07/02/2024
#လျှော့တွက်လို့မရတဲ့ ပလင့်လယ်ဗယ်ကုန်ကျစရိတ်
အများစု ဆောက်လုပ်ရေးလုပ်ငန်း post တွေမှာ
ပလင့်လယ်ဗယ် 1' 6",2' 6" , အဆောက်အဦးအမြင့် မြေညီထပ် 12' , ပထမထပ် 10' , ဒုတိယထပ် 10' စသည်ဖြင့် ရေးတာတွေ့ဖူးမယ်ထင်ပါတယ် ...
ပလင့်လယ်ဗယ် ( Plinth Level ) ဆိုတာဘာလဲ
အဆောက်အဦး ရဲ့ မြေညီထပ်ဧရိယာ တစ်နည်းအားဖြင့် Ground Beam ရဲ့ အမြင့်ထိနေရာ ကိုပြောတာပါ
အိမ်ခုံရဲ့ လမ်းထက်အမြင့် ကိုလည်းခေါ်ပါတယ်
အိမ်ရှေ့က လမ်းမထက် တစ်ချို့အိမ်တွေက နိမ့်နေတာရှိတယ် အဲ့အချိန် ကိုယ့်ရဲ့အိမ်က လမ်းထက်နိမ့်နေရင် မိုးရွာတဲ့အခါ မြေညီထပ် မိုးရေဝင်တာတို့ အိမ်ရှေ့ကရေမြောင်းက အိမ်ခုံထက်မြင့်နေလို့ မြောင်းထဲကရေတွေက အိမ်ထဲ ပြန်စီးတာတို့ဖြစ်တတ်ပါတယ် ဒီအချိန်မှာ အိမ်ခုံကို လမ်းထက်မြှင့်ထားဖို့လိုပါတယ်
ပုံမှန်ယူဆတာက အိမ်ခုံက လမ်းထက် 2' 6" , 1' 6" လက်မ မြင့်တယ်လို့ယူဆပါတယ် ...
ဒါပေမဲ့လက်တွေ့မှာ အိမ်က လမ်းထက် 3' နိမ့်နေတယ်ဆိုရင် လမ်း Lvl ထိရောက်ဖို့ကို အိမ်က 3' မြှင့်ရပါအုန်းပါမယ် ပီးမှ လမ်းထက်မြင့်ဖို့ 2'6" ,1' 6" ထပ်မြှင့်ရပါအုန်းမယ် .. ဒါကြောင့်
အိမ်ခုံက 5' 6" , 4' 6" ထိမြင့်သွားတာမျိုးထိဖြစ်တတ်ပါတယ် ...
အိမ်ခုံမြင့်ပီဆိုရင်
အုတ်စီတာလည်းပိုများလာပါမယ်
ဝမ်းစာဖြည့်တာလည်းပိုဖြည့်ရပါမယ်
ဘိလပ်ကျောက်မှုန့်သဲလည်းပိုကုန်ပါမယ်
ဒါ့အပြင် တိုင်,သံ,ကွန်ကရိလည်း မြှင့်တဲ့အတိုင်းပိုကုန်ပါမယ်
အဲ့တော့ PAE နဲ့ဖြတ်ကြပီဆိုရင် ပလင့်လယ်ဗယ်
ဘလောက်ထိလုပ်ပေးမယ်ဆိုတာထက်
မြေကြီးခြေနင်းကနေအပေါ်ဘနှပေထိမြှင့်ပေးမယ်ဆိုပီး ဖြတ်တာပိုကောင်းပါမယ် (မြန်မာစကားရှုပ်လို့ပါ😅) အဲ့တာဆို ခုနကလိုအိမ်က လမ်းထက်နိမ့်နေတယ်ဆိုရင် မြေကြီးခြေနင်းကနေ ကိုယ်က 2' 6" မြှင့်ပေးတယ်ဆိုရင် ကျန်တဲ့ 5' 6" ထိမြှင့်ချင်လား 6' 6" ထိ မြှင့်ချင်လား လမ်းထက်ဘနှပေပေမြှင့်ချင်ချင် ကုန်ကျစရိတ်ထပ်တိုးတွက်ချက်တောင်းပါမယ်လို့ ပြင်ဆင်သင့်ပါတယ်
မဟုတ်ဘဲ ပလင့် 2' 6" မြှင့်ပေးမယ်ဆိုရင်
မြန်မာစကားရှုပ်တာကြောင့်
အိမ်က လမ်းထက် 3' နိမ့်နေပေမဲ့
ကိုယ်က 3' + Plinth 2' 6" = 5' 6" ထိ
မြှင့်ပေးလိုက်ရတာမျိုးကြုံနိုင်ပါတယ်
ပစ္စည်းဈေးများအလွန်အမင်းဈေးတက်နေမှုကြောင့် ခုကာလမှာ အမှားနည်းအောင်သာ
ဂရုစိုက်လုပ်ဆောင်ကြပါ
အုတ်တစ်ချပ်တောင် ရွှေလို ဂရုစိုက်နေရတဲ့ အနေအထားဖြစ်နေတယ် အရင်ကဆိုတစ်ချပ် 50 လောက် လွှင့်ပစ်လို့ရတယ် အခုက
အုတ်တစ်ခဲကို 150 ကျော် 😅 အုတ်လေးတစ်ခဲကအစ တန်ဖိုးရှိနေတဲ့ခေတ်ဖြစ်နေပီ
ဘာမှမဟုတ်တဲ့ မြောင်းဖုံးလေးတစ်ခုရိုက်
ရင်တောင် 3,4 သောင်းကုန်တဲ့ခေတ်ရောက်နေပါပီ 🥶 အစစ်တောင်း , ဈေးလျှော့တဲ့
ခေတ်က အရင်လို စေတနာဗလပွနဲ့ ပေးရတဲ့
ခေတ်မဟုတ်တော့ဘူးထင်ပါတယ် ...
လက်ခသီးသန့် လုပ်ဆောင်ခြင်း ၊ (သို့)
ကုမ္ပဏီကြီးပေါက်ဈေးအတိုင်း ပစ္စည်းလက်ခ
လုပ်ဆောင်မှသာ ရေရှည်ရပ်တည်နိုင်မယ်
ထင်ပါတယ် မဟုတ်ရင် Ehic ပိုင်းအရ
ထိခိုက်နိုင်တဲ့ လမ်းမှားသော လုပ်ငန်းလုပ်ဆောင်
ခြင်းဖက်ကိုရောက်သွားနိုင်ပါတယ်
ဆောက်လုပ်ရေးမှာ ရေရှည်ရပ်တည်ချင်ရင်
ရေကန်မြင့်ကြာတင့်ဆိုသလို
ပတ်ဝန်းကျင်ဈေးမြှင့်သလို လိုက်မြှင့်ဖို့လိုပါမယ်
ဈေးလိုက်မမြှင့်ဘဲ Quality ခိုရင်
ရေတိုပဲ လုပ်စား ရပါမယ်
ရေရှည်မှာ နာမည်ပျက်ပါမယ် ...
ဘာဝယ်ဝယ် ဈေးဆိုင်တွေက
ဒီကောင်လေး ချောလို့ဆို ဈေးလျှော့မရောင်းပါ 😬
လေဘာတွေကလည်း ခိုင်းသလောက်
ကိုယ့်သားသမီးမဟုတ်လို့ အလကားမရပါ
ပြန်တွက်ကြည့်ရင် လေဘာခ
တစ်ယောက်တစ်သောင်း ခုထိပေါက်တုန်းပါ
ဒါပေမဲ့ လေဘာတွေ အလုပ်လာဖို့ ထည့်ရတဲ့ဆီ အသွားအပြန်ဖိုးက 1000 ကျော်ကုန်တဲ့
ခေတ်ရောက်နေပီ ဘာညာနှုတ်ရင် လေဘာ တစ်ယောက်တောင် တစ်ရက် 5000 ကျန်ဖို့
မနည်းလုပ်စားနေရတယ် ...
အဲ့တာကြောင့် ခုခေတ်မှာ အိမ်ဆောက်မယ်ဆို
ငွေမပိုရင် မဆောက်တာအကောင်းဆုံးပါ
ငွေပိုလို့ဆောက်မယ်ဆိုလည်း Professional fee ပေးရတာကို နှမြောနေလို့မရပါ ....
နောက်မှ အရပ်ဆောက်ဈေးနဲ့ဆောက်ရင်
အရပ်ဆောက် Quality ပဲရတာကိုအပြစ်တင်
လို့မရပါ ....
