦးတွက်က ဆိုးဆိုးဝါးဝါး မြေမညံ့ရင် လုပ်နေကျsizeကလေးတွေက လုံလောက်နေတာကြောင့်မို့ ဘာမှမဖြစ်တာပါ။ အတွေ့အကြုံကြောင့် သာမန်အခြေအနေမှာ ok နေတာလို့ ဆိုရမှာပါ။ ပီးတော့ ဆောက်ပီးပီးချင်းဘာမှမဖြစ်ဘူးဆိုတာ အဆောက်အဦးကို ဘာဝန်မှ မထမ်းခိုင်းရသေးပါဘူး။ ဥပမာ လူတစ်ယောက်က ဆန်အိတ်တစ်အိတ် ထမ်းထားနိုင်တယ်ဆိုပါစို့။ ဟုတ်ပီ အချိန်ဘယ်လောက်ကြာကြာထမ်းထားနိုင်မလဲ။ အချိန်ကြာလာတာနဲ့အမျှ ငြောင်း(ညောင်း)လာမှာပါ။ နောက်ဆုံး လွတ်ချလိုက်ရတော့ပါတယ်။ အဲ့တာကိုအဆောက်အဦးမှာ creep effectလို့ခေါ်ပါတယ်။ အဆောက်အဦးကိုအသုံးပြုမှု သက်တမ်းအတွင်းကျမှ ok လား မokဘူးလား ဆုံးဖြတ်ရမှာပါ။ ၅နှစ်ကျမှ ကျွံလာတာလား ၁၀နှစ်လားပေါ့။ RC အဆောက်အဦးတွေရဲ့ သက်တမ်းကို အကြမ်းအားဖြင့် နှစ်၅၀ ဝန်းကျင် သတ်မှတ်ထားပါတယ်။ ဆောက်ပီးပီးချင်းကြည့်ရုံနဲ့မရပါဘူး။

(မြေသားကျွံဝင်မှု မညီတာ)
အဆောက်အဦးတိုင်းရဲ့ footingတွေက အမြဲကျွံဝင်ပါတယ်။ မကျွံဘူးဆိုတာမရှိပါ။ ၂ထပ်RCတိုက်ကလေးက အနည်းဆုံး တန်၅၀ကနေ ရာချီ ထောင်ချီထိလေးနိုင်ပါတယ်။ ဒါပေမဲ့ မြေထဲကျွံကျမှုကသတ်မှတ်ထားတဲ့ limitအတွင်းဝင်ရပါမယ်။ အကြမ်းမျဥ်းသတ်မှတ်ထားတာကတော့ ၁လက်မခွင့်ပြုပါတယ်။

၁လက်မကျော်ရင်တော့ နည်းနည်းပြသနာရှိလာပါပီ။ footing ဆယ်လုံးရှိလို့ အကုန်လုံးစီညီတူကျွံရင် ပြဿနာမရှိသေးပါဘူး။ ဒါပေမဲ့ ကျွံတဲ့ဟာက ကျွံ၊ မကျွံတဲ့ဟာက မကျွံဘဲ တင်းခံတဲ့အခါ နံရံအက်ကြောင်းလိုက်လာတာပါ။

ဘယ်မှာအဖြစ်များလဲဆိုတော့ ခြံစည်းရိုးနား တိုင်ကပ်ချရတဲ့အခါ ၄ပေပတ်လည်footingချမဲ့နေရာက မလွတ်လို့ ရသလိုချတော့ တိုင်နဲ့ ခွာနဲ့ center မကျတာတွေမှာ အဖြစ်များပါတယ် ။ ဥပမာ လူ့ခြေဖဝါးလိုပေါ့။ ဖနောင့်ဘက်ဖိနင်းလိုက်သလို မြေကျွံတာပါ။ အဲ့footingတစ်ခွာတည်းမှာကို ကျွံကျမှုက မညီတော့ပါဘူး။ အဲ့လိုနေရာတွေအတွက်က ထပ်စောင်းလုပ်ပေးရမဲ့ အချက်တွေရှိပါတယ်။

နောက်ဆုံးအချက်ကတော့ ကွန်ကရစ်သားခံနိုင်ရည်ပါ။
အများဆုံး လောင်းပေးနေတဲ့ ကွန်ကရစ် အချိုး ကြားဖူးနားဝရှိပါလိမ့်မယ် 1:2:4 တို့ 1:3:6တို့ ပါ။ ဒါတွေရှင်းပြနေရင်ကြာသွားပါလိမ့်မည်။
ဆိုတော့ သာမန်အားဖြင့်
မြေကျင်းတူးထားတာ အနက်ညီညာရဲ့လား။

footing formworkပါရဲ့လား။ (တစ်ချို့ မြေကျင်းကျကျနန တူးထားရင် formwork မရိုက်ဘဲလောင်းကျပါတယ် ဒါပေမဲ့ ကွန်ကရစ်ထဲပါတဲ့ရေကို မြေကြီးကတိုက်ရိုက်စုပ်နိုင်တဲ့အတွက် ကွန်ကရစ်မာကျောမှုကျသွားမှာပါ။ ပလတ်စတစ်စ ကာလောင်းရင်လည်းရပါတယ် ဒါပေမဲ့ နောက်ထပ် ဆိုးကျိုးတွေရှိသေးတဲ့အတွက် formworkကာပီးမှ လောင်းတာဘဲကောင်းပါတယ်။

ကာဗာဘလောက်တုံးခံရဲ့လား။ (အုတ်ခဲမသုံးပါနဲ့။အုတ်ခဲ ခံနိုင်ရည်နဲ့ ကွန်ကရစ်ခံနိုင်ရည်မတူပါဘူး ။ ကွန်ကရစ်ဘလောက်တုံးလေးတော့ ကြိုလုပ်ထားပါ။)

သံချီထားတာ တောင့်တောင့်တင်းတင်းရှိလား။ (တစ်ချို့ခွာတွေ ချည်ထားတာ ရွဲပလဲနေတာပါဘဲ😅)

လောင်းမဲ့ကွန်ကရစ်က ရေအချိုးအစားထည့်တာမှန်ရဲ့လား။ ရေအများကြီးနဲ့ ပျော့ပျော့ကြီးလောင်းရင် သေချာပေါက် ခံနိုင်အားကျပါပီ။( ဘိလပ်မြေနဲ့ ရေအချိုးဆိုတာ အင်ဂျင်နီယာအသုံးအနှုန်းတွေမို့ ရှင်းပြရင်စာရှည်သွားမှာပါ။)

ပြောမယ်ဆိုရင် လိုက်နာရမဲ့အချက်တွေအများကြီးပါ။ ဒါတွေက မြေကြီးထဲမြှပ်ထားခဲ့ရတော့ ပြန်စစ်ဖို့ခဲယဥ်းပါတယ်။ ဆိုလိုတာက အပေါ်အဆောက်အဦးပိုင်းက ဖြစ်သမျှဟာ ပြင်ဆင်ဖို့ လွယ်နိုင်ပါတယ်။ မြေကြီးအောက်ထဲက အပိုင်းကို သေချာလေး စနစ်တကျလုပ်ခဲ့စေချင်ပါတယ်။

ကဲ အနှစ်ချုပ်ရရင် အခုလိုနောက်မှ ထပ်ဆောက်မဲ့ အဆောက်အဦးတွေမှာ တစ်ခုခုပြဿနာဖြစ်တာနဲ့ ရှေ့လူ နောက်လူ ဘယ်သူမှ အပြစ်တင်လို့မရတော့ပါဘူး။ ( အဲ့လူတွေမနည်းလိုက်ရှာရလိမ့်မယ်😅)

ခံရမှာက အိမ်ရှင်ပါဘဲ။ ကန်ထရိုက်တွေမှာ စည်းရှိတဲ့လူရှိသလိူ မရှိတဲ့လူက မရှိပါဘူး။ မလုံလောက်တာသိသိနဲ့ ရှေ့ကန်ထရိုက်က သူလက်ထဲအဆင်ပြေပီးရော။ နောက်လူ ဆက်ဆောက်မှ ဖြစ်ရင်သူရှင်းဆိုပီး foundationချပေးသွားရင် နစ်နာမှာက အိမ်ရှင်ပါဘဲ။

သေချာတာကတော့ အင်ဂျင်နီယာဆီ structure design အပ်လိုက်ပါ။ပီးမှ သူတွက်ချက်ပေးတဲ့အတိုင်း ကြိုက်ရာ ကန်ထရိုက်နဲ့ဆောက်ပါ။ အိမ်ရှင်က design စာရွက်အတိုင်းစစ်ရုံဘဲ။ (မိမိနားလည်ရင် စစ် ။ နားမလည်ရင် စစ်ဆေးသူအကူတောင်းပါ။ များသောအားဖြင့် Structure designer က အကူအညီပေးပါတယ်။)

design ခများမှာမပူပါနဲ့။ အိမ်တစ်လုံးလုံးရဲ့ 2%မှ အများဆုံး5%ဘဲကုန်တာပါ။ သိန်းတစ်ရာမှ ၂သိန်းပတ်ချာလည်ပေါ့။ အိမ်ရှင် ခေါင်းပြားအောင်အိပ်လို့ရတယ်( ခေါင်းအေးအေးအိပ်လို့ရတာပြောတာ😆)။ ကိုယ့်တစ်သက်တာ နေမဲ့အဆောက်အဦးအတွက် မနမြောပါနဲ့။ အိမ်ဆောက်ဖို့ရှာထားရတဲ့ငွေက မနည်းပါဘူး။

designမတွက်ဘဲ ရမ်းဆော်ရင် လိုတဲ့နေရာ မထည့်မိဘဲ မလိုတဲ့နေရာထည့်မိမှ မိအေးနှစ်ခါနာမှာပါ။
designအပ်ထားတော့ လိုတိုးပိုလျော့ တစ်ခါတည်း ပေးလိုက်တာမို့ ဆောက်လုပ်ရေးကုန်ကျစရိတ်မှာသက်သာပီးသားပါ။ safeဖြစ်ပီးသားပါ။

နောက်ဆုံး အကြံပြုချင်တာကတော့ အကြမ်းထည်ကို ခိုင်အောင်ဆောက်ပါ။ နောက်မှ ရေမီးဆေးက မကြိူက်ဖြုတ်လဲလို့လွယ်တယ်။ အကြမ်းထည်ကိုခိုင်အောင်မလုပ်ထားရင် ဖြုတ်လဲဖို့မလွယ်ပါဘူး။

အားလုံးသော အိမ်ရှင်များ လက်ရာကောင်းမွန်ေသာ ကန်ထရိုက်နဲ့ ဆုံတွေ့ပြီး အိမ်ကြီးအိမ်ကောင်းများပိုင်ဆိုင်နိုင်ပါစေ။
(စာရှည်သွားရင်ခွင့်လွှတ်ပါ။ စေတနာပိုသွားလို့ပါ။အများ နားလည်အောင် အကြမ်းရေးပေးထာပါတယ်။တစ်ချက်ချင်း အသေးစိတ်ရေးရင် ကောင်းကျိုး ဆိုးကျိုး ပိုတိကျပါတယ် )

Credit , original uploader

06/11/2024

PAE ဖြင့် တိုက်ဆောက်ခြင်း ဆောက်လုပ်ရေးလောကမှာ လက်ရှိ လူသုံးများ လူသိများနေတဲ့ PAE စနစ် ရဲ့အကြောင်းကို အိမ်ဆောက်လုပ်မယ့် အိမ်ပိုင်ရှင်ကြီးများ အတွက် ဗဟုသုတအဖြစ် ဖော်ပြပေးလိုက်ရပါတယ်။
__________________________________________
ဲ့_အရှည်အခေါ်အဝေါ်ကတော့

" Plinth Area Estimate " ( PAE ) ဖြစ်ပါတယ်။

ိုတာကတော့ ..... အများလက်ခံထားတာက
အဆောက်အဦဆောက်လုပ်ရာမှာ မိမိဆောက်မည့်
အဆောက်အဦရဲ့ အကြယ်အဝန်း တိကြသော ဧရိယာပေါ်မှာ ကုန်ကျစရိတ်ကို ခန့်မှန်းသတ်မှတ်ပြီး တွက်ချက်၍ အိမ်ရှင်နဲ့ ကန်ထရိုက် ကြားမှာ နာလည်မှုယူကြပြီး ညှိနှိုင်တွက်ချက် ဆောက်ကြတာဖြစ်ပါတယ်

☆ ဆောက်မည့် ခုနှစ်အလိုက် သတ်မှတ်စျေးနှုန်း
☆ ပါဝင်တည်ဆောက်မည့် ပစ္စည်းအပေါ် စျေးနှုန်း
☆ မျှတတဲ့ စျေးနဲ့ ဆောက်လုပ်ကြတာဖြစ်ပါတယ် ။

===================================

PAE စနစ်နဲ့ ဆောက်ကြရာဝယ်
အိမ်ရှင်တွေ အတွက် အလွန် အလုပ်ရှုပ် ခေါင်းစားရတဲ့
မှန်းထားတာထက်ပို တတ်တဲ့ အလုပ်ကို
ကြိုတင်တွက်ချက်ပြီး အဆောက်အဦး
တစ်ခုလုံးပြီးအောင် အိမ်ရှင်နဲ့ ကန်ထရိုက်ကြား မှာ

- မြေတူး လုပ်သားများ
- ပန်းရံ ခရွေး လုပ်သားများ
- လက်သမား အကြမ်း/အချော လုပ်သားများ
- မီးသမား လုပ်သားများ
- ဆေးသမား လုပ်သားများ
- ရေပိုက်သမား လုပ်သားများ
- ကြွေပြားသမား လုပ်သားများ
- သံပန်းသမား လုပ်သားများ
- ခေါင်မိုးသမား လုပ်သားများ ... စသဖြင့်
အဆောက်အဦးတစ်ခုအပေါ် တတ်ကျွမ်း
လုပ်သားကြီးများကို စုပေါင်းပြီး ကန်ထရိုက်များမှ
တာဝန်ယူ ဆောက်လုပ်ပေးသော စနစ်လို့
အလွယ်တကူ နားလည် ကြရန်ဖြစ်ပါတယ် ။
==============================

PAE စနစ်နဲ့ ဆောက်လုပ်တဲ့အခါ
ဆောက်လုပ်မည့် အိမ်ရဲ့ အကျယ်အဝန်းဧရိယာ ကို
PAE Rate နဲ့ မြှောက်၍ စာချုပ်ချုပ်ဆိုပြီး
ဆောက်လုပ်ကြတာပါဘဲ ။

အဲ့လို PAE Rate နဲ့ တွက်ချက်တယ်ဆိုတာကတော့
အလွယ်တကူ နားလည် ထားရမှာကတော့
တည်ဆောက်မည့် အဆောက်အဦးရဲ့ ဧရိယာကို
#တစ်ပေပတ်လည် #ကျသင့်စျေးနှုန်းနဲ့ #မြှောက်ပြီး
- ငွေပေးငွေယူ လုပ်ကြခြင်းပါဘဲ ။

ငွေပေး ငွေယူ လုပ်ကြပြီး ဆောက်လုပ်ခြင်းအတွက်
အသုံးပြုမည့် ....
- သံ အမျိုးအစား
- ဆေး အမျိုးအစား
- ကြွေပြာ အမျိုးအစား
- ဘိလပ်မြေ အမျိုးအစား
- ဝါယာကြိုး အမျိုးအစား
- တံခါး ကြီးခွေ အမျိုးအစား
- အလူမီနီယံ အမျိုးအစား စသဖြင့် ....
ပါဝင်ထည့်သွင်း တည်ဆောက်မည့် ပစ္စည်းများကို
တိတိကျကျ ဆွေးနွေးတိုင်ပင် ညှိနှိုင်း၍
အ ဆောက်အဦး တည်ဆောက်ကြတာ ဖြစ်ပါတယ် ။
==============================

ရေ မီး ဆေး ပစ္စည်း လက်ခ အပြီအစီး
ပါဝင်ပစ္စည်းများ စျေး သတ်မှတ်ပြီးရင်
ကုန်ကျစရိတ် တွက်နည်းကတော့.....

ဥပမာ.....

တစ်ပေပတ်လည်ကို ၃၀၀၀၀/- ကျပ် ဆိုပါစို့
အဆောက်အဦးက
မျက်နှာပွင့် ပေ ၂၀ × နောက်အရှည် ပေ ၄၀ ရှိမည်ဆိုပါက
ခန့်မှန်း ကုန်ကျ ငွေ ကျပ် သိန်း ( ၂၄၀ )
သိန်း ( နှစ်ရာ လေးဆယ် )ကျမှာ ဖြစ်တယ် ။

□ PAE တစ်ပေပတ်လည် ၃၅၀၀၀ ကျပ် ဖြင့်
ဆောက်ပေးမည့် သူ နှင့်
□ PAE တစ်ပေပတ်လည် ၃၀၀၀၀ ကျပ် ဖြင့်
ဆောက်လုပ်ပေးမည့် သူတို့ကြား

စျေး သက်သာသွားပေမယ့် ထည့်ဝင်အသုံးပြုမည့်
ပစ္စည်းများမှာ ဘယ်လိုမှ မတူညီနိုင်ပါ ။
-------------------------------------------------------------------
တချို့ အဆောက်အဦးတွေမှာ
အမိုး မိုးခြင်းနဲ့ ပတ်သက်ပြီးတာ့
- သွပ်မိုး 4 Angel , WAVE Design အထူ/အပါး
- Parapet design ထည့်မှာလား
- Slab အမိုး မိုးကြမှာလား
- အုတ်ကြွပ်မိုး မိုးကြမှာလား
အုတ်ကြွပ် က စျေးမြင့်လို့ သိပ်မမိုးကြပါဘူး
- ရိုးရိုးအိမ်သာ , ဘိုအိမ်သာ
ဘို အိမ်သာမှာ ရှစ်သောင်း ၊ တစ်သိန်း ၊ နှစ်သိန်း
စသဖြင့် စျေးနှုန်အမျိုးမျိုးရှိပါတယ်
☆ ဒီအပေါ်မှာ စျေးက
အလွန့် အလွန်ကွာသွားတတ်ပါသေးတယ် ။
----------------------------------------------------------------
အိမ်ရှင်ဘက်မှ မူလတည်ဆောက်မည့် ဒီဇိုင်းမှာ
မပါဝင်တဲ့ နောက်တိုး .....
ပစ္စည်းများထပ်ထည့်ခြင်း
အခန်းများတိုးချဲ့ခြင်း
စသည့် အပေါ်မှာ နောက်တိုး စာချုပ် ချုပ်ဆိုကြရမှာ
ဖြစ်ပါတယ် ။
-----------------------------------------------------------------

#ငွေပေးငွေယူ စနစ်ကတော့ များသောအားဖြင့်

အဆောက်အဦးဆောက်တော့မည်ဆိုလျှင်
- စာချုပ်ချုပ်ဆိုသည့်နေမှာ စရံ ပေးကြရပါတယ်
- ပန္နက် ဖောင်တေးရှင်း foundation မစခင် တရစ်
ထပ်ပေးရပါတယ်
- မြေညီထပ် တိုင်ထောင် စလပ်လောင်
မပြုလုပ်ခင်မှာ တရစ် ထပ်ပေးရပါတယ်

ကန်ထရိုက်နှင့် အိမ်ရှင်ကြား ညှိနှုင်း တွက်ချက်ပြီး
လုပ်ကြရတာဖြစ်ပါတယ် ။
-----------------------------------------------------------------
လူတိုင်း နားလည်နိုင်သည့် စကားလုံးများဖြင့်
လိုရင်းတိုရှင်း ရေးသာ တင်ပြလိုက်ရပါသည် ...

Crd မူရင်းရေးသားသူ

03/11/2024

#ဆောက်လုပ်ရေးနှင့်ပတ်သက်သောဝေါဟာရပေါင်း ( ၂၀၀)

1. Peg out -ပန္နက်
2. Stake /peg -တိုင်ငုတ်ချွန်၊ပန္နက်တိုင်
3. Pole/Column -တိုင်
4. Concrete Pole-ကွန်ကရစ်တိုင်
5. Pillar -ဖောင်းအလှတိုင်
6. Wall -နံရံ
7. Beam -ထုတ်/ယက်မ
8. Floor -ကြမ်းခင်း /ကြမ်းပြင်
9. Balcony Floor -လသာဆောင်ကြမ်းခင်း
10. Toilet Floor - အိမ်သာကြမ်းခင်း
11. Polished Concrete -ချောမွတ်ပြောင်လက်နေသော ကွန်ကရစ်နံရံကြမ်းပြင်
12. Brick - အုတ်
13. Lime -ထုံး
14. Sand lime brick -သဲအုတ်
15. Paving brick -လမ်းခင်းအုတ်
16. Ventilation brick -ပန်းအုတ်
17. Concrete brick -ဘိလပ်မြေအုတ်(ဘောက်အုတ်)
18. Joint -နှာ(အုတ်စီ)
19. Raking back -နောက်ဆုတ်အုတ်စီနည်း
20. Stretcher -အုတ်လျား
21. Plinth level -အုတ်ခုံမျက်နှာ
22. Cement -ဘိလပ်မြေ
23. Water -ရေ
24. Sand -သဲ
25. Sand Coarse-သဲကြမ်း
26 . Sand fine -သဲနု
27. Gravel -ကျောက်စရစ်
28. Stone chipping -ကျောက်ဆန်ကွဲ
29. Marble -စကျင်ကျောက်
30. Shingle -ကျောက်စရစ်
31. Steel bar -၃မူးနှင့်အထက်ကြီးသောသံချောင်းများ
32. Steel Round Bar -ပြောင်ချောသံချောင်း
33. Steel plate -သံပြား
34. Steel flat bar -သံပြားအရှည်
35. Steel wire rod -သွတ်ကြိုး
36. Angle steel bar -ကျင်တွယ်သံချောင်း
37. Welded panels -သံဇကာ
38. Welded net -သံဇကာအသေး
39. Iron nail -သံမှို
40. Concrete nail -စတီးသံမှို
41. Bamboo -ဝါး
42. Timber -သစ်
43. Plastic rope-ပလတ်စတစ်ကြိုး
44. Nylon rope -နိုင်လွန်ကြိုး
45. Hardwood Squares -ပျဥ်(သစ်မာ)
46. Plywood -သစ်သားပြား
47. Lumber -သစ်ပွ
48. Earth -မြေကြီး
49. Dig earth -မြေကြီးတူး
50. Earth leveling construction-မြေကြီးညှိ
51. Cement earth -ဘိလပ်မြေညှိ(မျဥ်းတိုက်)
52. Construction site clearing -နေရာဌာနရှင်းလင်း
53. Hall -ဟောခန်း
54. Bedroom -အိပ်ခန်း
55. Living room -ဧည့်ခန်း
56. Shrine /Buddha room -ဘုရားခန်း
57. Dinning room -ထမင်းစားခန်း
58. Kitchen -မီးဖိူချောင်
59. Pantry -စားနပ်ရိပ်ခါထားရာအခန်း
60. Bathroom -ရေချိုးခန်း
61. Lounge room/sitting room-အပန်းဖြေခန်း
62. Basement -မြေအောက်ခန်း
63. Garage -ကား ထားရန်
64. Study -စာကြည့်ခန်း
65. Balcony -လသာဆောင်
66. Verandah -ဝရန်တာ
67. Path -လျှောက်လမ်း
68.Roof -အမိုး
69. Ceiling -မျက်နှာကျက်
70. Sheds -အဖီများ
71. Gate -ဝိုင်းဝင်တံခါး
72. Fence - ခြံစည်းရိုး
73. Letter box-အိမ်ဝန်းရှေ့စာတိုက်ပုံး
74. Door bell -အိမ်ဝန်းရှေ့ အချက်ပေးဘဲ
75. Ditch - ရေမြောင်း
76. Water tank -ရေလှောင်ကန်
77. Wattle -ဝါးကပ်
78. Metal -သတ်တု
79. Brass -ကြေးဝါ
80.Aggreate -ရောစာ
81. Marble tile -စကျင်ကျောက်ပြား
82. Marble chipping-စကျင်ကျောက်ဆန်ကွဲ
83. Abutment wall -မြေကာနံရံ
84. Chimney -မီးဖိုခေါင်းတိုင်
85. Gypsum - စကျင် သလင်းကျောက်
86. Lodedtone -သံလိုက်ကျောက်
87. Bismuth(cast iron) -သံကြွပ်
88. Chowket /door&window frame -ကျည်းဘောင်
89. Formwork -ကျောက်ပုံး
90. Flooring tile- ကျောက်ပြား
91. Span -ခန်းဖွင့်အကျယ်
92. ridge -ခေါင်ရိုး
93. ridge piece-ခေါင်ချုပ်
94. Folding door -ခေါက်တံခါး
95. Hollw brick -ခေါင်းပွအုတ်
96. Pudlog -ငြမ်းဆင့်
97. Puglog hole-ငြမ်းဆင့်ထိုးပေါက်
98. Scaffolding -ငြမ်းဆင်ခြင်း
99. Binder -ထိန်းချုပ်ဆေး
100. Ledged&battened door-ပျဥ်ထောင်တံခါး
101. Putty -ထေးဆေး
102.Turpentine -ထင်းရူးဆီ
103.Tallow -အမဲဆီ
104.Angle bracket -ထောင့်ချိုးသံပြား
105.Angle -ထောင့်မှန်ချိုး
106.Corner -ထောင့်ချိုး
107.Header-ထိပ်စီကျောက်
108.Lime concrete -ထုံးကွန်ကရစ်
109. Binder/stirrup -ထိန်းကွင်း
110.Collar truss -ဒိုင်းငယ်
111.Truss -ဒိုင်းငယ်
112.Cavity tie -နံရံချုပ်
113.Gutter -ရေတလျှောက်
114.Parapet gutter -နံရံကပ်ရေတလျှောက်
115.Valley -ရေလိမ်
116.Valley rafter -ရေလိမ်ဒိုင်း
117.Valley gutter -ရေလိမ်ရေတံလျှောက်
118.Flat or flush pointing -နှာပြည့်
119.Nosing -နှာစွန်း
120.Coping -နံရံထိပ်စီး
121.Batter -နံရံစောင်း
122.Layout plan - ပန္နက်ရိုက်ပုံစံ
123. Bond - ကွန်ကရစ်သိပ်သည်း
124.Stencil -ပုံဖော်ပြား
125.Eave board -ပန်းဆွဲ
126.Moulding (plaster)-ပြော့ကြောင်းထိုးခြင်း
127.Formwork -ပုံစံခွက်
128.Plastic emulsion paint -ပလပ်စတစ်ဆီဆေး
129.Main rod-ပင်မသံချောင်း
130.Cleat -ဖားတုံး
131.Mixing -ဖျော်စပ်ခြင်း
132.Gable -မြင့်မိုရ်
133.Glazed door -မှန်တံခါး
134.Glazed window -မှန်ကွက်ပြတင်း
135.Centre hung fanlight -မှန်လည်လေဝင်ပြတင်းပေါက်
136.Fixed fanlight -မှန်အသေတပ်ပြတင်းပေါက်
137.Barbed wire -သံဆူးကြိုး
138.Mortar -သရိုး
139.Plaster -သရွတ်
140.Plastering -သရွတ်ကျံခြင်း
141.Metal lath -သံဇကာဘိလပ်မြေ
142. Quick setting cement-အအိပ်မြန်ဘိလပ်မြေ
143.Slow setting cement -အအိပ်နှေးဘိလပ်မြေ
144.Rapid hardening cement -အမာမြန်ဘိလပ်မြေ
145. Reinforcement rod -အားကူသံချောင်း
146.Deformed reinforcement rod- အရစ်ပါသောအားကူသံချောင်း
147.Plywood -အထပ်သား
148. Balancing reservoir -ထိန်းညှိ ရေလှောင်ကန်
149. Balanced cantilever -အစွန်းထွက်ယက်မ
150. ballast - အောက်ခံကျောက်များ
151. base line -အခြေခံမျဥ်း
152. base plate -တိုင်အောင်ခံပြား
153. batten or reeper -အုတ်ကြွပ်တန်း
154. bed of pier -တိုင်ခြေ
155. bedding plate- ခံဆောင်ပြားများ
156. bond -အုတ်စီနည်း
157. bonder -တွဲဆက်ကျောက်
158.cement motar -ဘိလပ်မြေသရွတ်
159. cement sand screed -ဘိလပ်မြေ သဲ သရွတ်ခင်း
160.column footings -တိုင်ဖိနပ်
161. combined footing -တွဲဖိနပ်
162. commode step -ကမုဒ်အနင်း
163. copings -ထိပ်အုပ်
164. corble -အစွန်းထွက်
165. cornices -ပန်းကလပ်
166. corrosive -သတ္တုစားခြင်း
167. cross hair -ကန့်လန့်ဖြတ်အမှတ်
168. cross -section -ကန့်လန့်ဖြတ်အပိုင်း
169. Curved roofs -အမိုးခုံး
170. efflorescence -ဆားပွင့်ခြင်း
171. Filter bed -ရေစစ်ကန်
172. final setting of cement -ဘိလပ်မြေအပြီးသတ်အိပ်ချိန်
173. fine aggregate -ရောစာနု
174. flag stone -ကျောက်ပြား
175. fl**ge -ဖလန်းပြား
176. flat arch -ခုံးပြား
177. flight -လှေကားပြေး
178. Gypsum -ဂျစ်ပဆန်ကျောက်
179. Precast -ကြိုတင်သွန်းလောင်းခြင်း
180. rain water pipe -မိုးရေပိုက်
181.septic tank -မိလ္လာကန်
182. service reservior -ရေဝေကန်
183. setting tank -အနည်ထိုင်ကန်
184. sump -ရေစုကန်
185. spill way -ရေပိုလွှဲ
186. surplus works -ရေပိုလွှဲပိုက်
187. waste pipe -စွန့်ပစ်ရေလွှဲပိုက်
188. waste weir -ရေလွှဲဆည်
189. water seal -ရေခံ
190. wearing course-အပွန်းခံလွှာ
191. vent pipet -လေထွက်ပိုက်
192. filter bed -ရေစစ်ကန်
193.fish plate -ပိုးပြား
194. flag -stone ကျောက်ပြား
195. sun shade -နေကာမိုး
196. super -structure အထက်ပိုင်းအဆောက်အအုံ
197. support beam -ထောက်ရက်မ
198. surveying -မြေတိုင်းပညာ
199. suspended floor -အလွတ်ကြမ်းခင်း
200. suspended span -ဆိုင်းထား ခန်းဖွင့်

Knowledge by collection

Credit original uploader

01/11/2024

#အိမ်ဆောက်ဖို့ ဒီဇိုင်းဆွဲတော့မယ် ဆိုရင်
အရင်ဦးစွာ အရေးအကြီးဆုံး စလုပ်ရတာက
အိမ်ရှင် စိတ်ကြိုက်ထည့်လိုထားလိုတဲ့ ပုံစံဆွဲရတာပါ

အခန်းတွေ ဘယ်လိုဖွဲ့မလဲ ?
အခန်းတွေရဲ့ အကျယ်တွေအဝန်းတွေက ဘယ်လောက်အကျယ် ထားချင်လဲ ?
ဘယ်လောက်အကျယ်အဝန်း ထားသင့်သလဲ ?

အဲဒီလိုအခြေနေ မျိုးမှာ
ထားရှိသင့် ထားရှိထိုက်တဲ့ Standard Size လေးတွေ သိထားဖို့လိုပါမယ်

#ဧည့်ခန်း
#ဟောခန်း
#ပုံဆွဲ_စာရေးစာဖတ်ခန်း တွေရဲ့အကျယ်အဝန်းဟာ

အနည်းဆုံး 10'×12'~ပေ
ပုံမှန်ဆိုက် 12'×14' ~ပေ
ဆိုက်ကြီး 16'×20' ~ပေ ဖြစ်ပါတယ်

#အိပ်ခန်း
်း
်း တွေရဲ့ အကျယ်အဝန်းဟာ

အနည်းဆုံး 10'×10' ~ပေ
ပုံမှန်ဆိုက် 11'×12' ~ပေ
ဆိုက်ကြီး 12'×14' ~ပေ ဖြစ်ပါတယ်

#အိမ်ရှင်မတို့အတွက်_မီးဖိုချောင် အကျယ်အဝန်းဟာ

အနည်းဆုံး 10'×7' ~ပေ
ပုံမှန်ဆိုက် 10'×10' ~ပေ
ဆိုက်ကြီး 10'×12' ~ပေ ဖြစ်ပါတယ်

#ရေချိုုးခန်းတစ်ခန်း ရဲ့အကျယ်အဝန်းဟာ

အနည်းဆုံး 3'6"×4' ~ပေ
ပုံမှန်ဆိုက် 4'×5' ~ပေ
ဆိုက်ကြီး 5'×7' ~ပေ ဖြစ်ပါတယ်

#အိမ်သာခန်းတခု ရဲ့အကျယ်အဝန်းဟာ

အနည်းဆုံး 3'3"×3' ~ပေ
ပုံမှန်ဆိုက် 4'×4' ~ပေ ဖြစ်ပါတယ်

#ရေချိုးခန်း_အိမ်သာတွဲရက် အကျယ်အဝန်းဟာ

အနည်းဆုံး 4'×5' ~ပေ
ပုံမှန်ဆိုက် 4'×6' ~ပေ
ဆိုက်ကြီး 5'×7' ~ပေ ဖြစ်ပါတယ်

#ထမင်းစားခန်း ရဲ့အကျယ်အဝန်းဟာ

အနည်းဆုံး 10'×10' ~ပေ
ပုံမှန်ဆိုက် 10'×12' ~ပေ ဖြစ်ပါတယ်

#ဘာသာတရား_ဝတ်ပြုရာနေရာ အကျယ်အဝန်းဟာ

အနည်းဆုံး 4'×5' ~ပေ
ပုံမှန်ဆိုက် 4'×6' ~ပေ ဖြစ်ပါတယ်

#ဝရန်တာဆိုက် ရဲ့အကျယ်ကတော့

အနည်းဆုံး 3' ~ပေဖြစ်ပါတယ် {လူနှစ်ယောက်ရှောင်ကွင်းသာ}

#တစ်စီးစာကားပါကင်တခု ရဲ့အကျယ်အဝန်းဟာ

အနည်းဆုံး 11'×15' ~ပေ
ပုံမှန်ဆိုက် 12'×16' ~ပေ ဖြစ်ပါတယ်

#အိမ်မိန်းတခါးမကြီး ရဲ့ဝင်ပေါက်အကျယ်ဟာ

အနည်းဆုံး 3'~ပေ '6" ~လက်မ ဖြစ်ပါတယ်

#ရေချိုးခန်း
#အိမ်သာ
#မီးဖိုချောင်_တခါးပေါက် တို့ရဲ့ဝင်ပေါက်အကျယ်ဟာ

အနည်းဆုံး 2'~ပေ ,6"~လက်မ ဖြစ်ပါတယ်

#အိပ်ခန်းတခါးပေါက် တို့ရဲ့ဝင်ပေါက်အကျယ်ဟာ

အနည်းဆုံး 3' ~ပေ ဖြစ်ပါတယ်

#ပုံမှန်အိမ်လှေခါး {stair} တစ်စင်းရဲ့

အကျယ်ဟာ 3'~ပေ
အကျော် ဟာ 7"~ လက်မခွဲ
အနင်းဟာ 10"~လက်မ ဖြစ်ပါတယ် တဲ့ဗျား

✍

Travis & Naethit Moe Construction & Interior Decoration

26/02/2025

12/12/2024

21/11/2024

12/11/2024

08/11/2024

06/11/2024

03/11/2024

01/11/2024

Address

Website

Alerts

Shortcuts

Share

Category