08/08/2026
ဆိုလာစွမ်းအင်ရဲ့ နောက်ခံသမိုင်းကြောင်း
လူသားတွေ နေရောင်ခြည်ကို ဘယ်ကစ အသုံးပြုခဲ့လဲ?
ဆိုလာပြားတွေက ဘယ်ချိန်ကစ တီထွင်ဖန်တီးခဲ့လဲ?
ယနေ့ခေတ်မှာ ဆိုလာပြားတွေက စွမ်းအင်ကဏ္ဍမှာ လူကြိုက်များ ရေပန်းစားနေပေမယ့်....
တချိန်က ....
နေရောင်ခြည်ကနေ လျှပ်စစ်ထုတ်ယူရရှိတဲ့ ဆိုလာပြားတွေ ဖြစ်လာဖို့ ကြာရှည်တဲ့ သမိုင်းနောက်ခံတွေ ရှိခဲ့ပါတယ်
လွန်ခဲ့တဲ့ ဆယ့်ငါးနှစ် ပတ်ဝန်းကျင်အတွင်းမှာ ဆိုလာပြားတွေရဲ့ စျေးနှုန်း ထိုးကျလာ သလိုပဲ
" ဆိုလာပြားတွေ "လို့ ဆိုလိုက်တာနဲ့......
အရင်က အထင်အမြင် နဲ့ ယခုခေတ် အထင် အမြင် ဟာ ဆယ့်ငါးနှစ်ပတ်ချာလည်အတွင်းမှာ သိသိသာသာကွဲပြားသွားပါပြီ
ဘာကြောင့်လဲ?ဆိုတော့ အချိန်ကြာလာတာနဲ့အမျှ
တိုးတက်လာတဲ့ နည်းပညာတွေကြောင့်ပဲ ဖြစ်ပါတယ်
ကဲ လွန်ခဲ့တဲ့ရာစုနှစ်တွေက ဆိုလာပြားတွေရဲ့မူလအစ ဆိုလာစွမ်းအင်နဲ့ silicon solar technology တွေအကြောင်း လေ့လာ လိုက်ကြရအောင်....
နေစွမ်းအင်ကို ဘယ်တုန်းကစပြီး အသုံးပြုခဲ့တာလဲ ?
ဘီစီ ၇ရာစု အစောပိုင်းမှာ လူသားတွေက မှန်ဘီလူးကနေ မီးအပူရရှိခြင်းဖြင့် နေရောင်ခြည်စွမ်းအင်ကို စတင်အသုံးပြုခဲ့ပါတယ်
ဘီစီ ၃ရာစု မှာတော့ ဂရိနဲ့ ရောမတွေက ဘာသာရေးပွဲတော်တွေမှာ မီးရှုးမီးတိုင်တွေကို အလင်းရဖို့ မှန်တွေမှ တဆင့် နေစွမ်းအင်ကို ရယူအသုံးပြုခဲ့ပါတယ်
အဲ့မှန်တွေကို " burning mirrors" လို့ ခေါ်ဝေါ်ခဲ့ကြပြီး အချိန်ကြာလာတာနဲ့အမျှ ပုံမှန်အသုံးပြုတဲ့ ကိရိယာတွေ ဖြစ်လာခဲ့ပါတယ်
တရုတ်လူမျိုးတွေ လည်း အေဒီ ၂၀ နှောင်းပိုင်းမှာ အလားတူ အသုံးပြုခဲ့ကြပါသေးတယ်
ရှေးခေတ်နေစွမ်းအင်ကို အသုံးပြုတဲ့နည်းလမ်းတစ်ခုကတော့ "sunrooms " concept လို့ခေါ်တဲ့ အခန်းတစ်ခုထဲမှာ ပြတင်းပေါက်တွေ အထပ်ထပ် ကာရံထားပြီး တနေရာထဲကိုပဲ နေအလင်းရောင်တိုက်ရိုက်ကျစေတဲ့ နည်းလမ်းလဲ အသုံးပြုခဲ့ကြပါသေးတယ်
၁၇၀၀နဲ့၁၈၀၀ နှောင်းပိုင်းမှာ သိပ္ပံပညာရှင်တွေဟာ နေရောင်ခြည် သုံးပြီး ဒယ်အိုးတွေကို အပူပေးတဲ့ နည်းလမ်းကို ရာစုနှစ်တစ်ခုထိ အသုံးပြုခဲ့ကြပါတယ်
ထို့အတူ နေ စွမ်းအင်ကိုအသုံးချပြီး ကမ်းခြေနဲ့ မြစ်တွင်းသွားလာတဲ့ မီးသင်္ဘောတွေကိုလဲ အောင်အောင်မြင်မြင် ဖန်တီးအသုံးပြုခဲ့ပါသေးတယ်
ဆိုလာပြားတွေ မဖြစ်ပေါ်ခင်ကတည်းက နေစွမ်းအင်ကို အသုံးပြုလာခဲ့တာ နှစ်သောင်းချီခဲ့တာကို တွေ့လာရမှာပဲဖြစ်ပါတယ်
ဒါဆို ဆိုလာပြားတွေ ဘယ်ချိန်မှာ တီထွင်ဖန်တီးခဲ့တာလဲ?
အရှင်းဆုံးပြောရရင် ဆိုလာပြားတွေရဲ့နည်းပညာတိုးတက်မှုဟာ သမိုင်းတလျှောက် များစွာသော ပညာရှင်တွေ တွေ့ရှိခဲ့တဲ့ နည်းပညာတွေနဲ့စုစည်း ဖြစ်ပေါ် လာတာပါ
ဒါ့ကြောင့် ဘယ်သူစတီထွင်ခဲ့တာလဲ ဘယ်သူ့ကို အသိမှတ်ပြု ရမလဲဆိုတဲ့အငြင်းပွားမှုအချို့ရှိခဲ့ပါတယ်
တချို့တွေက
ပြင်သစ်လူမျိုး Edmond Becquerel က စတင်တီထွင်ခဲ့တာလို့ ဆိုကြပါတယ်
သူက Medal electrodeနှစ်ခုကို ထားလိုက်ပြီး အလင်းရောင်တိုက်ရိုက်ကျစေပြီး လျှပ်ကူးခြင်းဖြင့် လျှပ်စစ်စွမ်းအင် ရရှိနိုင်ကြောင်း " Photovotaic effects "တွေ့ရှိခဲ့ပါတယ်
ဒီ တွေ့ရှိမှုမှ တဆင့် နောက်ပိုင်း တိုးတက်မှုတွေ ဆင့်ကဲ လာတာပဲဖြစ်ပါတယ်
၁၈၇၃ခုနှစ်မှာ Willloughby Smithက seleniumတွေမှာ အလင်းအားဖြင့် လျှပ်ကူးနိုင်တာကိုတွေ့ရှိခြင်းမှ တစ်ဆင့် ၁၈၇၆ ခုနှစ်မှာ William Grylls Adams` နဲ့ Richard Evans Day`s တို့ဟာ နေရောင်ခြည် ထိတွေ့ပြီး selenium မှ လျှပ်စစ်စွမ်းအင်ကို ဖော်ထုတ်ရရှိခဲ့ပါတယ်
၁၈၈၃မှာ Charles Fritts က ဆီလီနီယမ်အထပ်ထပ်ပါတဲ့ အလွှာပြားတွေကိုပြုလုပ်ပြီး ပထမဆုံး ဆိုလာဆဲလ်တွေကို ဖန်တီးနိုင်ခဲ့ပါတယ် ဒါ့ကြောင့် တချို့လူတွေက Charles fritts ကိုလဲပဲ creditပေးခဲ့ပါသေးတယ်
သို့ရာတွင် ယနေ့ခေတ်ဆိုလာတွေဟာ ဆီလီနီယမ် တွေနဲ့ မဟုတ်ပဲ ဆီလီကွန်တွေနဲ့ပြုလုပ်ထားတာဖြစ်ပါတယ်
ဒါ့ကြောင့် ၁၉၅၄ ခုနှစ်က
Daryl Chapin, Calvin Fuller, Gerald Pearson's တို့ရဲ့ silicon Photovotaic cell ဖန်တီးမှု ကို ပထမဆုံးတီထွင်မှုလို့လဲ တချို့သူတွေ ခရက်ဒစ်ပေးခဲ့ကြ သတ်မှတ်ခဲ့ကြပြန်ပါတယ်
မည်သို့ပင်ဆိုစေကာမူ Solar energy technology
ဟာ နှောင်းခေတ် ပညာရှင်အသီးသီးမှ ပေါက်ဖွားလာတဲ့ အသီးအပွင့်တွေကို ကျွန်တော်တို့ လက်ဆင့်ကမ်းပြီး အသုံးပြု လာနိုင်တာပါ
ဒီထက်ပိုမိုကောင်းမွန်မြန်ဆန်တဲ့ ဆိုလာနည်းပညာတွေလဲ အချိန်နဲ့အမျှ ထွက်ပေါ်လာနိူင်ပြီး
တနိုင်ငံလုံး အတိုင်းတာနဲ့ စျေးနှုန်းသက်သာစွာ အိမ်တိုင်းအိမ်တိုင်းမှာ အသုံးပြုလာနိုင်တော့မယ့် အနာဂတ်လဲ ရှိလာတော့မှာပါ
