Romantic House Decoration & Construction Co.,ltd

21/05/2023

Interior Decoration ပုံစံနှင့် အယူအဆများ (အပိုင်း - ၃) - Rustic Style နှင့် France Country Style များအကြောင်း



ဒီနေ့မှာ Romantic House Decoration & Construction Co.,ltd ရဲ့ မိတ်ဆွေများ၊ Customer များအတွက် ရေးလက်စ Decoration Styles လေးတွေ အကြောင်း ဆက်လက်ရေးသားတင်ပြသွားပါရစေ။

Rustic Style Decoration
Outdoor မှာ တွေ့မြင်ရတဲ့အရာလေးတွေကို Inspiration ယူပြီး ပြင်ဆင်ထားတာမျိုးလေးပါ။ ဒီလိုအိမ်တွင်းပြင်ဆင်မှုလေးဟာ လယ်တောအိမ်လေး တလုံးလို၊ စက်မှုခေတ်က အိမ်လေးတလုံးလို မြင်တွေ့ခံစားနိုင်မှာ ဖြစ်ပါတယ်။ သစ်သားအကြမ်းထည်တွေ၊ အထူးတလည် ပြင်ဆင်ထားပုံမရတဲ့ ကျောက်တုံးနဲ့ သားရေသားတွေ၊ သံချေးတက်နေသလိုပုံစံနဲ့ အရောင်တွေ အသုံးပြုပြီး အမြင်ဆန်း အသွင်ဆန်းတွေ စီမံဖန်တီးထားတဲ့ပုံစံလေးတွေပေါ့။

ဒီလိုပုံစံလေးတွေကို လူအတော်များများ သဘောကျလေ့ရှိပါတယ်။ အများနဲ့မတူတဲ့ ရဿမျိုးလေးတွေရလို့ပါ။ Rustic Style မှာဆိုရင် သက်တောင့်သက်သာခံစားရမယ်၊ သဘာဝနဲ့ နီးစပ်တဲ့ပြင်ဆင်မှုဖြစ်တာကြောင့် စိတ်အေးချမ်းမှုနဲ့ ကြည်လင်သွားမှုကို ခံစားရစေနိုင်ပါတယ်။ ဒီလို Rustic Style ပြင်ဆင်တော့မယ်ဆိုရင် သစ်သား၊ ကျောက်တုံး၊ ပိတ်ဖျင် (ကန့်လန့်ကာ၊ ဆိုဖာခင်း) စတာတွေရဲ့ အရောင်အသွေး ရွေးချယ်မှု အရေးးကြီးပါတယ်။

အဓိကအရေးအကြီးဆုံးအချက်က ဒီလိုစတိုင်မှာ Straight lines တွေ မသုံးမိဖို့ပါပဲ။ Rustic Style မှာ Straight Lines တွေက လုံးဝဘောင်မဝင်ပါဘူး။ စာအရမ်းရှည်မှာစိုးလို့ Straight Lines ဆိုတာဘာလဲ အသေးစိတ်မရှင်းပြတော့ပါဘူးနော်။ ကျွမ်းကျင်တဲ့ Interior Designer တွေ သိပြီးသားဖြစ်မှာပါ။

နောက်တချက်သတိထားရမှာက အထက်မှာ ဖော်ပြခဲ့တဲ့ Raw Materials (ကျောက်တုံး၊ သစ်သားအကြမ်းထည်) စတာတွေအပြင် အခြား furniture တွေအကုန်လုံးက သူ့ရည်ရွယ်ချက်နဲ့သူ နေရာချဖို့လိုပါတယ်။ ရုတ်တရက်ကြည့်လိုက်ရင် အခန်းတခုထဲ တွေ့ကရာ ပစ္စည်းတွေ စုပုံပြီး ထည့်ထားသလို ထင်ရနိုင်ပေမယ့် သူ့နေရာနဲ့သူ Balance ထိန်းသွားတဲ့အတွက် မျက်စိပသာဒ ရှိပြီး လှပတင့်တယ်နေပါမယ်။ ဒါဟာ Rustic Style ရဲ့ အရသာပါပဲ။

French Country Style
ဒီစတိုင်မျိုးကျတော့ အထက်မှာ ဖော်ပြပေးခဲ့တဲ့ Rustic Style ကို မွမ်းမံထားတဲ့စတိုင်မျိုးပါ။ ပြင်သစ်နိုင်ငံရဲ့ ကျေးရွာဘက်ကနေအိမ်လေးတွေရဲ့ စတိုင်တွေကို Inspired ယူထားတဲ့ ပြင်ဆင်မှုမျိုးပါ။ ပြင်သစ်နိုင်ငံဟာ ရှေးယခင်တည်းက ယဉ်ကျေးမှုအဆင့်တန်းအရမ်းမြင့်မားတဲ့နိုင်ငံတခုပါ။ ဒါ့ကြောင့်လဲ ခုဖော်ပြပေးနေတဲ့ စတိုင်မျိုးကို တကမ္ဘာလုံးက နှစ်သက်ပြီး popular ဖြစ်နေကြတာပါပဲ။ ဒီစတိုင်ကို သူများနဲ့ကွဲပြားခြားနားစေတဲ့အချက်၊ သူ့ရဲ့ Distinct Characteristic က သုံးချက်ပဲရှိပါတယ်။ Softly patterned fabrics in muted colors ပါပဲ။ အနုလက်ရာမြောက်ပြီး အရောင်ဖျော့တဲ့ အထည်တွေ အသုံးပြုခြင်းပါပဲ။

French Country Style ပြင်ဆင်မှုမျိုးလေးနဲ့ဆိုရင် ပြင်သစ်ရဲ့ နာမည်ကျော်ဝိုင်တွေ ထုတ်လုပ်နေတဲ့ ကျေးရွာအိမ်လေးတခုကိုရောက်သွားသလိုမျိုး၊ အဲ့လိုခေတ်ကို ပြန်ခံစားလိုက်မိတာလိုမျိုး ခံစားရစေမှာပါ။ တဆက်တည်းမှာပဲ သန့်ရှင်းသပ်ရပ်မှု၊ နွေးထွေးပျူငှာမှု၊ အထက်တန်းစားဆန်ဆန် ခမ်းနားမှုများကိုလဲ ခံစားရရှိစေမှာပါ။

16/05/2023

Interior Decoration ပုံစံနှင့် အယူအဆများ (အပိုင်း - ၂) - Traditional နှင့် Transitional Style များအကြောင်း





ဒီနေ့မှာ Romantic House Decoration & Construction Co.,ltd ရဲ့ မိတ်ဆွေများ၊ Customer များအတွက် ရေးလက်စ Decoration Styles လေးတွေ အကြောင်း ဆက်လက်ရေးသားတင်ပြသွားပါရစေ။

ဒီနေ့ပြောမယ့်အကောင်းလေးက Traditional နဲ့ Transitional ဆိုတဲ့နှစ်မျိုးဖြစ်ပါတယ်။ ဖတ်ကြည့်ကြပါဉီးဗျာ။

3. Traditional Design Style

Interior Design အကြောင်းပြောတော့မယ်ဆို မပါမဖြစ်ကတော့ Traditional ဆိုတာပါပဲ။ ဘယ်အရာမဆို Traditional ဆိုတာကနေ စတင်မြစ်ဖျားခံလာရတာပါပဲ။ အဲ့ဒီကနေပြီး ပိုမိုကောင်းမွန်တိုးတက်အောင် လုပ်‌ဆောင်ကြရင်း အမျိုးမျိုးကွဲပြားလာခဲ့ ရတာတွေချည်းပါပဲ။

Traditional Style Decoration လုပ်မယ်ဆိုရင် သင် (ပိုင်ရှင်) ကိုယ်တိုင် လုပ်ဆောင်နိုင်မှာပါ။ သင်ဘာတွေနှစ်သက်တတ်မယ်၊ သင်ရဲ့ personality ကဘယ်လိုပုံလဲဆိုတာပေါ မူတည်ပြီးသင့်စိတ်ကြိုက်ချယ်သသွားနိုင်ပါတယ်။

ပို့စ်မှာ နမူနာပြထားတဲ့ အခန်းတွင်းပုံလေးတွေကို ကြည့်ပါ။ ဆိုဖာဆက်တီ၊ အခင်းကော်ဇော၊ ထိုင်ခုံတွေ အစရှိတဲ့ အခန်းတွင်းပရိဘောဂတွေရဲ့ အရာင်၊ နေရာချထားမှု၊ အလင်းအမှောင် စတာလေးတွေကို လေ့လာကြည့်ရင် မြင်နိုင်မှာပါ။
Traditional style ဟာ ကြွယ်ဝခမ်းနားမှု၊ နွေးထွေးလုံခြုံမှ၊ အရှိန်အဝါကြီးမှု စတဲ့ အငွေ့အသက်တွေ ခံစားရစေမှာပါ။ စနစ်တကျစီမံထားသို ပြင်ဆင်တတ်မယ်ဆိုရင် ခန့်ငြားမှုရဿတွေ ပေးစွမ်းတဲ့ နေအိမ်မျိုး ရရှိစေမှာပါ။

ဒီလို Traditional style မျိုးတွေဟာ အသက်အရွယ်မရွေး၊ နေထိုင်မှုစရိုက်ပုံစံမရွေး သင့်တော်တဲ့ ပြင်ဆင်မှုမျိုး ဖြစ်ပါတယ်။
Elegant ဖြစ်နေသလိုပဲ တချိန်တည်းမှာ နွေးထွေးတဲ့ feeling မျိုးကိုပေးစွမ်းနိုင်ပါတယ်။
ကိုယ့်စိတ်ကြိုက် အကောင်းဆုံး အလှဆင်ပစ္စည်းနဲ့ အဆောင်အယောင်တွေကို သုံးစွဲထားတာမို့ အိုဟောင်းသွားတယ်၊ ခေတ်ကုန်သွားတယ်လို့ ခံစားရမှာမဟုတ်ဘဲ အမြဲ လတ်ဆတ်သစ်လွင်တဲ့ အရသာမျိုး ရရှိနေနိုင်မှာ ဖြစ်ပါတယ်။

4. Transitional Design Style

Traditional အကောင်းပြောလို့ပြီးချိန်မှာ Transitional Style လေးအကြောင်း ထပ်ပြီး မိတ်ဆက်တင်ပြပါရစေ။ မေးခွန်းလေးတခု ပေါ်လာပါတယ်။ Traditional နဲ့ Transitional ဘာများကွာနေလဲ။ ဆက်လက်လေ့လာကြည့်ရအောင်ပါ။

Transitional Style ဆိုတာ နာမည်မှာ ဖော်ပြထားတဲ့အတိုင်းပဲ ရောနှောထွေးယှက်ထားတာပါ။ Traditional နဲ့ Modern စတိုင်တွေကို ပေါင်းစပ်ထားတာပါ။ သူ့မှာ ဘယ်လိုပုံစံ ဘယ်လို Theme မျိုးဖြစ်ရမယ်ဆိုတာကို တရားသေ ကိုင်ဆုပ်ထားတာမျိုးမဟုတ်ဘဲ စိတ်ကြိုက်လွတ်လပ်စွာ ပြင်ဆင်သွားလို့ရပါတယ်။ Traditional နဲ့ Modern သာမက တခြားဒီဇိုင်းစတိုင်တွေကိုလဲ အလျဉ်းသင့်သလို ထည့်သုံးလို့ရပါတယ်။ ဒါ့ကြောင့် သူရဲ့ အနှစ်သာရ အားသာချက်က ဒီဇိုင်းမျိုးစုံကို လွတ်လပ်စွာ ထည့်သွင်းအသုံးပြုလို့ရနေတာပဲ ဖြစ်ပါတယ်။

ရုတ်တရက်ကြည့်လိုက်ရင် အမျိုးမျိုးကွဲပြားပြီး ရှုပ်ထွေးနေတယ်လို့ ထင်နေစရာရှိပေမည့် ဒီဇိုင်နာရဲ့ တကယ့်အရည်အသွေးကို ဖော်ပြမယ့် စတိုင်မျိုးဖြစ်ပါတယ်။ ပါဝင်အသုံးပြုထားတဲ့ ဒီဇိုင်းမတူညီတဲ့ အလှဆင်ပစ္စည်းတွေ၊ ပရိဘောဂတွေကို တခုနဲ့တခု လိုက်လျောညီထွေ ဖြစ်နေအောင် ဆင်ယင်ခြယ်သနိုင်ဖို့လိုပါတယ်။ Classic တွေ၊ Modern တွေ၊ ရှေးဟောင်းလက်ရာတွေ၊ ခေတ်ပေါ်လက်ရာတွေ ဒါတွေအကုန်လုံးပေါင်းစပ်ပြီး ရဿတခု ပေးစွမ်းနိုင်တဲ့ထိ ခြယ်သပေးဖို့ဆိုတာ လွယ်တဲ့ကိစ္စတခုတော့မဟုတ်ပါဘူး။ အခန်းရဲ့ ဖွဲ့စည်းပုံ၊ အလင်းအမှောင်၊ နံရံအရာင်၊ ပစ္စည်းအထားအသို စတဲ့ အသေးစိတ်လေးတွေ သေချာစဉ်းစားပြီးမှ လုပ်ရမယ့် ဒီဇိုင်းပါ။ ကျွမ်းကျင်ဖို့လဲ အတော်ခက်လို့ တော်ရုံဒီဇိုင်းသမား မလုပ်နိုင်ပါဘူး။ လုပ်ပြီးမှ အရသာ ပေါ့ပျက်ပျက် ဘာလိုနေမှန်းမသိ ခံစားချက်မျိုးကြီး ဖြစ်နေတတ်လို့ပါ။

Transitional Style မျိုးဟာ ပုံသေကားချပ် မကြိုက်တတ်တဲ့သူတွေ၊ ( Modern, classic စတဲ့) ခေတ်တခုတည်းရဲ့ ရဿမျိုးကို မလိုချင်တဲ့သူတွေ ကြိုက်နှစ်သက်မယ့် ဒီဇိုင်းမျိုးပါ။
ပြင်ဆင်ခြယ်သရာမှာ လွတ်လပ်စွာတွေးခေါ်သုံးသပ်ပြီး စိတ်ကူးဉာဏ် ကွန့်မြူးလို့ရပါတယ်။
Transitional Style အခန်းပြင်ဆင်မှုမျိုးက တခြားဒီဇိုင်းတွေနဲ့ တူကိုမတူပါဘူး။ Transitional Style ခြင်းတူနေရင်တောင် ပုံစံနဲ့ ရဿမတူညီတာမို့ Unique ဖြစ်တယ်လို့ သင်ခံစားရနိုင်မှာပါ။
သင့်အိမ်ကိုလာလည်တဲ့ ဧည့်သည်တယောက် ထိုင်ရာမထ ငေးမောနေမိမယ့်၊ ပြန်သွားရင်တောင် လမ်းမှာ တသသ ပြောဖြစ်နေမယ့် ဒီဇိုင်ပြင်ဆင်မှုမျိုးပါပဲ။

ဒီဇိုင်းစတိုင်နဲ့ အိုင်ဒီယာတွေကို ကျွန်တော်တို့ Romantic House Decoration & Construction Co.,ltd ရဲ့ Page ကနေ ဆက်လက်တင်ပြပေးသွားမှာမို့ စောင့်မျှော် ဖတ်ရှုကြပါဉီးခင်ဗျာ။ သင်ကြိုက်နှစ်သက်တယ်ဆိုရင် တခြားသူတွေကိုလဲ Like and Share နဲ့ ဝေမျှလို့ရပါတယ်။ လိုအပ်ချက်နဲ့ ဖြည့်စွက်ချင်တာလေးတွေကို ကွန်မန့်ရေးသားပေးခဲ့ပါဉီးခင်ဗျာ။

Romantic House Decoration & Construction Co.,ltd မိသားစုမှ အထူးကျေးဇူးတင်ရှိပါတယ်

14/05/2023

#မိုခါမုန်တိုင်း ယနေ့မနက် နောက်ဆုံးအခြေအနေ။

အင်အားပိုကောင်းလာပါတယ်။ ရခိုင်ကမ်းရိုးတန်းကို ဝင်ရောက်လာပါပြီ။

မုန်တိုင်းမျက်စေ့တော့ ပျောက်နေတာတွေ့ရပါတယ်။ အားလုံးဘေးကင်းကြပါစေ။

14/05/2023

#မိုခါမုန်တိုင်း ကြီးကတော့ ရခိုင်ကမ်းရိုးတန်းကို ချဉ်းကပ်လာပါပြီဗျာ။

အားလုံး ဘေးကင်းကြပါစေလို့ Romantic House က ဆုတောင်းပါတယ်ဗျာ။ အဖွဲ့သားအားလုံးကလဲ မေတ္တာလဲ ပို့ပေးနေကြပါတယ်။

13/05/2023

လေတွေကြမ်းလာနေပြီဗျ။
အသံတွေတောင် ပါနေပြီ။
အားလုံးဘေးကင်းကြပါစေ။

13/05/2023

စစ်တွေ၊ ကျောက်ဖြူ၊ သံတွဲ၊ ဂွ ကလူတွေ အမြန်ပြောင်းရွေ့ကြပါ❗❗❗❗❗

ဂြိုလ်တုကပြတဲ့ ပုံအတိုင်းဆို မုန်တိုင်းအရွယ်အစားက
တအားကိုကြီးပြီး တော်တော်လေးကိုကျယ်ပါတယ် ❌❌❌❌

ဖွဲ့စည်း နေတဲ့ တိမ်စုကြီးကလဲ အရွယ်အစားအားနဲ့ နိုင်းယှဉ်ရင် မြန်မာနိုင်ငံ အလယ်ပိုင်းတစ်ခုလုံးနီးပါးလောက်ကို ကြီး
နေလို့ပါ ... 🔺🔺🔺🔺🔺

🔺နာဂစ်တုန်းက
လေတိုက်နှုန်း = ၁ နာရီ ၁၃၅ မိုင်
မုန်တိုင်း မျက်စိ အချင်း = ၁၂ မိုင်

🔺အခုလာမယ့် မိုခါ
လေတိုက်နှုန်း = ၁ နာရီ ၁၀၃.၇ မိုင် (167 km per hr)
မုန်တိုင်းမျက်စိ အချင်း = 50 မိုင် (ခန့်မှန်း)
စက်ကွင်း ကျယ်ပြန့် အချင်းမိုင်ပေါင်း = 500 မိုင်

⚠️နာဂစ် မုန်တိုင်းမျက်စိ အချင်း (12) မိုင်ရဲ့ ပျက်စီးမှုကို မှတ်မိကြမှာပါ။ အခု လာမှာ အချင်း မိုင် (50) နဲ့ လာမယ့် မုန်တိုင်းကြီးပါ။

‼️မုန်တိုင်း အားအပြင်းဆုံးဝင်ရောက်မယ့် စစ်တွေ၊ ကျောက်ဖြူ၊ သံတွဲ၊ ဂွ ကလူတွေ အမြန်ပြောင်းရွေ့ကြပါ။‼️

ရခိုင်ပြည်နယ်မြောက်ပိုင်း နဲ့ ကမ်းရိုးတန်းတစ်လျောက် အလွန် အန္တရာယ်ရှိပါတယ်။

⚠️လက်ရှိ မေလ (14) ရက် ညမှာ မုန်တိုင်း ဗဟို ဝင်ရောက်ဖို့ ခန့်မှန်းထားပါတယ်။ အချိန်မရှိပါ။ အမြန်ပြောင်းရွေ့ကြပါ။

⚠️ရခိုင်ကမ်းရိုးတန်းနေ မိတ်ဆွေ၊ သူငယ်ချင်းတွေရှိရင် အမြန် ဆက်သွယ်ပြီး အသိပေး နှိုးဆော်ပေးပါ။ အသက်ပေါင်းများစွာ အရေးမို့ ကိုယ့်ရဲ့ ဖုန်းတစ် call၊ Share လေးတစ်ချက်ကလည်း အရေးကြီးနေပါတယ်။

⚠️GDACS (ကမ္ဘာ့သဘာဝဘေးအန္တရာယ်ဆိုင်ရာ အဖွဲ့အစည်း) ကနေ အနီရောင် သတိပေးချက်ပါ ထုတ်ပြန်လိုက်ပါပြီ။

မုန်တိုင်းအကြောင်းအသေးစိတ်ကို အောက်ပါ Link တွေမှာ ဝင်ဖတ်နိုင်ပါတယ်။

🔴မိုးလေဝသ ခန့်မှန်းသူ ဦးဝင်းနိုင်ရဲ့ အသေးစိတ် အင်တာဗျူး
https://m.facebook.com/story.php?story_fbid=780965586934929&id=100050644832324&mibextid=Nif5oz

🔴မိုးလေဝသ ခန့်မှန်းသူ မစုစုစံရဲ့ သတိပေးချက်
(မုန်တိုင်းသတင်းများကို su su san page မှာ အချိန်နဲ့ တစ်ပြေးညီ တင်ပေးနေပါတယ်။)
https://m.facebook.com/story.php?story_fbid=1565803507246950&id=100014519469601&mibextid=Nif5oz

🔴မုန်တိုင်းမတိုက်ခတ်မီ၊ တိုက်ခတ်စဉ်၊ တိုက်ခတ်ပြီး အချိန်များတွင် လုပ်ဆောင်ရန်
https://m.facebook.com/story.php?story_fbid=1956026664751736&id=100010332636450&mibextid=Nif5oz

ယခု post ကိုလည်း အချိန်မလွန်ခင် အန္တရာယ်ရှိတဲ့ ဒေသက လူတွေဆီရောက်အောင် မျှဝေပေးဖို့တောင်းဆိုပါရစေ။

ဟုတ်သော်ရှိ မဟုတ်သော်ရှိ သတိရှိကြပါနော်

13/05/2023

မှာ
ဖုန်းဘေလာယူပါ။

ချစ်ရပါသော Customer များခင်ဗျာ... မနက်ဖြန်ဟာ International Mother's Day လေးဖြစ်ပါတယ်။

မိုချားမုန်တိုင်းကြီးကလဲ ဝင်လာနေပြီဆိုတော့ အဝေးရောက်နေတဲ့ သားသမီးတွေဆိုရင် အိမ်က အမေ့ကို စိတ်ပူနေကြမှာကို ကိုယ်ချင်းစာနားလည်မိပါတယ်ဗျာ။

မနက်ဖြန်ခါ ကျရောက်မယ့် International Mother's Day မှာ သင်ချစ်ရသော တန်ဖိုးဖြတ်မရတဲ့ မိခင်ဆီကို ဖုန်းဆက်လိုက်ပါ။ အဲ့လိုဆက်ပေးဖို့ ကျွန်တော်တို့ Romantic House ကနေဖုန်းဘေလေး‌ဖြည့်ပေးပါရစေ။

အောက်ကမေးခွန်းနှစ်ခုကို ဖြေပေးခဲ့ပြီး ဖုန်းဘေတသောင်းကျပ်ရယူဖို့ ပြင်ဆင်လိုက်ပါ။

အဖြေမှန်သူ သုံးဦးကို ဖုန်းဘေတသောင်းကျပ်စီ ပေးပို့သွားပါ့မယ်ခင်ဗျာ။ သုံးဦးထက်ပိုနေရင် မဲနှိုက်ပြီး ပေးအပ်သွားမှာပါ။ မနက်ဖြန် နေ့လည် ၁၂:၃၀ တိတိမှာ မဲဖောက်ပေးသွားမှာဖြစ်ပါတယ်။

မေးခွန်းလေးတွေကတော့

၁။ မြန်မာနိုင်ငံ အမေများနေ့
၂။ မြန်မာနိုင်ငံအမေများနေ့ဖြစ်ပေါ်လာဖို့ စတင်ဦးဆောင်ခဲ့သူ
၃။ Page ကို Like and Share လုပ်ခဲ့တဲ့ SS လေး ကွန်မန့်ပေးခဲ့ပါ။

ကမ္ဘာပေါ်က မိခင်များအားလုံး ကျန်းမာချမ်းသာ ဘေးရန်ကင်းကြပါစေ။

သင့်လိုပဲ မိခင်ကို ချစ်တတ်တဲ့သားသမီးတွေဆီ like and share လေးနဲ့ သတိပေးပေးပါဦးဗျာ။ ကျေးဇူးတင်ပါတယ်။

12/05/2023

ဖွင့်ထားတဲ့ application တွေ ဟန်းနေလို့ ပိတ်ရအောင် နင့်ကိုခေါ်တာလေ။
နင်ကပါ ဟန်းနေတယ်တဲ့လား။

အက်ဒမင်ကွီး ကွန်ပျူတာတလုံးနဲ့ တိုင်ပတ်။ 😂😂😂

11/05/2023

The weather impact of the cyclone formation is already being witnessed in a few states including Odisha and West Bengal. Here's all the latest you need to know about Cyclone Mocha:

11/05/2023

#မိုချာမုန်တိုင်းကြီး လာ‌တော့မယ်ဆိုတာနဲ့ ရေးလက်စ အခန်းဆက်လေး ဆက်မရေးဖြစ်သေးဘူး ဖြစ်နေတာ ချစ်သော Customer များနဲ့ ညီအစ်ကိုမောင်နှမများ သည်းခံပေးပါနော်။

ဒီနေ့ ဒီပေ့ခ်ျရဲ့ အက်ဒမင်ကွီးက ကမ္ဘာပေါ်မှာ အသေအပျောက်နဲ့ ပျက်စီးဆုံးရှုံးမှု အများဆုံး ဖြစ်ခဲ့တဲ့ မုန်တိုင်းတွေကို လိုက်လေ့လာနေလို့ပါ။

မိတ်ဆွေတို့ကိုလဲ လေ့လာမိသမျှလေး ဝေမျှပါရစေနော်။

အဆိုးရွားဆုံး ဆိုင်ကလုံးမုန်တိုင်း ၃၆ ခုကို သေဆုံးမှုနှုန်းနဲ့တကွ ဖော်ပြပေးလိုက်ပါတယ်။

ကျွန်တော်တို့ မြန်မာနိုင်ငံကို ဆိုးဆိုးရွားရွား ထိခိုက်စေခဲ့တဲ့
#နာဂစ် မုန်တိုင်းကြီးကကော နံပါတ် ဘယ်လောက်မှာ ပါဝင်နေလဲ ရှာကြည့်ကြပါဦးဗျာ။

11/05/2023

#မိုချားမုန်တိုင်း နောက်ဆုံးရသတင်း။

အိန္ဒိယနိုင်ငံ မိုးလေဝသဌာနမှ ယနေ့ မေလ ၁၁ ရက် ညနေ ၄ နာရီခန့် အချိန် ထုတ်ပြန်ချက်များအရ မိုချားဆိုင်ကလုန်း မုန်တိုင်းသည် အားကောင်းသော မုန်တိုင်းအဖြစ် ရောက်ရှိလာနေပြီး မေလ ၁၃ ရက် စနေနေ့တွင် အင်အားအပြင်းဆုံး အခြေနေသို့ ရောက်ရှိလာမည်ဖြစ်သည်ဟု ခန့်မှန်းထားပါသည်။ မေလ ၁၄ ရက် တနင်္ဂနွေနေ့တွင် ကုန်းတွင်းပိုင်းသို့ ဝင်ရောက်မည် ဖြစ်ကြောင်း ခန့်မှန်းချက် ထုတ်ပြန်ထားပါသည်။ ဝင်ရောက်မည့် လမ်းကြောင်းသည် ဘင်္ဂလားဒေ့နှင့် မြန်မာနိုင်ငံ နယ်စပ်အတိုင်း ဝင်ရောက်ကာ ကုန်းတွင်းပိုင်းသို့ရောက်ရှိ အားပျော့သွားမည်ဟု ခန့်မှန်းထားပါသည်။

ကုန်းတွင်းပိုင်း (မြန်မာနိုင်ငံ) သို့ ဝင်ရောက်စဉ် ရေပြင်မြေပြင်လေသည် တစ်နာရီလျှင် ကီလိုမီတာ ၁၁၀ မှ ၁၃၀ ကြား တိုက်ခတ်မည်ဖြစ်ပြီး ကြိုတင်ပြင်ဆင်မှုများ ပြုလုပ်ထားရန် ၎င်းမိုးလေဝသဌာနမှ တိုက်တွန်းနှ်ိုးဆော်ထားပါသည်။

အိန္ဒိယနိုင်ငံနှင့် ဘင်္ဂလားဒေ့ရှ် နိုင်ငံများတွင် ကမ်းခြေစောင့်တပ်ဖွဲ့များ၊ ကယ်ဆယ်ရေးအဖွဲ့များကို အမြင့်ဆုံးတပ်လှန့်ထားပြီး ကယ်ဆယ်ရေးလုပ်ငန်းကြိုတင်စီမံမှုများ ထုတ်ပြန်ကာ အသင့်ပြင်ဆင်လျှက်ရှိကြပါသည်။

သတင်းအသေးစိတ်ကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။

ကမ္ဘာသူကမ္ဘာသားအားလုံး ဘေးကင်းကြပါစေလို့ Romantic House Decoration & Construction Co.,ltd မိသားစုက ဆုတောင်းမေတ္တာပို့သအပ်ပါသည်။

The weather impact of the cyclone formation is already being witnessed in a few states including Odisha and West Bengal. Here's all the latest you need to know about Cyclone Mocha:

10/05/2023

Interior Decoration ပုံစံနှင့် အယူအဆများ (အပိုင်း - ၁)



ဒီနေ့တော့ Romantic House Decoration & Construction Co.,ltd ရဲ့ customer များနဲ့ မိတ်ဆွေများအတွက် Interior Decoration Style တွေနဲ့၊ အယူအဆလေးတွေကို ဝေမျှပေးချငိပါတယ်။ အသေးစိတ် ရေးသားဝေမျှချင်တာမို့ အခန်းဆက်လေးနဲ့ ဖော်ပြပေးသွားပါမယ်နော်။

1. Minimalist

Modern Interior Design စတိုင်တွေထဲမှာ သေချာပေါက်ကို ထည့်သွင်းစဉ်းစားရမည့် စတိုင်မျိုးပါ။ တချို့က Minimalism ကို အေးစက်စက်နဲ့ ခံစားချက်အငွေ့အသက် ကင်းမဲ့တဲ့ ပုံစံမျိုးမှားယွင်း ယူဆမိလေ့ရှိပါတယ်။

တကယ်တော့ minimalism ဆိုတာ သေချာစနစ်တကျ စီစဉ်ဖန်တီးတတ်မယ်ဆိုရင် ရိုးရိုးရှင်းရှင်းနဲ့ နွေးထွေးတဲ့ခံစားချက်မျိုးရရှိစေနိုင်တဲ့ စတိုင်တမျိုးပါ။ ရှုပ်ထွေးများပြားလှတဲ့ အလှဆင်ပစ္စည်းတွေ၊ ပြင်ဆင်ခြယ်သမှုတွေ ရှောင်ရှားပြီး ရှင်းသန့်နေတဲ့ အထာမျိုးနဲ့ ဆွဲဆောင်မှုရှိနေတာမျိုးကို ခေါ်တာပါ။

ရိုးရိုးလေးပဲ တွေးမယ်၊ ပြီးရင် အသွင်ဆန်းသစ်လာအောင် Functionality အဓိကထားပြီး ထည့်သွင်းအသုံးပြုထားသမျှ ပရိဘောဂနဲ့ ပစ္စည်းတိုင်းဟာ အသုံးပြုနေတဲ့ အသုံးဝင်နေတဲ့ အရာတွေကိုပဲ ရွေးချယ်နေရာချထားရတဲ့ ပြင်ဆင်ခြယ်သမှုပုံစံမျိုးဖြစ်ပါတယ်။ အဓိက မှတ်သားထားဖို့က အခန်းဧရိယာ ကျယ်ကျယ်ဝန်းဝန်းကျန်ရှိဖို့ရယ် သုံးစွဲမယ့် အလှဆင်ပစ္စည်း ပရိဘောဂတွေကို အသုံးတည့်မယ့်အရာတွေ၊ ရည်ရွယ်ချက် နှစ်ခုသုံးခု အတွက် သုံးလို့ရမယ့်အရာမျိုးတွေ (ဉပမာ - ကုတင်ဘေးက မီးအိမ်တင်စားပွဲအသုံးပြုမယ့်အစား အရွယ် အစားတူဘီရိုအသေးလေးတခု အသုံးပြုတာမျိုး)

မော်ဒန်အနုပညာပြခန်းတွေ၊ ပြတိုက်တွေရဲ့ ပြင်ဆင်ခြယ်သမှုတွေကို မြင်ယောင်ကြည့်လိုက်ပါ။ Minimalism စတိုင် ပြင်ဆင်ခြယ်သမှုမျိုးကို တွေ့ရမှာပါ။ နေရာကျယ်ဝန်းနေတယ်လို့ ခံစားရမယ်၊ နွေးထွေးတဲ့ ခံစားချက်မျိုးကိုရမယ်၊ ပရိဘောဂနဲ့ အသုံးဆောင်တွေကို ကျစ်လျစ်သိုသိပ်စွာနဲ့ နေရာချထားမယ်။ ဒါပေမယ့် အခန်းရဲ့ အလှနဲ့ဂုဏ်ကျက်သရေက ခန့်ငြားနေရမယ်။ နွေးထွေးလှပတဲ့ ခံစားချက်မျိုး၊ သက်တောင့်သက်သာဖြစ်စေမယ့်ခံစားချက်မျိုးကိုလဲ ရရှိနေရမယ်။

ပြောရရင် minimalist style ဟာ အတော်ကို လွယ်မယောင်နဲ့ ခက်ခဲတဲ့ မော်ဒန်ဒီဇိုင်းမျိုးပဲဖြစ်ပါတယ်။ ကျွမ်းကျင်ပြီး အတွေ့ကြုံရှိမှသာ ကောင်းကောင်းအသက်ဝင်လာအောင် ဖန်တီးနိုင်မယ့် အမျိုးအစားဖြစ်ပါတယ်။ သင်တို့ရဲ့ ဆိုင်ခန်းတွေ၊ Show Room တွေ၊ ကုမ္ပဏီရုံးရဲ့ ဧည့်ခန်းလိုနေရာတွေမှာ ဒီလိုစတိုင်မျိုး ပြင်ဆင်သင့်ပါတယ်။

2. Contemporary

Contemporary Style ကို Modern Style နဲ့ မှားယွင်းယူဆလေ့ရှိတတ်ပါတယ်။ တကယ်တော့ သူတို့နှစ်ခုလုံးမှာ သီးသန့်ဖြစ်တဲ့ မတူညီတဲ့ အယူအဆနဲ့ အတွေးအခေါ်လေးတွေ ပါပါတယ်။ ဖန်တီးဖို့ဆို တတ်ကျွမ်းတဲ့ Designer ကောင်းကောင်းလိုပါတယ်။ တခါတရံ ဒီဇိုင်နာတွေတောင် မှားယွင်းယူဆနေတာကို တွေ့နေရပါတယ်။

Contemporary style ဆိုတာက Classic ဆိုပေမယ့် အချိန်ကာလ ပိုင်းခြားသတ်မှတ်ထားတာမျိုးမဟုတ်ပါဘူး။ ဆိုလိုတာက Contemporary decorating style ပြင်ဆင်ထားမှုမျိုးဟာ အိုသွားတယ် ဟောင်းသွားတယ်လို့ ခံစားရမှာမဟုတ်ပါဘူး။

Modern style မှာက minimal ဖြစ်ဖို့စဉ်းစားရတယ်၊ ထိန်းချုပ်ထားရတဲ့ အပိုင်းတွေ ရှိတယ်၊ တခါတရံမှာ ပြင်ဆင်တဲ့ Designer တတ်ကျွမ်းမှုနဲ့ အတွေ့အကြုံ အားနည်းရင် အေးစက်စက်နဲ့ အသက်မပါဖြစ်သွားတတ်တယ်။ အချိန်ကာလတခုမှာ ရိုးအီသွားတာမျိုး၊ ခေတ်ကုန်သွားတာမျိုး ခံစားရတတ်တယ်။

contemporary style မျိုးကကျတော့ ငြိမ်သက်မှု၊ အေးဆေးတည်ငြိမ်တဲ့ ရဿမျိုးခံစားရမှာပါ။ ဗိသုကာအနုစိတ်လက်ရာတွေ၊ အသေးစိတ်အလှဆင်ခြယ်သမှုတွေ၊ အာရုံစူးစိုက်စရာ focus တွေထားရှိတာမျိုးတွေ၊ အသေးစိတ်အရောင်ရွေးချယ်မှု ပြုလုပ်ရတာတွေ စတဲ့ အဖက်ဖက်က စဉ်းစားပြီးမှ လုပ်ဆောင်ရတဲ့ Decoration Style မျိုးဖြစ်ပါတယ်။

Sophisticated ဖြစ်နေပြီး နွေးထွေးလုံခြုံတဲ့ခံစားချက်မျိုး ပေးစွမ်းမယ့် စတိုင်မျိုးပဲ ဖြစ်ပါတယ်။ Sophisticated ဖြစ်တဲ့ စတိုင်မျိုး ဖြစ်တဲ့အတွက် ပရိဘောဂရွေးချယ်မှု၊ နေရာထားသိုမှု အရောင်ရွေးချယ်မှုတွေ စတဲ့ အသေးစိတ်လေးတွေကို Balance ဖြစ်နေအောင် သတိထားပြီး တွက်ချက်စဉ်းစားရမယ့် ပုံစံမျိုးပေါ့။

ဆက်လက်ဖော်ပြရန် စတိုင်အမျိုးအစား (၁၈)ခု ကျန်ပါသေးတယ်နော်။ သင်နဲ့အတူ အားလုံးလဲ ဗဟုသုတတွေ ရဖို့ ဝေမျှပေးခဲ့ပါဦး။

လေးစားစွာဖြင့်
Romantic House Decoration & Construction Co.,ltd