Myat Thu Aung

10/05/2024

အင်ယာ မပါပဲ အိမ်ဆောက်မယ်ဆိုရင် RC Beam Size တွေ ဘယ်လိုထားမလဲ မေးတဲ့သူတွက်ကော ဗဟုသုတ အဖြစ်ကော ပြောပြပေးပါ့မယ်။
#ပထမနည်း သူက Beam span 1' ရှည်တိုင်း 1 လက်မ တိုးသော နည်းဖြစ်ပါတယ်။ ဥပမာ Beam span က 10' ရှိမယ် ဆိုကြပါစို့ ၊ Beam depth သည် 10လက်မ ရှိရပါ့မယ်တဲ့။ Beam အရှည် 12ပေ ဆိုရင် 12 လက်မထု ၊ 15' ဆို 15 လက်မထု 18' ဆို 18" ထုပေါ့။ 9×12, 9×15, 9×18 ဒါမျိုးပေါ့။
နောက်တစ်နည်းကလဲ မှတ်ရတာ လွယ်ပါတယ် ။ သူက Beam span ရဲ့ 8% (or) 10% ကို Beamရဲ့ depth ထားရမယ်တဲ့ ။ Beam span 10ပေ ရှိတယ် ဆိုကြပါစို့ ။ 10' ဆိုတော့ လက်မ 120 ရှိပါတယ်။ 120ရဲ့ 8% ဟာ 9.6 ရှိတဲ့တွက် Beam depth ဟာ 9.6 လက်မ ထားရမယ်လို့ ဆိုလိုတာပါ ။ ဒါက Normal အနေအထားပါ ။ ငလျှင်တွက် ဘာတို့ ညာတို့တွက် ပိုလိုချင်ရင် 10% ယူပါ ။ 10' ရဲ့ 10% ဟာ 1' ဖြစ်တဲ့တွက် Beam ဟာ 1ပေ ထု ဖြစ်ရပါ့မယ် ။
နောက်ဆုံးနည်းကတော့ Structure Engineer တွေ မပေါ်ခင်က နည်းပါ ။ ဒါကိုတော့ ပယ်ပါ ။ ဗဟုသုတ ဖြစ် ထည့်ပြောပေးပါ့မယ် ။ သူက Beam span ကို 15 နဲ့ စားသောနည်းပါ ။ Beam အရှည် 15ပေ ရှိတယ် ဆိုကြပါစို့ 15နဲ့ စားသော် 1 ပေ ရပါတယ် ၊ ဒါက Beam ထုပါတဲ့ ။ ဒါကတော့ ပုဂံ A.C.I ပေါ့ 😁။
မေးတဲ့သူတွက်ကော ၊ ရမ်းတုတ်တွေကော မဖြစ်သင့်တာ မဖြစ်အောင်လို့ ဆရာတွေ သင်ကြားသမျှကို ပြန်လည် sharing လုပ်ခြင်းပါ ။
အဓိက တော့ အိမ်တစ်လုံး ဆောက်မယ်ဆို Structure Engineer တွေကို အပ်တာ နောင်ရေးတွက် စိတ်အချရဆုံးပါပဲ။ ကိုယ်တွေမသိသေးတာတွေ သူတို့က သိနေပါတယ်။

အိမ် ဆိုသည်မှာ

19/04/2024

🧱အုတ်ကိုရေစိမ်ခြင်း

🧱အုတ်ကိုရေစိမ်ရတာက ပန်းရံလုပ်ငန်းမှာ အဓိကအကြောင်းရင်းကြီး နှစ်ချက်ရှိတယ်။

🧱ပထမတစ်ချက်တော့ အုတ်ရဲ့မျက်နှာပြင်မှာ မြောက် များစွာ‌ သော ဖုန်တွေဟာ လုံးထွေးနေတတ်တယ် ။တစ်ခါတစ်ရံမှာ ညစ်ပတ်ပေကျံတာမျိုးတွေလည်း ရှိတတ်တယ်။

🧱တကယ်လို့များ အဲ့ဒီဖုန်တွေ ညစ်ပတ်ပေကျံတာတွေကို တိတိကျကျ မှန်မှန်ကန်ကန် ဖယ်ရှားခြင်းမပြုဘူးဆိုရင် အုတ်နဲ့ မဆလာကြားမှာ စေးကပ်ခိုင်မြဲမှု တွဲကပ်မှုမရှိဘူး။

🧱 အကျိုးသက်ရောက် မှုကလည်း အားနည်းတယ်။ ဒါကြောင့်မို့လို့ ညစ်ပတ်ပေကျံနေတဲ့ အုတ်များကို အသုံးပြုပြီး တည်ဆောက်ထားတဲ့ နံရံတွေဟာ တောင့်တင်းကြံ့ခိုင်မာမှုမရှိဘူး။ မလိုအပ်ဘဲနဲ့သူ့မှာ အချိန်ကုန်၊ ငွေကုန်၊ ပစ္စည်းကုန်ပြီးတော့ အက်ရာတွေလဲပေါ်လာတတ်တယ်။

🧱နောက်ထပ်တစ်ချက်က အုတ်က မြေကြီးကိုဖုတ်ထားရတာဖြစ်တဲ့အတွက်ကြောင့်မို့လို့ သူက ရေစုပ်ယူမှုအားကောင်းတယ်။

🧱ခြောက်သွေ့ပြီးတော့ ပွတဲ့အပေါက်ငယ်လေးတွေပါရှိတဲ့ အုတ်ချပ်တွေက မဆလာထဲမှာပါတဲ့ရေကို အလျှင်အမြန် စုပ်ယူသွားတယ်။

🧱ဒါကြောင့််မို့လို့ ဘိလပ်မြေအိပ်စက်ဖို့အတွက် အရေးတကြီးလိုအပ်တဲ့ (water cement ratio ) ကျသွားတယ်။

🧱အဲ့ဒီအတွက်ကြောင့် ဘိလပ်မြေက သူဓာတ်ပြုရမည့်ဖြစ်စဥ် ၊ (Hydration) ဖြစ်စဥ် အနှောက်အယှက်ဖြစ်သွားပြီးတော့ သူက ကောင်းစွာဓာတ်မပြုနိုင်ဘူး။

🧱ပြီးတော့ သရိုးက အင်အားကျဆင်းလာတယ်။
🧱အဲ့ဒီအတွက်ကြောင့်မို့လို့ ကောင်းစွာဓာတ်ပြုနိုင်ဖို့အတွက် အစိုဓာတ် လုံလောက်စွာ သူ့မှာရှိဖို့လိုတယ်။

🧱ဒါ့ကြောင့်မို့လို့ အုတ်ကို ရေဝအောင်စိမ်ပြီးမှ မဆလာနဲ့ စီတဲ့လုပ်ငန်းကို လုပ်ဆောင်သင့်တယ်။

🧱အုတ်ရိုးအတွက် မဆလာဖျော်တဲ့အခါ ရေများလျှင်မဆလာကို ထိုးရကိုင်ရ လုပ်ကိုင်ရတာကောင်းတယ်။Workability ကောင်းတယ်။ဒါပေမယ်လို့ ရေကိုအများကြီးရောရလို့ ဘိလပ်မြေရဲ့ Strength ကို ကျစေတယ် ။
ပြီးတော့ သိပ်သည်းဆကိုလည်း လျှော့ကျစေတယ်။

🧱ဒါကြောင့်မို့လို့ Plaster ချောပြီးတဲ့အခါမှာ မျက်နှာပြင်မှာ အက်ရာလေးတွေကိုလည်း ဖြစ်ပေါ်စေပါတယ်။

🧱ပန်ရံလုပ်ငန်းအတွက် ကောင်မွန်တဲ့မဆလာ ရရှိဖို့တွက်ဆိုရင် ရေရဲ့အရည်အသွေးဟာလည်း အရေးတကြီးထည့်သွင်းစဥ်းစားရမည့်အချက်ထဲမှာ ပါရှိပါတယ်။

🌺Construction လုပ်ငန်းတွေမှာ အသုံးပြုမည့်ရေဟာ ဘယ်လောက်တောင်မှ အရေးကြီးလဲဆိုရင် သူဟာ သန့်ရှင်းကြည်လင်တဲ့ရေ၊ အရသာသိသိသာသာ မရှိတဲ့ရေ၊ သဘာဝတိုင်းအားလုံးနည်းပါးဖြစ်တဲ့ရေကို အသုံးပြုရမယ်လို့ပြောထားပါတယ်။

🌺တကယ်လိုများ ကိုယ်က မဆလာဖျော်တဲ့ခါမှာပဲဖြစ်ဖြစ်၊ ကွန်ကရစ်ဖျော်တဲ့ခါမှာပဲဖြစ်ဖြစ် ေရကိုအသုံးမှုအတွက် ဒီရေဟာ သင့်တော်လား၊ မသင့်တော်ဘူးလားဆိုတာကို စမ်းသပ်ဖို့တွက်ဆိုရင်တော့ Drinking Water သောက်လို့ရတဲ့ရေ နဲ့ နမူနာကုဗတုံးတစ်တုံး စမ်းပြီးဖျော်မယ်။

🧱ပြီးတော့ ကိုယ်တကယ် လုပ်ငန်းခွင်ထဲမှာ အသုံးပြုမည့်ရေကိုယူပြီးတော့ နမူနာကုဗတုံးတစ်တုံးဖျော်မယ်။

🧱အဲ့ဒီ ကုဗတုံးနှစ်ခုကို ( ၇ ) ရက်နဲ (၂၈ ) ရက်ကြာတဲ့အခါမှာ အင်အားစမ်းသပ်မှုတွေလုပ်မယ်။သူတို့ရဲ့ psi စမ်းမယ် ။

🧱 သောက်ရေနဲ့ဖျော်တဲ့ ကုဗတုံးရဲ့ Strength နဲ့ ကိုယ် Site ထဲမှာသုံးမည့်ရေနဲ့ဖျော်တဲ့ ကုဗတုံးရဲ့ Strength ၊ ဒီနှစ်ခုကို နှိုင်းယှဥ့်တဲ့အခါမှာ သောက်ရေနဲ့ဖျော်ထားတဲ့ ကုဗတုံးရဲ့ Strength အတိုင်း အပြည့်မရရင်တောင်မှ သူ့ရဲ့ (၉၀ ) ရာခိုင်နှုန်းနီပါး strength ရ ရှိတဲ့ရေဆိုလို့ရှိရင် ဆောက်လုပ်ရေးလုပ်ငန်းခွင်မှာ အသုံးပြုလို့ရတဲ့ရေဖြစ်ပါတယ်။

အိမ်ဆိုသည်မှာ.crd

17/04/2024

Beam သံချောင်း တစ်ချောင်းဟာ column တိုင်မှာ အဆုံးသက်မယ်ဆိုရင် columnတိုင်ရဲ့ နယ်ကုန် သို့မဟုတ် column tie ကွင်းတွေရဲ့ အပြင်ထိထွက်ပြီးး Hook( ချိတ်) ကွေးထားမှ အားရှိတယ် ထင်တက်ကြပါတယ်။ တကယ်တော့ မဟုတ်ပါဘူးး သံတွေရဲ့ အားတွေဟာ ကြားခံကွန်ကရစ်ကပဲ စီးသွားတာပါ ။
သံက သွားချိတ်မှ အားရှိမယ်ထင်တဲ့ အယူအဆက မှားပါတယ် ။
သံချောင်းတွေဟာ ကွန်ကရစ်ထဲ သေချာနစ်မြုတ်နေစေရန် အရေးကြီးပါတယ်။ ဒါကြောင့် concrete cover ဆိုတာ ထားပေးရတာပါ။
ဘာကြောင့် ကွန်ကရစ် အကာ ထားရတာလဲ ဆိုရင် သံချောင်းအရွယ်အစားး ကွန်ကရစ်ရောစာ ဖြစ်တဲ့ ကျောက်ခဲ အရွယ်အစားတို့ လိုအပ်ချက်နှင့် ကိုက်ညီရန်လည်းကောင်း ၊ သံချောင်းများ သံချေးတက်ခြင်းမှ ကာကွယ်ရန် လည်းကောင်း ၊ မီးလောင်မှု့ဒဏ် ခံနိုင်ရန် လည်းကောင်းး ၊ မျက်နှာပြင် အပြီးသက် လိုအပ်ချက်အရ လည်းကောင်း ထားပေးရတာပါ ။

လိုအပ်သော concrete cover အထူမှာ -

- မြေကြီးနှင့် တိုက်ရိုက်ထိတွေ့မည့် နေရာ (ဥပမာ - footing) - 3"
- Beam & Column. - 1.5" or 2"
- slab. - 1" or 1.5"
စသည်တို့ပါ ။

ဖော်ပြပါ case ဟာဆိုရင် သံချောင်းရဲ့ အဆုံးသက်ပုံ မှားယွင်းနေပါတယ် ။ သံက column အပြင်မှာ သွားချိတ်တဲ့ အတွက် ကွန်ကရစ် အကာ အလွန်နည်းသွားပြီး corrosion (တိုက်စားမှု့) အတွက် ကာကွယ်မှု့နည်းပါးကာ ကြာရှည့်ခံမှု့ကို ထိခိုက်စေမှာ ဖြစ်ပါတယ် ။
con: cover ရအောင် formwork ကာပြီး လောင်းမယ်ဆိုလဲ Column ရဲ့ Position ပျက်စီးသွားမှာပါ ။ အသေးအဖွဲလေးတွေ ဆိုပေမယ့် ဂရုစိုက်စေချင်ပါတယ် ။

Photo Internet

13/04/2024

🔺သံဘာဂျာတံခါးအခြေခံပြုလုပ်ပုံအဆင့်ဆင့်🔺
~~~~~~~~~~~~~~~~
~~~~~~~~~~~~~~~~~
ဆရာဆရာများကျော်သွားပါ

( အပိုင်း၁,၂,၃ မှာ ၇ပေ ဘာဂျာ စ လုပ်မယ်ဆိုပါစို့ )

#သံဘာဂျာတံခါးအခြေခံအပိုင်း၁

1️⃣ ဘာဂျာချန်နယ် ကို အပေါ်ဆုံးမှာ ထိပ်ကနေ ၅လက်မစည်းဆွဲပါ။

အောက်ခြေကနေ ၃လက်မစည်းဆွဲပါ။

အဲ့ဒိစည်း ၂ချောင်းက ပုံသေမရှိပါဘူး။
အပေါက်မြင့်တဲ့အခါမှာ ၅လက်မခွဲထားလည်းရပါတယ်။
အောက်ခြေစည်း ၃လက်မကိုလည်း ပိုသွားလည်းရပါတယ်။

အခု ၅လက်မ နဲ့သုံးလက်မ စည်းကြားမှာ ၇၆လက်မ ကျန်ပါတယ်။

အဲ့ဒါကို ၃ကွက် ထပ်ခွဲပါ။

စည်း ၂ချောင်းထပ်ပေါ်လာပါလိမ့်မယ်။

အခု ဆွဲထားတဲ့စည်း လေးချောင်းဟာ ဒေါက်နေရာပါ။
ဒေါက်ပုံကို ပုံမှာပြထားပါတယ်။

၇၆လက်မကို ၃ကွက်ခွဲရင် တစ်ကွက်မှာ ၂၅လက်မငါးပဲရပါတယ်။

အခု ထွက်လာတဲ့၂၅လက်မငါးပဲ ကို တဝက်စီထပ်ခွဲပါ။
၁၂လက်မ၆မူး၂ပြား စီလောက်ရပါတယ်။

၃ကွက်ကိုခွဲတဲ့အခါ စည်းသုံးကြောင်းထပ်ထွက်ပါလိမ့်မယ်။

အဲ့ဒိစည်း၃ကြောင်းက လေပစ်စည်းတွေပါ။
အဲ့ဒိလေပစ်စည်းတွေက အဓိကကျပါတယ်။
စူးသွားမှားဖေါက်လို့မရပါဘူး။

ခုန ၅လက်မစည်း အပေါ်မှာ ဘောပေါက်အတွက် စည်းထပ်ဆွဲရပါတယ်။

သုံးမဲ့လျှောက်လမ်းနဲ့ သုံးမဲ့ဘောအကျယ်ပေါင်းပြီး ၅လက်မဒေါက်စည်းနဲ့ငါးမူး သုံးမတ်လောက်ခွာထားပါ။

ဘောကို ထိပ်ကနေ ၁မတ် ချပြီးပဲဝေပါတယ်။
တပ်ဆင်တဲ့အခါ လွယ်လို့ပါ။

ဘောကတော့ တစ်ခွဲဘောပါ။
နပ်ကတော့ ငါးပဲ ၂လက်မအရှည်။
ဘောပေါက်တွေကတော့ 8.5ဆူးသွားသုံးပါ။

ခုနလေပစ်စည်းနဲ့ဒေါက်စည်းတွေကို 6.5စူးသွားသုံးပါ။
ဒေါက်တွေကြီးနေရင် 7နဲ့ဖောက်ပါ။
လေပစ်နေရာကတော့ 6.5နဲ့ပဲဖောက်လို့ရပါတယ်။

၇ပေအမြင့်ဘာဂျာ ၉ပေအကျယ်ပဲဆိုပါစို့။
ဘာဂျာချန်နယ်တွက်တာက ၁ပေကို ၃ချောင်းနှုန်းနဲ့တွက်ပါတယ်။

၉ပေဆိုတော့ ၂၇ချောင်းထွက်ပါတယ်။
၂၈ချောင်းထားလိုက်ပါ။
ပိုပီးတော့ထားလည်းရပါတယ်။
အပေါက်ကျယ်ပြီးစျေးမရလို့တချောင်းလေါက် လျော့လည်းရပါတယ်။

အခု ဆိုရင် ကတ်ကြေးအတွက် သုံးမတ်ဖလက်ဖြတ်လို့ရပါပြီး။

ခုန ၂၅ လက်မ ၆မူးကို ဒေါက်စည်းတဘက်စီကနေ ၃မတ်စီခွာဖြတ်ပါ။
ပိုသွားလည်းရပါတယ်။

၂ပေပဲထားလိုက်မယ်။
တစ်ကန့်ကို ၂ပေ ၁၂ချောင်းထွက်လာပါတယ်။
ကြက်ခြေခတ်၂ပြန်ဆိုတော့ ၂၄ချောင်း။
တခြမ်းစား ၇၂ချောင်း
၂ဖက်စာ ၁၄၄ ချောင်း။

ပီးရင်အတိုချောင်းထပ်ဖြတ်မယ်။
၂ပေကိုတဝက်ခွဲ ရင် ၁ပေရမယ်။
၁ပေကိုငါးမူးထပ်ပေါင်း။
၁ပေငါးမူးထပ်ဖြတ်
၂ခြမ်းစာ ၂၄ချောင်းဖြတ်ပါ။

စည်းဝေမယ်။
ခုန ၂ပေချောင်းကို ထိပ်ကနေ သုံးမူးတပဲစည်းဆွဲပါ။
ထိပ် ၂ဖက်လုံးဆွဲပါ။

ဆွဲပြီးရင် စည်း၂ခုရဲ့ အလယ်ကျအောင်စည်းထပ်ဆွဲပါ။
အခု စည်းသုံးစည်း ရပြီပေါ့နော်။
၂ကွက်ရပါပြီ။
တကွက်ထဲမှာ အလယ်ကျအောင်စည်းထပ်ခွဲပါ။
အဲ့ဒါဆို စည်း ၄ချောင်းရပြီ။

ထပ်ရှင်းပြပါမယ်။
၂ပေချောင်းကို ထိပ်၂ဖက်ကနေ ၃မူးတပဲစည်းဆွဲရင်ကြားထဲမှာ ၂၃လက်မ ၁မူးကျန်ပါတယ်။
၂ပိုင်းခွဲရင် ၁၁လက်မငါးမူးတပဲလောက်ရပါတယ်။
တပိုင်းကို ထပ်ခွဲရင် ၅လက်မသုံးမတ်လောက်ရပါတယ်။

အတိုင်းချောင်း ၂ချောင်းထားပါ။
စည်းကူးထားတဲ့ပထမ၂ချောင်းကို A နဲ့ Bဆိုပီးမှတ်ထားပါ။
အခုအတိုင်းချောင်း ၂ချောင်းကို ဖင်နဲ့ခေါင်းပြန်လှဲ့ကြည့်ပါ။
စည်းညီနေတာတွေ့ရပါလိမ့်မယ်။

စည်းကူးလို့ရပါပြီး။
Aနဲ့B အတိုင်းချောင်း၂ခုကြားမှာ စည်းဆွဲမဲ့ဖလက်တွေထည့်ပါ။

ဒီနေရာမှာအဓိက ကျပါတယ်။
ဂျပန်ကွက်က ထိပ်ကနေကျင်တွယ်အညီယူတာပါ။
ဒီနေရာမှာတော့ ထိပ်အညီအဓိကမဟုတ်ပါဘူး။

အလယ်ဗဟိုက စည်း ၂ချောင်းကိုသာ စည်းကျယ်တွယ်အညီယူပါတယ်။

Aကို တဖက်မှာထားရင် Bကို ကိုယ့်ဖက်မှာထားပါ။
ကျင်တွယ်ကိုင်ရာမှာလည်း ညာလှည့်ထားရင် ပီးဆုံးတဲ့အချိန်အထိ ညာဘက်လှည့်ထားပါ။

ရစ်တယ်ဆိုတဲ့ နေရာတွေလည်းလုပ်ပါတယ်။
ဘာဂျာလက်ရာမကြိုက်လို့၂ဖွဲ့၃ဖွဲ့ပြုတ်သွားတဲ့နေရာတွေလည်းလုပ်ပါတယ်။

#သံဘာဂျာတံခါးအခြေခံအပိုင်း၂

2️⃣ စည်းဆွဲမှတ်စို့ရိုက်ပီးရင် 6.5စူးသွာနဲ့ဖောက်ပါ။
ဖောက်ပီးရင် ထိပ်ပိုင်းအပေါက်နဲ့အလယ်ဗဟို
ကြားက တစ်ပေါက်ထဲကို 12 သို့13mm စူးသွားနဲ့ကော်ရက်ရှင်နှိုက်ပါ။

ပြီးလျင်ထိပ်ဖျားတွေကို ဒေါင့်လေးတွေဖြတ်ချပီး ဝိုင်းပေးပါ။
ထိပ်ဖျားအပေါက်အပြင်ဘေးသား ရှည်နေရင်ဖြတ်ချပါ။
တမတ်လောက်ပဲထားပါ။

ပီးလျင်-
ခုန ၁ပေ၁မတ် ၂၄ချောင်းကို ၁၂ချောင်းယူပြီး အတိုင်းချောင်းနဲ့စည်းကူးပါ။

သုံးပေါက်တွဲဘက်က ကူးပါ။
ပီးရင်ဖောက်ပါ။
အလယ်ပေါက်ကို ကော်ရက်ရှင်နှိုက်ပါ။

ကျန်နဲ့၁၂ချောင်းကို ထိပ်ပေါက်နဲ့အလယ်ဗဟိုစည်း ၂စည်းပဲကူးပီးဖောက်ပါ။
ဒီ၁၂ချောင်းကိုတော့ ကော်ရက်ရှင်နှိုက်စရာမလိုပါ။

သုံးမတ်ဖလက်ကို အပြားညီတာရွေးသုံးပါ။
အခုနောက်ပိုင်းဘာဂျာအတွက်သီးသန့်လာပါတယ်။ သုံးမတ်အလျော့ပါ။

ပီးလျင်-
ကတ်ကြေးတွဲလို့ရပါပြီး။
ခုန ၁ပေ၅မူး ၃ပေါက်တွဲ၁၂ချောင်းနဲ့ ၂ပေချောင်း၁၂ချောင်းနဲ့အရင်တွဲပါ။
ကြားထဲမှာတမတ်ဝါရှာတကွင်းခံပါ။
တွဲမဲ့လေပစ်ဆန်ကိုတော့ သုံးပဲကွိုင်ထဲကဖြတ်သုံးပါ။
ခြောက်မူးဝန်းကျင်လောက်အတိုလေးတွေဖြတ်သုံးရပါတယ်။

ကတ်ကြေးတွဲတဲ့အခါ ခေါင်းလုံးတူသုံးပါ။
အင်ဂျင်ဝိုင်အနည်းငယ်သုံးပါ။
တူထုအားကြောင့်ကောက်သွားရင်တခါထဲညှိပါ။
အရမ်းတင်းကျပ်နေတဲ့အထိမထုပါနဲ့။

သုံးမဲ့ဒေါက်ကို ချိန်ပါ့မယ်။
သုံးမဲ့ဒေါက်က-
၁လက်မ ၁မူး-
၁လက္မ ၃ပဲ-
၁လက်မ၁မတ်-
လာပါတယ်။

၁လက်မ၁မူးကိုမသုံးပါနဲ့
လျှောက်လှမ်းထူရင် ကားထည့်ရလို့ပါ။

ငါးမတ်ဒေါက်နဲ့ချိန်မယ်။
ငါးမတ်ဒေါက် ၂ချောင်းယူပြီး
ဖောက်ထားတဲ့ဘာဂျာချန်နယ်၂ချောင်းယူ ပီး ဘယ်ညာစွတ်ပြီး အပေါ်ကပြန်ဖုံးပါ။

ဘာဂျာဖုံးထားတဲ့အတိုင်းပါ။
ဒေါက်၂ခု ထောက်ထားတဲ့ဘာဂျာမြောင်း၂ခုကြားကို သုံးမတ်ဖလက်အတို၂ ချောင်းထပ်ပီး ထည့်ပါ။
ပီးရင်ဝါရှာ ကွင်းလေးတွေပါ ထိုးထည့်ပါ။
သုံးမတ်ဖလက် ၂ဒုစာနဲ့ဝါရှာ၈ပြားဝင်တယ်ဆိုပါစို့။

ဘာဂျာစီတဲ့အခါမှာ-
ဒေါက့်အနီးက ပင်ဆုံမှတ်တိုင်းမှာ ဝါရှာ ၆ကွင်းလောက်ပဲသုံးပါ။
ချိန်တဲ့အချိန်မှာ ဝါရှာ၈ကွင်းဝင်ပေမဲ့ ဒေါက်တွေကို တူနဲ့ထုပီး လေပစ်တေတဲ့အခါမှာ တပဲလောက် နိမ့်သွားပါတယ်။

ငါးမတ်ဒေါက်က တူနဲ့ထုပြီးတဲ့အခါမှာ ၁သုံးပဲ ပဲကျန်ပါတယ်။

ပင်ဖြတ်လို့ရပါပြီး။
သုံးပဲကွိုင်ကိုဖြောင့်ပြီး
ဒေါက်ထက် ၁ပဲလျော့ဖြတ်ပါ။
ထိပ်လေးတွေလုံးပါ။

သုံးရမဲ့လေပစ်ချိန်မယ်။
ဒေါက်အရှည်ငါးမတ်မှာ
ဘာဂျာချန်နယ်အထူ ၁မူး ၂ခါထည့်ပေါင်း။
အပြင်ကိုတမတ်လောက်ထွက်မယ် ဆိုတော့ တစ်မတ်ထည့်ပေါင်းပါ။
တစ်လက်မသုံးမတ်လေပစ်သုံးပါ။

အတိအကျသုံးချင်ရင်တော့ ၁လက်မ၆မူးလေပစ်သုံးပါ။

ဘာဂျာစည်တဲ့အခါ ဒေါက်ချိန်တုန်းကဝါရှာ ၈ကွင်းဝင်ပေမဲ့ လေပစ်နေရာမှာ ၉ကွင်းသုံးပါ။
၁ကွင်းပိုထည့်ထားဒါပါ။

ဘာဂျာစည်တဲ့အခါမှာ-
လေပစ်တွေစွပ်ပီးရင် ဝါရှာလေးကွင်းစီလိုက်ထည့်ပါ။

ပီးရင်ဘယ်ဘက်က စစီပါ။
ပထမအကန့်တွေမှာ ကတ်ကြေးတွဲလေပစ်တွေကို အောက်ဆုံးမှာထားပါ။

အပေါ်ဆုံးမှာ ထိပ်ဘက်မှာထားပါ။
အလယ်အကန့်ကိုအချို့ကကတ်ကြေးမတွဲပဲစည်ပါတယ်။

ပထမ နှစ်ပေါက်အတိုချောင်းစွပ်ပါ။
ဝါရှာတကွင်းထည့်ပါ။
ပီးရင် ကတ်ကြေးတွဲအတိုနဲ့အရှည်တတွဲကိုချိတ်ပါ။
ကတ်ကြေးတွဲအရှည်တွေ ဆက်ထည့်ပါ။
ဖလက်နှစ်ပြားမထပ်ခင် ဝါရှာတပြားစီထည့်ပါ။
အားလုံးပီးရင်အပေါ်မှာလေးပြားထည့်ပါ။

ဒေါက်နေရာကဆုံချက်တွေမှာ ပင်ထိုးပါ။
အလယ်မှာဝါရှာတစ်ကွင်း
အောက်မှာသုံးကွင်းအပေါ်မှာ၂ကွင်းထည့်ပါ။

ဘေးအစွန် ဖလက်၁ပြားထဲကျတဲ့နေရာမှာ ဖလက်တပြားစာဝါရှာပေါင်းထည့်ပါ။
ပီးရင် အုပ်လို့ရပါပြီး။

ဂိုက်နဲ့ညှစ်ရင်လည်းညှပ်ထားပါ။
ဒါမှမဟုတ်-
သွပ်ကြိုးနဲ့လိုက်တုပ်ပါ။

တူနဲ့မလုံးခင် ရှည်နေရင်ကျောက်စက်နဲ့တိုက်ပစ်ပါ။
လေပစ်နေရာတူထုဒါအဓိကပါ။
အသာအယာထုပါ။
အရမ်းတင်းကြပ်နေအောင်မထုရပါ။
ထုအားများရင် လေပစ်ကောက်သွားတတ်ပါတယ်။

စီတဲ့အခါ ဘယ်ကစရင် နောက်အချပ်ညာက စခင်းပါ။
လေပစ်ခေါင်းကအပြင်ကနေရပါတယါ။

ဘောပေါက်ချိန်တာက အလယ်ရင်စေ့က ၂ချောင်းမြောက်မှာ တပေါက်ပါ။
၂ချောင်းကျော်တပေါက်စီပါ။

#သံဘာဂျာရိုက်နည်းအခြေခံအပိုင်း၃

3️⃣ ဒီအပိုင်းမှာတော့ မလေးဘာဂျာရိုက်နည်းပါ ထည့်ရေးပေးပါမယ်။
--
အပိုင်း၁နဲ့၂က အတိုင်းရိုက်ပီးပီဆိုရင် တပ်ဆင်လို့ရပါပြီ။

ရိုက်ပီးပီးခြင်းတော့ ကျပ်နေမှာပါ။
အားလုံးအတိအကျလုပ်ခဲ့တယ်ဆိုရင်တော့ စိုးရိမ်စရာမရှိပါဘူး။

ဘာဂျာမတပ်ခင်မှာ အောက်လျှောက်လမ်းအတိုလေးနဲ့အောက်ခြေဘာဂျာမြောင်း၂ခုကြားထဲကိုထည့်
ကြည့်ပါ။
ကျဉ်းနေရင်ချဲ့ပေးပါ။
ကျယ်နေရင် ကျဉ်းပေးပါ။
လျှောက်လမ်းထက်တစ်ပဲလောက်ပဲကျယ်ပါစေ။
မြောင်း၂ခုကျယ်နေရင်တပ်ဆင်ပြီးတဲ့အခါ ယမ်းကြည့်ရင်အရမ်းခါနေတတ်ပါတယ်။လုံးဝမခါခြင်ရင်တော့ တစ်လက်မငါးမူးလျှောက်လမ်းနေရာမှာ ခေါက်တံခါးလျှောက်လမ်းပုံစံ uမြောင်းပဲသုံးပါ။
ဘာဂျာအောက်ခြေတွေကို ခေါက်တံခါးမှာသုံးတဲ့ ၆မူးဘွတ်ဆုံလည်လေးတွေတပ်ပေးလိုက်ပါ။
၃မတ်ဖလက်ပြားကိုအပေါက်ဖောက်ပြီး ဘာဂျာအောက်ခြေတွေမှာ ဝရိန်နဲ့လိုက်တပ်ပေးလိုက်ပါ။
ဆုံလည်လေးတွေက uမြောင်းထဲချပြီးတပ်ဆင်ရင်မယမ်းတော့ပါ။
မခါခြင်ရင် သော့ခတ်တဲ့အလယ်ရင်စေ့ချောင်းတွေကို ၁ခွဲသုံးမတ်ဟောလိုနဲ့ ပိုးလိုက်ပါ။

အပေါ်ပိုင်းကိုလည်း မတပ်ခင်မှာ လျှောက်လမ်းအတိုနဲ့ထည့်ချိန်ကြည့်ပါ။
အပေါ်ပိုင်းကတော့ များများလေးသာဟထားပါ။
နပ်နဲ့ပြန်စွဲလို့ရပါတယ်။
တပ်ပြီးတဲ့အခါမှာ ဝါရှာကြားတွေထဲအင်ဂျင်ဝိုင်ထဲ့ပါ။
အပေါ်လိုင်းပေါ်အမဲဆီလူပေးပါ။
အဲ့ဒါမှဆွဲမကောင်းသေးဘူးဆိုရင် ပင်ဆုံချက်(ကတ်ကြေးတွဲဆုံချက်)တွေကို တခုချင်းလိုက်စစ်ပါ။
ပင်ထောက်နေတာလား
ဝါရှာထူသွားဒါလား

တင်းနေတဲ့ဆုံချက်နေရာကို ငယ်နိုင်နဲ့ကလန့်ပေးလိုက်ပါ။
ကလန့်တဲ့အခါ ချောင်ရုံလေးသာကလန့်ပါ။
ကလန့်တဲ့နည်းကတော့ နောက်ပိုင်းတော်တော်အသုံးဝင်ပါတယ်။

ကျွန်တော်တို့အသုံးပြုဒါက 6.5စူးသွားပါ။
အပေါက်လွဲမယ်လို့ထင်ရင်တော့ ပင်ပေါက်တွေကို 7နဲ့ဖောက်လည်းရပါတယ်။
လေပစ်ပေါက်ကတော့ 6.5တမျိုးထဲပဲရပါတယ်။
7ဆိုတာကတော့ နည်းမှန်တော့မဟုတ်ဘူး။
ပါးပါးလေးပုပ်တာပေါ့။
ပြီးတော့ ဘောနေရာမှာ တစ်ခွဲဘောသုံးပေးမဲ့ အလယ်ညွတ်နေဒါတို့ လေပစ်မတန်းပဲကျနေရင် အဲ့ဒိနေရာကို နည်းနည်းကြီးတဲ့ဘော လဲထည့်လိုက်ပါ။
မသိမသာလေးပေါ့။
တကယ်လို့များ လေပစ်နေရာတင်းနေရင်မစိုးရိမ်ပါနဲ့။
အဖွင့်အပိတ်သာများများလုပ်ပေးပါ။

ဘာဂျာရိုးရိုးမှာ ကတ်ကြေးတွဲ၂ပေနဲ့၁ပေငါးမူး ၂မျိုးပဲပါပါတယ်။
ဖောက်တဲ့နေရာမှာလည်း ကတ်ကြေးတွဲလေပစ်ပေါက်က အလယ်ပေါက်နဲ့ထိပ်ပေါက်ကြား အလယ် မှာဖောက်ပါတယ်။

မလေးဘာဂျာမှာတော့ အလယ်ပေါက်နဲ့ထိပ်ပေါက် ကိုတဝက်ခွဲ အဲ့ဒိတဝက်ကိုထပ်ခွဲဒါပါ။
ကတ်ကြေးတွဲလေပစ်ပေါက်နေရာပြောင်းသွားဒါပါ။
၂ပေကတ်ကြေးဖလက်ပြားကို
ဘာဂျာရိုးရိုးမှာ-
ထိပ်၂ဖက်ကနေ ၃မူးတပဲစီစည်းဆွဲရပါတယ်။
ပြီးရင်ထိပ်စည်း၂စည်းရဲ့အလယ်ဗဟိုမှာစည်းထပ်ဆွဲ။

ထိပ်စည်းနဲ့အလယ်စည်းနဲ့ကြားမှာစည်းထပ်ဆွဲတာက ကတ်ကြေးတွဲပေါက်ပါ
မလေးဘာဂျာမှာကျတော့-
ထိပ်စည်းနဲ့ခုနကတ်ကြေးတွဲပေါက်စည်း
ကြားမှာ စည်းထပ်ဆွဲပြီး ခုန ကတ်ကြေးတွဲစည်းကိုဖျောက်လိုက်တာပါ။

ရှင်းအောင်ထပ်ပြောပြပါ့မယ်။
ဘာဂျာရိုးရိုးရဲ့ကတ်ကြေးတွဲပေါက်စည်းဟာ ၄ပိုင်း၁ပိုင်းနေရာမှာရှိပါတယ်။
မလေးဘာဂျာ ကတ်ကြေးတွဲစည်းက ၈ပိုင်းတပိုင်းနေရာမှာကျပါတယ်။
အဲ့ဒိတပေါက်ပဲမတူတာပါ။

ရိုးရိုးက ချန်နယ် ၃ချောင်းကတ်ကြေးထားပါတယ်။
မလေးဘာဂျာက ငါးချောင်းသွားပါတယ်။
ပုံမှာကြည့်ပါ။

ဘာဂျာရိုးရိုးမှာ ကတ်ကြေးက ၂မျိုးပဲပါတယ်။
အရှည်ချောင်းက ၂ပေဆိုရင်အတိုချောင်းက ၁ပေငါးမူး

၂ပေချောင်းကို ၁ကျပ်နေရာမှာထား
၁ပေငါးမူးကို ငါးမူးနေရာမှာထား

ဘာဂျာရိုးရိုးမှာ ၁ကျပ်နဲ့ငါးမူး ပဲပါတယ်။

မလေးဘာဂျာမှာတော့-
၁ကျပ်
သုံးမတ်
ငါးမူး
တမတ် ကတ်ကြေးတွဲလေးမျိုးပါလာပါတယ်။

ဘယ်လိုချိတ်ဆက်လဲဆိုရင်-
ကတ်ကြေးတွဲ-
၁ကျပ်နဲ့တမတ်ပူးတယ်
၁ကျပ်နဲ့ငါးမူးကတ်ကြေးတွဲ
၁ကျပ်နဲ့သုံးမတ် ကတ်ကြေးတွဲ

အလွတ်ချောင်းတွေကတော့
တမတ် သုံးမတ် ငါးမူး

ဘာဂျာစီရင်တော့
ပထမ တမတ်ချောင်းကို စခင်း
ငါးမူးချောင်းက လေပစ်နဲ့မိတယ်။
သုံးမတ်ချောင်းထပ်ခင်း သူလည်လေပစ်နဲ့မိတယ်။
ပြီးရင်ခုနကတ်ကြေးတွဲထားတဲ့
၁ကျပ်နဲ့သုံးမတ်အတွဲကို ခုနအလွတ်ခင်းထားတဲ့တမတ်နဲ့ပြန်ချိတ်ဒါ
ငါးမူးချောင်းနဲ့ ၁ကျပ်ငါးမူ ကတ်ကြေးတွဲနဲ့ပြန်ချိတ်တယ်။

အလွတ်ခင်းထားတဲ့၃မတ်ချောင်းနဲ့ ၁ကျပ်တမတ်ကတ်ကြေးတွဲနဲ့ပြန်ချိတ်တယ်။
သဘောတရားကတော့
တကျပ်ဖြစ်အောင်
တမတ်နဲ့သုံးမတ်
ငါးမူးနဲ့ငါးမူး
သုံးမတ်နဲ့တမတ်ပြန်ချိတ်တဲ့ပုံစံပါ။

ပုံဆွဲပြီး ဖလက်အတိုလေးတွေနဲ့စမ်းကြည့်ပါ။
ရိုးရိုးကျွမ်းရင်မလေးဘာဂျာရိုက်လို့ရပါပြီ။

တင်ထားတဲ့ ၁နဲ့၂ကိုအရင်ဖတ်ပါ။

❇️( မူရင်းရေးသားတင်ပြသူ #ဘာပဲဖြစ်ဖြစ်မောင်ဘချစ် အားလေးစားစွာဖြင့် Credit ပေးပါသည် )❇️

Construction Paradise

👉အဆောက်အဦးဆိုင်ရာ သိရှိမေးမြန်းလိုသည်များကို အားမနာတမ်းဆွေးနွေးမေးမြန်းနိုင်ပါတယ်

myat thu aung. & .construction

03/04/2024

အမိုးဧရိယာတွက်နည်း
°°°°°°°°°°°°°°°°°°°°°°°°°°°
✅ အမိုးဧရိယာ တွက်တဲ့အခါ အဓိကကတော့ အမိုးမိုးမဲ့ ခေါင်မိုးရဲ့ Projection Area ကိုသိဖို့ လိုအပ်ပါတယ်၊ Projection Area ဆိုတာက အမိုးအနားတွေ ရေးဆွဲထားတဲ့ မြေကြီးပေါ်က အတိုင်းအတာ ဧရိယာဖြစ်ပြီးတော့ ရေပြင်ညီ ဧရိယာလို့လည်း တချို့ကခေါ်ကြပါတယ်။

ဥပမာ။ ။ ပေ ၂၀ ပေ ၃၀ အဆောက်အဦး အတွက် အမိုး ၂ ပေခွဲ လိုအပ်မည်ဆိုပါက အမိုးရဲ့ Projection Area က ၂၄ ပေ ၃၄ပေ = ၈၁၆ စတုရန်းပေရှိပါတယ်။

(Floor Plan ရှိရင် တွက်ချက်ရ ပိုပြီးတော့ လွယ်ကူပါတယ်)

✅ နောက်ထပ် ခေါင်မိုးနဲ့ ပတ်သက်ပြီး သိထားရမဲ့ အချက် အလက်တွေကတော့ Roof Pitch, Degree နှင့် Slope Factor တို့ပဲဖြစ်ပါတယ်။

✅ Roof Pitch ဆိုတာက ခေါင်မိုးရဲ့ အစောင်းကို ပြင်ညီ ၁၂လက်မမှာ အစောင်း ဘယ်နှစ်လက်မ တတ်သွား သလဲဆိုတာ ကို သတ်မှတ်ခြင်း ဖြစ်ပါတယ်။

ဥပမာ။ ။ 1:12,2:12,3:12,....... စသဖြင့်

✅ Trigonometry အရ ပြင်ညီ အလျားက Adjacent နီးစပ်အနား ခေါင်အမြင့်က Opposite မျက်နှာချင်းဆိုင် အနားဖြစ်ပါတယ်၊ အသုံးများတဲ့ 22.5 Degree တို့ 30 Degree တို့ဆိုတာတွေက 5:12 နှင့် 7:12 တွေပဲဖြစ်ပါတယ်။

✅ O A O A H H /H H A O A O သီအိုရီဆိုအရ 5:12 သည် မျက်နှာချင်းဆိုင်ထောင့် ၂၂.၅ ဒီဂရီ လောက် ရပါတယ်၊ ထို့အတူ 7:12 သည်လည်း Calculator မှာ SHIFT >tan-1 နှင့် 7/12 ကို လျာလိုက်ရင် ၃၀ ဒီဂရီလောက် ရပါတယ်၊ ဒါတွေကတော့ ခေါင်မိုးရဲ့ စောင်းထောင့် Degree တွေပဲဖြစ်ပါတယ်။

✅ နောက်ထပ်လိုအပ်တာကတော့ Slope Factor ဖြစ်ပါတယ်၊ ရေပြင်အညီ ဘယ်လောက်ရှိရင် ခေါင်မိုးစောင်း ဘယ်လောက်ရှိသလဲဆိုတဲ့ မြောက်ဖော်ကိန်း ကို Slope Factor လို့ခေါ်ပါတယ်။

✅ ထောင့်မှန်ခံအနားကို နီးစပ် အနားနှင့် စားခြင်းဖြင့် Secant အချိုးရပါတယ်၊ Secant ဆိုတာက Cosine နှင့် Reciprocal ဖြစ်ပါတယ်၊ Reciprocal ဆိုသည်မှာ ၁ ကို အဲဒီ့ တန်ဖိုးနှင့် စားခြင်းကို ခေါ်ဆိုခြင်းဖြစ်ပါတယ်၊ Calculator အရ ဆိုလျှင် Cosine ရဲ့ Reciprocal ရှာရပါတယ်။

ဥပမာ။ ။ ခေါင်မိုး အစောင်း ၃၀ ဒီဂရီ မှာ Roof Projection Area က 816 sq.ft ရှိတယ်ဆိုရင် cos 30 က 0.866 ဖြစ်ပါတယ်။

✅ Secant 30 လိုချင်ရင်တော့ cos 30 ရဲ့ Reciprocal အပြန် အလှန် ကိန်းက 1.1547 ရပါမယ်၊ အခု တွက်ထားပေးတာကတော့ 30 Decreer Slope Roof ရဲ့ Slope Factor ပဲဖြစ်ပါတယ်၊ 8181.1547 = 942.2356 sq.ft ရတဲ့ အမိုးစောင်း ဧရိယာကို Yellow Book မှာ ကြည့်လိုက်လျှင် အမိုးပြား၊ အမိုးရိုက်သံ၊ လက်သမားနှင့် အလုပ်သမား စတာတွေကို ရပါလိမ့်မယ်။

✅ အသုံးများတဲ့ အမိုးတွေကတော့ Gable Roof မြင့်မိုရ်ပိတ်ပါတဲ့ ၂ ဖက်ချ ခေါင်နှင့် Hip Roof လေး ဘက်ချ ခေါင်တို့ဖြစ်ပါတယ်၊ Gable ဖြစ်ဖြစ် Hip ပဲဖြစ်ဖြစ် ပုံစံမတူပေမဲ့ ခေါင်းမိုး Pitch (သို့မဟုတ်) Degree တူလျှင် ဧရိယာ အတူတူပဲဖြစ်ပါတယ်။

မူရင်း ရေးသားသူအား ဂါရဝပြုပါသည် 🙏🏼🙏🏼🙏🏼

26/03/2024

two story home.🏘🏘🏘

27/02/2024

14/02/2024

တိုင်နဲ့ ထိပ်တိုက် ညှပ်မစီရင်...
အခုလိုမျိုးတွေ ဖြစ်တက်ပါတယ်
အုတ်စီတဲ့အခါ...တိုင် သို့မဟုတ် ဘင့်တွေနဲ့ ညှပ်စီမှသာ
ခိုင်ခန့်မူရှိပါတယ်
အရေးကြီးဆုံးက အုတ်မစီခင် သန့်ရှင်းရေးပြုလုပ်ပါ
အုတ်တွေကို ရေဖြန်းပေးထားပါ
အုတ်တွေ ရေမဝရင် Crack ဖြစ်တက်ပါတယ်
လေးလွှာစီပီးတိုင်း ဂျာလီ ထည့်ပေးပါ
တိုင်တွေမှာ Dowel Bar တွေ ထည့်ခဲ့ရပါတယ်
Dowel Bar တွေသည် အုတ်စီရာတွင် အုတ်နံရံခိုင်ခန့်ရန်အတွက် Dowel Bar နှင့်ညှပ်စီခြင်း သို့မဟုတ် ကျောက်ထုတ်အသေးဖြင့် တွဲခြင်း ပြုလုပ်ပီး အုတ်စီနိူင်ပါတယ်
ပက်လက်ပဲ စီစီ မှောက်ခုံပဲ စီစီ နှာသပ် နှာသိပ်ရပါ့မယ်
အုတ်စီတိုင်း လိုင်းကြိုးဆွဲပေးရပါ့မယ်
ချိန်ကျမျဥ်းကျ Level မှန်မမှန် ပြန်စစ်ဆေးဖို့လိုပါတယ်
Joint ဆက် မိမိစီဖို့လိုအပ်ပါတယ်
သိသလောက် ပြောပြပေးတာပါ
ရေးတာရေးရတာ...ဆရာကြီးလား...
သူများအပြစ်တွေပဲ လိုက်ရှာနေတယ် အပြောခံရမှာလဲ စိုးရပါတယ်
မြန်မာနိူင်ငံက ပုံတွေ မသုံးပါဖူး
အကောင်းမြင်စိတ်ထက် အဆိုးမြင်စိတ်များကျလို့ပါ
ကျေးဇူးတင်ပါတယ်

11/02/2024

တိုင်တွေ ကွန်ကရိလောင်းတဲ့အခါ..
(၁) အခြား beam တွေ footing တွေထက် Slump တိုးယူပြီး အနည်းငယ် ခပ်ပျော့ပျော့ ဖျော်ရပါမယ်၊ ဘိလပ်မြေ နည်းနည်းပိုသုံးရပါမယ်
(၂) Vi****or ကို အချိန်မှန်အောင် အထူး (အထူး) ဂရုစိုက် ထိုးရပါမယ်၊ အောက်ခြေ လောင်းကာစ တစ်ပေ အမြင့်လောက်မှာ စ ထိုး နိုင်အောင် အထူး သတိပြုရပါမယ်
(၃) Formwork ပတ်ကား လုံရပါမယ်
(၄) မျက်နှာပြင် အသားလှပြီး လေမခိုအောင် Formwork ကို တူနဲ့ လိုသလို ခေါက်ပေးရပါမယ်

သည့်အပြင်
အခြားသော ဂရုစိုက်စရာ (၅% ဝန်းကျင်) ထိခိုက်နိုင်တာတွေကတော့
(၅) Formwork ခြောက်သွေ့နေတာ
(၆) အောက်ခြေ တိုင်ခြေမှာ မသန့်ရှင်းဘဲ အမှိုက်စ ကျန်နေတာ
(၇) အမြင့်ကနေ သွန်းလောင်းပြီး vibration စနစ်တကျ မတွဲမိတဲ့ အတွက် segregate ဖြစ်ကာ ကျောက်တွေချည်း စု နေတတ်တာ
(၈) လောင်းလယ်ဗယ် (အကြီးဆုံး beam ရဲ့ အောက်ခြေ ၂-၃ ခန့် လျှော့) ကြိုတင်ပေးမထားမိလို့ နောင်တစ်ချိန် ပြန်ထွင်းရတာ၊ ကော်လာအမြင့်ကြီး တပ်နေရတာ
(၉) ချုပ်တန်း spacing နဲ့ ခိုင်ခန့်မှုအပေါ် အမှတ်တမဲ့ နေလိုက်မိလို့ Vi****or အားပါးတရ ထိုးချိန် Formwork ပွင့်ထွက်လာတာ
စတဲ့ ဂရုစိုက်စရာလေးတွေ ရှိပါတယ်

အဖြစ်အများဆုံးသော ပြသနာကတော့
-တိုင်အောက်ခြေ ၂ ပေခန့် အမြင့် နဲ့
-(ခါးပေါက်ဖောက်လောင်းရင်) ခါးပေါက်နေရာတစ်ဝိုက်မှာ
Honeycomb မြေပဲယို လေးတွေ ထ နေတတ်ပါတယ်
Crd(Sayar Seithu Min ရေးသည်)

13/10/2023

အိမ်ရှင်တွေအမြင်မှာ သံချောင်းပမာဏများမှ စိတ်ကျေနပ်မှုရှိကြပါတယ်။

ကျွန်တော့်အနေနဲ့လည်း အမြဲတမ်းရှင်းပြရပါတယ်။
တစ်အချက်က ကျွန်တော်တို့ဆောက်နေတာ သံကူတဲ့ ကွန်ကရစ်ဖြစ်ပါတယ်။
အဓိကဇာဆောင်သည် ကွန်ကရစ်ဖြစ်ပြီး ကွန်ကရစ်က မထမ်းနိုင်တဲ့ဝန်တွေအတွက် သံချောင်းထည့်ပြီး အားကူ ဇာတ်လိုက်ကပြရတာဖြစ်ပါတယ်။

နှစ်အချက်က စနစ်တကျခွဲခြမ်းစိတ်ဖြာမှုရှိတဲ့ နည်းပညာနှင့် ရိုးရာ အိမ်ဆောက်နည်းပညာကွာခြားမှုပါ။
စနစ်တကျခွဲခြမ်းစိတ်ဖြာပြီး သုတေသနရလဒ်များအရ သတ်မှတ်ထားတဲ့ နည်းဥပဒေသကို သုံးပြီး အင်ဂျင်နီယာတွေက တည်ဆောက်ခြင်းဖြင့် အဓိကဇာတ်ဆောင်နှင့် ဇာတ်လိုက်ကို သူ့နေရာနှင့်သူ စနစ်တကျ နေရာချထားပြီး ဇာတ်ပွဲတစ်ပွဲအောင်မြင်အောင် ဖန်တီးရပါတယ်။
မလိုအပ်ပဲ ဇာတ်လိုက်ကြီးပဲ ထည့်သုံးနေမယ်ဆိုရင် အပိုကုန်ကျငွေများသလို ဒီဇာတ်ကြီးက ငြီးငွေ့စရာ အနှစ်သာရမရှိတော့ပါဘူး။

ရိုးရာအိမ်ဆောက်နည်း(Thumbrule)ဆိုတာလည်း လက်မှုပညာ၊ အတွေ့အကြုံတွေကနေ ပေါက်ဖွားလာတဲ့ နည်းစနစ်၊ နည်းလမ်းတွေပဲ ဖြစ်ပါတယ်။ သို့ပေမယ့်လည်း သူ့မှာ ပုံသေကားချပ်လိုဖြစ်နေတဲ့အတွက် နေရာတကာမှာ ဒီနည်းလမ်းတစ်ခုတည်းနှင့်သွားလို့မရပြန်ဘူး။ သံတစ်တိုင်မှာ သံချောင်းဘယ်လောက်ထည့်ရမယ်ဆိုတာ Thumbrule အရ ပြောလိုက်ရင် လွယ်ပေမယ့် သူ့မှာ တိကျတဲ့အာမခံချက်မရှိသလို၊ အပိုအလိုလည်း ရှိချင်ရှိပါမယ်။ အဲ့ဒါကိုမှ ပိုများအောင်ထည့်လိုက်ရင် ကုန်ကျစရိတ်များသွားပြီး ဒီဇိုင်းပေါက်ထွက်သွားနိုင်ပါတယ်။

ဒီခေတ်ရဲ့ပြသနာကဘာလည်းဆိုရင် မလိုအပ်ပဲ သံချောင်းမထည့်တာကို ခိုတယ်လို့ ယူဆနေကြတာပါ။ ဒါကလည်း အပြစ်ပြောလို့မရပါဘူး။ သက်ဆိုင်ရာအင်ဂျင်နီယာက နည်းလမ်းတကျ ရှင်းပြတတ်ရပါမယ်။ ပုံထဲမှာ ဒီလောက်ပဲပြလို့ ဒီလောက်ပဲသုံးတယ်ဆိုပြီး မိမိအိမ်ရှင်ကို သွားရှင်းပြလို့မရပါဘူး။

ဒါကြောင့် မလိုအပ်ပဲသံချောင်းပမာဏများနေမယ်ဆိုရင် ဖြစ်နိုင်တဲ့ဆိုးကျိုးတွေကတော့
တိုင်တွေမှာဆိုရင် သံများရှုပ်ယှက်ခတ်ပြီး ကွန်ကရစ်အရောအနှောများ အူတိုင်မှာအပြည့်မရောက်ပဲ ကျောက်ဗြုပ်ပေါက် Segregation, Honeycomb များဖြစ်ပြီး ပြင်ပအစိုဓာတ်ကြောင့် အတွင်းက သံချောင်းများ သံချေးလိုက်ပြီး တိုင်ရဲ့ ကြံ့ခိုင်မှုအားနည်းခြင်း၊
ကွန်ကရစ်သားနည်းတဲ့အတွက် ဒေါင်လိုက်ဖိအားဒဏ်ခံနိုင်ရည်နည်းပြီး တိုင်အရင်းမှာ ဖောင်းကားခြင်းများ ဖြစ်စေပါတယ်။

ဒါကတော့ တိုင်တစ်ခုပဲ ဥပမာပေးသုံးသပ်ပြတာဖြစ်ပါတယ်။
ဒါကြောင့် အိမ်တစ်လုံးစာအတွက် ကွန်ကရစ်နှင့်သံချောင်းပမာဏ လိုအပ်သည်ထက် ပိုမများဖို့၊ မနည်းဖို့ဆိုရင် ကျွမ်းကျင်အင်ဂျင်နီယာတွေရဲ့ တွက်ချက်မှု မဖြစ်မနေလုပ်ရမှာဖြစ်ပါတယ်။