09/10/2023
အိမ်ဆောက်တော့မယ့် အိမ်ရှင်ဟာ မိချောင်းသားလို လျှာရှည်ရပါမယ်‼️
ဆိုလိုတာက…
အိမ်ဆောက်မယ် Rc အကျယ်40-20ရေမီးဆေး အပြီး ဆိုတာနဲ့ မလုံလောက်ပါဘူး။
အဲဒီအိမ်မှာ ဘာဘိလပ်မြေသုံးမလဲ
ထိုင်းဆင်လား ၊လူရိုင်းခေါင်းလား ၊ အယ်ဖာလား
ကြံ့နီလား၊ကြံ့စိမ်လား၊ ကြံက နှစ်ကောင်လားတစ်ကောင်လား ဒိုင်းမွန်းလား
သဲက မြစ်သဲလား ချောင်းသဲလား နူန်းသဲလား သဲအကြမ်းလား
ကျောက်စလစ်က စီးကျောက်လား မူးကျောက်မတ်ကျောက်လား အာလူးကျောက်လား
စပ်မယ့်အချိုးက အုတ်စီတာကို ဘယ်အချိုးနဲ့ စီမှာလဲ
အချောချောတာကို ဘယ်အချိုးနဲ့ စီမှာလဲ
အုတ်စီတာ 1:4ဆိုတဲ့ စပ်နည်းမှာ သဲကို အိမ်နဲ့ချိန်ထည့်မှာလား တစ်အိပ်ကို ၁၀ဂေါ်ဆိုပြီး ဂေါ်နဲ့ ပုံမှာလား အိပ်ထဲ သဲထည့်တဲ့အခါ သဲက ဘိလပ်မြေနဲ့ ဆတူလား အိပ်ကို လက်နဲ့ ကိုင်လို့ မရပဲ အောက်ကနေ ပွေ့ရအောင် အပြည့် အလျှံကြီး ထည့်မှာလား
မဆလာဖျော်မယ့်ရေက ရေချိုလား ရေငံလား နွံတွေနဲ့ မသန့်တဲ့ရေလား ရေသန့်သန့် သုံးရမယ်ဆိုတိုင်း ရေသန့်ဘူးတွေဝယ်ပြီးတော့လည်း မစပ်နဲ့ပေါ့
အိမ်မှာ သုံးမယ့် သံ၊သစ် တွေကရော ဘယ်လို သံတွေ သစ်တွေ သုံးမှာလဲ
Rcဆိုရင်လဲ ဘယ်လို သံဆိုက်တွေ သုံးမှာလဲ ၅မူးလား ၆မူးလား ၃မတ်လား
သံက မြန်မာ သံလား နိုင်ငံခြားသံလား
မြန်မာသံက မကောင်းဘူး နိုင်ငံခြားသံက ကောင်းတယ် သံချောင်းပါရင် ပြီးရော် ဆိုရင်လဲ မရသေးဘူး
beam, coulmnတွေလောင်းတဲ့ အခါ Classနံပါတ် ရှိ့တဲ့ ဘိလပ်မြေကို သုံးမလဲ
အုတ်စီတဲ့ ဘိလပ်မြေကို beam,coulmnတွေမှာ လောင်းလို့မရပါ သိဖို့လိုအပ်မယ် ထင်တာလောက်ပဲ ရေးတာမို့Class number ကိုထည့်မရေးတာပါ
Ssချာ မှာလည်း သံတိုင်က 5''*3''/6''*3''လား အထူလား အပါးလား
သစ်သားတိုင်အုတ်ညပ် brick knoggedတွေမှာ ရော သုံးမယ့်သစ်က ပျဥ်းကတိုးလား ကျွန်းလား
သစ်က အစိုလား အခြောက်လား
Rcဆောက်တာ ပြန်ပြောမယ် ကော်လံတိုင် ဘင့်တွေ လောင်းတဲ့ အခါ 1:2:4နဲ့မလောင်းပဲ 1:3:6နဲ့ လောင်းပေးလိုက်လို့ ဟုတ်ပိတ်ဖြစ်နေအုံးမယ်
အိမ်တစ်လုံးရဲ့ အသေးစိတ်အချက်အလက်တွေ ရေးရင်တော့ ရေးလို့ မကုန်နိုင်ပါပဲ အစစအရာ မမေ့မလျော့ မပေါ့ဆကြပါနဲ့ တိကျဖို့ တစ်ယောက်နဲ့တစ်ယောက် အလုပ် ကိစ္စ မှာ အားမနာသင့်တာကို အားမနာဖို့ ပြောသင့်တာကို ပွင့်ပွင့်လင်းလင်း ကြိုတင်ပြောပြဖို့ ဒါတွေ လိုအပ်ပါတယ်
မြုံစိစိနဲ့ အားနာသလိုလို ဘာလိုလိုနဲ့ ဆရာကြီးလိုလို ဘာလိုလိုနဲ့ မနေပါနဲ့
အဲတာလေးတွေမှတ်ထားပေးပါ …
မူရင်းရေးသားသူအား Credit ပေးပါသည်…
