Kanaung Engineering, Yangon (2026)

05/10/2025

မေး ။ ။ Australia မှာ Lightning Protection System အတွက် ဘယ် Standard ကိုသုံးကြ အကိုးအကားပြုကြပါလဲ။

ဖြေ ။ ။ လက်ရှိမှာတော့ AS 1768_2021 ကိုအသုံးပြုနေကြပါတယ်။

မေး ။ ။ AS 1768_2021 က စင်ကာပူ Code SS 555 IEC 62305 တို့နဲ့ ဘာကွာပါသလဲ။

ဖြေ ။ ။ AS 1768_2021 က (အရင် Code အဟောင်းကို 1991 ကို 2003 မှာ supersed လုပ်ပြီး IEC 62305 ကိုကိုးကားပြီး အသစ်ပြန်ရေးတယ်လို့သိထားပါတယ်။ စင်ကာပူ Code SS 555 ကတော့ IEC ကနေ 98% လောက်ထိကူးယူအသုံးပြုတာဖြစ်ပြီးတော့ AS 1768 ကတော့ IEC ရဲ့ Concept ကိုပဲယူပြီး locally suit ဖြစ်အောင်ပြန်ရေးထားတာလို့ယူဆရပါတယ်။

Risk Assessment ပိုင်းမှာတောင်မှပဲ အလုံးစုံကူးယူတာမျိုးမပြုပါဘူး။ ပုံ (1) ပုံ (2) တို့ကိုလေ့လာကြည့်ရင် IEC 62305 ရဲ့ RA နဲ့ အလုံးစုံမတူတာကိုသတိထားမိပါမယ်။

မေး ။ ။ AS 1768_2021 က လေ့လာဖို့ခက်ခဲအချိန်ယူရနိုင်ပါသလား။

ဖြေ ။ ။ Code တွေတိုင်းကတော့ အချိန်ပေးပြီးဖတ်မှ ဂဃနဏ နားလည်နိုင်တာမျိုးဖြစ်ပါတယ်။ IEC 62305 ကိုသေချာစွာလေ့လာထားရင် သူ့ကိုအကိုးအကားယူထားတဲ့ AS 1768_2021 က မခက်နိုင်ပါဘူး။

11/08/2025

ပို့စ်တွေကိုရေးပေးနေတာက ခုမှလောကထဲဝင်ရောက်လာသူ လူငယ် ရေခြားမြေခြားမှာစွန့်စားပြီးသက်မွေးဝမ်းကြောင်းပြုရာမှာ အခက်အခဲမရှိစေဖို့ ရည်ရွယ်ပါတယ်။ နိုင်ငံရေးကလဲကောင်းမနေတော့ ရေးဖို့အာသီသလည်း သိပ်မရှိပေမယ့် မေးသူရှိလာရင်တော့ အချိန်ရရင် ရသလိုရေးပေးနေပါတယ်။ အပြည့်စုံဆုံးသောပို့စ်တွေ့မဖြစ်နိုင်သော်လည်း ပို့စ်ရေးရာမှာ ကိုးကားချက်တွေကို ရနိုင်သမျှကိုးကားပြီး အတတ်နိုင်ဆုံး အမှားအယွင်းနည်းအောင် ရေးပေးပါတယ်။

ရေးသူရဲ့ရည်ရွယ်ချက်က တကယ့်သိဖို့လိုအပ်တဲ့လူငယ်တွေအတွက် အဓိကရည်ရွယ်တာမို့ share မယ်ဆိုပါရင်လည်း only me သို့ friend only တို့လို share တာတွေက ပို့စ်ရေးသူရဲ့ ရည်ရွယ်ချက်ကို contribute လုပ်တဲ့သဘောမပါတာကြောင့် share မယ်ဆိုရင် public share လုပ်ဖို့တိုက်တွန်းချင်ပါတယ်။ အားလုံးနားလည်လက်ခံနိုင်မယ်လို့ယူဆပါတယ်။

အလုပ်အကိုင်အဆင်ပြေပြီး ရန်သူမျိုးငါးပါး ကပ်သုံးပါးမှ ကျော်လွှားနိုင်ကြပါစေ မသူတော်တွေနဲ့ဝေးကြပါစေ။

09/08/2025

မေး ။ ။ Dry Riser Hydraulic Calculation ကို FHC နဲ့ဆိုဘယ်လိုတွက်ချက်ရမလဲ။

ဖြေ ။ ။ Dry Riser အတွက် Hydraulic Calculation ကို FHC သုံးပြီးတွက်ဖို့တော့မလိုအပ်ပါဘူး။ Simple Hydraulic Calculation တွက်ထုတ်ပေးရင်လုံလောက်ပါတယ်။ FHC ပဲသုံးသုံး Simple Calculation ပဲတွက်တွက် Designer တစ်ယောက် အနေနဲ့ ပထမဆုံးနားလည်ထားသင့်တာက Code တွေ Standard တွေအပြင်လက်တွေ့ မှာ မီးဘယ်လိုသတ်ကြသလဲဆိုတာနဲ့ Fire Fighting Jets တွေကိုဘယ်လိုအသုံးပြု ကြသလဲဆိုတာမျိုးအပြင် Jets တွေရဲ့ Specifications တွေနဲ့ Performance တွေအကြောင်းဖြစ်ပါတယ်။

Jets တွေကိုအမျိုးအစားခွဲရင် Handheld Jets တွေနဲ့ Monitors တွေရယ်လို့ အကြမ်းအားဖြင့်ခွဲခြားနိုင်ပါတယ်။ Handheld Jets တွေက 750 l/min လောက်အထိအများဆုံး Water Demand ရှိတတ်ပြီး Pressure အနဲဆုံး 3.5 bar လောက်လိုအပ်ပါတယ်။ Monitor Jets တွေကတော့ 750 l/min ကနေ 2400 l/min လောက်ထိလိုအပ်ပြီး Pressure အနဲဆုံး 5.5 bar လောက်ထိလိုအပ်ပါတယ်။ Handheld Jets တွေကို Throw Range 35 မီတာလောက် အထိသုံးလေ့ရှိိကြပြီး Monitor Jets တွေကိုတော့ Long Throw Range 50 မီတာ အထက်သုံးဖို့ရည်ရွယ်ကြပါတယ်။

Jets တွေရဲ့ Pattern နဲ့ဆိုရင် Solid Jet (Straight Stream) Spray Jet (Fog or Mist Stream), Combined Jet (Combination of Solid and Mist Stream), Water Curtain or Protective Jet, Foam Jets တွေရယ်လို့ အသုံးပြုပုံအလိုက်ခွဲကြပါတယ်။ ဘယ်လိုပဲ Jet Pattern ကိုပဲသုံးသုံး (Long Throw Range အတွက်) ကလွဲရင် Water Demand 750 l/min ထက်ပိုမလိုဘူးလို့ ဖတ်မိမှတ်မိတဲ့ Spec တွေအရသိရပါတယ်။ ဒါကြောင့်လဲ BS 9990 မှာ 750 l/min ပဲတောင်းထားတာကိုတွေ့ရမှာပါ။ BS 9990 မှာ 750 l/min နဲ့ Lading Valve 2 ခုစာ 1500 l/min ဒီလိုတောင်းပေသည့်တိုင်အောင် စင်ကာပူ Standard SS 575 မှာတော့ Landing Valve 3 ခုစာ (760 l/min x 3 = 2280 l/min သို့ 38 l/sec) လို့သတ်မှတ်ပါတယ်။

Dry Riser တွေကို BS Standard က အဆောက်အဦးအမြင့် မီတာ 50 အထိသတ်မှတ်ခွင့်ပြုထားပြီး စင်ကာပူကုဒ်အရတော့ မီတာ 60 အထိခွင့်ပြုထားပါတယ်။ NFPA 1901 အရ 3000 gpm (12,000 l/min) ထက် Flow Rate (capacity) မများတဲ့ Fire Engine Pump တွေဟာ 150 psi (10 bar) မှာ 100% rated capacity ရှိရမှာဖြစ်ပြီး၊ 200 psi (14 bar) မှာ 70% rated capacity ရှိရမှာဖြစ်ပါတယ်၊ 250 psi (17 bar) မှာဆိုရင် 50% rated capacity ရှိရမှာဖြစ်ပါတယ်၊ အဓိပ္ပါယ်က 17 bar လောက်အထိ ကောင်းကောင်းအလုပ်လုပ်နိုင်ပါသေးတယ်၊ သို့ပါသော်လည်း Code တွေ Standard တွေက လက်တွေ့ မှာတွေ့ကြုံရနိုင်တဲ့ အခြေအနေအရပ်ရပ် ကိုပါထည့်သွင်းစဥ်းစားထားတာကြောင့် BS Standard မှာ Dry Riser ရဲ့ Operating Pressure ကို 12 bar လို့သတ်မှတ်ပါတယ်။ SS 575 မှာတော့ Dry Riser ရဲ့ Design Pressure ကိုအတိအကျသတ်မှတ်တာမျိုးမတွေ့ရပေသည့်တိုင် SSCP52 ကနေယူသုံးရင် 10 bar လို့ယူဆသော်သင့်ပါတယ်။ SS 575 2.3.1.2 (c) မှာတော့ BI ကနေ Most Remote LV အထိ losses တွေအပါအဝင် Total Pressure 6 bar လို့သတ်မှတ်ပါတယ်။ 6 bar + Pdrop Across LV 0.5 bar + min LV Outlet Pressure 3.5 bar = Total Source Pressure 10 bar Maximum လို့ယူဆတာသင့်တော်ပါတယ်။

BS 5041 အရ Landing Valve တွေအတွက် Pressure Preference 4.5 bar လို့သတ်မှတ်ထားတော့ BS 9990 အတိုင်း Design လုပ်မည်ဆိုပါက Building Height 50m အတွက် Static Head 5 bar + LV Outlet Pressure Provision 4.5 bar + Installation Pressure Losses = 12 bar လို့ယူဆလိုက်ပါက Installation Losses အတွက် Allowance 2.5 bar လောက်ကျန်နေပါသေးတယ်။ SS 575 အတိုင်း Design လုပ်မည်ဆိုပါက BI ကို Riser ရဲ့ vertical position နဲ့အနီးဆုံးအနေအထား PG 2 အဆောက်အဦးတွေမှာဆို 12m horizontal run ထက်မကျော်စေရဘူးလို့ သတ်မှတ်ထားပါတယ်။ တကယ်လို့သတ်မှတ်ချက်နဲ့ မလိုက်နာနိုင်တဲ့ အခြေအနေမှာဆိုရင် တော့ Hydraulic Calculation လုပ်ပြီးတော့ SCDF မှာ Consultantion Record မှတ်တမ်းယူတာမျိုးဖြစ်စေ လိုအပ်ရင် Waiver ယူတာမျိုးဖြစ်စေ Installation မလုပ်ခင်ကထဲက ကြိုတင်ပြင်ဆင်ဖို့လိုအပ်ပါတယ်။ Hydraulic Calculation လုပ်ရင် Design Flow (27 l/sec သို့ 38 l/sec) အလိုက် BI ကနေ Most Remote LV အထိ Total Pressure (Installation Losses တွေအပါအဝင်) 6 bar (60m head) အထိပဲခွင့်ပြုတာမို့လို Static Head (Most Remote ရဲ့ Elevation) 60m height အထိ Design လုပ်ဖို့ မဖြစ်နိုင်တော့ပါဘူး။ FHC လိုမျိုး Software ကိုသုံးပြီး တွက်ချက််မည်ဆိုပါက Landing Valve မှာဖြစ််မည့် Pressure Drop ကိုပါထည့်တွက်ပါက 760 l/min ( 760 x 3 LVs = 2280 l/min) မှာ 0.6 bar လောက် drop ဖြစ်ဖြစ်မှာဖြစ်ပြီး Most Remote LV မှာ အနည်းဆုံးရှိသင့်တဲ့ Outlet Pressure 3.5 bar အတွက်အပါအဝင် တွက်ချက်စဥ်းစားဖို့လိုအပ်ပြီး Maximum Source Pressure Allowance 10 bar ဆိုတဲ့အခြေအနေမျိုးယူဆရင်သင့်တယ်လို့သုံးသပ်နိုင်ပါတယ်။ Calculated Required Source Pressure သည် (Fire Engine အများစုဟာ 14 bar လောက်အထိကောင်းကောင်း perform လုပ်နိုင်စွမ်းရှိသော်လည်း SS CP 52 နှင့်ညှိသင့်တာမို့) 10 bar ထက်မကျော်သင့်ဘူးလို့ သုံးသပ်ပါတယ်။

ပုံတွေကတော့ FHC နဲ့ LV 1 လုံးကို အနည်းဆုံး 760 l/m @ min pressure 3.5 bar, Horizontal Run 25m နဲ့ယူဆတွက်ချက်ထားတဲ့ FHC Result ကိုပြပေးထားပါတယ်။ LV တစ်ခုထဲကို 2280 l/min (38 l/sec) နဲ့ယူတွက်ရင်ရောမရဘူးလားမေးစရာရှိပါတယ်။ တကယ့်လက်တွေ့ Fire Fighting တွေမှာရော SS Code ကိုးကားရာ BS Standard တွေအရကြည့်ရင် LV တစ်ခုထဲကနေ 2280 l/min ထုတ်သုံးနဲ့အယူအဆဟာ မသင့်ဘူးလို့ယူဆပါတယ်။ ဒီ FHC calculation မှာ LV ကို Globe Valve လို့ယူဆထားလို့ 65mm dia Globe Valve ရဲ့ Equivalent Length 21.64 m နဲ့ယူထားတာသတိပြုမိဖို့လိုပါတယ်။

မြန်မာပြည်သူပြည်သားအားလုံး ရန်သူမျိုးငါးပါး ကပ်သုံးပါးမှ ကင်းဝေးကြပါစေ။

15/04/2025

မေး ။ ။ High Hazard (Storage) အတွက် In-rack Sprinkler မသုံးချင်လို့ ESFR နဲ့ Design လုပ်ချင်ရင် Area of Design Assumption နဲ့ Design Density ကိုဘယ်လိုယူပြီးတွက်ရပါမည်လဲ။

ဖြေ ။ ။ ESFR ကိုသုံးပြီး Design လုပ်တော့မည်ဆိုရင် ESFR ကိုသုံးရင်ရလာမည့် အားသာချက်တွေ အားနည်းချက်တွေ Installation Requirements Design Requirements တွေကို ဂဃနဏ နားလည်သဘောပေါက်ဖို့လိုအပ်ပါတယ်။ ESFR Sprinkler System က Density/Area ကိုအခြေခံပြီး Design လုပ်ရတာမျိုးမဟုတ်ပါဘူး။ Storage Height အလိုက် Ceiling Height အလိုက် အသုံးပြုဖို့ရွေးချယ်မည့် Sprinkler K Factor အရ လိုအပ်တဲ့ Minimum Sprinkler Operating Pressure ကိုရအောင် Design လုပ်ပေးရတာမျိုးဖြစ်ပါတယ်။ NFPA 13 Chapter 23 ကိုသေခြာဖတ်ဖို့လေ့လာဖို့လိုအပ်ပါတယ်။ နောက်မှ အချိန်ရရင်ရသလို ESFR Sprinkler Design အတွက်အသေးစိတ်ရေးပါအုံးမယ်။

28/03/2025

အချိန်လေးနဲနဲလောက်ပေးနိုင်မယ်ဆိုရင် မိမိသဘောတွေ့တဲ့ပိုစ့်လေးတွေကို public နဲ့ share တာ Page Review လေးတွေရေးပေးတာ Page ကို Follow လုပ်တာလေးတွေ အုပ်တစ်ချပ်သဲတစ်ပွင့်ကူညီပေးကြပါ။

28/03/2025

Fire Sprinkler System Full Hydraulic Calculation

တနေ့ကတင်ထားတဲ့ ပိုစ့် https://www.facebook.com/share/p/19FCXDVEc6/ ရဲ့အဆက်ဖြစ်ပါတယ်။

Full hydraulic calculation လုပ်တော့မည်ဆိုပါက
Most remote အဖြစ်ဆုံး Sprinkler Point လို့ယူဆရတဲ့စီကနေ မိမိ design လုပ်ရမည့် Hazard နှင့် Code ၏လိုအပ်ချက်အရ အနိမ့်ဆုံးရှိရမည့် Density နှင့် Sprinker operating pressure ကိုအခြေခံစဥ်းစားတွက်ချက်ရမှဖြစ်ပါတယ်။ ဥပမာ SS CP52 Ordinary Hazard 2 အရ Design လုပ်မည့်ဆိုပါက Design Area of Assumption 144 SQM နဲ့ Density 5mm/min နဲ့ အခြေခံ စဥ်းစားရာမှာ OH အတွက် maximum coverage area per head 12 SQM ဖြစ်၍ (144/12 = 12 nos. of Sprinker Heads for area of design assumption) 12SQM x 5mm/min = 60 l/min အနဲဆုံး Discharge လုပ်ပေးရမှာဖြစ်ပါတယ်။ Code အရ အနဲဆုံးရှိရမည့် discharge pressure သည် 35kPa (0.35 bar) ရှိရမှာဖြစ်ပေသည့်တိုင် K factor 8.0 (80 Metric) ကို OH တွေအတွက် သုံးပေးရမှာဖြစ်တော့ Or***ce Formula q = K P^0.5 အရဆိုပါက 60 l/min ထွက်ဖို့ 0.563 bar သို့ 56.3 kPa လိုအပ်မှာဖြစ်ပါတယ်။ Sprinkler Pt 1 ကိုစတွက်သည်ဆိုပါက Pt 1 မှာ 60 l/min နဲ့ 56.3kPa ရှိရမှာဖြစ်ပြီး Pt 2 ကနေ Pt 1 အထိ 25mm diameter pipe ကိုဖြတ်သန်းစီးဆင်းရလို့ လျော့ကျသွားမည့် pressure loss ကို Hazen Williams မူရင်း formula နဲ့ဖြစ်စေ P(loss) = K q^1.85 ဖြစ်စေ ဆက်တွက်ပေးပြီး Pt 1 မှာ အနည်းဆုံး ရှိနေရမည့် 56.3 kPa ကိုရဖို့ Pt 2 မှာရှိနေရမည့် pressure ကိုရပါမယ်။ ထို Pt 2 မှာ ရှိနေရမည့် pressure နှင့် Pt 2 က sprinkler အတွက် flow rate q = K P^0.5 အရ q ကိုရမှာဖြစ်ပြီး ထို Pt 1 နဲ့ Pt 2 sprinkler နှစ်ခုပေါင်း Q ကိုတွက်လို့ရပါမယ်။ ထို sprinkler 2 လုံးစာ Q နဲ့ Pt 2 မှာရှိတဲ့ pressure ကနေ Pt 3 မှာရှိရမည့် pressure Pt မှာရှိရမည့် q (flow rate) အလားတူ Pt 4 မှာရှိနေရမည့် pressure နဲ့ flow rate တွေကိုဆက်တွက်ထုတ်နိုင်ပါတယ်။ Pt 4 ကနေ Range A မှာရှိရမည့် flow rate နဲ့ node A မှာရှိရမည့် pressure ကိုတွက်ထုတ်လို့ရပြီးတော့ Range A တစ်စုံလုံးအတွက် K factor ကို or***ce formula ကနေ K = Q/(P^0.5) နဲ့တွက်လို့ရပါတယ်။ ထိုမှတဆင့် node B မှာရှိရမည့် pressure ကိုဆက်တွက်ထုတ်နိုင်ပါတယ်။

Range B အတွက် K ကို ရှေ့ က Range A မှာရှိတဲ့ K နဲ့ အနီးစပ်ဆုံး တူပါတယ်လို့ယူဆလို့ရပါတယ် (တကယ်တော့ မတူပါဘူး Range A မှာက Elbow ကို သုံးထားပြီး Range B မှာက Tee ဖြစ်လို့ equivalent length ကွာပါတယ်၊ ဒါကြောင့် K တန်ဖိုးလည်း အများကြီးမဟုတ်ပေမယ့် အနည်းငယ်ကွဲပါတယ်။ ရှေ့ Range နဲ့ နောက် Range တွေ Configuration မတူရင် K တန်ဖိုးတွေမတူနိုင်လို့ Range B နဲ့ Range C တို့မှာရှိတဲ့ Remote အဖြစ်ဆုံး Pt တွေကနေ Range A မှာတွက်ခဲ့တဲ့အတိုင်း point pressure တွေ flow rate တွေ ဆက်လက်တွက် Range အသီးသီးရဲ့ K ကိုတွက်ပေးရပါမယ်။ Range B မှာရှိတဲ့ flow နဲ့ pressure ကိုရပြီးရင် Range A ကနေ့ node B အထိတွက်လာတဲ့ node B pressure နဲ့ Range B ရဲ့ အစ point ကနေ node B အထိတွက်လို့ရလာတဲ့ pressure နှစ်ခုကိုနှိုင်းယှဥ်ကြည့်ပြီး များတဲ့ pressure ကိုသုံးပြီးတော့ အရင်တွက်လို့ရထားတဲ့ Range Configuration အတွက် K တန်ဖိုးနဲ့ Range တွေရဲ့ flow rate ကိုပြန် balance ပြန်လုပ်ပေးရပါမယ်။

ဒီနေရာမှာဖြတ်ပြီးပြောပြချင်တာက Full Hydraulic Calculation Report တွေမှာ Flow နဲ့ Pressure Tolerance (error) တွေကို ဘယ်လောက်အထိ converged ဖြစ်အာင် (နဲအောင်) တွက်ထားတာလဲဆိုတာမျိုးကို Declaration လုပ်ပေးရမှာဖြစ်ပါတယ်။ NFPA 13 Clause 27.2.2.4.1 နဲ့ SS CP52 13.10 တို့မှာ ခွင့်ပြုပေးနိုင် သတ်မှတ်ချက်လေးတွေကိုတွေ့ရပါမယ် (စာဖတ်စေချင်လို့ မူရင်း code တွေကိုရှာဖွေဖတ််စချင်လို့ ဒီအကြောင်းကိုအသေးစိတ်မရေးတော့ပါဘူး)။

Figure 1 မှာကြည့်ရင် Pressure နဲ့ Flow ကို Balance လုပ်မထားဘဲဆက်တွက်လာခဲ့တော့ Point C မှာရှိနေတဲ့ Pressure နဲ့ Flow တွေက Figure 2 Point C မှာရှိနေတဲ့ (ရှိသင့်တဲ့) Flow နဲ့ Pressure နဲ့ တော်တော်ကြီး ကွာဟသွားတာတွေ့ရမှာပါ။ Point C ကနေ Source အထိကို ဒီကွာဟချက်အမှားအတိုင်းဆက်တွက်သွားခဲ့ရင် Source Pressure နဲ့ Flow တွေဆက်မှားပြီး Pump ရွေးချယ်ရာမှာ Undersized ဖြစ်ဖို့များသွားပါပြီ။

Figure 3 ကိုကြည့်ရင် Node B နဲ့ Node C မှာ Pressure ကိုပြန်ညှိပေးပြီး Flow Range အသီးသီးရဲ့ Flow တွေကိုပါပြန်ညှိပေးပြီးတွက်ထုတ်ထားတာကိုတွေ့ရပါမယ်။

Figure 4 နဲ့ Figure 5 ကတော့ Canute FHC နဲ့တွက်ထုတ်ထားတဲ့ Point အသီးသီးမှာရှိတဲ့ Flow နဲ့ Pressure တွေကို လက်တွက်တွက်ထားနဲ့ ယှဥ်ပြီးကြည့်လို့ရအောင်ပြပေးထားတာဖြစ်ပါတယ်။

Fire Sprinkler System ကိုသေသေချာချာ ဂဃနဏ လေ့လာသင်ယူဆည်းပူး Design လုပ်နိုင်သူဖြစ်စေချင် များလာစေချင်လို့ ဒီပိုစ့်ကိုရေးဖြစ်ပါတယ်။

25/03/2025

တစ်နေ့က Local Project တစ်ခုက Sprinkler Design အတွက် Full Hydraulic Calculation ကို လက်တွက်တွက်ထားတာလေး ကြည့်ပေးပါအုံးဆိုလို့ Point C ထိပဲအကြမ်းကြည့်လိုက်တာ ဟုတ်မလိုလိုနဲ့အဆင်မပြေတာကိုတွေ့ရပါတယ်။ ပုံနဲ့တွက်နည်းကတော့ လွဲနေတဲ့အပိုင်းလေးကို Sample အနေနဲ့တင်ပေးထားတာပါ။ ဘယ်လိုနေရာတွေမှာလွဲနေပါတယ်ဆိုတာကိုနောက်တော့ ပို့စ်လေးအကျယ်ရေးပါအုံးမယ်။ ဘယ်လိုတွေလွဲနေပါသလဲဆွေးနွေးကြည့်စေလိုပါတယ်။

Kanaung Engineering

05/10/2025

11/08/2025

09/08/2025

15/04/2025

28/03/2025

28/03/2025

25/03/2025

Address

Website

Alerts

Shortcuts

Share

Category