Mee Panyar, Yangon (2026)

13/04/2026

မင်္ဂလာသင်္ကြန်အခါသမယမှာ ဘေးဘယာကင်းကွာ ကျန်းမာရွှင်လန်းပါစေကြောင်း Mee Panyar မှ ဆုမွန်ကောင်းတောင်းအပ်ပါတယ်။

Mee Panyar wishes you a healthy and prosperous Thingyan holidays.

01/04/2026

[English translation in the comment]

Solar energy နယ်ပယ်မှာ အမျိုးသမီးတွေအတွက်နေရာရရဲ့လားဆိုတဲ့ မေးခွန်းကို ဒီနယ်ပယ်ထဲ စတင်ခြေချချင်သူတိုင်း မေးမိကြမယ်ထင်ပါတယ်။

မြန်မာနိုင်ငံမှာ တဖြည်းဖြည်း တိုးတက်လာနေတဲ့ solar energy နယ်ပယ် ထဲမှာ အမျိုးသမီးတွေအတွက် အလုပ်အကိုင်အခွင့်အလမ်းတွေဟာ အင်ဂျင်နီယာဖြစ်မှမဟုတ်ဘဲ အခွင့်အလမ်းကောင်းတွေအများကြီးရှိလာပါတယ်။

ရန်ကုန်အခြေစိုက် solar installation လုပ်ငန်းရှင်တစ်ဦးဖြစ်တဲ့ မမေသက်မွန်က ဒီ solar energy knowledge နဲ့ပတ်သက်ပြီး အခြေခံနားလည်တဲ့သူ သင်ယူချင်စိတ်ရှိသူ ဘယ်သူမဆို ဒီနယ်ပယ်ထဲ ဝင်ရောက်လုပ်ကိုင်နိုင်တယ်လို့ ပြောပြပါတယ်။

“Engineer ဖြစ်မှ solar energy sector ထဲဝင်လို့ရတာမဟုတ်ဘူးနော်။ အမတို့ company မှာဆိုရင် အခြေခံရှိတယ်ဆိုရင်ကို ခန့်ဖြစ်တယ်။

သူမကိုယ်တိုင်လည်း အင်ဂျင်နီယာ မဟုတ်ပေမယ့် လက်တွေ့အလုပ်လုပ်ရင်းနဲ့ သင်ယူခဲ့တာပါ။

နည်းပညာပိုင်းမှာ စိတ်ဝင်စားတဲ့ အမျိုးသမီးတွေအတွက် installation တစ်ခုတည်းမဟုတ်ဘဲ maintenance၊ troubleshooting လုပ်တာတွေ၊ freelance အလုပ်အကိုင်တွေအထိ အခွင့်အလမ်းတွေရှိနေပါတယ်။

“Maintenance ဘက်မှာ error ဖြစ်တဲ့အခါ solutions ရှာပေးတာတွေ လုပ်လို့ရတယ်။ Company တစ်ခုမှာ အလုပ်လုပ်တာမျိုးမဟုတ်ဘဲ freelance တွေလည်းလုပ်လို့ရတယ်။”

Mee Panyar ကပေးတဲ့ solar energy နယ်ပယ်တဲ့စတင်ဝင်ရောက်သူတွေအတွက် အခြေခံသင်တန်းတွေ၊ online learning တွေကနေ စတင်ပြီး error code တွေကိုနားလည်လာတာနဲ့အမျှ အခွင့်အလမ်းတွေ ပိုပြီးရှိလာနိုင်ပါတယ်။

“Mee Panyar ကပေးတဲ့ အခြေခံ knowledge နဲ့ online learning တွေကနေ စတင်လို့ရတယ်။ တဖြည်းဖြည်းနားလည်လာပြီးတော့ တကယ်ကောင်းတဲ့အခွင့်အလမ်းတစ်ခု ဖြစ်လာနိုင်တယ်။”

မမေသက်မွန်ကတော့ renewable energy နယ်ပယ်ထဲ စတင်ဝင်ရောက်မယ့် အမျိုးသမီးတွေအတွက် အကြံဥာဏ်ပေးထားပါတယ်။

“မိန်းကလေးတွေ နေရာပိုရချင်တယ်ဆိုရင် ကိုယ်ကိုယ်တိုင် လုပ်နိုင်တာကို ပြနိုင်ဖို့လိုတယ်။”

26/03/2026

[English translation in the comment]

ဒီနေ့အတွက် Meet Women in Solar Energy ကဏ္ဍမှာ Multicultural energy organization တစ်ခုရဲ့ Business Development Manager တစ်ဦးဖြစ်တဲ့ မဇင်မီနဲ့ မိတ်ဆက်ပေးချင်ပါတယ်။ မဇင်မီက ၂၀၁၇ ထဲက solar energy ကဏ္ဍထဲမှာ အလုပ်လုပ်နေပြီးတော့ ၉ နှစ်ကြာ experience ရှိသူတစ်ဦးဖြစ်ပါတယ်။

“အကျိုးအမြတ်တစ်ခုထဲအတွက်မဟုတ်ဘဲ ပတ်ဝန်းကျင်အတွက်ပါကောင်းတဲ့လုပ်ငန်းဖြစ်တဲ့အတွက် အလုပ်လုပ်တာ ပိုအားတက်ရပါတယ်။”

အမ ဒီ လမ်းကြောင်းကို စဝင်လာတဲ့ လွန်ခဲ့တဲ့ ၉ နှစ်၊ ၂၀၁၇ တုန်းကဆို solar energy ဆိုတာ မြန်မာနိုင်ငံမှာ new technology လို့တောင် ပြောလို့ရတယ်။ အမကျောင်းပြီးခဲ့တဲ့ Materials Science major က မြန်မာနိုင်ငံမှာ career option အများကြီးမရှိတဲ့အတွက် ဒီလမ်းကြောင်းကို ဘာမှသိပ်မသိသေးပဲ စဝင်ခဲ့တာပေါ့နော်။

အမ စစချင်းတွေ့ခဲ့ရတဲ့ boss ကအများကြီးလက်တွဲခေါ်တယ်။ Support လဲကောင်းကောင်းရခဲ့တယ်။ အကျိုးအမြတ်တစ်ခုထဲအတွက် အလုပ်လုပ်ရတာမျိုးမဟုတ်ဘဲ ကိုယ်လုပ်တဲ့အလုပ်က ပတ်ဝန်းကျင်အတွက်လည်း အများကြီး အကျိုးပြုတာကို မြင်ရတော့ အလုပ်ကိုပိုပြီးစိတ်ဝင်စားလာရင်းကနေပဲ ဆက်လုပ်ဖြစ်ခဲ့တာပါ။

---

“အမျိုးသမီးတွေပေးတဲ့ feedback နဲ့ယှဥ်ရင် အမျိုးသားတွေပေးတဲ့ feedback က ပိုအလေးထားခံရတာမျိုးလည်းကြုံဖူးတယ်။”

အမကိုယ်တိုင်ကြုံခဲ့ရတဲ့ အခက်အခဲလေးတွေကို ဝေမျှပေးရမယ်ဆိုရင် Customer တွေနဲ့ first meeting တွေကို တစ်ယောက်တည်းသွားတဲ့အခါ မေးတဲ့မေးခွန်းတွေကို ဖြေနိုင်ပါ့မလား၊ technical knowledge တကယ်ရှိပါ့မလား၊ convince လုပ်နိုင်ပါ့မလားဆိုတဲ့ သံသယတွေရှိတယ်။

Design ပိုင်းနဲ့ပတ်သက်ပြီး အကြံဉာဏ် တွေပေးရင်လည်း မိန်းကလေးတယောက်မို့ သိပ်အလေးမထားတာလည်း ကြုံဖူးပါတယ်။

ဒါမျိုးက ဒီ sector မှာ လုပ်နေတဲ့ တခြား အမျိုးသမီးတွေလည်း ကြုံရမှာပါ။ အရင်တုန်းကဆို traditional ဖြစ်တဲ့ စက်ရုံပိုင်ရှင်တွေက မိန်းကလေးတွေကို ခေါင်မိုးပေါ်မတက်စေချင်ကြမျိုးတောင်ကြုံခဲ့ဖူးတယ်။ အဓိကတော့ မိန်းကလေးဖြစ်တဲ့အတွက် technical skills နဲ့ပတ်သက်ပြီး အမတို့ပြောတာကို သိပ်မယုံတာမျိုး၊ နောက်ပြီးတော့ အမျိုးသားတွေပေးတဲ့ feedback ကိုပိုပြီး အလေးထားတာမျိုးပေါ့နော်။

---

“ကိုယ်တကယ်ဖြစ်ချင်တာကိုပဲ ဦးတည်ထားပါ။”

ဒီအလုပ်ကို စလုပ်ဖို့ ဆုံးဖြတ်လိုက်ပြီဆိုရင် Social norms တွေကို သိပ်ဂရုမစိုက်ဖို့ပေါ့နော်။ ကိုယ်က installation ပိုင်း လုပ်ချင်တာလား၊ project engineer ဖြစ်ချင်တာလား၊ sales engineer လား၊ design and solution ပေးချင်တာလားဆိုတာ ကိုယ်တိုင်သတ်မှတ်ပြီး အဲ့ဒါကိုပဲ တစိုက်မတ်မတ်လုပ်ပါ။

လူတိုင်းရဲ့အတွေးအမြင်တွေကို လိုက်ပြောင်းပေးလို့မရတဲ့အတွက် ကိုယ့်လမ်းကြောင်းကိုပဲ အဓိက focus ထားပါလို့ပြောချင်ပါတယ်။

17/03/2026

ဆိုလာသင်တန်းတွေကနေတစ်ဆင့် လက်တွေ့ ဆိုလာတပ်ဆင်ရေးနေရာတွေအထိ renewable energy sector မှာ အမျိုးသမီးတွေနေရာရလာကြပါပြီ။
မီးပညာရဲ့ ဆိုလာသင်တန်းတွေမှာ တက်ရောက်ခဲ့တဲ့ အမျိုးသမီးသင်တန်းဟောင်းတွေဟာ သူတို့ရဲ့ solar energy ကဏ္ဍကိုစတင်ဝင်ရောက်လာခဲ့ပုံ ခရီးလမ်းလေးတွေနဲ့ ဝင်ရောက်လာပြီးတဲ့နောက်မှာ ရရှိလာတဲ့ အတွေ့အကြုံတွေအကြောင်းကို အောက်ကဗီဒီယိုလေးမှာ ဝေမျှပေးထားပါတယ်။

မီးပညာဟာ မြန်မာနိုင်ငံဆိုလာစွမ်းအင်ကဏ္ဍမှ အမျိုးသမီးတွေ ပိုမိုပါဝင်နိုင်ဖို့အတွက် အားထုတ်ကြိုးပမ်းနေလိုတဲ့ ရည်ရွယ်ချက်နဲ့ အမျိုးသမီးအင်ဂျင်နီယာတစ်ယောက်ကနေ စတင်တည်ထောင်ခဲ့တာပါ။ မီးပညာအနေနဲ့ renewable energy ကဏ္ဍမှာတင်မကပဲ ကျန်တဲ့အလုပ်ခွင်တွေမှာပါ အမျိုးသမီးတွေပိုမိုပါဝင်လာနိုင်ဖို့အတွက် ဆက်လက်အားပေးထောက်ပံ့သွားမှာဖြစ်ပါတယ်။

From training rooms to solar sites, women are claiming their place in Myanmar’s energy sector. In celebration of the week of International Women's Day, female alumni from Mee Panyar share their heartfelt journeys: from gaining essential skills in the renewable energy sector to creating real impact with what they’ve learned.

Founded by a female engineer, Mee Panyar is working to increase women’s participation in Myanmar’s solar industry equipping women with essential skills and opening doors to meaningful job opportunities.
We continue to celebrate women’s roles in renewable energy and beyond.
🤝What you believe, you become🤝

08/03/2026

အရည်အချင်းရှိခြင်းမရှိခြင်းဟာ အမျိုးသား အမျိုးသမီးဆိုပြီး ကွာခြားတာမျိုးမရှိပေမယ့် အလုပ်အကိုင် အခွင့်အလမ်းတွေကတော့ ကျား/မ ခွဲခြားမှုတွေရှိနေပါတယ်။ အမျိုးသမီးတွေအတွက် အခွင့်အလမ်းဆိုတာ ကဏ္ဍတစ်ခုထဲကို ဝင်ရောက်ဖို့ သင်တန်းတွေဖွင့်ပေးတာမျိုးတင်မဟုတ်ဘဲ နည်းပညာဆိုင်ရာ အခန်းကဏ္ဍတွေမှာ ဆက်လက်လုပ်ကိုင်နိုင်ဖို့၊ အောင်မြင်စွာ ပါဝင်နိုင်ဖို့အတွက်ပါ လုပ်ဆောင်ပေးရမှာဖြစ်ပါတယ်။

ယနေ့ မတ်လ ၈ ရက်နေ့မှာကျရောက်တဲ့ International Women’s Day 2026 အထိမ်းအမှတ်အနေနဲ့ မီးပညာ (Mee Panyar) ကို တည်ထောင်သူ Natasha Allen နဲ့ အတူ မီးပညာကို စတင်တည်ထောင်ဖို့ ဖြစ်စေခဲ့တဲ့ ကြောင်းရင်းတွေ၊ renewable energy ကဏ္ဍမှာ အမျိုးသမီးတွေ ဘယ်လိုပါဝင်နိုင်မလဲဆိုတာကို ဆွေးနွေးခဲ့ပါတယ်။

Q: Renewable energy ကဏ္ဍမှာ အမျိုးသမီးတွေအတွက် သင်တန်းတွေကို မီးပညာက ရင်းနှီးမြှုပ်နှံဖို့ ဆုံးဖြတ်ခဲ့တဲ့ အကြောင်းရင်းကိုပြောပြပေးပါ။
A: အကြောင်းအရင်းတစ်စိတ်တစ်ပိုင်းကတော့ ကိုယ်တိုင်ကြုံခဲ့ဖူးတဲ့အတွေ့အကြုံတွေကြောင့်ပါ။ အမျိုးသမီးအင်ဂျင်နီယာတစ်ယောက်အနေနဲ့ ဆက်လက်သင်ယူဖို့လမ်းကြောင်းတွေမှာ ပတ်ဝန်းကျင်က ဘယ်လောက်အရေးပါလဲဆိုတာကို ကိုယ်တိုင်သိခဲ့ရလို့ပါ။ တခြား အမျိုးသမီးတွေအတွက်လည်း supportive ဖြစ်တဲ့ ပတ်ဝန်းကျင်ကောင်းတစ်ခုကို ဖန်တီးပေးချင်တာကြောင့်လည်းပါပါတယ်။
အမျိုးသမီးတွေက နည်းပညာနဲ့ဆိုင်တဲ့အလုပ်အကိုင်တွေကို စိတ်ဝင်စားကြပေမယ့် သင်တန်းတွေ၊ mentorship တွေ လက်တွေ့လုပ်ငန်းအတွေ့အကြုံတွေရရှိဖို့ အခွင့်အလမ်းတွေ နည်းပါးနေသေးတယ်လို့ ထင်ပါတယ်။ မီးပညာအနေနဲ့ အမျိုးသမီးတွေ ကြုံတွေ့နေရတဲ့ ဒီလို အခက်အခဲတွေကို ဖြေရှင်းပေးဖို့အတွက် တစ်ဆင့်ချင်း ကြိုးစားနေပါတယ်။ သင်တန်းတက်ပြီး energy sector ထဲ ဝင်ရောက်လာဖို့တင်မဟုတ်ဘဲ လက်တွေ့အတွေ့အကြုံတွေ ရရှိနိုင်ဖို့၊ အလုပ်ရှင်တွေနဲ့ ချိတ်ဆက်ပေးဖို့၊ နောက်ပိုင်းမှာ supervisory နဲ့ leadership ရာထူးတွေအထိပါရောက်ရှိဖို့အတွက် လိုအပ်တဲ့ support တွေဆက်ပေးသွားနိုင်ဖို့ ကြိုးစားမှာဖြစ်ပါတယ်။

Q: Solar workforce ထဲမှာ အမျိုးသမီးတွေ ပါဝင်နိုင်ဖို့ ဘာကြောင့် အရေးကြီးတယ်လို့ ထင်ပါသလဲ?
A: စွမ်းအင်ပြောင်းလဲမှု (energy transition) ဆိုတာ လူတွေကပဲပြုလုပ်ရတာပါ။ လူတွေနဲ့ပဲဆိုင်ပါတယ်။ ဒီစနစ်တွေကို ဘယ်သူတွေ တည်ဆောက်မလဲ၊ ဘယ်သူတွေ ထိန်းသိမ်းမလဲ၊ ကဏ္ဍတိုးတက်မှုကို ဘယ်သူတွေ ပုံဖော်မလဲဆိုတာတွေပါ။
အရည်အချင်းရှိခြင်းမရှိခြင်းဟာ အမျိုးသား အမျိုးသမီးဆိုပြီး ကွာခြားတာမျိုးမရှိပေမယ့် အလုပ်အကိုင် အခွင့်အလမ်းတွေကတော့ ကျား/မ ခွဲခြားမှုတွေရှိနေပါတယ်။ အမျိုးသမီးတွေအတွက် အခွင့်အလမ်းဆိုတာ ကဏ္ဍတစ်ခုထဲကို ဝင်ရောက်ဖို့ သင်တန်းတွေဖွင့်ပေးတာမျိုးတင်မဟုတ်ဘဲ နည်းပညာဆိုင်ရာ အခန်းကဏ္ဍတွေမှာ ဆက်လက်လုပ်ကိုင်နိုင်ဖို့၊ အောင်မြင်စွာ ပါဝင်နိုင်ဖို့အတွက်ပါ အားပေးကူညီနိုင်ဖို့လိုပါတယ်။
အမျိုးသမီးတွေ technician၊ engineer သို့မဟုတ် supervisor အဖြစ် ရာထူးတစ်ခုရရှိလာတဲ့အခါ energy sector အားကောင်းမှုတွေဖြစ်လာပါတယ်။ ဒီလိုအလုပ်တွေကို လုပ်ဖို့ စဥ်းတောင်မစဥ်းစားဖူးတဲ့ အမျိုးသမီးတွအတွက်ပါ ကောင်းမွန်တဲ့ စံပြဥပမာတွေဖြစ်လာနိုင်ပါတယ်။

Q: Solar energy ကဏ္ဍမှာ အလုပ်လုပ်ဖို့ စဉ်းစားနေတဲ့ အမျိုးသမီးတွေအတွက် ဘာစကားမျှဝေချင်ပါသလဲ?
A: ဘယ်သူမှ အစကတည်းက အရာအားလုံးကို သိပြီး စတင်တာ မဟုတ်ပါဘူး။ လေ့ကျင့်ခြင်းကတစ်ဆင့်၊ စူးစမ်းလိုစိတ်နဲ့ လက်တွေ့လုပ်ငန်းခွင် အတွေ့အကြုံတွေကနေ အချိန်ကြာလာတာနဲ့အမျှ ရလာတာပါ။ လုပ်ကြည့်ဖို့စိတ်ဝင်စားနေပြီဆိုရင် ပထမခြေလှမ်းတစ်လှမ်းသာစလှမ်းလိုက်ပါ။ Renewable energyကဏ္ဍမှာ လုပ်ငန်းနဲ့အတူ ဆက်စပ်နေတဲ့ community တွေကို အကျိုးပြုမယ့်သူတွေကိုပိုပြီးလိုအပ်နေပါတယ်။ အခုအချိန်မှာလည်း အမျိုးသမီးတွေအတွက် အခွင့်အလမ်းတွေ ပိုများလာနေပြီဖြစ်ပါတယ်။

08/03/2026

"အမျိုးသားတွေရဲ့အလုပ်"လို့ သတ်မှတ်ထားခံရတဲ့ renewable energy ကဏ္ဍမှာ စိတ်ဝင်စားသူတိုင်း အလုပ်အကိုင်အခွင့်အလမ်းကောင်းတွေရစေဖို့အတွက် မီးပညာက အစဥ်အမြဲကြိုးပမ်းနေပါတယ်။ မီးပညာမှာ assistant trainer တစ်ယောက်ဖြစ်တဲ့ မ Coral အနေနဲ့ သူ့ရဲ့ solar energy ကို စတင်ဝင်ရောက်ဖြစ်ခဲ့ပုံကို ဝေမျှပေးထားပါတယ်။

"အရင်အလုပ်က ထွက်ပြီးတဲ့ချိန်မှာ ဘာလုပ်ရမလဲမသိဘူး တော်တော်လမ်းပျောက်နေတဲ့အချိန်မှာ Facebook ကနေ မီးပညာရဲ့ အမျိုးသမီးသီးသန့်သင်တန်းခေါ်တဲ့ post ကိုတွေ့ပြီး batch 2 မှာ သင်တန်းတက်ဖြစ်ခဲ့တယ်။ သင်တန်းတက်နေရင်းကပဲ solar industry မှာ အလုပ်လုပ်တော့မယ်ဆိုပြီး ဆုံးဖြတ်ချက်ချဖြစ်ခဲ့တယ်။ နောက်ပိုင်းမှာ မီးပညာက assistant trainer အတွက် အလုပ်ခေါ်တာတွေ့တော့လည်း စာသင်ရတာလည်း ဝါသနာပါတဲ့အတွက် ဒါတော့ ငါနဲ့ကိုက်တာပဲဆိုပြီး အလုပ်လျှောက်ဖြစ်ခဲ့ပြီးတော့ မီးပညာကို စ join ဖြစ်ခဲ့တာပါ။

သင်တန်း trainer ဖြစ်လာပြီးတော့လည်း အခက်အခဲတွေရှိခဲ့တယ်ပေါ့နော်။ အဓိက လူတွေရဲ့အမြင်ပါ။ အမျိုးသမီးဖြစ်နေလို့ ဒီ solar installation တွေကို လုပ်နိုင်ပါ့မလားဆိုတဲ့အထင်သေးတဲ့အကြည့်တွေ မယုံကြည်တာတွေကို ကြုံတွေ့ခဲ့ရတယ်။ သင်တန်းစသင်တဲ့အခါမှာလဲ အမျိုးသမီးတစ်ယောက်အနေနဲ့ ဒါတွေသင်နိုင်ပါ့မလားဆိုတဲ့ အမြင်တွေကိုလည်း ကြုခဲ့ရပါတယ်။"

ဒီလိုမျိုးအတွေ့အကြုံတွေက မ Coral တစ်ဦးတည်းတင်မဟုတ်ဘဲ Energy ကဏ္ဍမှာ အလုပ်လုပ်နေတဲ့ အမျိုးသမီးအတော်များများ ကြုံတွေ့ရတဲ့ အခက်အခဲတွေပါ။ Gender stereotype တွေကြောင့် လက်တွေ့ဆင်းရတဲ့လုပ်ငန်းတွေ technical ဆန်တဲ့အလုပ်တွေဟာ အမျိုးသားတွေနဲ့ပိုသင့်လျော်တယ်လို့ ထင်မြင်ကြပါတယ်။ အမျိုးသမီးတွေအနေနဲ့လည်း training လက်တွေ့လုပ်ကိုင်ခွင့်ရဖို့ အခွင့်အလမ်း၊ သင်တန်းတွေတက်ရောက်ဖို့အခွင့်အလမ်းတွေ လည်း မရရှိကြတဲ့အပြင် အမျိုးသားတွေများတဲ့ အလုပ်ခွင်တွေမှာ အမျိုးသမီးတွေရဲ့အရည်အချင်းကို အသိအမှတ်ပြုခြင်းမခံရတာတွေ ကြုံတွေ့ကြရပါတယ်။

ယနေ့ အပြည်ပြည်ဆိုင်ရာ အမျိုးသမီးများနေ့မှာ မ Coral က solar energy လုပ်ငန်းကို စတင်ချင်တဲ့အမျိုးသမီးတွေအတွက် စကားလက်ဆောင်ပါးထားပါတယ်။

"ကိုယ့်ဘာကိုယ် ယုံကြည်မှုထားပါ။ စလုပ်ဖို့အတွက် မကြောက်ပါနဲ့။ Solar industry တဖြည်းဖြည်းကျယ်ပြန့်လာတာနဲ့အမျှ အမျိုးသမီးတွေအတွက် အခွင့်အလမ်းတွေ အရင်ထက်စာရင် ပိုများလာတဲ့အတွက် အောင်မြင်တဲ့ career တစ်ခုတည်ဆောက်နိုင်ပါတယ်။"

08/03/2026

မြန်မာနိုင်ငံရဲ့ renewable energy ကဏ္ဍတစ်လျှောက်လုံးမှာ အမျိုးသမီးတွေ ပါဝင်မှုက အခုချိန်ထိ နည်းပါးနေဆဲ ဖြစ်ပါတယ်။ သင်တန်းတွေမှာတော့ အမျိုးသမီးတွေဟာ တက်ကြွစွာပါဝင်နိုင်ပေယ့် လုပ်ငန်းခွင်ထဲရောက်သွားတဲ့အခါ အခက်အခဲတွေ စတင်ကြုံတွေ့ကြရပါတယ်။ ဦးဆောင်လမ်းပြနိုင်မယ့် mentors တွေ မရှိခြင်း၊ အမျိုးသမီး role model တွေနည်းပါးခြင်း၊ လုပ်ငန်းခွင်ထဲမှာ တစ်ယောက်တည်းသော အမျိုးသမီးအဖြစ်လုပ်ကိုင်ရခြင်းတို့ဖြစ်ပါတယ်။

၂၀၂၄ ခုနှစ်မှစတင်ပြီး မီးပညာ (Mee Panyar) ဟာ solar technician နှင့် engineer များ ၆၅၀ ကျော်ကို လေ့ကျင့်ပေးနိုင်ခဲ့ပြီး ၃၄% ဟာ အမျိုးသမီးတွေဖြစ်ပါတယ်။ မီးပညာအနေနဲ့ renewable energy ကဏ္ဍအတွင်း အမျိုးသမီးများ ဆက်လက်တည်ရှိနိုင်ဖို့၊ လုပ်အကိုင်အခွင့်အလမ်းပိုမိုရရှိနိုင်ဖို့နဲ့ ရာထူးကြီးကဏ္ဍတွေမှာ အမျိုးသမီးတွေရောက်ရှိနိုင်ဖို့ ကူညီထောက်ပံ့ပေးလျက်ရှိပါတယ်။

ယနေ့ အပြည်ပြည်ဆိုင်ရာအမျိုးသမီးများနေ့မှာ မီးပညာဟာ solar energy ကဏ္ဍမှာ အမျိုးသမီးတွေ ပိုပြီးပါဝင်လာစေနိုင်ရေးအတွက် ဆက်လက်ထောက်ပံ့ကူညီဖို့ ဆန္ဒပြုပါတယ်။ အမျိုးသမီးတွေအတွက် inclusion ဆိုတဲ့နေရာမှာ သင်တန်းအဆင့်မှာပဲ မရပ်နေသင့်ပါဘူး။ လုပ်ငန်းဘဝရပ်တည်ရေးနဲ့ ဦးဆောင်မှုအခန်းကဏ္ဍတွေအထိပါ ဆက်လက်တိုးတက်သင့်ပါတယ်။

Women remain underrepresented across Myanmar’s renewable energy sector. While many perform strongly during training, they still face barriers in the workplace; limited mentorship, few role models, and often being the only woman on technical teams.
Since 2024, Mee Panyar has trained 650+ solar technicians and engineers, with 34% women enrolled. Here at Mee Panyar, we continue to support women in renewable energy to stay, grow, and lead. When women are visible in technical roles, it not only strengthens the sector today, but also inspires the next generation to see a future for themselves in clean energy.

This International Women’s Day, Mee Panyar continues to advocate for greater inclusion across the sector because inclusion for women should not stop at training, but continue through career progression and leadership.

03/03/2026

RE:Build Proposal လျှောက်လွှာတင်ချိန်ပိတ်ဖို့ ၃ ရက်ပဲလိုပါတော့တယ်နော်။ လျှောက်လွှာတင်ဖို့ ကျန်ရှိနေတဲ့သူတွေအနေနဲ့ မတ်လ ၆ ရက်နေ့ ည ၁၂ နာရီမထိုးခင်ထိ တင်လို့ရပါတယ်။

အခုမှ RE:Build Proposal ကို စိတ်ဝင်စားတဲ့သူတွေအနေနဲ့လည်း https://sites.google.com/view/rebuild-myanmar ဒီ link လေးမှာ မြန်မာဘာသာ/အင်္ဂလိပ်ဘာသာ ၂ မျိုးလုံးနဲ့ လေ့လာလို့ရပါတယ်။

Proposal နဲ့ပတ်သက်ပြီး ထပ်မံသိရှိလိုပါက 09694477123 | [email protected]ကိုဆက်သွယ်နိုင်ပါတယ်။

RE:Build Proposal တင်ဖို့ရက်နီးလာတာကြောင့် project နဲ့ပတ်သက်ပြီး လျှောက်ထားသူတွေအမေးများတဲ့ မေးခွန်းလေးတွေကိုလည်း ပြန်လည်စုစည်းပြီး တင်ပေးလိုက်ပါတယ်။

၁) Proposal တစ်ခုတည်းမှာ နေရာသုံးခုစာ တစ်ခါတည်းတင်လို့ရပါသလား (သို့မဟုတ်) နေရာ တစ်ခုစာအတွက်ပဲလျှောက်ထားလို့ရတာလား။

Proposal တစ်ခုမှာ Project area (စီမံကိန်းနေရာ) အရေအတွက် ကန့်သတ်ထားတာမရှိပါဘူး။ နေရာတစ်ခုချင်းစီအတွက် လိုအပ်တဲ့ အချက်အလက်တွေကို Zip ဖိုင်နဲ့ သေချာလေး စုပြီးပို့ပေးရမှာဖြစ်ပါတယ်။

၂) ဆိုလာစနစ်တစ်ခု စတင်တပ်ဆင်ပြီးတဲ့အခါ ဘယ်နှနှစ်လောက်အထိ လည်ပတ်နိုင်ဖို့ မီးပညာက ရည်ရွယ်ထားပါသလဲ။

‌ရေရှည်အတွက်ရည်ရွယ်ထားတာဖြစ်လို့ အနည်းဆုံး သုံးနှစ်ကနေ ငါးနှစ်အထိ ထိန်းသိမ်းအသုံးပြုနိုင်ရပါမယ်။ မီးပညာရဲ့ သင်တန်းသားဟောင်းတွေကလည်း တပ်ဆင်ပြီး တစ်နှစ်အထိ လိုအပ်တဲ့ ပြုပြင်ထိန်းသိမ်းလုပ်ငန်း တွေကို ကူညီပံ့ပိုးပေးသွားမှာဖြစ်ပါတယ် (ဥပမာ- System breakdown ဖြစ်တဲ့အခါ လိုအပ်တဲ့ setting တွေကို Virtual နဲ့ instruction ပေးတာမျိုးအပြင် ပစ္စည်းလဲလှယ်တပ်ဆင်ဖို့လိုအပ်တဲ့အခါမှာလည်း နေရာအထိ သွားရောက်ပြုပြင်တပ်ဆင်ပေးခြင်းမျိုးဖြစ်ပါတယ်။)

၃) စနစ်တစ်ခုချင်းစီအတွက် သတ်မှတ်ထားတဲ့ ဘတ်ဂျက်ကန့်သတ်ချက် ရှိပါသလား။

စနစ်တစ်ခုချင်းစီအတွက် သတ်မှတ်ထားသော ဘတ်ဂျက်ကန့်သတ်ချက် မရှိပါ။ ဒါပေမယ့် အသုံးပြုမည့် ဝန်အား (usage load) ကို သေချာထည့်သွင်းစဉ်းစားဖော်ပြရမှာဖြစ်ပြီးစနစ်ရောဘတ်ဂျက်ရောနဲ့ ကိုက်ညီမှုရှိရမှာဖြစ်ပါတယ်။ အချက်အလက်အားလုံးကစီမံကိန်းရဲ့ ရည်မှန်းချက်၊ အဓိကသတ်မှတ်ချက်စံနှုန်းတွေနဲ့ ကိုက်ညီမယ်ဆိုရင် ထည့်သွင်းစဥ်းစားမှာဖြစ်ပါတယ်။

၄) လုပ်ငန်းအသစ်တွေအနေနဲ့ရော ဒီ Proposal ကိုလျှောက်ထားလို့ရပါသလား။

ရပါတယ်။ ဒါပေမယ့် ဒီအလုပ်က လူထုအတွက် ဘယ်လောက်အကျိုးပြုနေသလဲ ဆိုတာကိုတော့ထည့်တွက် စဥ်းစားဖို့လိုပါမယ်။ (ဥပမာ ‌ရေသန့်စက်လည်ပတ်ဖို့ အတွက် လျှပ်စစ်မီးလိုအပ်ချက်ကြောင့် လျှောက်ထားခြင်း (သို့) အမျိုးသမီးတွေ အလုပ်အကိုင် အခွင့်အလမ်းရရှိဖို့ အတွက် မော်တာသုံးရက်ကန်းစက်များ၊ မော်တာသုံးအပ်ချုပ်စက်များတည်ထောင်ပေးခြင်း)

၅) ငလျင်ဘေးသင့်ဒေသမဟုတ်ပဲ တခြားအမှန်တကယ် လိုအပ်နေတဲ့ နေရာတွေအတွက်ရော လျှောက်ထားလို့ရပါသလား။

ပထမ ဦးစားပေးက ငလျင်ဒေသတွေ ဖြစ်တဲ့အတွက် ငလျင်ဒေသမဟုတ်ပဲလျှောက်ထားပါက ဒုတိယထည့်သွင်းစဥ်းစားပေးမယ့် နေ‌ရာမှာတော့ ရှိပါမယ်။ ဆုံးဖြတ်ချက်အားလုံးကတော့ Voting team ရဲ့ review ‌အောက်က သွားမှာဖြစ်ပါတယ်။

၆) မီးပညာသင်တန်းသား‌ဟောင်းတွေနဲ့ချိတ်ဆက်မှု မရှိတဲ့အတွက် Technical calculationတွေက တွက်ချက်ရတာအဆင်မပြေတော့ ဘယ်လိုလျှောက်ထားလို့ရနိုင်မလဲ ရှင်းပြပေးပါ။

Technical form တွေကို Organization အနေနဲ့ ဖြည့်စရာမလိုပါဘူး “Organization only packet”ကိုရွေးပြီး အဖွဲ့ အစည်းအကြောင်းနဲ့ Site information အကြောင်းမေးထားတဲ့ Form တွေကိုပဲ ဖြည့်ပြီး Submit လုပ်လို့ရပါတယ် Mee Panyar ကနေ သင့်တော်တဲ့ သင်တန်းသားဟောင်းတွေကို ချိတ်ဆက်ပေးပြီး တွက်ချက်မှုအပိုင်းတွေကို တာ၀န်ယူခိုင်းမှာပါ။

၇) Declaration Form ဆိုတာဘာလဲ?

Declaration form ဆိုတာ လျှောက်ထားသူတွေကမီးပညာရဲ့ ညွှန်ကြားချက်နဲ့ လမ်းညွှန်ချက်များကို လိုက်နာမည်ဖြစ်ကြောင်း ကတိပြုချက်တစ်ခု ဖြစ်ပါတယ်။ လျှောက်ထားသူတွေက အဆိုပြုလွှာခေါ်ယူခြင်း (CfP) ကို သေချာစွာဖတ်ရှုနားလည်ပြီးဖြစ်ကြောင်း၊ စနစ်ကို စီမံကိန်း၏ ရည်ရွယ်ချက်အတိုင်း အသုံးပြုမည်ဖြစ်ကြောင်းနဲ့ ရေရှည်တည်တံ့တဲ့ ဖွံ့ဖြိုးတိုးတက်မှုအတွက် စနစ်ကို ဆက်လက်ထိန်းသိမ်းသွားမည်ဖြစ်ကြောင်း ဖော်ပြရမှာ ဖြစ်ပါတယ်။ ဒါကြောင့် ကျွန်တော် တို့ဘက်က နမူနာပုံစံထုတ်ပေးထားတာမဟုတ်ဘဲ လျှောက်ထားသူတို့အနေနဲ့အဆိုပြုလွှာကို ဘယ်လောက်အထိ နားလည်သဘောပေါက်ကြောင်း၊ စီမံကိန်း အောင်မြင်စွာ အကောင်အထည်ဖော်ဖို့အတွက် ကတိကဝတ်ပြုနိုင်ကြောင်းကို စစ်ဆေးဖို့အတွက်ဖြစ်ပါတယ်။ အဖွဲ့အစည်းရဲ့ မူရင်း ပုံစံအတိုင်း တင်သွင်းနိုင်ပါတယ်။

၈) စနစ်တပ်ဆင်ဖို့အတွက် လိုအပ်တဲ့ tools တွေကို မီးပညာကနေ ငှားပေးနိုင်မလား? တပ်ဆင်မှုအတွက် လိုအပ်တဲ့ ပစ္စည်း(Tools)တွေက စျေးကြီးသလို Technical proposal ထဲမှာလည်း မပါလို့ပါ။

လိုအပ်တဲ့ အကူအညီနဲ့ Tools တွေကို Note ထဲမှာ ထည့်သွင်း ရေးသား‌လို့ရပါတယ်။ ဒါပေမယ့် Technical proposal ထဲမှာတော့ ထည့်လို့မရပါဘူး။ ဘာလို့လဲ ဆိုတော့ တပ်ဆင်ပေးမယ့် မီးပညာ သင်တန်းသားဟောင်းတွေမှာ လိုအပ်တဲ့ တပ်ဆင်မှု Tools တွေ ရှိနေပြီးသားဖြစ်ရမှာဖြစ်ပြီး စနစ် အတွက် လိုအပ်တဲ့ ဘက်ထရီ၊ အင်ဗာတာ စသဖြင့်ပဲ Proposal ထဲ ထည့်လို့ရပါမယ်။ တပ်ဆင်ရေးပိုင်းမှာ အကူအညီတောင်းထားတဲ့ Tools တွေကို လိုအပ်တဲ့အခါ တခြားသောနည်းလမ်းတွေနဲ့ ကူညီ ပံ့ပိုးပေးပါမည်။

၉) ရေစုပ်စက်လိုမျိုး Starting power ရှိတဲ့ ပစ္စည်းတွေကို ထည့်သွင်း စဥ်းစားတဲ့ အခါ VFD ကို လိုအပ်တဲ့ ပစ္စည်း စာရင်းထဲမှာ ထည့်လို့ ရပါသလား?

ထည့်သွင်းလို့ရပါတယ်။ System Safe ဖြစ်ဖို့အတွက် လိုအပ်မယ့် ပစ္စည်းတွေအကုန်လုံးကို Technical proposal ထဲမှာ ထည့်သွင်းလို့ရပါတယ်။ ( Starting load - သာမန် လျှပ်စစ်ပစ္စည်း တခုက 100W ရှိရင် စတဲ့အချိန်လည်း 100W ပါပဲ ဥပမာ မီးသီးတွေ ထမင်းပေါင်းအိုးတွေ၊ Starting load ပါတဲ့ Aircon, ရေခဲသေတ္တာတွေက မူရင်း 300W လောက်ရှိပေမယ့် စပြီး Run တဲ့အခါ သုံးဆ (လျှပ်စစ်အား 900W) လောက်ဆွဲပါတယ် ၅မိနစ်လောက်ကြာမှသာ ပုံမှန် power ကိုပြန်ရောက်ပါတယ်။ VFD က စဆွဲတဲ့ Load ကိုလျှော့ချပေးတဲ့ စနစ်ပါ)

RE:Build ကို လျှောက်ထားဖို့ စိတ်ဝင်စားတဲ့အဖွဲ့အစည်းတွေကိုလည်း ဝေမျှပေးပါဦးနော်။

19/02/2026

[English Language Below]

💬 RE:Build အစီအစဉ်ကိုလျှောက်ထားဖို့ စဉ်းစားနေတာလား?

Call for Proposals အကြောင်း အသေးစိတ်ရှင်းလင်းချက်တွေ၊ လျှောက်ထားနိုင်မယ့် နည်းလမ်းတွေနဲ့ သင် သိလိုသမျှမေးခွန်းတွေကိုပြန်လည် ဖြေသွားပေးမယ့် Information webinar ကို နှစ်ကြိမ်တိတိ ပြုလုပ်မှာဖြစ်ပါတယ်။

သင်ဟာ project တစ်ခုကို ဦးဆောင်ဖို့ စိတ်ဝင်စားတဲ့ မီးပညာရဲ့ သင်တန်းသားဟောင်း တစ်ယောက်ဖြစ်စေ ၊ ဒါမှမဟုတ် တိုက်ရိုက်လျှောက်ထားချင်တဲ့ Community Organization တစ်ခုဖြစ်စေ Proposal မတင်ခင် လုပ်ငန်းစဉ် တစ်ခုလုံးကို နားလည်အောင်ရှင်းပြပေးမယ့် webinar ဖြစ်လို့ လက်မလွတ်ပဲ Register လုပ်လိုက်ပါ

နှစ်ကြိမ်ပြုလုပ်သွားမှာဖြစ်လို့ အဆင်ပြေတဲ့ နေ့ကိုရွေးပြီး join လို့ရပါတယ်နော်

📅 Session 1: February 20, 2026, at 11AM-12PM
📅 Session 2: February 27, 2026, at 11AM-12PM

🔗 Register here : https://forms.gle/s2GQppRX439qhMGP8
------------------------------–------
💬 Thinking about applying to RE:Build?

We’re hosting two Information Webinars to walk through the Call for Proposals, explain the two application pathways, and answer your questions.

Whether you’re a Mee Panyar alumni interested in leading a project, or a community organisation considering applying directly, this session is a chance to understand the process clearly before you submit.

You can pick which session to join based on your availability.

📅 Session 1: February 20, 2026, at 11AM-12PM
📅 Session 2: February 27, 2026, at 11AM-12PM

🔗 Register here https://forms.gle/s2GQppRX439qhMGP8

09/02/2026

RE: Builld ☀️
Calling for Proposal !!

[English Language below]

ဆိုလာစွမ်းအင်နဲ့ ငလျင်‌ဘေးသင့်ရပ်ရွာ‌ဒေသများအတွက် အကျိုးပြုလုပ်ငန်းတွေ လုပ်ကြစို့! ⚡️

💁🏻‍♂️ငလျင်တွေဖြစ်ပြီးတဲ့နောက် မိမိတို့ရဲ့ ရပ်ရွာဒေသမှာ လျှပ်စစ်မီးအခက်အခဲကြောင့် လုပ်ငန်းတွေ ကြန့်ကြာနေရတာမျိုး ကြုံနေရလား?

💁🏻‍♂️ဒါမှမဟုတ် ဆိုလာစွမ်းအင်ကို သုံးပြီး ကိုယ့်ရပ်ရွာဒေသဖွံ့ဖြိုးရေးအတွက် တစ်ခုခု ဖော်ဆောင်ဖို့စိတ်ကူးရှိလား?

🗣️Mee Panyar ကနေ ဆိုလာစနစ်တပ်ဆင်ဖို့အတွက် အပြည့်အဝထောက်ပံ့ပေးမယ့် RE: Build ဆိုတဲ့ (Fully-funded) အစီအစဉ်တစ်ခု ရှိပါတယ်။

ဘယ်သူတွေ လျှောက်ထားနိုင်သလဲ? 🔧🏘

✅ ဒေသခံရပ်ရွာမိတ်ဖက်အဖွဲ့အစည်းတွေနဲ့ ပူးပေါင်းပြီးပရောဂျက် Installationကို ဦးဆောင်ချင်တဲ့ Mee Panyar သင်တန်းသားဟောင်းများ

✅ဆိုလာစွမ်းအင်သုံးပြီး မိမိတို့လုပ်ငန်းတွေကို ပြန်လည် လည်ပတ်နိုင်အောင် လုပ်ဆောင်လိုတဲ့ လူထုအခြေပြုအဖွဲ့အစည်းများ (CSOs, NGOs, MSMEs, အသေးစားစီးပွားရေးလုပ်ငန်းများ နှင့် လူငယ်အဖွဲ့အစည်းများ)။

ဘာတွေ ပံ့ပိုးပေးမှာလဲ? 💡
ရွေးချယ်ခံရတဲ့ ပရောဂျက်တွေအတွက် ဆိုလာစနစ်တပ်ဆင်ရာမှာ လိုအပ်တဲ့ တပ်ဆင်ခြင်းဆိုင်ရာ အထောက်အပံ့တွေကို (Fully Funded) ကူညီပေးသွားမှာပဲ ဖြစ်ပါတယ်။

လျှောက်ထားချင်ရင်တော့ 👇

အသေးစိတ်အချက်အလက်တွေကို အောက်ပါ Linkထဲ ၀င်ပြီး အကုန်ကြည့်လို့ရပါတယ်။ 👉
https://sites.google.com/view/rebuild-myanmar

⏰ နောက်ဆုံးလျှောက်ထားရမယ့်ရက် -
မတ်လ ၆ ရက်၊ ည ၁၁:၅၉ အထိ

Proposal ကိုဖတ်ပြီးလို့ လျှောက်လွှာformsတွေနဲ့ပတ်သက်ပြီး ပိုမို သိရှိလိုသည်များ သို့ မရှင်းလင်းသည်များ အတွက်လည်းမေးမြန်းနိုင်မယ့် information meetingအတွက် အောက်ပါ Link မှာ register လုပ်ထားနိုင်ပါတယ်။

https://forms.gle/vRRB7THm2az1L12K7

Feb 20ရက်နေ့ မှာပြုလုပ်မယ့် Information Meeting လေးမှာ Proposal အကြောင်းအရာ အသေးစိတ်ကို ထပ်မံရှင်းပြသွားမည်ဖြစ်ပြီး သိလိုသည်များကိုလည်း မေးမြန်းနိုင်ပါသည်။

ကိုယ့်သူငယ်ချင်းတွေ ဒါမှမဟုတ် ကိုယ်သိတဲ့ အဖွဲ့အစည်းလေးတွေ သိအောင်လည်း ဒီ Post လေးကို Mention ခေါ်ပေး၊ Share ပေးကြပါဦးနော်။

We’re excited to launch RE:Buil, a Call for Proposals supporting solar-powered community work and livelihoods ☀️

This call is open to:
🔧 Mee Panyar alumni who want to lead a project with a community.

🏘️ Community-based organisations (CSOs, NGOs, social enterprises, youth groups) that could use solar to strengthen their works.

Selected projects will receive fully-funded support to install a solar system to help reduce energy constraints and support day-to-day activities.

⏰ Apply by March 6, 11:59 PM

🔗 Full details, eligibility, and application info via the link / QR code

https://sites.google.com/view/rebuild-myanmar

If this sounds relevant to you or to an organisation you work with, check it out!

Want to learn more or help with your application? Register for the information session.
https://forms.gle/vRRB7THm2az1L12K7

03/12/2025

ပြီးခဲ့တဲ့ Sunday က မီးပညာရဲ့ သင်တန်းသားဟောင်းတွေ့ဆုံပွဲလေးကို ပျော်ပျော်ပါးပါး Hang out လုပ်ဖြစ်ခဲ့ပါတယ် 🎉

ဆိုလာနယ်ပယ်ထဲဝင်ရောက်လုပ်ကိုင်နေပြီဖြစ်တဲ့ ကျောင်းသားဟောင်းတွေကလည်းသင်တန်းပြီးသွားတဲ့နောက် သူတို့ရဲ့အတွေ့အကြုံတွေကို မျှဝေပေးရင်း အချင်းချင်း Networking လုပ်ဖြစ်ခဲ့ကြပြီး Job opportunity တွေကိုလည်း sharing လုပ်ဖြစ်ခဲ့ပါတယ်

Group activity လေးတွေလုပ်ရင်း အနာဂတ်ဆိုလာကဏ္ဍရဲ့အကြောင်းကိုဆွေးနွေးကြရင်း O&M ရဲ့ အရေးပါပုံကိုလည်း မီးပညာကနေ sharing လုပ်ပေးသွားခဲ့ပါသေးတယ်

ဒါ့အပြင် Game activities လေးတွေနဲ့ပျော်ပျော်ပါးပါးကစားခဲ့ကြပြီး ဆုတွေယူကြသလို မီးပညာရဲ့ Technical Quiz လေးတွေဖြေရင်းနဲ့လည်း လက်ဆောင်လေးတွေရယူခဲ့ကြပါသေးတယ်

နောက်ထပ်လည်း ဒီလို Reunion ပွဲလေးတွေ ထပ်လုပ်ပေးသွားပြီး Knowledge Sharing session, Networking နဲ့ job matching session တွေလည်း လုပ်ပေး ဖို့ရှိတာမို့ မjoinဖြစ်လိုက်တဲ့သူတွေအနေနဲ့လည်း နောက်တစ်ခါလာ join ဖို့ ဖိတ်ခေါ်ပါတယ်💁‍♀️

Eventလေးအတွက် အရသာရှိတဲ့Organic food boxes sponsor အဖြစ် supportပေးခဲ့တဲ့ Kyar Nyo Thin ကိုလည်းအထူးကျေးဇူးတင်ရှိပါကြောင်း ပြောကြားလိုပါတယ်ခင်ဗျ💁‍♀️

12/11/2025

O&M campaign ရဲ့ Winner လေးတွေတော့ ထွက်ပေါ်လာပါပြီနော် မေးခွန်း ၃ခုမှန်တဲ့ သူတွေလည်း ရှိသလို ၂ခုတည်းမှန်တဲ့သူတွေလည်းရှိပါတယ် ဆု အသီးသီးကိုလည်း Winner တွေဆီ တိုက်ရိုက်ဆက်သွယ်ပြီးပေးအပ်သွားမှာဖြစ်ပါတယ်

အခု campaignမှာ မjoinဖြစ်လိုက်တဲ့သူတွေလည်း နောက်ထပ် Campaign တွေမှာ joinနိုင်ဖို့ page လေးကို စောင့်ကြည့်နေပေးဖို့ နဲ့ like & follow လုပ်ဖို့မမေ့နဲ့နော်

သင်တန်းအကြောင်းအရာတွေကို ဆက်သွယ်စုံစမ်းလိုပါက

☎️ 09694477123
📧 [email protected]

ကိုဆက်သွယ်မေးမြန်းနိုင်ပါတယ်နော်

Mee Panyar

13/04/2026

01/04/2026

26/03/2026

17/03/2026

08/03/2026

08/03/2026

08/03/2026

03/03/2026

19/02/2026

09/02/2026

03/12/2025

12/11/2025

Address

Telephone

Website

Alerts

Contact The Business

Shortcuts

Share

Category