LOYAL Professional Engineering Group

LOYAL Professional Engineering Group Contact information, map and directions, contact form, opening hours, services, ratings, photos, videos and announcements from LOYAL Professional Engineering Group, Construction Company, Pinlon Road, Yangon.

တိုက်နံရံသားအသစ်ကိုဆေးသုတ်တော့မယ်ဆိုရင် လိုအပ်သည့်အဆင့်များကို ချစ်သော Customer များအတွက် တင်ပြလိုက်ရပါသည်ခင်ဗျာ *...
12/10/2022

တိုက်နံရံသားအသစ်ကိုဆေးသုတ်တော့မယ်ဆိုရင် လိုအပ်သည့်အဆင့်များကို ချစ်သော Customer များအတွက် တင်ပြလိုက်ရပါသည်ခင်ဗျာ
*************************************
👉လူကြီးမင်းတို့ရဲ့ တိုက်အသစ်နံရံသားအသစ်ကို
ဆေးစမသုတ်ခင်ပထမ ဆုံး အနေနှင့်သုတ်မဲ့နံရံကို Plaster ချောပြီး အနည်းဆုံးသုံးပတ်ကြာထားပေးသင့်ပါတယ် ။သုံးပတ်ကြတဲ့အခါမှာ Plaster က ခြောက်သွေ့ပြီး moisture တွေမရှိတော့ပါဘူးခင်ဗျာ။

👉အဆင့် ၂အနေဖြင့် နံရံ Plaster ခြောက်သွေ့သွားမှ ဆေးသုတ်ဖို့ နံရံကိုကော်ပတ်တိုက် နံရံထဲမှာရှိတက်တဲ့ သစ်စအမှိုက်တွေထွင်းထုတ် အဖုထစ်တွေထိုးချပြီး နံရံကို သန့်ရှင်းရေးလုပ်ရပါမယ်ခင်ဗျာ

👉အဆင့်၃ အနေဖြင့် Sealer ချုပ်ရပါမယ်ခင်ဗျာ Sealer ကိုရေအချိုးစားအတိုင်းရောစပ်ပြီး နံရံများအားလုံးကိုသုတ်ပြီး Sealer ခြောက်သွေ့ချိန်ထိထားရပါမယ်

👉အဆင့် ၄ အနေဖြင့် Wall Putty ရိုက်ရပါမည်ခင်ဗျာ Putty ရိုက်တဲ့အခါ First time ကို Portland Cement အနည်းငယ်အသုံးပြုလို့ရပါတယ် ထို့သို့အသုံးပြုခြင်းအားဖြင့် နံရံက မာကြောပြီး ကျစ်လှစ်စေပါတယ်ခင်ဗျာ
First time Putty work ခြောက်သွေ့ပြီဆိုရင် Second time putty workလုပ်ငန်း စလို့ရပါပီခင်ဗျာ။

👉 အဆင့် ၅ ကတော့ ကော်ပတ်တိုက်ရမယ်အဆင့်ဖစ်ပါတယ်ခင်ဗျာ Puttyသား ချောသွေ့ပြီးရင်
ကော်ပတ်တိုက်လို့ရပါပြီ ကော်ပတ်တိုက်တဲ့အခါနံရံ
သားညီညာချောမွှေ့စေဖို့ ကော်ပတ်တိုက်
စက်(သို့မဟုတ်)ကော်ပတ်ကိုင်းတို့နဲ့ တိုက်လို့ရပါ
တယ် ကော်ပတ်တိုက်စက်(သို့မဟုတ်)ကော်ပတ်ကိုင်းတို့နဲ့
တိုက်ပြီးရင် ကော်ပတ်အနောက်ဘက်နဲ့ပြန်တိုက်ပြီး
ကော်ပတ်အစင်းရာများကိုပြန်ညှိပေးရင် ပိုကောင်း ပိုချောမွှေ့စေပါတယ်ခင်ဗျာ။

👉အဆင့် ၆ ကတော့ 2nd time Sealer သုံးရပါမယ် ကော်ပတ်တိုက်ပြီးသားနံရံကို ကော်ပတ်အမှုံတွေခါချပြီး သန့်ရှင်းရေးလုပ်ရပါမယ် သန့်ရှင်းရေးအားလုံးပြီးရင် 2nd time Sealer သုံးလို့ရပါပြီ

👉 အဆင့် ၇ အနေနှင့် မိမိတို့ စိတ်တိုင်းကျ Painting Color များကို နံရံပေါတွင်အလှဆင်လို့ရပါပြီခင်ဗျ။ ပထမတကြိမ် ဆေးသုတ်ရုံနဲ့မလုံလောက်တဲ့အတွက် အနည်းဆုံး ၂ ကြိမ်ဆေးသုတ်ရပါမယ်။ 2nd time painting work မှာတော့ နံရံအနာဆာများ repairing work ပြန်လုပ်ရပါမယ် ဆေး 1 coat ခြောက်သွေ့ပြီးရင် ကို Wall repairing work လုပ်ရပါမယ် ။ ပြီးရင် Sealer သုံးရပါမည် ။

👉အဆင့်၈ အနေနှင့် အဆိုပါ wall repairing work များ လုပ်ဆောင်ပြီးရင် ဆေးကို Final Coat သုတ်လို့ရပါပြီခင်ဗျာ ။

👷‍♂️ကျွန်တော်များကျင့်၀တ်စည်းကမ်းနှင့်အညီ Customer များကို စေတနာရှေ့ထားပြီးဆောင်ရွက်ပေးနေသော 👉LOYAL Professional Engineering Group မှ ကျွမ်းကျင်အသိပညာရှင် အတက်ပညာရှင်များနှင့် လူကြီးမင်းတို့ရဲ့ အိမ်ဂေဟာလေးကို တာ၀န်ယူဆောက်လုပ်ပေးပါရစေခင်ဗျာ ။ 👷‍♀️🚧

From the First Step ... Towards Success

ပထမဆုံးခြေလှမ်းမှသည် ...အောင်မြင်ခြင်းဆီသို့

Reinforced Cement Concrete Structure နှင့် Steel Structure ခြားနားချက် များကို ကျွန်တော်များ LOYAL Professional Engine...
06/09/2022

Reinforced Cement Concrete Structure နှင့် Steel Structure ခြားနားချက် များကို ကျွန်တော်များ LOYAL Professional Engineering Group မှ ချစ်သော မိတ်ဆွေ များ သိရှိစေရန် အတွက် တင်ပြလိုက်ပါသည် ခင်‌ဗျာ ...

******

Reinforced Cement Concrete Structure နဲ့ Steel Structure နှစ်ခုလုံးမှာ load transfer method က တူတူပါပဲခင်ဗျ သို့သော်Reinforced Cement Concrete Structure ကသံကူကွန်ကရစ် ဖြစ်ပြီးSteel Structure ကတော့ Mild Steel ဆိုပြီး တည်ဆောက်ခြင်းဆိုင်ရာ အသုံးပြု ပစ္စည်းအမျိုးအစားကွာပါတယ်။

👉Reinforced Cement Concrete Structure

ဝန်အားတွေကို သံကူဘိလပ်မြေကွန်ရစ်တွေကနေမြေကြီးပေါ်ကို သက်ရောက်စေပါတယ်

💁Steel Structure
ဝန်အားတွေကို Steel Member တွေကတစ်ဆင့် မြေကြီးပေါ် သက်ရောက်စေပါတယ်။

👉Reinforced Cement Concrete Structure

ဖွဲ့စည်းတည်ဆောက်ပုံဆိုင်ရာ အစိတ်အပိုင်းများ၏ ပုံစံအရွယ်အစားတွေဟာ ကြီးမားပါတယ်။

💁Steel Structure

ဖွဲ့စည်းတည်ဆောက်ပုံဆိုင်ရာ အစိတ်အပိုင်းများ၏ ပုံစံအရွယ်အစားတွေဟာ R.C ထက် သေးငယ်ပါတယ်။

👉Reinforced Cement Concrete Structure

ငလျင်ဒဏ်နဲ့ လေအားခံနိုင်ရည်ကတော့ နည်းပါတယ်။

💁Steel Structure
ငလျင်ဒဏ်နဲ့ လေအားခံနိုင်ရည် အားသာပါတယ်။

👉Reinforced Cement Concrete Structure

Tensile strength က Steel Structure နဲ့ ယှဥ်ရင် နည်းပါတယ်။

💁Steel Structure
Tensile strength အ​နေဖြင့် RC တွေထက် အားသာချက်ရှိနေပါတယ်။

👉Reinforced Cement Concrete Structure
လုပ်သားလိုအပ်ချက် ပိုပြီးများပါတယ်။ intensive ဖြစ်တာပေါ့ခင်ဗျ

💁Steel Structure
လုပ်သားလိုအပ်မှုနည်းပြီး အလုပ်ရုံတစ်ခုတည်းမှာပဲ ကြိုတင် ထုတ်လုပ်ရေး ဆောင်ရွက်နိုင်မှု အားသာပါတယ်။

👉Reinforced Cement Concrete Structure
Construction လုပ်ငန်းဆောင်ရွက်ချိန် ပိုမိုကြာတတ်ပါတယ်။

💁Steel Structure
Construction လုပ်ငန်းဆောင်ရွက်ချိန် ပိုမိုမြန်ဆန်မှု ရှိပါတယ်။

👉Reinforced Cement Concrete Structure
သံချေးတက်ခြင်းအတွက်စိတ်ပူစရာမလိုအပ်ပါဘူး။သို့သော်လည်း လုပ်ငန်းဆာင်ရွက်စဥ် ဂရုစိုက်မှု အားနည်းခဲ့လျှင် ပြန်လည်ပြုပြင်မှုအတွက် မူလတည်ဆောက်ခြင်း ကုန်ကျစရိတ်ထက်ပင် ပိုနေတတ်ပါသေးတယ်။

💁Steel Structure
Steel structure ကတော့ သေချာပါတယ် အချိန်တစ်ခုကြာရင် သံချေးတက်မှာပါ။
(ကြိုတင်ကာကွယ်ခြင်းများ ဆောင်ရွက်ရန်လိုအပ်။)

👉Reinforced Cement Concrete Structure
ပြန်လည်ပြုပြင်မှုအတွက် ကုန်ကျစရိတ်ပိုတယ်။
ပြုပြင်မှုအတွက်လည်း ခက်ခဲတယ်။

💁Steel Structure
ပြန်လည်ပြုပြင်မှု ကုန်ကျစရိတ် သက်သာတယ်။
ပြုပြင်မှုအတွက်လည်း လွယ်ကူပါတယ်။

👉Reinforced Cement Concrete Structure
သက်တမ်းအားဖြင့် အရေးကြီး ဆုံးဖြတ်ရပေမဲ့ တည်ဆောက်မှု နည်းပညာ အရမ်းကြီး ဆုံးဖြတ်ရ
မခက်ခဲပါ။

💁Steel Structure
သက်တမ်းအားဖြင့် အရေးကြီး ဆုံးဖြတ်ရသလို တည်ဆောက်မှု နည်းပညာဟာလည်း အရမ်းအရေးကြီးပါတယ်။

👉Reinforced Cement Concrete Structure
ဆောက်လုပ်မှုအတွက် ကျွမ်းကျင်လုပ်သားအပြင်
မကျွမ်းကျင်သူများလည်း ပေါများစွာ ဝင်ရောက်လုပ်ကိုင်နိုင်ပါတယ်။

💁Steel Structure
ကျွမ်းကျင်လုပ်သားများသာ အဓိက ဦးစားပေး ဆောင်ရွက်ခြင်းပြုလုပ်ရန် အလေးပေးပါတယ်။

👉Reinforced Cement Concrete Structure
ဆောက်လုပ်မှုဟာ ရိုးရှင်းပေမဲ့ မပေါ့ဆသင့်ပါ။

💁Steel Structure
တည်ဆောက်မှုလုပ်ငန်းဟာ ကြီးမား လေးလံတဲ့ အရာတွေကြောင့် သယ်ဆောင်ရန်၊ အသုံးပြုရန်ခက်ခဲခြင်း ပြဿနာများ ကြုံတွေ့နိုင်စေပါတယ်။

👉Reinforced Cement Concrete Structure
အလေးချိန်အားဖြင့် ပိုမိုလေးလံပါတယ်။
(Whole Building)

💁Steel Structure
အလေးချိန်အားဖြင့် နည်းပါတယ်။

👉Reinforced Cement Concrete Structure
မီးလောင်ဒဏ်ကို ပိုမိုကြာရှည်အောင် ခုခံထားနိုင်စွမ်းရှိပါတယ်။

💁Steel Structure
မီးလောင်မှုအား ခံနိုင်ရည်အလွန် နည်းပါတယ်။

👉Reinforced Cement Concrete Structure
ဆောက်လုပ်နေစဥ်အတွင်း ကွန်ကရစ်သွန်းလောင်းခြင်း လုပ်ငန်းများအား ဂရုစိုက်ကြည့်ရှုရန် အချိန်နဲ့အမျှ အရေးကြီးနေပါတယ်။

💁Steel Structure
ဆောက်လုပ်နေစဥ်အတွင်း ကွန်ကရစ်သွန်းလောင်းခြင်း လုပ်ငန်းများမှအပ အချိန်နဲ့အမျှ ​ဂရုစိုက်နေရန် မလိုအပ်ပေ။

👉Reinforced Cement Concrete Structure
အရည်အသွေးထိန်းရတာခက်ပါတယ်။
(Curing of Conc;)

💁Steel Structure
အရည်အသွေးထိန်းရတာ ပိုကောင်းပါတယ်။

👉Reinforced Cement Concrete Structure
ကျောက်ပုံးကျောက်ခွက်အတွက် လိုအပ်ချက်နှင့် လုပ်အား အလွယ်တကူရရှိနိုင်တဲ့ နေရာမျိုးတွေမှာ ကုန်ကျမှု သက်သာစေပါတယ်။

💁Steel Structure
တကယ်တမ်းကောင်းကောင်းလိုချင်ရင် ကုန်ကျမှုစရိတ် ပိုများပါတယ်။
ဥပမာ
သံချေးတက်ခြင်းကာကွယ်ရန် မီးလောင်ဒဏ်ခံခြင်းအတွက် ထပ်ဆောင်း ကုန်ကျစရိတ်တွေဖြစ်ပါတယ်။

👉Reinforced Cement Concrete Structure
ကျွတ်ဆတ်ခြင်းကြောင့် ရုတ်တရက်
ပြိုကျမှုဖြစ်ခဲ့သော် အလွန် အန္တရာယ်များပါတယ်။

💁Steel Structure
နန်းဆွဲခံနိုင်ခြင်းကြောင့် ရုတ်တရက် ပြိုကျခြင်းခက်ခဲပါတယ်။

ဟုတ်ကဲ့ပါ ။ အခု ‌‌ ပြောပြပေးခဲ့တဲ့ အ‌ကြောင်းအရာလေးတွေက မိတ်ဆွေတို့ အတွက် အိမ်ဆောက်ရာမှာ တွေးနေကြတဲ့ Reinforced Cement Concrete Structure က ပိုကောင်းလာ ၊ Steel Structure က ပိုကောင်းလားဆိုတာ ကွဲကွဲပြားပြား သိရှိသွားပြီလို ထင်ပါတယ် ။ လူကြီးမင်းတို့ရဲ့ အိမ်မက်ထဲက နေချင်စဖွယ်အိမ်လေးတွေကိုလဲ ကျွန်တော်များ LOYAL Professional Engineering Group မှ ကျွမ်းကျင် Engineers များမှ တာ၀န်ယူဆောက်လုပ်ပေးနေပါကြောင်း ထပ်ဆောင်း ပြောပြပါရစေခင်ဗျာ ....

From the First Step .... Toward Success

ပထမဆုံးခြေလှမ်းမှသည် ...အောင်မြင်ခြင်းဆီသို့

ယနေမှာတော့ မိတ်ဆွေတို့ အတွက် ကွန်ကရစ်သက်တမ်းနုချိန်မှာ ဖြစ်ပေါ်တတ်တဲ့ အက်ကြောင်းများ အကြောင်းကို ချစ်သော မိတ်ဆွေများအတွက...
05/09/2022

ယနေမှာတော့ မိတ်ဆွေတို့ အတွက် ကွန်ကရစ်သက်တမ်းနုချိန်မှာ ဖြစ်ပေါ်တတ်တဲ့ အက်ကြောင်းများ အကြောင်းကို ချစ်သော မိတ်ဆွေများအတွက် ကျွန်တော်များ LOYAL Professional Engineering Group မှ ထပ်ဆင့်တင်ပြအပ်ပါသည် ခင်ဗျာ ။

*********

သက်တမ်းနုတယ်ဆိုတာကတော့ ကွန်ကရစ်ကို သွန်းလောင်းပြီးတဲ့ (၇)ရက် တစ်ပတ်အတွင်းကို ဆိုလိုတာဖြစ်ပါသည် ခင်ဗျာ ။
တစ်ပတ်(၇)ရက်ကြာပြီးတဲ့အချိန်မှာလည်း အလားတူ အက်ကြောင်းငယ်များလည်း သံကူကွန်ကရစ် ကြမ်းခင်းတွေမှာ ဖြစ်ပေါ်လာတတ်တာကို တွေ့ရှိရတတ်ပါတယ်။
ဒါကြောင့်မို့လို့ ကွန်ကရစ်သွန်းလောင်းပြီး ရက်ပေါင်း(၆၀)အတွင်းမှာ ဖြစ်ပေါ်/တွေ့ရှိရတတ်တဲ့ အက်ကြောင်းများကို ကွန်ကရစ်သက်တမ်းနုချိန်မှာ ဖြစ်ပေါ်တတ်တဲ့ အက်ကြောင်းများဆိုပြီး သတ်မှတ်လို့ရပါတယ်။

တကယ်လို့ Structural Design အရ ခွင့်ပြုနိုင်တဲ့ပမာဏအတွင်း မကျော်လွန်တဲ့ အက်ကြောင်းတွေဆိုရင်တော့ အဆောက်အဦကို ထိခိုက်ပျက်စီးစေလောက်အောင် မဆိုးရွားပါဘူး။ ဒါပေမယ့်လည်း ကွန်ကရစ်အတွင်း ထည့်ထားတဲ့ သံချောင်းတွေကို စောစီးစွာ သံချေးတက်မှုကို ဖြစ်စေမှု အလားအလာများပြီး ကွန်ကရစ်ကာဗာနေရာတွေမှာ အက်ကြောင်းတွေကို ဖြစ်စေပါတယ်။ အဲ့လိုမျိုးတွေ ဖြစ်လာပြီဆိုရင်တော့ ပြင်ဆင်ဖို့ ပြင်ဆင်စရိတ်ကုန်ကျမှာ ဖြစ်သလို ကွန်ကရစ်အဆောက်အဦ၏ သက်တမ်းကြာရှည်ခိုင်ခန့်မှုကို ထိခိုက် တိုတောင်းစေမှာဖြစ်ပါတယ်။

ကွန်ကရစ်အရောအနှော၊ ပတ်ဝန်းကျင်အခြေအနေနှင့်ထိတွေ့မှု၊ အပူထွက်မြန်ဆန်/နှေးကွေးမှု Hydration အခြေအနေနှင့် ကွန်ကရစ်အသားနှပ်ခြင်း Curing condition အခြေအနေတွေကြောင့် အဓိကအားဖြင့် Freshly concrete တွေ သွန်းလောင်းတဲ့အခါ သက်တမ်းနု အက်ကြောင်းတွေ ဖြစ်နိုင်ချေက အများဆုံးဖြစ်ပါတယ်။ ဒါကြောင့် အဲ့ဒီသက်တမ်းနု အက်ကြောင်းတွေကို ဖြစ်စေနိုင်တဲ့ အကြောင်းတရားများကို သေချာနားလည်ထားဖို့လိုသလို အကောင်းဆုံးဖြစ်အောင် ကြိုတင်ပြင်ဆင်တဲ့နည်းလမ်းတွေကို အသုံးပြုရမှာဖြစ်ပါတယ်။

သက်တမ်းနုအက်ကြောင်းတွေကို ဖြစ်စေတဲ့အကြောင်းတရားနှင့် သက်တမ်းနုအက်ကြောင်းအမျိုးအစားတွေအနေနှင့် အချက်(၈)ချက်ကို တွေ့ရှိရမှာ ဖြစ်ပါတယ်။
(၁) အတွင်းအပူချိန်ကြောင့်ဖြစ်တဲ့ သက်တမ်းနုအက်ကြောင်း (Internal Concrete Temperature)
(၂) အပူချိန်မြင့်တက်မှု (Temperature Gradient)
(၃) ကျုံ့ခြင်း/ဆန့်ခြင်း (Autogenous Shrinkage)
(၄) အနည်ထိုင်ခြင်း (Plastic Settlement)
(၅) Drying Shrinkage
(၆) ပြင်ပဝန်သက်ရောက်ခြင်း (External Loading)
(၇) Concrete Creep

(၁) အတွင်းအပူချိန်ကြောင့်ဖြစ်တဲ့ သက်တမ်းနုအက်ကြောင်း (Internal Concrete Temperature)
ဘိလပ်မြေဆိုတာ အပူထွက်တဲ့သဘောရှိတဲ့အတွက် ကွန်ကရစ်ကို အပူဖြစ်ပြီး အပူထုတ်စေတဲ့အတွက် သက်တမ်းနုအက်ကြောင်းတွေကို ဖြစ်စေပါတယ်။ ကွန်ကရစ်အတွင်းအပူချိန်က ၅၀ဒီဂရီစင်တီဂရိတ်နီးပါးပတ်ချာလည်မှာ ရှိမယ်ဆိုရင် ဘိလပ်မြေထဲမှာ ပါတဲ့ ဓာတုပစ္စည်း ettringite က တည်ငြိမ်မှုမရှိတော့ဘဲ ပျော်ဝင်သွားပါတယ်။ အဲ့လိုပဲ အတွင်းအပူချိန် လျော့နည်းလွန်းတဲ့အခါမှာလည်း ဓာတုပစ္စည်း ettringite က ပြန့်ကား(ပြန့်နှံ့)သွားပြီး ကွန်ကရစ်အတွင်းအပြင် အက်ကြောင်းတွေကို ဖြစ်ပေါ်စေပါတယ်။

(၂) အပူချိန်မြင့်တက်မှု (Temperature Gradient)
Temperature Gradient ဖြစ်ခြင်းကို ရှောင်လွှဲလို့မရတဲ့ ပြင်ပအပူချိန်မြင့်မားလွန်းတဲ့အခါ တွေ့ရှိရတတ်ပါတယ်။ အဲ့ဒီလို မြင့်မားတဲ့အပူချိန်မြင့်တက်မှုတွေ ကွန်ကရစ်သားတွေ၏ အတွင်းအပြင်မှာ ဖြစ်ပေါ်တဲ့အခါ Structural element တွေကို အပူဒဏ် Thermal Stress ကို ခံစားစေပါတယ်။ တကယ်လို့ ကွန်ကရစ်မန်ဘာတွေကို restraint ဖြစ်နေမယ် ရွှေ့လျားမှု၊ ပြန့်ကားမှုများကို ကန့်သတ်ထားတယ်ဆိုရင် Thermal stress တွေကနေ ကွန်ကရစ်၏ tensile strength ကို ကျော်လွန်ပြီး အက်ကြောင်းများကို ဖြစ်စေပါတယ်။
ကွန်ကရစ်၏ restraints ကို လျော့ချနိုင်ဖို့ဆိုရင် T-beam တွေမှာ web နှင့် fl**ge ဆုံတဲ့အဆက် junction ၏ မန်ဘာ section depth ကို ပြောင်းလဲခြင်း၊ beam နှင့် slab တို့မှာ အပေါ် သံချောင်းအတွက် မန်ဘာ section depth အပြောင်းအလဲလုပ်ခြင်း၊ colum တွေမှာ stirrup အတွက် section depth/width ပြောင်းလဲသတ်မှတ်ခြင်း၊ ခွဲကျောက်အရွယ်အစားနှင့်ပုံစံကာဗာတွေအတွက် အကျန်ကို ပြောင်းလဲသတ်မှတ်ခြင်း စတာတွေကို လုပ်ဆောင်ရမှာ ဖြစ်ပါတယ်။ အဓိကတော့ မန်ဘာတွေအနေနဲ့ Thermal stress ကို restraint မဖြစ်စေဖို့ပဲ ဖြစ်ပါတယ်။

(၃) ကျုံ့ခြင်း/ဆန့်ခြင်း (Autogenous Shrinkage)
ကျုံ့ခြင်း/ဆန့်ခြင်းကြောင့်ဖြစ်တဲ့ အက်ကြောင်းဆိုတာကတော့ ကွန်ကရစ်သွန်းလောင်းပြီးတဲ့အချိန် လျင်မြန်စွာ/ချက်ခြင်းတက်လာတဲ့ Strength ကြောင့် ကွန်ကရစ်သား ကျုံ့ခြင်း/ဆန့်ခြင်းဖြစ်ရာကနေ tensile stress ဖြစ်စေပြီး အက်ကြောင်းများဖြစ်စေတာပဲဖြစ်ပါတယ်။
Autogenous Shrinkage ဖြစ်ခြင်းကို chemical Shrinkage တွေကို အသုံးပြုတဲ့အခါမှာ တွေ့ကြုံရတတ်ပါတယ်။ Chemical shrinkage တွေကိုအသုံးပြုတဲ့အတွက် ကွန်ကရစ်အရောအနှော(ဘိလပ်မြေ/ရေ)၏ အပူထွက်မှု Hydration က ပုံမှန်ထက် ပိုနည်းသွားစေပါတယ်။ Portland cement တွေအတွက် Chemical shrinkage ကို အသုံးပြုပြီး hydration ဖြစ်မှုကို ထိန်းချုပ်မယ်ဆိုရင်အတွက် အကောင်းဆုံး ဆေးအချိုးအစားက ကွန်ကရစ်ထုထည်၏ ၁၀% ဖြစ်ပါတယ်။
ကွန်ကရစ်သွန်းလောင်းပြီးစ ဘိလပ်မြေ စအိပ် setting ဖြစ်ပြီး cement paste က hydration အပူထွက်တဲ့အခါမှာ မျက်နှာပြင်ပေါ်မှာ ဖြစ်တတ်တဲ့ ဆံခြည်မျှင် အပေါက်လေး capillary porosity တွေကို ရေနှင့် curing မလုပ်ပဲ chemical shrinkage တွေဖြင့် ဖြည့်မယ်ဆိုရင်လည်းရပါတယ်။ အဲ့ဒီဖြစ်စဉ်ကို self-desiccation လို့ ခေါ်ပါတယ်။ အဲ့လိုလုပ်တဲ့အခါမှာလည်း အပေါက်လေးတွေဖြည့်သွားတတ်ပေမယ့် အရာလေးတွေ အကွက်လေးတွေ ထတတ်ပြီး ပေါ်တက်ပြီး အဲ့ကနေ Autogenous stress တွေကို ဖြစ်စေတတ်ပြီး အဲ့ကနေ autogenous shrinkage ကို ဖြစ်စေပါတယ်။
အက်ကြောင်းတွေကို internal restraint တွေရဲ့ အနီး ဆိုလိုတာက သံချောင်းတွေနဲ့ ရောစာကြီး ကျောက်စရစ်တွေရဲ့ အနီးအနားမှာ တွေ့ရှိရတတ်ပါတယ်။
ပြီးတော့ external restraint ဖြစ်တဲ့အခါ ကွန်ကရစ်မန်ဘာတွေရဲ့ Depth တစ်လျှောက်လုံးမှာလည်း တွေ့ရှိရတတ်ပါတယ်။

(၄) အနည်ထိုင်ခြင်း (Plastic Settlement)
ကွန်ကရစ်အနည်ထိုင်ခြင်းကလည်း သက်တမ်းနုအက်ကြောင်းတွေကို ဖြစ်စေတဲ့ အဓိကအချက်တစ်ချက်ပဲဖြစ်ပါတယ်။ ဘယ်အချိန်မှာ အနည်ထိုင်တယ်လို့ သတ်မှတ်လဲဆိုရင် ကွန်ကရစ်အရောနှောတွေထဲက ရောစာကြီး ကျောက်စရစ်တွေက အောက်ဘက်မှာ အနည်ထိုင် စုပုံပြီး ဘိလပ်မြေအရည်အနှစ်တွေက အပေါ်တက်လာပြီး မျက်နှာပြင်မှာ ရေပူဖောင်းလေးတွေ ဖြစ်လာတတ်ပါတယ်။ အဲ့ဒီလို အနည်ထိုင်တဲ့အခါမှာ stress ဒဏ်ဖြစ်စေပြီး အဲ့ဒီ stress က လောလောလတ်လတ် သွန်းလောင်းထားတဲ့ ကွန်ကရစ်ရဲ့ tensile strength ထက် ပိုများတဲ့အခါမှာ သက်တမ်းနုအက်ကြောင်းတွေကို ဖြစ်ပေါ်စေတာပဲဖြစ်ပါတယ်။ အဲ့ဒီအက်ကြောင်းတွေကို restraint ဖြစ်စေတဲ့ သံချောင်းတွေရဲ့အနီးအနားမှာ တွေ့ရှိရတတ်ပြီး အဲ့နေရာမှာ အနည်ထိုင်မှုပိုများတတ်ပါတယ်။
Plastic settlement ကြောင့်ဖြစ်တဲ့ သက်တမ်းနုအက်ကြောင်းတွေကို ဘာကြောင့်တွေ့ရှိတတ်လဲဆိုတော့ ကွန်ကရစ်မန်ဘာတွေရဲ့ ဖြတ်ပိုင်း section အရွယ်အစားကို ရုတ်တရက်ပြောင်းလဲ(မတူ)တဲ့အတွက် ဖြစ်တာများပါတယ်။ ဥပမာ တခါတည်းလောင်းလိုက်တဲ့ Column, Beam တွေက အရွယ်အစားမတူညီတာမျိုး ကြီးတာကနေ ပိုသေးသွားတာ၊ သေးရာကနေ ပိုကြီးသွားတာ စသဖြင့် အဲ့ section ပြောင်းသွားတဲ့ နေရာ၊ ပုံစံအရွယ်အစားပြောင်းသွားတဲ့နေရာမှာ အက်ကြောင်းတွေဖြစ်တတ်ပြီး ပိုကြီးတဲ့ မန်ဘာအရွယ်အစားမှာ အနည်ထိုင်မှု ပိုဖြစ်တတ်တာကို တွေ့ရှိရပါတယ်။

(၅) Drying Shrinkage
ကွန်ကရစ်၏အတွင်း/အပြင်သော်လည်းကောင်း နှစ်မျိုးလုံးမှာသော်လည်းကောင်း မှာ ကျုံ့ခြင်းဆန့်ခြင်းကို ကန့်သတ်ထားမယ် Restraint ဖြစ်နေမယ်ဆိုရင် drying shrinkage ကြောင့် သက်တမ်းနုအက်ကြောင်းများကို ဖြစ်စေပါတယ်။ ကွန်ကရစ်မန်ဘာတွေ၏ ထု အထူက တသမတ်တည်းမဟုတ်တဲ့အခါမှာ Drying shrinkage က မတူညီစွာပြန့်နှံ့ပြီး ကျုံ့ခြင်းဆန့်ခြင်းဖြစ်စေတဲ့အတွက် မတူညီတဲ့ differential shrinkage ကို ဖြစ်စေပါတယ်။
အဲ့ဒီလို မတူညီတဲ့ differential shrinkage တွေကြောင့် မန်ဘာများကို axial moment နှင့် warping ဖြစ်စေပါတယ်။ ကွန်ကရစ်ကနေ restraint ဖြစ်နေမယ်ဆိုရင် အဲ့ဒီမတူညီတဲ့ ရွေ့လျားမှု moment နှစ်ခုကြောင့် axial stress နှင့် bending stress ကို ဖြစ်ပေါ်စေတဲ့အတွက် အဲ့ကနေ သက်တမ်းနုအက်ကြောင်းများကို ဖြစ်စေပါတယ်။ Drying shrinkage တွေက သေးငယ်တဲ့ မန်ဘာတွေမှာတောင် residual stress ဖြစ်ပေါ်စေနိုင်ပါတယ်။

(၆) ပြင်ပဝန်သက်ရောက်ခြင်း (External Loading)
တုန်ခါမှု၊ Traffic နှင့် လေတိုက်နှုန်းတွေဖြစ်တဲ့ ပြင်ပဝန်သက်ရောက်မှုများကြောင့် ကွန်ကရစ်တွေမှာ extra stresses တွေကို ဖန်တီးပြီး ကွန်ကရစ်၏ ခံနိုင်ရည်ထက် ကျော်လွန်တဲ့အခါမှာ အက်ကြောင်းတွေကို ဖြစ်ပေါ်စေပါတယ်။သွန်းလောင်းပြီးမကြာခင်က ကွန်ကရစ်၏ ခံနိုင်ရည်က နည်းနေမှာ သေချာတဲ့အတွက် ပြည့်ဝတဲ့ခံနိုင်ရည်မရမချင်း ပြင်ပဝန်သက်ရောက်မှုကို ဂရုတစိုက်တားမြစ်ကာကွယ်ရမှာဖြစ်ပါတယ်ခင်ဗျာ။

(၇) Concrete Creep
Concrete creep ဖြစ်ခြင်းကလည်း သက်တမ်းနုအက်ကြောင်းတွေကို ဖြစ်စေတဲ့ အကြောင်းတရားတစ်ခုပဲဖြစ်ပါတယ်။ ကွန်ကရစ်အတွင်း ရောစာကြီးတွေကနေ ကွန်ကရစ်၏ time dependent moment ဖြစ်မှုကို ကန့်သတ် restraint ဖြစ်စေတဲ့အခါမှာ ကွန်ကရစ်သားအတွင်း အပြင်မှာ stress ဒဏ်တွေ ခံစားရလာပါတယ်။ အဲ့ကနေ ကွန်ကရစ်အက်ကြောင်းတွေကို ဖြစ်စေတာပဲဖြစ်ပါတယ်ခင်ဗျာ။

From the First Step .... toward Success

ပထမဆုံးခြေလှမ်းမှသည် ... အောင်မြင်ခြင်းဆီသို့

ကျင့်၀တ် စည်းကမ်း နှင့်အညီ ခေတ်မှီလှပ တည်တံ့ခိုင်မြဲသော Constructionအဖြစ်ဂုဏ်၀င့်ထည်စွာရပ်တည်နေတဲ့ ကျွန်တော်များ LOYAL ...
11/05/2022

ကျင့်၀တ် စည်းကမ်း နှင့်အညီ ခေတ်မှီလှပ တည်တံ့ခိုင်မြဲသော Constructionအဖြစ်ဂုဏ်၀င့်ထည်စွာရပ်တည်နေတဲ့ ကျွန်တော်များ LOYAL Professional Engineering Group မှာ အမေးများ‌ သော မေးခွန်းများမှ တစ်ခုဖြစ်သောPAE ဈေးနှုန်းများကို ချစ်သော Customer များ သိရှိစေရန် တင်ပြအပ်ပါသည် ခင်ဗျာ

LOYAL Professional.Engineering Group မှ လူကြီးမင်းတို့ အတွက် Package သုံးခုကို ယနေမှာ မိတ်ဆက်ပေးပါရစေ ခင်ဗျာ ။

🪙Gold Package - 36000 MMK🪙

💎Diamond Package - 40000 MMK💎

💳Master Package - 55000 MMK💳

အစရှိသည်ဖြင့် Package (၃) မျိုးထားရှိပေးထားတာမို့ ချစ်သော Customer များစိတ်တိုင်းကျ ဆောက်လုပ်နိုင်ပါတယ်ခင်ဗျာ။

ထိုအပြင် ကျွန်တော်များ LOYAL Professional Engineering Group မှ ဆောက်လုပ်သော အိမ်များကို နှစ်ငါးဆယ် အာမခံဖြင့်ဆောက်လုပ်ပေးနေပါသည်ဖြစ်ကြောင်း ထပ်လောင်း ပြောကြားပါရစေခင်ဗျာ

ယခု ကျွန်တော်တို့ Package အလိုက်ပါ၀င်သော လုပ်ငန်းစဉ်များကို ဖော်ပြလိုက်ပါသည်ခင်ဗျာ

🏗️ Construction Stage 🏗️.............................................................................

👉Plint Level - 2' ( မြေပြင်အမြင့် 2ပေ )

👉Ground Foundation - Soil Report နှင့် Structure Engineer တွက်ချက်မှုအပေါ မူတည်ပြီး မြေ၀င်အနက်ကို တူးပေးပါမည်။

👉Soil Excevation ( Backhoe ၀င်လိုရပါက Backhoe နှင့် Excevation လုပ်ပေးပါမည်။)

👉Footing Rebar Work , Short Column Rebar Work , Conc ; Casting work ( Readymade Concrete နှင့် Casting လုပ်ပေးပါမည်)

👉Retaining Wall ( 9" THK Brickwall )

👉Plinth Beam Rebar Work , Formwork work , Conc; Casting work (Readymade Concrete နှင့် Casting လုပ်ပေးပါမည်)

👉Backfilling Work ( Compactor ဖြင့် Compaction ရအောင် လုပ်ပေးပါမည်။)

👉Sub Floor Conc; Casting Work (Readymade Concrete နှင့် Casting လုပ်ပေးပါမည်)

👉Column Rebar + Formwork + Conc;casting
(Readymade Concrete နှင့် Casting လုပ်ပေးပါမည်)

👉Floor Beam + Slab ( Rebar + Formwork+ Conc; Casting )
(Readymade Concrete နှင့် Casting လုပ်ပေးပါမည်)

👉Ground Tank တူးပေးပါမည်

👉Septic Tank တူးပေးပါမည်

👉Brick Work ( 4 1/2 " THK Brickwall )

👉ကျည်းဘောင်ထောင်ပေးခြင်း

👉Plastering Work ( 1" pier )

👉Topping Work

👉Roofing Work

👉Scaffolding Work

👉Drain work

🏗️ Super Structure Work 🏗️...............................................................................

M&E work (Water Supply installaion Work )...........................................................................

Gold Package & Diamond Package

• Interior & Exterior Piping installation
13.5 Tiger ပိုက်အမျိုးအစားကိုသာ သုံးပေးပါမည်။
• Down Rain Pipe (4")
8.5 Tiger ပိုက်အမျိုးအစားကိုသာ သုံးပေးပါမည်။
• Man Hole လုပ်ပေးခြင်း
• Pressure Test ရိုက်ပေးခြင်း
• Basin + Shower တပ်ဆင်ပေးခြင်း

စသည့်လုပ်ငန်းများအား ကျွမ်းကျင်သော M&E Engineer မှ တာ၀န်ယူ ကြီးကြပ်ဆောင်ရွက်ပေးပါသည်။

Electrical installation Work...............................................

• Conduit သွယ်တန်းပေးပါမည်
• Early Fit Breaker တပ်ဆင်ပေးခြင်း
• DP Box installation
• Lighting Contractor installation ( မိုးကြိုးလွဲ)
• Lighting Point , Switch & Socket များကို လူကြီးမင်းတို့ စိတ်ကြိုက် တပ်ဆင်ပေးပါမည်

Cable - RR Classic
Switch & Socket - RR Classic
Lighting - 6W , 9W ,12 W

Master Package တွင်
American Standard Brand ကိုသာ အသုံးပြုပေးပါမည် ။

Door & Window Installation ................................................

Gold Package ( 1sq - ft = 36000 MMK)

Main Door နှင့် အိပ်ခန်း တံခါးများအား ကျွန်းတံခါး ( 1 Rft - 8500 MMK )တပ်ဆင်ပေးခြင်း

ရေချိုးခန်း/ အိမ်သာ တံခါးများအား ကျွန်းတံခါးများ ( 1 Rft - 7500 MMK )တပ်ဆင်ပေးခြင်း

ပြတင်းပေါက်များကို Aluminum Slide Windows များတပ်ဆင်ပေးခြင်း

Diamond Package ( 1 sq - ft = 40000 MMK)

Main Door နှင့် အိပ်ခန်း တံခါးများအား ကျွန်းတံခါး ( 1 Rft - 10500 MMK )တပ်ဆင်ပေးခြင်း

ရေချိုးခန်း/ အိမ်သာ တံခါးများအား ကျွန်းတံခါးများ ( 1 Rft - 8500 MMK )တပ်ဆင်ပေးခြင်း

ပြတင်းပေါက်များကို Aluminum Slide Windows ( 1 Rft - 6500 MMK ) များတပ်ဆင်ပေးခြင်း

Master Package ( 1 sq-ft = 55000 MMK)

Main Door နှင့် အိပ်ခန်း တံခါးများအား ကျွန်းတံခါး - နယ်ကျွန်းရှယ်( 1 Rft - 13000 MMK )တပ်ဆင်ပေးခြင်း

ရေချိုးခန်း/ အိမ်သာ တံခါးများအား ကျွန်းတံခါးများ - နယ်ကျွန်းရှယ်( 1 Rft - 10500 MMK )တပ်ဆင်ပေးခြင်း

ပြတင်းပေါက်များကို Aluminum Slide Windows ( 1 Rft - 6500 MMK ) or ကျွန်းပြတင်းပေါက် များတပ်ဆင်ပေးခြင်း

Painting Work ........................

Gold Package ( 1sq - ft = 36000 MMK)
▪️Exterior and Interior - Orient Paint ( Color design များကို လူကြီးမင်းတို့စိတ်ကြိုက် ၀န်ဆောင်မှုပေးခြင်း )

Diamond Package ( 1 sq - ft = 40000 MMK)
▪️Exterior + Interior - Orient Professional Paint
( Color design များကို လူကြီးမင်းတို့စိတ်ကြိုက် ၀န်ဆောင်မှုပေးခြင်း )

Master Package ( 1 sq-ft = 55000 MMK)
▪️Exterior + Interior - PREMIER Painting
( Color design များကို လူကြီးမင်းတို့စိတ်ကြိုက် ၀န်ဆောင်မှုပေးခြင်း )

Package အကုန်လုံးတွင်

• Interior - Putty 2 Coats + Sealer 1 Coat + Painting - 2 Coats
• Exterior - Putty 2 Coats + Sealer 1 Coat + Painting - 2 Coats

စသည့်၀န်ဆောင်မှုများကိုလူကြီးမင်းတို့အတွက် အထူး၀န်ဆောင်မှုများပေးနေပါသည်။

Tiling Work ..................

Bath & WC Floor Tiling 1' x 1' ( Design & Material Coordination with Client ) နှင့် လူကြီးမင်းတို့ စိတ်တိုင်းကျဆောင်ရွက်‌ပေးခြင်း

Bath & WC Wall Tiling ( 2' x 1' ) Fully Height ( Design & Materials Coordination with Client ) ဖြင့် လူကြီးမင်းတို့ စိတ်တိုင်းကျ ဆောင်ရွက်ပေးခြင်း

Kitchen Counter Floor & Wall
(Floor 2' x 1' & Wall 8" x 1' ) Design & Material Coordination with Client ဖြင့် လူကြီးမင်းတို့ စိတ်တိုင်းကျ ဆောင်ရွက်ပေးခြင်း စသည့် ၀န်ဆောင်မှုများကို ဆောင်ရွက်ပေးနေပါသည်ခင်ဗျာ

Ceiling & Handrail Installations Work ................................................................

: Shear Board ( Design )

: Steel Handrail

: ကျွန်းလက်ရန်း နှင့် ကျွန်းနင်းပြား ( only Master Package)

များကို ချစ်သော Customer များစိတ်တိုင်းကျ လုပ်ဆောင်ပေးနေပါသည်ခင်ဗျာ ။

Roofing Work ........................

• Classic အမိုး

• အုတ်ကြွပ်မိုး

• 4 Angle အမိုး

စသည်တို့ကို လူကြီးမင်းတို့စိတ်တိုင်းကျ ဆောင်ရွက်ပေးနေပါသည်ခင်ဗျာ

*** အထပ်တိုင်းတွင် ***

- ချစ်သော လူကြီးမင်းများ စိတ်တိုင်းကျ အခန်း ဖွဲ့များ ဖွဲ့ပေးခြင်း

-အထပ်တိုင်းတွင်Layout Plan အတိုင်း အုတ်တလွှားစီပေးပြီး လူကြီးမင်းတို့စိတ်ကြိုက် အခန်းဖွင့်များကို အုတ်စီပေးခြင်း

စသည့်၀န်ဆောင်မှုများကို လူကြီးမင်းတို့အတွက် Special Service များပေးနေပါသည်။

ချစ်သော Customer တို့ရဲ့ လှပလုံခြုံပြီး စိတ်ကျေနပ်မှုကို သက်ဆုံးတိုင် ရရှိစေနိုင်မည့် အိမ်တိုင်းအတွက် ကျွန်တော်များ LOYAL Professional Engineering Group မှ ကျွမ်းကျင်ထက်မြက်ပြီးတာ၀န်ယူမှု၊တာ၀န်ခံမှု အပြည့်အ၀ဖြင့်တည်ဆောက်ပေး‌ နေ ပါသောကြောင့် အမြန်ဆုံး ကျွန်တော်တို့နှင့်လက်တွဲဆောင်ရွက်ရန် လူကြီးမင်းတို့အား ဖိတ်ကြားအပ်ပါသည်။

From The First Step .... Toward Success

ပထမဆုံးခြေလှမ်းမှသည် ...အောင်မြင်ခြင်းဆီသို့

အဆောက်အအုံဆောက်လုပ်ခွင့်ရရှိသူ လိုက်နာရမည့် စည်းကမ်းနှင့်နည်းဥပဒေများ ကို ကျွန်တော်များ LOYAL Professional Engineering G...
11/05/2022

အဆောက်အအုံဆောက်လုပ်ခွင့်ရရှိသူ လိုက်နာရမည့် စည်းကမ်းနှင့်နည်းဥပဒေများ ကို ကျွန်တော်များ LOYAL Professional Engineering Group မှ ချစ်သော မိတ်ဟောင်းမိတ်သစ် Customer များအတွက် ဖော်ပြလိုက်ရပါတယ်ခင်ဗျာ ။

******

၁။ (၄၀ပေ x ၆၀ပေ)နှင့် အထက်မြေကွက်များတွင် လုံးချင်းအဆောက်အအုံများ ဆောက်လုပ်လိုပါက အနည်းဆုံး ရှေ့ ၅ပေ၊ နောက် ၄ပေ၊ ဘေးနှစ်ဖက်အမိုးစွန်းမှ ၂ပေစီချန်လှပ်ရမည်။

၂။ (၄၀ပေ × ၆၀ပေ) အောက်မြေကွက်များတွင်လုံးချင်းအဆောက်အအုံများ ဆောက်လုပ်ပါက အနည်းဆုံး ရှေ့ ၅ပေ၊ နောက် ၄ပေ၊ ဘေးနှစ်ဖက်အစွန်းမှ ၁ ပေစီချန်လှပ်ရမည်။ (ဘေးနှစ်ဖက် ၁ပေချန်သဖြင့် အရွက်ဖွင့်တံခါးဆောင်ရွက်၍မရဘဲ လျှောတံခါး (Sliding Window) ဖြင့် ဆောင်ရွက်ရမည်။

၃။ (၄)ထပ်နှင့် အထက်အဆောက်အအုံများတွင် အနည်းဆုံး (Plinth Level) ၁ပေ ဆောင်ရွက်ပြီး (Gf: Level) မှစ၍ (Total Height) ၆၂ပေ ကျော်လွန်ပါကဓာတ်လှေခါး တပ်ဆင်ရမည်။

၄။ (၄)ထပ်နှင့် အထက်အဆောက်အအုံများ လျှောက်ထားရာတွင် ယာဉ်ရပ်နားရန်နေရာ ထည့်သွင်းတင်ပြ၍ မပျက်မကွက်ဆောင် ရွက်ရမည်။

၅။ (၄)ထပ်နှင့် အထက်အဆောက်အအုံများတွင် အရှေ့ဘက်ပင်မလှေခါးအပြင် အရေးပေါ် အသုံးပြုနိုင်ရေးအတွက် မီးသတ်လှေခါးအား အလွယ်တကူတက်/ဆင်းနိုင်ရန်အတွက် ထည့်သွင်း ဆောက်လုပ်ရမည်။

၆။ အဆောက်အအုံ၏အုတ်ခုံအား အနီးကပ်ဆုံး လမ်းမျက်နှာပြင်အထက် အနည်းဆုံး ၁ပေ-၆လက်မမြှင့်၍ ဆောက်လုပ်ရမည်။

၇။ အဆောက်အအုံ၏ ကျောရပ်အမြင့်အား မြေညီထပ်(၁၂ပေ)နှင့် အပေါ်ထပ်အား (၁၀ပေ) စီဆောက်လုပ်ရမည်။

၈။ အိမ်ခန်း၏ ပန္နက်ဧရိယာသည် (၁ဝဝစ/ပေ)ရှိ၍ လေဝင် /လေထွက် ပြူတင်းပေါက်တံခါးများ ဧရိယာသည် အနည်းဆုံး အခန်းနံရံဧရိယာ၏ သုံးပုံတစ်ပုံရှိရမည်။

၉။ ရေမိလ္လာစနစ်အား ရေနှင့်သန့်ရှင်းမှုဌာန၏ ခွင့်ပြုချက်ရရှိမှသာ ဆောင်ရွက်ရမည်။

၁၀။ မည်သည့်မြို့နယ်တွင်မဆို (Pile Foundation) ဆောင်ရွက်မည် ဆိုပါက မိမိပိုင်နယ်နိမိတ်အတွင်း အနည်းဆုံး ၂ပေခွာ၍ ဆောင်ရွက်ရမည်။ (သို့) အဆောက်အအုံနှင့် ကုန်ဌာန၏ သတ်မှတ်ညွန်ကြားချက်အတိုင်း ဆောင်ရွက်ရမည်။

၁၁။ မိလ္လာကန် (Septic Tank)အတွက် မိမိပိုင်မြေအတွင်းအနည်းဆုံး ၆ပေ ချန်၍ ဆောက်လုပ်ရမည်။ မိလ္လာပိုက်လိုင်းများအတွက် အနောက်ဖက်တွင် အသားတင်၄ပေ ချန်ရမည်။ သို့တည်းမဟုတ် ရေနှင့်သန့်ရှင်းမှုဌာန၏ သတ်မှတ်ညွန်ကြားချက်အတိုင်း ဆောင်ရွက်ရမည်။

၁၂။ အရေးပေါ်ထွက်ပေါက်လှေခါးကို မိမိပိုင်မြေအတွင်းတပ်ဆင်ရမည်။

၁၃။ (၂)ထပ် ထက်ပိုသောအဆောက်အအုံများကို သံကူကွန်ကရစ် (သို့) သံထည်အဆောက်အအုံ (Steel Structure) ဖြင့် ဆောက်လုပ်ရမည်ဖြစ်သည်။

၁၄။ အဆောက်အအုံဆောက်လုပ်ရာတွင် မိမိပိုင်နယ်နိမိတ်အတွင်း ဆောက်လုပ်ရမည်။ စည် ပင်မြေဖြစ်သည့် နောက်ဖေးလမ်းကြား၊ ဘေးလမ်းကြား၊ လမ်းနယ်များနှင့် ဘေးကပ်လျက် မြေကွက်များသို့ ကျူးကျော်ဆောက်လုပ်ခြင်းမပြုရပါ။

၁၅။ ကော်မတီမှ အခါအားလျော်စွာ သတ်မှတ်သည့်နေရာများတွင် သတ်မှတ်သည့် အမြင့်အထိသာ ဆောက်လုပ်ရမည် ဖြစ်ပါသည်။

ကျွန်တော်များ LOYAL Professional Engineering Group မှ ချစ်သော မိတ်ဟောင်းမိတ်သစ် Customers များ ကိုယ်စိတ်နှလုံး ကျမ်းမာချမ်းသာပါစေကြောင်း ဆုမွန်ကောင်းတောင်းလိုက်ပါသည် ခင်ဗျာ ။

From The First Step .... Toward Success

ပထမဆုံးခြေလှမ်းမှသည် ... အောင်မြင်ခြင်းဆီသို့

Types of Piles and Their StructuralCharacteristics ( ပိုင်အမျိုးအစားများ ) ...............................................
26/04/2022

Types of Piles and Their Structural
Characteristics ( ပိုင်အမျိုးအစားများ ) ................................................................

ထမ်းဆောင်ရမယ့် load အမျိုးအစား ၊ အောက်ခံမြေလွှာအခြေအနေ နဲ့ မြေအောက်ရေမျက်နှာပြင်ပေါ်မူတည်ပြီးpiles အမျိုးမျိုးကို အသုံးပြု ကြပါတယ် ။ Piles များကိုအောက်ပါအတိုင်း ခွဲခြားနိုင်ပါတယ် ။

(1) Steel piles
(2) Concrete piles
(4) Composite piles ( ပေါင်းစပ်ပိုင် )

Steel Piles ....................................

ယေဘုယျအားဖြင့် Steel piles တွေပာ pipe pilesတွေ rolled steel H-section piles တွေဖြစ်ပါတယ် ။ ထိပ်အဝနှစ်ဖက်လုံး ပိတ်ပြီးပဲဖြစ်ဖြစ် ဖွင့်ပြီးပဲဖြစ်ဖြစ် pipe piles တွေကို မြေကြီးထဲရိုက်သွင်းနိုင်ပါတယ် ။ တခြား piles အဖြစ်အသုံးပြု နိုင်တဲ့ပာတွေကတော့ Wide-fl**ge beams တွေနဲ့ I-section
beams တွေပါ ။ ဒါပေမယ့် H-section piles တွေကို ပိုအသုံးများပါတယ် ။ ဘာလို့လဲဆိုတော့ H-sectionတွေရဲ့ Web အထူနဲ့ Fl**ge အထူတွေက တူလို့ပါ ။

Wide-fl**ge နဲ့ I-section beams တွေမှာဆို
ရင် web က fl**ge ထက် ပါးပါတယ် ။ များသောအားဖြင့် pipe piles တွေကို မြေကြီးထဲရိုက်သွင်းပြီးနောက် pipe ခေါင်းထဲကို concrete တွေလောင်းပါတယ် ။

Steel piles တွေရဲ့ allowable structural
capacity ကိုရှာတဲ့ပုံသေနည်းကတော့ -

Q ( allowable ) = A ( steel ) × F ( steel )

ဖြစ်ပါတယ် ။

Q = steel pile ရဲ့ခံနိုင်အား
A= steel pile ရဲ့ လုံးပတ် ဧရိယာ
F= steel အမျိုးအစားရဲ့ ခံနိုင်အား

လိုအပ်ရင် steel piles တွေကို ဂပော ( သို့ )
သံမှိုတွေနဲ့ ဆက်ပေးရပါတယ်။ကျောက်စရစ်(gravel)တွေသိပ်သည်းနေတာမျိုး ယှေလကျောက် (shale )တွေရှိနေတာမျိုး စတဲ့မာကျောတဲ့အခြေအနေမျိုးတွေမှာ Steel piles တွေပာ ရိုက်သွင်းရခက်နေတတ်ပါ
တယ် ။ အဲ့လိုအခြေအနေမျိုးတွေမှာ မြေကြီးထဲကို ရိုက်သွင်းမယ့်ဘက် pile ရဲ့ထိပ်မှာ အချွန် ( drivingpiles ) တွေ ခြေနင်း/ဖိနပ် ( shoes) တွေ တပ်ဆင်ပေးနိုင်ပါတယ် ။

Steel piles တွေက သံကြေးတက်နိုင်တယ် ။ ဥပမာရွှံ့ညွှန် ( swamps ) မြေဆွေး(peats) နဲ့တခြားorganic soils တွေပာ သံကြေးတက်စေပါတယ် ။pH-7 ထက်ကျော်လွန်တဲ့ မြေကြီးတွေကတော့ သံကြေးသိပ်မတက်စေပါဘူး ။ သံကြေးတက်မှုကိုလျှော့ချဖို့အတွက်steel ရဲ့အထူကိုထပ်တိုးလိုက်လို့ရပါတယ် ။ များသောအားဖြင့် စက်ရုံမှာကတည်းက သံကြေးမတက်အောင်
piles တွေကို epoxy တွေသုတ်လိမ်းထားတတ်ပါတယ်။Pile ရိုက်သွင်းတဲ့အခါမှာလည်း အဲဒီကြို တင်သုတ်လိမ်းထားတဲ့ epoxy တွေက အလွယ်တကူ ပျက်စီးခြင်းမရှိပါဘူး ။ သံကြေးတက်မှု အများဆုံးဖြစ်နိုင်တဲ့မြေနေရာဇုန်
တွေမှာ steel piles တွေကို concrete နဲ့ဖုံးအုပ်
ထားခြင်းဖြင့်လည်း သံကြေးတက်ခြင်းကို ကာကွယ်နိုင်တယ် ။

Concrete Piles ( ကွန်ကရစ်ပိုင် ).............................................................

Concrete piles တွေကို အခြေခံအားဖြင့် ( ၂) မျိုးခွဲခြားနိုင်ပါတယ် ။

(1) Precast piles
( 2 ) Cast-in-situ piles

( 1) Precast piles ( ကြို တင်လောင်းပိုင်)............................................................

Precast piles တွေကို ပုံမှန် အားကူသံချောင်း
ထည့်ပြီးသွန်းလောင်းနိုင်ပါတယ် ။ စတုရန်းပုံ အဋ္ဌဂံပုံ လုံးပတ်လိုမျိုးပေါ့ ။ အားကူသံချောင်းထည့်တာကတော့ မတင်တဲ့အခါ သယ်ဆောင်တဲ့အခါ နဲ့ vertical load ကြောင့်ဖြစ်တဲ့ကွေးညွှတ်မှု တွေ lateral load ကြောင့်ဖြစ်တဲ့ကွေးညွှတ်မှု တွေကို ခံနိုင်ရည်ရှိအောင်လို့ပါ ။ အလုပ်ခွင်
ကို မသယ်ဆောင်ခင် piles တွေကို လိုအပ်တဲ့အလျှားအတိုင်း သွန်းလောင်းတယ် ။ ပြီးတော့ အသားသေအောင်လုပ်တယ် ။

ခံနိုင်အားမြင့်တဲ့ steel ချောင်းတွေသုံးပြီး precast
piles တွေကို prestress လည်းလုပ်နိုင်ပါတယ် ။
အဲဒီ steel ချောင်းတွေရဲ့ အမြင့်ဆုံးခံနိုင်အားကတော့260 ksi ( ~ 1800 MN per square M )
ခန့်ရှိပါတယ် ။ Piles တွေကို သွန်းလောင်းနေစဉ်မှာ steel ချောင်းတွေကို 130 - 190 ksi ( ~ 900 - 1300MN per square M ) ခန့် ဆွဲဆန့် ( pre -
tension )လိုက် ပြီး concrete လောင်းထည့်လိုက်
မှာပါ ။ အသားသေသွားပြီးရင် steel ချောင်းတွေကို concrete အရင်းကနေ ဖြတ်ပစ်လိုက်မယ် ။ ဒါဆိုရင်pile section ပေါ်မှာ comressive force တစ်ခုရရှိသွားပြီ ဖြစ်ပါတယ် ။

(2) Cast - in - situ (or)Caast-in-place piles.................................................( ဆိုဒ်လောင်းပိုင် )

Cast-in-situ piles တွေကို ဆောက်လုပ်တဲ့နေရာ
မှာ ပထမဆုံး မြေကြီးထဲတွင်းတူးပြီး နောက် Concreteလောင်းထည့်ပါတယ် ။ လက်ရှိဆောက်လုပ်ရေးလုပ်ငန်းတွေမှာ cast-in-situ piles အမျိုး မျိုးကို အသုံးပြု နေ
ကြပါတယ် ။ အများစုကတော့ သူတို့ရဲ့ထုတ်လုပ်တည်ဆောက်သူတွေက မူပိုင်ခွင့်တင်ပြီးသားတွေပါ ။ Cast-in-situ piles တွေကို ( ၂ ) မျိုး ထပ်ခွဲနိုင်ပါတယ် ။

( a ) Cased piles
(b) Uncased piles

နှစ်ျိုးလုံးမှာ pedestral လို့ခေါ်တဲ့ အောက်ခံ concreteအဖုတစ်ခုစီ ပါရှိနေတတ်ပါတယ် ။

( a) Cased piles (casing ပါတဲ့ပိုင် )...........................................................

Cased piles တွေကို ဆောက်လုပ်ဖို့ လွန်(mandrel) ကိုသုံးပြီး steel casing ကို
မြေကြီးထဲရိုက်သွင်းပါတယ် ။ Pile ကသင့်တော်တဲ့အနက်ကိုရောက်ပြီဆိုရင် လွန် ( mandrel ) ကိုပြန်ထုတ်ပါတယ် ။ ပြီးတော့ casing ထဲကို concrete လောင်းထည့်လိုက်တာပါ ။ Pedestal ဆိုတာကတော့ လောင်းပြီးစ concrete ပေါ်ကို hammer ရိုက်ချလို့ ဖြစ်လာတဲ့ အဖု ( concrete bulb ) တစ်ခုဖြစ်ပါတယ်။

(b) Uncased piles ( casing မပါတဲ့ပိုင် )................................................................

Uncased piles တွေကိုတော့ casing ကိုလိုချင်တဲ့
အနက်ရောက်အောင် ရိုက်သွင်းပြီး concrete လောင်းချခြင်းဖြင့် ဆောက်လုပ်တတ်ပါတယ် ။ Uncased pilesတွေမှာတော့ casing ကို ပြန်ဆွဲထုတ်ပါတယ် ။

ခံနိုင်ဝန်ကိုရှာတဲ့ ပုံသေနည်းတွေကတော့ -

Cased piles (casing ပါတဲ့ပိုင် ) အတွက်................................................................
Q(allowable)=steel( AF) + concrete(AF)

Uncased piles ( casing မပါတဲ့ပိုင်) အတွက်....................................................................
Q(allowable)=(concrete A ) ×(concrete F)

Q= ခံနိုင်ဝန်

steel A = steel ရဲ့ လုံးပတ် ဧရိယာ
steel F = အသုံးပြု တဲ့ steel ရဲ့ ခံနိုင်အား

concrete A = concrete ရဲ့လုံးပတ် ဧရိယာ
concrete F = အသုံးပြု တဲ့ concrete ရဲ့ခံနိုင်အား

တို့ပဲဖြစ်ပါတယ် ။

Composite Piles ( ပေါင်းစပ်ပိုင် ) ........................................................

Composite piles တွေရဲ့ အပေါ်ပိုင်းနဲ့အောက်ပိုင်း
တွေမှာ အသုံးပြုထားတဲ့ပစ္စည်းတွေကမတူကြပါဘူး ။ ဥပမာcomposite piles တွေကို steel နဲ့ concreteတွဲပြီးလုပ်တာရှိသလို timber နဲ့concrete လည်းတွဲပြီးလုပ်ပါတယ် ။ Steel နဲ့ concrete တွဲပြီးလုပ်တဲ့piles တွေမှာ အပေါ်ပိုင်းက concrete ဖြစ်ပြီး အောက်ပိုင်းက steel ဖြစ်ပါတယ် ။ Pile အလျားပာ ရိုးရှင်းတဲ့cast-in-place concrete piles ( ဆိုဒ်လောင်း)တွေရဲ့ခံနိုင်အားထက်ပိုပြီး လုံလောက်တဲ့ bearing ကို လိုအပ်တဲ့အခါ ဒီလို pile အမျိုးအစားကိုသုံးတတ်ပါတယ် ။

Timber နဲ့ concrete ပေါင်းစပ်တဲ့ piles တွေမှာ
ဆိုရင်တော့ အပေါ်ပိုင်းက concrete ဖြစ်ပြီး အောက်ပိုင်းက timber ဖြစ်ပါတယ် ။ အောက်ပိုင်းက timber ပာ permanent water table ရဲ့အောက်မှာထားပြီး တည်ဆောက်ပါတယ် ။

ဘယ် case မဆို မတူညီတဲ့ ပစ္စည်းနှစ်ခုကြား သင့်
တော်တဲ့ အဆက် ( proper joints ) တွေဖြစ်ဖို့ဆို
တာ ခက်ခဲပါတယ် ။ ဒါ့ကြောင့် composite piles
တွေကို သိပ်မသုံးကြပါဘူး ။

ကျွန်တော်များ LOYAL Professional Engineering Group ကို ယုံကြည်မှုနှင့် အားပေးခဲ့ကြသော မိတ်ဟောင်း မိတ်သစ် Customers များအားလုံး စိတ်ကျန်းမာ ကိုယ်ချမ်းသာ နှင့် စီးပွားရေးများ ဒီထက်မက တိုးတက်ပြီး အသက်ရှုတိုင်း ငွေတွေ၀င်ပါစေကြောင်း ကျွန်တော်များ LOYAL Professional Engineering Group မှ ဆုမွန်ကောင်း တောင်းလိုက်ပါသည်ခင်ဗျာ ။

From The First Step ... Towards Success

ပထမဆုံးခြေလှမ်းမှသည်... အောင်မြင်ခြင်းဆီသို့

Address

Pinlon Road
Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+959793772458

Website

Alerts

Be the first to know and let us send you an email when LOYAL Professional Engineering Group posts news and promotions. Your email address will not be used for any other purpose, and you can unsubscribe at any time.

Shortcuts

Share

Category