24/05/2026
#အလုပ်အပ်သူတွေများလာခြင်းအပေါ်
အသိရှိစေဖို့ ဝေမျှခြင်းသည်သာ😎
အိမ် ဘယ်လို စ ဆောက်မလဲ ။ ဆောက်မယ့် သူကော ၊ ဆောက်တဲ့ သူက ဒါလေးတွေ မဖြစ်မနေ သိထား ရပါ့မယ် ။
အိမ် တစ်အိမ် ဆောက်ဖို့ ပထမဦးဆုံးး မြေရှင်း မြေသန့် ပြုလုပ်ပြီးတာနဲ့ ပန္နတ် အရင် စရိုက်ရပါ့မယ်။ ပန္နတ် ဘယ်လို ရိုက်မလဲ ။
* အဆောက်အဦး ပန္နတ်ရိုက်ခြင်းသည် အရေးကြီးသည်။လျှော့၍ မစဉ်းစားပါနှင့်၊
* အဆောက်အအုံ ထောင့်မှတ်များ စိုက်ရန်ပါ(ပတ်တန်းပေါ့)။ နေရာမှန်မှ 5' နှင့် 10' ကြား အကွာအဝေး စိုက်ထူပါ ။ ဆိုလိုသည်က footing မြေကြီးတူးရမယ့် တွင်းနှင့် လွတ်အောင်ပါ ။ တွက်၍ အဆင်ပြေသလို လုပ်နှိုင်သည်။ အုတ်ခုံ ဗဟိုမျှဉ်း ၊ အဆောက်အအုံ အပြင်မျှဉ်း ကြိုက်ရာရွေး၍ ကျင်တွယ်ဖမ်းပါ ။ အများသုံး အပြင်နံရံမျှဉ်းကို ဖမ်းပါက ပိုလွယ်ကူသည်။
* အဆောက်အအုံ ပန္နတ်များ စိုက်ပြီးပါက ထောင့်ဖြတ် အကွာအဝေး ညီ မညီ ပြန်စစ်ပါ။ ( ဝက်ခေါင်းထိုး ကျင်တွယ် ဖမ်းခိုင်းတာပါ ။ သေချာအောင်)
* ထောင့်ပန္နတ် ရိုက်ရာ၌ ငုတ် တစ်ငုတ် စိုက်ထူ စနစ်ကို မသုံးပါနှင့် ။ တန်းပန္နတ် စနစ်ကိုသာ သုံးပါ (သို့မဟုတ် ) ဂိုးတိုင်ပုံစံမျိုး ပန္နတ်တန်း ရိုက်ထားလဲ ရပါတယ်။
* ပန္နတ်တန်းကို ရေချိန်ကိုက် ပြုလုပ်၍(Level) မြေညီထပ် ကြမ်းပြင် အမြင့်နှင့် တူညီအောင် ဆောင်ရွက်ပါ။
* ပန္နတ်တန်း စိုက်ထူပြီးပါက တာဝန်ခံ အင်ယာ ကြီးကြပ်၍ စစ်ဆေးပါ။ စစ်ဆေးစေပါ ။ စစ်ပြီးမှ လုပ်ငန်းစတင်ပါ ။(အရေးကြီးး)
* ပန္နတ်တန်းများကို အချိန်အတော်ကြာ အသုံးပြုရမည် ဖြစ်၍ .....
- မြေတူးလုပ်ငန်းနှင့် ကင်းလွတ်သည့် နေရာ စိုက်ပါ။
- လုံခြုံစွာ ကာရန်ထားပါ ။
- အများသိနိုင်ရန် အမှတ်အသား ပြုလုပ်ထားပါ ။
- ခိုင်ခန့်စွာ ပြုလုပ်ပါ ။
ပန္နတ်လုပ်ငန်း ပြီးရင် မြေတူး လုပ်ငန်း စရပါ့မယ်။ မြေဘယ်လို တူးမလဲ?
မြေကြီးတူးရာမှာ ကိုယ်တူးမယ့် ဖူတင် အကျယ်တိုင်းး သစ်သားခွေ လေး ခွေကာ ပန္နက် မျှဉ်းနှင့် သစ်သားခွေမှာ ခွဲထားသည့် အလယ်ပွိုင့်တို့ ချိန်ချရပါမည် ။ ( ဆိုလိုတာက သစ်သားခွေမှာ ဘောင်လေး ဘောင် ပွိုင့်လေး ပွိုင့် ရှိပါ့မယ်။ ပန္နက် မျှဉ်းက လေးမျှဉ်း ရှိပါမယ်။ ပန္နက် လေးမျှဉ်းနဲ့ ဘောင်လေးဘောင် ရအောင် ချိန်ချခိုင်းတာပါ )
ရပြီဆိုရင် သစ်သား ဘောင်လေး အတိုင်း ထုံးဖြူ း ၍ မာကင် ပေးရပါ့မယ် ။ ပြီးတော့ အဲ့ အမှတ်အသားထက် တစ်ဖတ် ခြောက်လက်မစီ ပိုတူးပေးရပါတယ် ။ ဒါမှ ဖောင်းဝပ် ရိုက်ဖို့ နေရာ ရမှာပါ ။
အတိအကျ တူး၍ ဖောင်းဝပ်မရိုက်ပဲ ဖူတင်ကွန်ကရစ်လောင်းမယ်ဆို ဆိုးကျိုးတွေ ရှိလာနှိုင်ပါတယ် ။ ပေရှည်မည် ဆိုး၍ မရေးတော့ပါ ။
မြေကြီးလုပ်ငန်းပြီးရင် ဖူတင်ကွန်ကရစ် လုပ်ငန်း စပါ့မယ်။
ဖူတင် ကွန်ကရစ် မလောင်းမှီ ဟက်ခိုး အရင် ရိုက်ရပါ့မယ် ၊ ဟက်ခိုးရိုက်ရမှာ အုတ်အဆွေးအမြေ့များ မရိုက်သင့်ပါ ။ ခြောက်ကိုး ကျောက်ကြီး ရိုက် နှိုင်ရင် ပိုကောင်းပါတယ် ။ စီစီရီရီ ရိုက်ရပါ့မယ် ။ ဖြစ်သလို ပစ်ချ၍ မလုပ်ရပါ ။ ပြီးရင် တချို့က သဲ ကြပ်ပါတယ် ။ မကြပ်လဲ ရပါတယ် ။ လင့် သုံးလက်မထု ရအောင် လောင်းပေးရပါ့မယ် ။ သဲ ကြပ်တာ မကြပ်တာက ဘိလပ်မြေ ပိုကုန်တာနဲ့ မကုန်တာပဲ ကွာသွားတာပါ ။
ပြီးတော့ ဖူတင်နဲ့ လင့် တွဲ မလောင်းရပါ ။ တစ်ချို့က လင့် သုံးလက်မ ဖူတင် ကိုးလက်မဆို ပေါင်းး တစ်ပေ ကျောက်ကျောက်ချင်း အတူတူပါပဲ ဆိုပြီး တွဲလောင်းတာ မြင်ဖူးပါတယ် မလုပ်ရပါ ။ လင့်နဲ့ ဖူတင် တန်ဖိုးချင်း မတူပါဘူး ၊ နောက်မှ လင့်ကြောင်း ရှင်းပြပါ့မယ် ။
လင့် အကြောင်း မရှင်းပြခင် ဟက်ခိုး ဘာကြောင့် ရိုက်ခိုင်းတာလဲ အရင် ရှင်းပြပါ့မယ်။
ဘာကြောင့် ဟက်ခိုး (Hardcore) ရိုက်တာလဲတဲ့ ၊
ဒါက အိမ်ရှင်တွေ တော်တော်များ မေးခံရတဲ့ မေးခွန်းပါ။ မျက်စိထဲ ရိုးရိုးလေး မြင်ကြည့်ရအောင်။
သင့်ရှေ့မှာ ကားတစ်စီး ဗွက်နစ်နေတယ် ဆိုပါစို့ ၊ ကားဒရိုက်ဘာ ဆင်းလာမယ် ၊ ဗွက်လည်နေတဲ့ ချိုင့်ထဲ အုတ်ခဲကျိုး ၊ ခဲကျိုး ၊ ကျောက်တုံးတွေ ရိုက်ထည့်ပြီး ပြန်ရုန်းထွက်မယ် ။ ဒါဆိုရင် ကားက ရုန်းထွက်နိုင်ပါပြီ။ သင့်မျက်လုံး မြင်မိရင် ဟက်ခိုးဘာကြောင့် ရိုက်ရလဲ ဆိုတာ နည်းနည်းသဘောပေါက်လောက်ပါပြီ ။
ဟက်ခိုးကို မြေသားမမှန်သော နေရာရာများ ၊ ဗွက်လည်သော မြေသားများတွင် အသုံးပြုရန်၊ အုတ်မြစ်ရဲ့ အမာခံ အလွှာဖြစ် ထည့်သွင်းပေးတာပါတဲ့ ။
ပြီးတော့ ဟက်ခိုးက ကျလာသော ဝန်များကိုလည်း တူညီစွာ ဖြန့်ကျတ်ပေးသေးပါတယ်။
ဟက်ခိုးကို လမ်းခင်းခြင်း ၊ ကားလမ်းများ၊အဆောက်အဦး အုတ်မြစ်များ၊မြေညီထပ် floor concrete များ တွင် အောက်ခံ အမာခံ လွှာဖြစ် အသုံးပြုရပါတယ်တဲ့။
ဟက်ခိုးကို ရေ၌ မပျော်ဝင်သော ကျောက်တုံးကျောက်ခဲ များဖြစ်သာ အသုံးပြုရမည် ဖြစ်ပြီး ကျစ်လစ်သိပ်သည်း အောင် ပြုလုပ်ထားရမှာ ဖြစ်ပါတယ်။ ( ဆိုလိုတာက ကျောက်တွေကို သေချာ စီစီရီရီ ရိုက်ရမှာ ဖြစ်ပြီး သဲဖြည့် ရေလောင်း ဒင် ဆောင့် ခိုင်းတာပါ)
ကန့်သက်ထားတာ တစ်ခု ဟက်ခိုးကို အဆောက်အဦး စွန့်ပစ်ပစ္စည်း အုတ်ခဲကျိုး၊ ခဲကျိုး ၊ ကွန်ကရစ် အကျိုး အကြေများဖြင့် မပြုလုပ်ရပါဘူးတဲ့ ။
သူတို့ဟာ ဆွေးမြေ့ပျက်စီးနှိုင်ပြီး ဆာလဖိတ် ပါဝင်ကာ ရေနဲ့ဓာတ်ပြုပြီး ကွန်ကရစ် ကို ပျက်စီးစေလို့ပါတဲ့။
မလျှော်မမှန်သော ဟက်ခိုးရိုက်ခြင်းဟာလည်း Hardcore အလွှာ၏ ပံပိုးမှု့ဆိုင်ရာ ဂုဏ်သတ္တိကို ခြိမ်းခြောက်စေပါတယ်။
ဆောက်လုပ်ရေး လုပ်ငန်းများ၏ မျှော်လင့်ထားသောဝန်နှင့်ဖြစ်နှိုင်ခြေ ရှိသော ဖိအားများ၏ Hardcore အလွှာ၏ သင့်တော်သော အထူသည် ပုံမှန်အားဖြင့် 100-150 mm ကောင်းစွာ ကျစ်လစ်စွာ ထားရှိရမည် ဟု ဆိုထားပါသည်။
ဟက်ခိုး၏ အဓိက လုပ်ဆောင်ချက်ကတော့ အောက်ခံမြေသား အဆင့်မြင့်တင်မှု့ အတွက် လိုအပ်သော အမာခံ အလွှာပါလို့ ပြောချင်ပါတယ်။
Crd:ရတုကဗျာ
