12/01/2024
ကြွေပြားလန်ကျိုးခြင်းကွာထွက်ခြင်းဆိုတာဘာလဲ ?
လူကြီးမင်းတို့၏နေအိမ်ကြမ်းခင်းမူလနေရာမှ ကပ်ထားသော ကြေပြားများကြွတက်လာခြင်းနှင့် ကြွေပြားတခုနှင့် တခုကြားတွန်ကန်မှုဖြစ်ပေါ်ခြင်းစသည်တို့ကြောင့် ကြွေပြားခုံးကြွကွာထွက်ခြင်းကို ဖြစ်ပေါ်စေသည်။
ထိုကဲသို့ဖြစ်ပေါ်ခြင်းကြောင့် လန်ကျိုးသော ကြွေပြားပြဿနာမဆွဲဘဲလန်တက်သောကြွေပြားပြဿနာ (သို့) ခုံးကြွကောက် ကြွေပြားပြဿနာဆိုပီး ခေါ်တွင်စပြုလာကြသည်။ကြွေပြားခုံးကြွခြင်းပြဿနာကိုကြွေပြား အမျိုးအစားမျိုးစုံတွင် တွေ့မြင်ရတတ်သည်။
ဥပမာ-ကြွေပြား,ပိုစီလင်းကြွေပြား အမျိုးအစားနှင့် မြေသားကြွေပြားအမျိုးအစား။ကြွေပြားကပ်နေစဉ်အတွင်းစနစ်တကျ ဂရုစိုက်ခဲ့ပါက ထိုကဲသို့ပြဿနာ မဖြစ်ပွားနိုင်ပေ။ပြီးပြည့်စုံပီး ကြွေပြားကပ်ထားသော အောက်ကြမ်းခင်းမှ ကြွေပြားများခုံးကြွကွာထွက်လာခြင်းမှာ အပူချိန်ပြောင်းလဲခြင်း၊ကြွေပြားကပ်သည့်နည်းစနစ် မှားယွင်းခြင်းနှင့် အမျိုးမျိုးသော အကျိုးသက်ရောက်မှုများကြောင့်ပင် ဖြစ်သည်။
ကြွေပြားလန်ကျိုးခြင်းကွာထွက်ခြင်းကို ဖြစ်ပေါ်စေနိုင်သော အကြောင်းပြချက်များ
ကြွေပြားလန်ထခြင်းကျွတ်ထွက်ခြင်းကို ဖြစ်ပေါ်စေနိုင်သော အကြောင်းပြချက်များမှာ
အောက်ပါအတိုင်းဖြစ်ပါသည်။
၁။ ကြွေပြားကပ်ကော် အသုံးမပြုခြင်း။
ကြွေပြားများတပ်ဆင်ရာတွင် ကြွေပြားကပ်ကော် အသုံးမပြုပါကကြွေပြားများကွာထွက်ခြင်းကို ဖြစ်ပေါ်စေနိုင်သည်။
၂။ အရည်အသွေးမကောင်းမွန်သော ကြွေပြားကပ်ကော် အသုံးပြုခြင်း။
ကြွေပြားကပ်ထားသော ကြမ်းခင်းကို နေရောင်ခြည်တိုက်ရိုက်ထိတွေခြင်း နှင့် အရည်အသွေးမကောင်းမွန်သော ကြွေပြားကပ်ကော်ကို အသုံးပြုမိခြင်းတို့ကြောင့် ကြွေပြားခုံးကြွလန်ကျိုးခြင်း စသည့် ပြဿနာများ ဖြစ်ပေါ်လာသည်။ နေရောင်ခြည်တိုက်ရိုက်ထိတွေခြင်း တို့ကြောင့် ကြွေပြားခုံးကြွမှု ဖြစ်ပေါ်လာပီး ကြွေပြားကပ်ကော် ဆွဲကပ်အားမကောင်းမွန်ခြင်းကြောင့် ကြွေပြားကွာထွက်ခြင်းစသည့် ပြဿနာများဖြစ်ပေါ်လာရသည်။
၃။ မှားယွင်းသော ကြွေပြားတပ်ဆင်ခြင်းနည်းလမ်း အသုံးပြုခြင်း။
အရွယ်အစားကြီးကြွေပြား(သို့) ဆိုဒ်လွန် ကြွေပြားကြီးများတပ်ဆင်ရာတွင် ဘီသံလက်ဖြင့် ခင်းကျင်းသည့် နည်းလမ်းသည်သာလျှင် ကြွေပြားမျက်နှာပြင် နှင့် ကြွေပြားကပ်ကော်ကြားကောင်းမွန်သော ဆွဲကပ်အားကို ရရှိစေသည်။ ကြွေပြားကပ်ပီးပါကလည်း သစ်သားတူ ရာဘာတူတို့ဖြင့် ညင်သာစွာ ထုရိုက်ခြင်းသည်လည်း ကော်သားနှင့် ထိတွေ့စေရန်အထောက်အကူပြုပေးသည်။
၄။ သင့်တော်သော ကြွေပြားနှာလိုင်းမထားရှိခြင်း။
ကြွေပြားနှာလိုင်းမထားခြင်း (သို့) မှားယွင်းသော နှာလိုင်းကြားတုန်ခါမှု
မမှန်ကန်သောကြွေပြားကပ်ခြင်းကြောင့် ဖြစ်ပေါ်သည့် ကြွေပြားနှာလိုင်းကြား တုန်ခါမှုကြောင့်လဲကြွေပြားကွာထွက်ခြင်းစသည့် ပြဿနာမျာ ဖြစ်ပေါ်နိုင်သည် ။
၅။ ကြွေပြားကပ်မည့် မျက်နှာပြင်ဧရိယာအား စနစ်တကျ သန့်ရှင်းရေးမပြုလုပ်ခြင်း
ကြွေပြားမကပ်မှီ ကွန်ကရစ်မျက်နှာပြင်အား သန့်ရှင်းရေစနစ်တကျ မပြုလုပ်သောကြောင့် ကောင်းမွန်သော ဆွဲကပ်အားကို မဖြစ်ပေါ်စေနိုင်ပေ။ ယင်းကဲ့သို့ ပြုလုပ်ခဲ့ခြင်းတို့ကြောင့် ကြွေပြားကွာထွက်ခြင်းစသည့် ပြဿနာများ ဖြစ်ပေါ်လာရသည် ။
၆။ ကွန်ကရစ် ကြမ်းခင်းမျက်နှာပြင်ကျုံ့ဆန့်မှုဖြစ်ပေါ်ခြင်း။
ကြွေပြားသည် ရေစိမ့်ဝင်နိုင်သောကုန်စည်ဖြစ်သည့်အားလျော်စွာ တခါတရံ ရေငွေ့အားလွန်စွာစုပ်မှုတို့ကြောင့် ကြွေပြားသား ဖောင်းပွခြင်းဖြစ်ပေါ်စေနိုင်သည်။ထိုသို့ ပြန့်ကားမှုဖြစ်ပေါ်ခြင်းကြောင့် ရေ့ငွေဖိအားသည်တွန်းကန်ပီး ကြွေပြားအားကျွတ်ထွက်စေမှုကို ဖြစ်ပေါ်စေသည်။ထိုကြောင့်ကြွေပြားကွာထွက်စေခြင်း ပြဿနာ အစပြုလာသည်။ထိုဖြစ်စဉ်ကိုကြွေပြားကွာထွက်ခြင် ပြဿနာဟုခေါ်သည်။
၇။ အောက်ကြမ်းခင်း လယ်ဗယ်မညီညာမှု မရှိခြင်း။
အောက်ကြမ်းခင်း လယ်ဗယ်မညီညာမှုသည်လည်းကြွေပြားကွာထွက်ခြင်း၏ အကြောင်းတရားတမျိုးပင်ဖြစ်ပါသည်။ လယ်ဗယ်မညီညာမှုသည် ကြွေပြားနှင့် ကြမ်းခင်းမျက်နှာပြင်ကြား ကြွေပြားကပ်ကော်သား (သို့) မဆလာသားတို့၏ ဆွဲအားကို တသတ်မတ်ထဲ မဖြစ်ပေါ်စေနိုင်ပေ။ထိုကြောင့်မကောင်းမွန်သော မညီညာသော ကြွေပြားကွာထွက်ခြင်းကို ဦးတည်ဖြစ်ပေါ်စေနိုင်ပါသည်။
၈။ အဘယ်ကြောင့် ကြွေပြားကွာထွက်ခြင်းပြဿနာကို နှစ်အနည်းငယ်ကြာမှသာ ဖြစ်ပွားရသနည်း??
ကြွေပြားကွာထွက်ခြင်းပြဿနာဖြစ်ရခြင်း အဓိကအကြောင်းအရင်း၃ခုမှာ
၁။ဘိလပ်မြေသဲရော မဆလာဖြင့် အလွန်ထူသောမဆလာထု ဖြင့် ကြွေပြားကပ်ခင်းကျင်းခြင်းမှ အက်ကွဲကြောင်းဖြစ်ပေါ်ခြင်း။
၂။အရည်အသွေနိမ့်သော ကြွေပြားကပ်ကော် အသုံးပြုခြင်းတို့ကြောင့် ဆွဲကပ်အားနည်းပါမှုဖြစ်ပွားခြင်း။
၃။အခြားသော ကျယ်ပြန့်သော ပြန်ပ အားကြွေပြား ပေါ် သို့သက်ရောက်ခြင်း။(အပူ,အစိုဓါတ် စုပ်ယူမှုနှင့် အခြား)
ကြွေပြားဆွဲကပ်အားမကောင်းမွန်ပါကလည်းအလွယ်တကူကွာထွက်နိုင်သည်။ကောင်းမွန်သောဆွဲကပ်အားရှိပြန်ပါကလည်း မှာယွန်းသောနှာကြောင်းလိုင်းသည် ကြွေပြားဆွဲကပ်အားယုတ်လျော့စေရန် တွန်းကန်ပေးသည်။အတိုချုပ်ပြောမည်ဆိုပါက ကြွေပြားတပ်ဆင်းသည့် အခါတိုင်း သင့်တင့်မျှတသော နှာလိုင်းအကျယ် ထားပေးရမည်။ကြွေပြားနှင့် မျက်နှာပြင် တွန်ကန်အားမဖြစ်ပေါ်စေရန် ကျုံ့ဆန့်မှုမဖြစ်ပေါ်စေသည်အထူး ဒီဇိုင်းများဖြင့် စနစ်တကျ ကပ်ခြင်းသည် ကြွေပြားများအားသက်တမ်းတခု ကြာမြင့်သည့်အထိ ကောင်းမွန်စွာ စေနေနိုင်မှာပဲဖြစ်ပါသည်။
အနှစ်ချုပ်အားဖြင့်အထက်ဖော်ပြပါ အကြောင်းအရာများသည် ကြွေပြားလန်ကျိုးခြင်း ကွာထွက်ခြင်းတို့ဖြစ်ပေါ်စေနိုင်သည့် အကြောင်းအရာ အချို့သာ ဖြစ်သည်။လူကြီးမင်းတို့အနေဖြင့် လုပ်သမားပိုင်းဆိုင်ရာအပိုင်းဖြစ်သည့် အသုံးပြုသည့် ကိရိယာ,ကြမ်းခင်းအခြေအနေ, အလုပ်သမားကျွမ်းကျင်မှု စသည့် အချက်အလက်များကို လဲထည့်သွင်းစဉ်းစားစေချင်ပါသည်။
မူရင်းရေးသားသူအား crd ပေးပါသည်။
