PACT - Engineering & Construction

12/11/2025

အိုးအိမ်တိုက်ခန်းဝယ်ပြီး Owner Book
အမည်ပေါက်ရချင်သူ

အိုးအိမ်တိုက်ခန်းကို Owner Book အမည်ပေါက်သူထံမှ ဝယ်မယ်ဆိုရင် အရပ်ကတိစာချုပ်နဲ့ ဝယ်လို့ရပါတယ်။ "နှစ်ဦးသဘောတူ တိုက်ခန်း အရောင်းအဝယ် ကတိစာချုပ်" ချုပ်ရမှာပေါ့။
စာချုပ်ပြီးတာနဲ့ တိုက်ခန်းကို အရယူမယ်။ ကိုယ့်သော့နဲ့ ပြောင်းပြီး ခတ်မယ်။
ပြီးတော့ Owner Book အမည်ပေါက်သူ ကိုယ်တိုင် လိုက်ပြီး မြို့ပြနှင့်အိမ်ရာဖွံ့ဖြိုးရေးဦးစီးဌာန ဗိုလ်ချုပ်လမ်း ရန်ကုန်တိုင်းဒေသကြီးရုံးမှာ လိုက်ပြီး ဆောင်ရွက်ပေးဖို့ လိုပါတယ်။
တစ်ခါတည်း အမည်ပြောင်း လျှောက်လို့ ရတယ်။
==========
အမည်ပြောင်းလျှောက်လွှာတင်ပြီး အဆင့်ဆင့်ဆောင်ရွက်ရပါတယ်။
ဒီလိုလျှောက်မယ်ဆိုရင်တော့မိမိဝယ်ယူထားတဲ့အခန်းရဲ့ရှေ့တည့်တည့်က(၄-၆)ဓါတ်ပုံ(၁)ပုံ
ခေါင်းရင်းဘက်ခြမ်းကဓါတ်ပုံ(၁)ပုံ
ခြေရင်းဘက်ခြမ်းကဓါတ်ပုံ(၁)ပုံ
စုစုပေါင်းဓါတ်ပုံ(၃)ပုံနဲ့တကွ
ယာယီတိုက်ခန်းအရောင်းအဝယ်ကတိစာချုပ်
ဝယ်ယူ/ရောင်းသူတို့ရဲ့
မှတ်ပုံတင်/အိမ်ထောင်စုစာရင်းတို့ကို
ရန်ကုန်တိုင်းဒေသကြီးကာလတန်ဖိုးစိစစ်ရေးရုံးမှာအခွန်ထမ်းဆောင်ဖို့တင်ပြရပါတယ်။
အခွန်နှုန်းကတော့ (၃%)ပဲဆောင်ရပါတယ်။
မြေကွက်မဟုတ်တဲ့အတွက်..တံဆိပ်ခေါင်းဖိုး(၄%)မဆောင်ရဘူးလေ။
ဒီလိုဆိုတော့မောင်ကောင်းဖေမိတ်ဆွေပျော်တာပေါ့။
အခွန်ရုံးကအခွန်ဆောင်ပြီးကြောင်းပြေစာရရင်မြို့ပြနှင့်အိမ်ရာဖွံ့ဖြိုးရေးဦးစီးဌာနမှာသွားရောက်တင်ပြပေးရပါတယ်။
SP/GP ရဲ့တန်ဖိုး
===========
Owner Book အမည်ပေါက်ကိုယ်တိုင် မလိုက်နိုင်လို့ နောက်မှ တဖြည်းဖြည်း အမည်ပြောင်းလျှောက်မယ်ဆိုရင်တော့ တိုက်ခန်း အမည်ပေါက်ထံက Special Power(SP)ဖြစ်စေ၊ General Power(GP)ဖြစ်စေ ယူထားလိုက်ရင် ရပါတယ်။
အဲ့ဒီလို ကိုယ်စားလှယ်လွှဲစာယူရင် ရန်ကုန်မြို့ စာချုပ်စာတမ်းမှတ်ပုံတင်ရုံးမှခေါ်ပြီး ယူထားတဲ့ လွှဲစာမှသာလျှင် တရားဝင် အတည် ဖြစ်ပါတယ်။
အရှုပ်အရှင်း ရှိ/မရှိတော့ မြို့နယ်အုပ်ချုပ်ရေးမှူးရုံးမှာ ပထမ စုံစမ်းသင့်ပါတယ်။
ဒုတိယအနေနဲ့ကတော့ မြို့ပြနှင့်အိမ်ရာဖွံ့ဖြိုးရေးဦးစီးဌာနမှာ မိမိလက်ဝယ်ရထားတဲ့ ပိုင်ဆိုင်မှုစာရွက်စာတမ်းများနဲ့ တိုက်ဆိုင်စစ်ဆေးသင့်ပါတယ်။
အိုးအိမ်မှာ ကန့်ကွက်ချက်ကင်းတယ်။ အရှုပ်အရှင်းကင်းတယ်ဆိုရင်တော့ ဝယ်လို့ရပါပြီ၊
ဒါမှမဟုတ် ပိုပြီးသေချာအောင် လူသိရှင်ကြား သိအောင် မြန်မာ့အလင်း/ကြေးမုံ သတင်းစာတစ်စောင်စောင်မှာ မြို့ပြနှင့်အိမ်ရာဖွံ့ဖြိုးရေးဦးစီးဌာကအနေနဲ့ကြော်ငြာပေးပါတယ်။
(၁၄)ရက်အတွင်း ကန့်ကွက်ချက်မရှိဘူး ဆိုရင် အပြီးအပိုင် ဝယ်လို့ရပါတယ်။
ကန့်ကွက်သူမရှိဘူးဆိုရင်အိုးအိမ်ကOwner Book ထုတ်ပေးတော့မှာဒါဆိုရင်ဝယ်သူအမည်ပေါက်Owner Book ရပြီပေါ့။
တကယ်လို့ အရပ်ကတိစာချုပ်နဲ့တစ်ဆင့်ဝယ်ထားခဲ့ရင်တော့ Owner Book အမည်ပေါက်ရှာပြီးသူထံကဝယ်သလိုယာယီစာချုပ်လုပ်ပြီးအပေါ်ကပြောခဲ့သလိုအမည်ပေါက်လျှောက်ရမှာပေါ့။
အဲ..အမည်ပေါက်မရှိတော့ဘူးဆိုရင်တော့ Owner Book ရဲ့ကျန်ရစ်သူဇနီး/ခင်ပွန်း/သားသမီး ကို အမွေဆက်ခံပိုင်ဆိုင်ကြောင်းစာချုပ်ချုပ်ဆိုပေးပါတောင်းဆိုပြီး ၎င်းတို့ထံကပြန်ဝယ်တဲ့စာချုပ်ချုပ်ဆိုပြီး Owner Book မှာအမည်ပြောင်းပါလို့အကြံပေးလိုက်ပါတယ်။

မူရင်းရေးသားသူအား ထံမှ ဖော်ပြပေးခြင်းဖြစ်သည်။

#အိမ်ခြံမြေတိုက်ခန်းစာချုပ်စာတမ်း
#အိုးအိမ်တိုက်ခန်းOwnerBookအမည်ပြောင်း

06/11/2025

အဆောက်အအုံလုပ်ငန်းလုပ်ကိုင်ခွင့်
ကန်ထရိုက်တာလိုင်စင် လျှောက်ထားရာတွင် ပါဝင်ရမည့်အချက်များ

#ကန်ထရိုက်တာလိုင်စင်လျှောက်ထားရာတွင်

လုပ်ငန်းအာမခံ‌ငွေ သိန်း (၅၀၀) ပေးသွင်းရမည် ဖြစ်သည်
မှတ်ပုံတင်ကြေး (၁၀) သိန်း ပေးသွင်းရမည် ဖြစ်သည်
နှစ်စဉ်ကြေး (၅) သိန်း ပေးသွင်းရမည် ဖြစ်သည်။
၁။ အဆောက်အအုံလုပ်ငန်းလုပ်ကိုင်ခွင့် ကန်ထရိုက်တာလိုင်စင် လျှောက်ထားရာတွင် အောက်ဖော်ပြပါအချက်များကို သတ်မှတ်လျှောက်လွှာပုံစံနှင့်အတူ ပူးတွဲတင်ပြရမည် -

#အကြီးတန်း
 နိုင်ငံသားစိစစ်ရေးကတ်မိတ္တူ
 အမွေစားအမွေခံ၏ နိုင်ငံသားစိစစ်ရေးကတ်မိတ္တူ
 အိမ်ထောင်စုဇယားပုံစံ (၆၆/၆) မိတ္တူ
 ဓါတ်ပုံ(လိုင်စင်)ရောင်စုံ (၄) ပုံ
 ပိုင်ဆိုင်မှုအထောက်အထား မရွှေ့ပြောင်းနိုင်သောပစ္စည်းသိန်း(၁၅၀၀)
 လိုင်စင်ရကန်ထရိုက်တာတစ်ဦး၏ ထောက်ခံချက်
 ပညာအရည်အချင်း

#အငယ်တန်း

 နိုင်ငံသားစိစစ်ရေးကတ်မိတ္တူ
 အမွေစားအမွေခံ၏ နိုင်ငံသားစိစစ်ရေးကတ်မိတ္တူ
 အိမ်ထောင်စုဇယားပုံစံ (၆၆/၆) မိတ္တူ
 ဓါတ်ပုံ(လိုင်စင်)ရောင်စုံ (၄) ပုံ
 ပိုင်ဆိုင်မှုအထောက်အထား မရွှေ့ပြောင်းနိုင်သောပစ္စည်းသိန်း(၆၀၀)
 လိုင်စင်ရကန်ထရိုက်တာတစ်ဦး၏ ထောက်ခံချက်
 ပညါအရည်အချင်း

https://app.ycdc.gov.mm/building_permit/license_contractor.php အဆိုပါ လင့်တွင် ဝင်ရောက်လျှောက်ထားနိုင်ပါသည်။

credit to copy.

19/10/2025

19/09/2025

AI generated Hotel Room Design

02/09/2025

Solar Hybrid System .

02/09/2025

စင်ကာပူမှာ နည်းပညာမျိုးစုံ ထည့်သွင်းထားတဲ့ စမတ် လမ်းမီးတိုင်တွေကို တပ်ဆင်
==============================================

စင်ကာပူရဲ့လမ်းတွေပေါ်မှာ သင်လမ်းလျှောက်နေချိန် လမ်းဘေးက မီးတိုင်တစ်တိုင်ကို သာမန်အလင်းရောင်ပေးတဲ့ တိုင်တစ်တိုင်လို့ပဲ ထင်နေပါသလား။ အဲဒီမီးတိုင်တွေက သင့်ရဲ့လုံခြုံရေးကို CCTV နဲ့ စောင့်ကြည့်ပေးနေတယ်၊ သင့်ကို WiFi အခမဲ့ ပေးသုံးနေတယ်၊ သင်ရှူရှိုက်နေတဲ့လေက သန့်ရှင်းရဲ့လားဆိုတာကိုတောင် စစ်ဆေးပေးနေတယ်ဆိုရင် သင်အံ့ဩသွားမလား။

ဟုတ်ပါတယ်၊ ဒါဟာ စင်ကာပူရဲ့ "စမတ်လမ်းမီးတိုင်" စီမံကိန်းဖြစ်ပြီး သာမန်မီးတိုင်တွေကို မြို့ပြရဲ့ အသက်သွေးကြောတွေအဖြစ် ပြောင်းလဲလိုက်တာပါပဲ။

မြို့တစ်မြို့မှာ လုံခြုံရေးကင်မရာတိုင်၊ WiFi တိုင် စတဲ့ တိုင်တွေရှုပ်ပွမနေတော့အောင် စင်ကာပူက ဖြေရှင်းလိုက်ပုံကတော့ ရိုးရှင်းပြီး ထိရောက်ပါတယ်။ အဲဒါကတော့ အားလုံးကို မီးတိုင်တစ်တိုင်တည်းမှာ ပေါင်းထည့်လိုက်တာပါပဲ။ ဒီလို ဘက်စုံသုံးမီးတိုင်တွေကြောင့် လူစည်ကားတဲ့ မြို့ပြမှာ နေရာချွေတာနိုင်ရုံသာမက ပြုပြင်ထိန်းသိမ်းရေးစရိတ်တွေနဲ့ မြင်ကွင်းရှုပ်ထွေးမှုတွေကိုပါ သိသိသာသာ လျှော့ချနိုင်ခဲ့ပါတယ်။

ဒီမီးတိုင်တွေက အရေးပေါ်အခြေအနေမှာ အားကိုးရာတစ်ခုလည်း ဖြစ်လာပါတယ်။ တစ်စုံတစ်ယောက် အကူအညီလိုတဲ့အခါ အရေးပေါ်ခလုတ်ကို နှိပ်လိုက်ရုံနဲ့ သက်ဆိုင်ရာကို ချက်ချင်းအကြောင်းကြားနိုင်သလို၊ ပါဝင်တဲ့ WiFi hotspot တွေကလည်း ဒေသခံတွေနဲ့ ကမ္ဘာလှည့်ခရီးသွားတွေကို မြန်ဆန်တဲ့အင်တာနက်ဝန်ဆောင်မှု ပေးစွမ်းပါတယ်။

ဒါတင်မကသေးပါဘူး။ မီးတိုင်တွေမှာ တပ်ဆင်ထားတဲ့ အာရုံခံကိရိယာတွေက လေထုညစ်ညမ်းမှု၊ မီးခိုးမြူတွေနဲ့ ယာဉ်အိတ်ဇောငွေ့တွေကို အချိန်နဲ့တပြေးညီ စောင့်ကြည့်တိုင်းတာနေတာကြောင့် အာဏာပိုင်တွေအနေနဲ့ ပြည်သူ့ကျန်းမာရေးဆိုင်ရာ ကိစ္စတွေကို ချက်ချင်းအရေးယူဆောင်ရွက်နိုင်ဖို့ အထောက်အကူပြုပါတယ်။

Ref : Tech Viral

23/07/2025

Nice 😍😍😍

10/06/2024

Your dream, your home.

04/05/2024

5G ထက် အဆ ၂၀ မြန်တဲ့ 6G wireless ကိရိယာတစ်ခုကို ဂျပန်လုပ်ငန်းစုတွေ ဖန်တီး

ဂျပန်နိုင်ငံမှ ဆက်သွယ်ရေးလုပ်ငန်းစုတွေ ပူးပေါင်းထားတဲ့ အဖွဲ့အစည်းတစ်ခုဟာ 5G ထက် အဆ ၂၀ မြန်တဲ့ 6G wireless ကိရိယာတစ်ခု ဖန်တီးခဲ့ပါတယ်။ အဲဒီကိရိယာဟာ ပေ ၃၃၀ အကွာအဝေးအတွင်း တစ်စက္ကန့်ကို 100 gigabits (Gbps)နှုန်း ဒေတာတွေ ပို့လွှတ်နိုင်စွမ်းရှိတယ်လို့ ဆိုပါတယ်။

DOCOMO ၊ NTT Corporation ၊ NEC Corporation ၊ Fujitsu လုပ်ငန်းစုတွေ ပူးပေါင်းထားတဲ့ အဖွဲ့အစည်းဟာ ၂၀၂၁ ခုနှစ်ကတည်းက 6G ကိရိယာကို သုတေသနပြု၊ ဖန်တီးခဲ့ကြတာပါ။

Ref: Japan develops world’s first 6G device that’s 20 times faster than 5G

25/02/2024

Kyoto, Japan ❤️
I hope Myanmar Future.
Green, Clean, Safety, Sustainable Development Infrastructures.

16/02/2024

Site ထဲမှာ စက္ကန့်ပိုင်းအတွင်း Slab သံချောင်းရေများ အမြန်တွက်နည်း

Site ထဲမှာ သံချီသံကွေး လေခေါင်းတွေက အင်/ယာတွေထက် သုံးရမယ့်သံချောင်းအရေအတွက်ကိုတွက်တာ ပိုမြန်တတ်တယ်ဗျ 🙂
ဒါက အကြောင်းရှိတယ်...သူ့တို့လည်း သူတို့နည်းနဲ့ သူတို့ပဲ .. တခါတလေဆို ကိုယ်တွေအင်/ယာတွေ ခပ်ကြောင်ကြောင်ဖြစ်မိတတ်တယ်(သူတို့တွက်တာ စွန်း မြန်တာကိုးဗျ 🙂 🙂 )
တခါကဆို ကျနော်က (အင်/ယာတွေတွက်တဲ့အတိုင်း) 1st floor မှာ Slab ဆင်ဖို့ (12'x 15') အခန်းအတွက် ကုန်မယ့် သံချောင်းအရေ တွက်နေတာ။ ကျနော် တွက်နေတာက ဒီလို 🙂 🙂 ....
(12'-0" x15'-0") > spacing က @6"c/c (10 mm dia) ဆိုတော့ ...
Short span (12'-0")
>12' x 12 = 144 "
> 144 ÷ 6" = 24
= 24+1 = 25 nos ( by 15'-0" )
> 25 x 15' = 375 R-ft.
Long span (15'-0")
> 15' x 12 = 180 "
> 180 ÷ 6 = 30
= 30 + 1 = 31 nos (by 12'-0")
> 31 x 12' = 372 R-ft
therefore,
short span + long span =375 + 372
= 747 R-ft
Layer က အပေါ်/အောက် 2 layers ဆိုတော့ 2 နဲ့ထပ်မြှောက်
> 747 x 2 = 1494 R-ft
> 1494 R-ft ÷ 39'-4" ( as 1 nos steel = 39'-4")
>> Ans.... = 38 nos .......
အဲလိုတွက်နေခိုက်.. အိုက်သံဆရာ လေခေါင်းက ရောက်လာပီးတော့ " ဆရာ... မနက်ဖြန် (12' x 15') အခန်းအတွက် သံကုန်ပီ.. မှာပေးပါအုံး ဆရာ") တဲ့ ယဉ်ယဉ်ကျေးကျေးပဲ သူက အဲလိုပြောတယ်။ ကျနော်လည်း ရုတ်တရတ် မော့ကြည့်ပီး ဘာမှတော့ မဖြေမိသေးဘူး။
ဒါနဲ့ သူက ဆက်ပြောတယ်.. ရေရွတ်ရင်း ( " 12 ပေ.. 15 ပေ ဆိုတော့ ... 180......360 ...ဆို..တော့ >> 37 ချောင်းလောက် ကုန်မယ် ဆရာ" ) တဲ့ ...ကိုင်း ကြည့်...
ကျုပ် မျက်လုံးပြူးသွားတယ်...
(" ဟာ .. ခင်ဗျာ့ တွက်တာမြန်လှချည်လား
ကျနော် စောနက အဲဒါပဲ တွက်နေတာ 38 ချောင်းရတယ်.... ခင်ဗျား အမြန်တွက်လိုက်တာကလည်း 37 ချောင်း ဆိုတော့ ဟုတ်လှချီလားဗျ 🙂 🙂 " )
အေးလေဗျာ .. ကျနော်တွက်နေတာက Calculator တွေရော ၊ စာရွက်တွေရော၊ ဘောပင်တွေရော ရှုပ်ရှက်ခက်လို့လေ:-) 🙂 နှိပ်လိုက်၊တွက်လိုက်၊ရေးလိုက်နဲ့။ ခုကျ ... သူတွက်တာ စက္ကန့်ပိုင်းပဲ ကြာလိုက်တယ်။:-) 🙂
အာ့နဲ့ ကျနော်လည်း စိတ်ဝင်စားတာနဲ့ မသိမသာလေး ဆွေးနွေးသလို မေးသလိုနဲ့.....( " လုပ်စမ်းပါအုံးဗျ ခင်ဗျာ့ စောနက အမြန်တွက်လိုက်တဲ့ နည်းလေး.." ) ဆိုတော့ သူက
" သြော်... ဆရာရယ်.. ဒီလိုပါ
12 ပေ ၊ 15 ပေ ဆိုတော့ မြောက်လိုက်ရင် 180 ft2 ရတယ်....ပီးတော့ ၂ ထပ် သံစဉ်မှာ ဆိုတော့ ၂ နဲ့ ထပ်မြှောက် ... 360 ရရော..
အိုက် 360 ကို 10 နဲ့ စားပီး 1 ပေါင်းလိုက်တာပဲ... လွယ်ပါတယ် ဆရာရယ်.." တဲ့
ကိုင်းဗျာ:-) 🙂 .. ကျုပ်လည်း သူ့ကို ကျေးဇူးလည်းတင် လေးလည်း လေးစားလိုက်မိပါတယ်။
သူဆိုလိုတာ ဒီလို..
(12' x 15' Room)
12'x 15' = 180 Sft
> 180 x 2 = 360 Sft ( as two layers)
> 360 ÷ (10) = 36
= 36 + 1 = 37 nos
Next eg..
(10' x 10' Room)
> 10 x 10 = 100 Sft
> 100 x 2 = 200 Sft (As two layers)
> 200 ÷ (10) = 20
= 20 + 1 = 21 nos

မှတ်ချက်။ ။ ဒီနည်းက site ထဲမှာ သုံးရလေ့ရှိတဲ့ အလွယ်နည်းသပ်သပ်သာ ဖြစ်ပါတယ်။ တနည်းအား ယေဘုယျအားဖြင့်သာ မှန်ပါတယ်( 6" c/c နဲ့ပဲ အားလုံးတွက်ထားတာ). ... Spacing ပြောင်းသွားရင် မှားပါပီ...ဒါကြောင့် တကယ်က အပေါ်က အင်/ယာ တွက်နည်းဖြင့်သာ တွက်ယူပါ။ သူတို့ လေခေါင်းတွေ တွက်တတ်တဲ့ နည်းလေးသိထားတော့လည်း သူတို့လို တမ်း ကောက်ပြောနိုင်တာပေါ့ဗျာ 🙂 🙂 ။

ဒါက ခန့်မှန်းခြေ အလွယ် အနီးစပ်ဆုံး မှန်းပြောနိုင်ခြင်းမျှသာ ဖြစ်ပါသည်။