20/01/2024
လစ်သီယမ်သတ္တုသိုက်များကို ထိုင်းနိုင်ငံတောင်ပိုင်း ဖန်ငခရိုင်ရှိ နေရာနှစ်ခုတွင် တွေ့ရှိခဲ့တယ်လို့ ဆိုပါတယ်။ အဲ့ဒီ နေရာ ၂ ခုမှာတွေ့ရှိခဲ့တဲ့ သတ္တုသိုက်ကြီးတွေမှာ လစ်သီယမ်ပါဝင်သည့် သတ္တုသိုက်တန်ချိန် ၁၄ ဒသမ ၈ သန်းရှိမည်ဟု ခန့်မှန်းရပြီး အခြားနေရာတွေမှာလည်း ရှာဖွေပြီး၊ စစ်တမ်းကောက်ယူနေဆဲဖြစ်ပါတယ်။
ယခုပမာဏသည် ကမ္ဘာ့အကြီးဆုံး လစ်သီယမ်ပမာဏတည်ရှိရာဖြစ်တဲ့ ဘိုလီးဗီးယားနှင့် အာဂျင်တီးနားတို့နောက် တတိယနေရာတွင် ရပ်တည်နေကြောင်း အစိုးရပြောရေးဆိုခွင့်ရှိသူက ကြာသပတေးနေ့တွင် ပြောကြားခဲ့ပါတယ်။ တောင်အမေရိကနိုင်ငံနှစ်ခုတွင် တန်ချိန် ၂၁ သန်းနှင့် တန်ချိန် သန်း ၂၀ အသီးသီး ပါဝင်တယ်။ လစ်သီယမ်သတ္တုသိုက်များကို ထိုင်းနိုင်ငံတွင် ပထမဆုံးတွေ့ရှိခဲ့ကြောင်း၊ နိုင်ငံ၏ အရှေ့မြောက်ဘက်တွင် ဆိုဒီယမ်သတ္တုသိုက်အများအပြားကိုလည်း ရှာဖွေတွေ့ရှိခဲ့ကြောင်း ထိုင်းအစိုးရက ပြောကြားခဲ့သည်။ ဆိုဒီယမ်သည် EV ဘက်ထရီများပြုလုပ်တဲ့နေရာမှာ ပါဝင်အသုံးပြုနိုင်တဲ့ အရင်းအမြစ်တစ်ခုဖြစ်ပါတယ်။
ဒါပေမဲ့ … ဒါဟာ လောလောဆယ်အချိန်မှာ တွေ့ရှိမှုသပ်သပ်သာရှိနေပြီးတော့ လစ်သီယမ်ဘတ်ထရီများ ထုတ်လုပ်မှုရေးတွင် အသုံးချ၍ရမရ၊ စီးပွါးဖြစ် ထုတ်လုပ်နိုင်ဖို့အတွက် အရည်အသွေးမှီမှု ရှိမရှိဆိုတာတွေကိုတော့ တူးဖော်စစ်ဆေးပြီးမှ သိရပါမယ်။ ယခုအချိန်တွင် ကမ္ဘာ့နိုင်ငံများစွာတွင် EV သုံးစွဲမှုအရှိန်မြင့်လာသည်နှင့်အမျှ လစ်သီယမ်ဝယ်လိုအားသည် မြင့်တက်လာခဲ့သည်။ ကမ္ဘာလုံးဆိုင်ရာ လီသီယမ်ထုတ်လုပ်မှုသည် 2022 ခုနှစ်တွင် 21% တိုးလာပြီး တန်ချိန် 130,000 ရှိကြောင်း US Geological Survey က ဖော်ပြထားပါတယ်။
ထိုင်းနိုင်ငံသည် လျှပ်စစ်ကားများကို အဓိက တိုးတက်မှု လုပ်ငန်းတစ်ခုအဖြစ် သဘောထားကာ ဘန်ကောက်သည် ပြည်ပမှ အဓိက ထုတ်လုပ်သူများထံမှ ရင်းနှီးမြှုပ်နှံမှု ထုတ်ယူရန် လုပ်ဆောင်နေသည်။ Great Wall Motor သည် ထိုင်းမြေတွင် EV များကို စတင်ထုတ်လုပ်သည့် ပထမဆုံး တရုတ်ကားထုတ်လုပ်သူ ဖြစ်လာကြောင်း ဇန်နဝါရီ ၁၂ ရက်တွင် ပြောကြားခဲ့သည်။ တိုယိုတာမော်တော်ကား၊ ဟွန်ဒါမော်တော်နှင့် အခြားဂျပန်ကားထုတ်လုပ်သူ နှစ်ဦးသည် ထိုင်းနိုင်ငံတွင် ပြည်တွင်း EV များ ထုတ်လုပ်မှုအတွက် ငါးနှစ်အတွင်း စုစုပေါင်း ထိုင်းဘတ်ငွေ ၁၅၀ ဘီလီယံ (ဒေါ်လာ ၄.၂၂ ဘီလီယံ) ရင်းနှီးမြှုပ်နှံမည်ဖြစ်ကြောင်း ၂၀၂၃ ဒီဇင်ဘာလတွင် ထုတ်ပြန်ခဲ့ပါသေးတယ်။
https://asia.nikkei.com/Spotlight/Supply-Chain/Thailand-says-it-has-discovered-world-s-third-largest-lithium-reserves
https://www.nationthailand.com/thailand/general/40034863
The 14.8 million tonnes of mineral resources discovered recently in Phang Nga province may not be entirely lithium, a rare mineral which is a key component for making batteries for electric vehicles, a government official clarified on Saturday.
