15/02/2023
#တစ်နေ့မှာပေါ့
အရမ်းတော်တဲ့ နာမည်ကြီးလက်သမားဆရာကြီးတစ်ယောက်ဟာ သူ့အိမ်ရဲ့အဝင်တံခါးမကြီးကိုသူကိုယ်တိုင်စိတ်တိုင်းကျလုပ်ပါတယ်,
တံခါးကြီးပြီးသွားတော့တော်တော်လေးလှပြီးလက်ရာကလဲကောင်းလွန်းတော့အရိပ်တကြည့်ကြည့်နဲ့ပီတိတွေဖြစ်လို့ပေါ့,
တံခါးနဲနဲလေးပွန်းပဲ့သွားရင်ကော်ပတ်လေးစားလိုက်ပေါ်လစ်လေးပြန်တင်လိုက် သပ် ကလေးချောင်နေရင်အသစ်ပြန်ရိုက်လိုက် ပတ္တာလေးမြည်နေရင်ဆီလေးထည့်လိုက် တံခါးတွဲကျလာရင်ပြန်ပင့်တင်ပြီး အသားလေးပြန်ပိုးလိုက်နဲ့ တံခါးကြီးကို နေ့စဉ်ကြည့်ပြီးကျေနပ်နေတယ်,
နှစ်နဲနဲကြာလာတဲ့တစ်နေ့မှာသူ့အိမ်ကို မိတ်ဆွေတစ်ဦးလာလည်ပါတယ် သူ့ တံခါးကြီးကိုပြပြီး ဘယ်လောက်ခန့်ငြားလဲ ကြွားတော့တာပေါ့
"ဒီတံခါးကြီးပေါ့ကွာ ဟိုနားစိတ်တိုင်းမကျလို့ပြင်လိုက် ဒီနားစိတ်တိုင်းမကျလို့ပြင်လိုက်နဲ့ငါကိုယ်တိုင်လက်သမားဆရာကြီးဖြစ်နေလို့ နို့မို့ဆိုမလွယ်ဘူး"
သူ့မိတ်ဆွေကဘာမှပြန်မပြောပဲသူတို့ရပ်ကွက်ထဲကတံခါးတွေလိုက်ကြည့်ဖို့ခေါ်သွားတယ်-အဲဒီတော့မှတော်လှပါတယ်ဆိုတဲ့လက်သမားဆရာကြီးနောင်တရသွားပါတယ်,သူတွေ့လိုက်တာကခေတ်မီလှပတဲ့ ဒီဇိုင်းအရောင်အသွေးမျိုးစုံနဲ့ သေသပ်လှပတဲ့ တံခါးမ ကြီးတွေဟာအရမ်းလက်ရာမြောက်ပြီးသူ့အိမ်ကတံခါးထက် ပိုကောင်းပြီး ဆီနဲ့ရေလိုကွာသွားတာကို ပေါ့, သူ့အိမ်ထဲမှာ ပဲသူ့တံခါးမကြီးနဲ့ ကျေနပ်ပြီးအပြင်လောကရဲ့ခေတ်နဲ့အညီဆန်းသစ်လာတဲ့ဒီဇိုင်းတွေ ပညာတွေကိုမသိတော့ပဲအချိန်ကုန်ခဲ့တာတွေ -
သူသိလိုက်ပါပြီ -
သူ့ကို နောက်ကျစေခဲ့တာကသူတတ်ထားတဲ့ပညာဆိုတာ - ပေါ့
ကျွန်တော်တို့တွေဟာလဲ သူ့တံခါးနဲ့သူပိတ်မိနေတဲ့ လက်သမားဆရာကြီးလို မဖြစ်အောင် "ရွေ့လျှားနေတဲ့အချိန်တွေနဲ့အတူ အပြောင်းအလဲကိုလက်ခံနိုင်ဖို့ စိတ်တံခါး ကိုဖွင့်ထားဖို့လိုမှာပါ"
----------------------------------
** တစ်ခါတစ်လေမှာ ကိုယ်သိထားတာနဲ့ကိုယ်တတ်ထားတဲ့ပညာတွေဟာ ကိုယ့်ရဲ့ ထွက်ပေါက်ဖြစ်နိုင်သလို ကိုယ့်ကိုပိတ်မိစေတဲ့ ကိုယ်ပျောက်တံခါးလဲဖြစ်သွားနိုင်ပါတယ်**
credit oreginal uploader
အမြဲလေ့လာပါ သင်ယူပါ ဖြန့်ဝေပါ
မျက်စိ နား အတွေး တံခါး ဖွင့်ထားပါ
ငါ့ ထက် ဆရာ့ ဆရာကြီးတွေ အများကြီး
ရှိနေပါသေးတယ်
နည်းစနစ်တွေ နည်းပညာ တွေ အများရှိ
ကျန်ရှိနေပါသေးတယ်
------
