05/09/2025
Concrete Technology
Short note collection
https://youtube.com/channel/UC3LtQAX-GNmiFU5RPper19Q?sub_confirmation=1
၁။ ကွန်ကရစ်တိုင်များ ပြန်လည်ပြုပြင်ခြင်း
================================ =
ကွန်ကရစ်တိုင်များ ပျက်စီးခြင်းဆိုတာကတော့ အများအားဖြင့် ပုံစံခွါပြီးရင် တွေ့ရှိရတတ်တဲ့ ပျက်စီးချို့ယွင်းမှုများကို ဆိုလိုပါတယ်။။ အဲ့ဒီလို ပြုပြင်မှု ဆောင်ရွက်တဲ့အခါ အရေးကြီးတဲ့ အချက်လေးချက်ရှိပါတယ်။
နံပါတ်တစ်အနေနှင့် Expediency လို့ခေါ်တဲ့ ပြုပြင်မှုကို ချက်ချင်းမလုပ်ရင် ကြာလာတာနှင့်အမျှ ပျက်စီးမှုများလာမှာဖြစ်ပြီး အလုပ်လည်း ပိုလာမှာဖြစ်ပါတယ်။ ဒါကြောင့် ချက်ချင်းပြုပြင်ဆောင်ရွက်ဖို့ လိုအပ်ပါတယ်။
နံပါတ်နှစ်အနေနှင့် သန့်ရှင်းအောင်ဆောင်ရွက်ခြင်းဖြစ်ပါတယ်။ ကွန်ကရစ်များကို ဖာထေးပြုပြင်တော့မယ်ဆိုရင် အမှိုက်သရိုက်များ၊ ဖုန်များ၊ အခြားဓာတုပစ္စည်းများကင်းရှင်းအောင် သန့်စင်ပေးဖို့အထူးလိုအပ်ပါတယ်။ ဒါမှသာလျှင် ရှိပြီးသားကွန်ကရစ်နှင့် ကုပ်တွဲပေါင်းစည်းမှုအား Bonding ကောင်းမှာဖြစ်ပါတယ်။
နံပါတ်သုံးအနေဖြင့် အဲ့ဒီလို ကွန်ကရစ်များ ပြုပြင်ဖာထေးဖို့အတွက် အရေးကြီးတဲ့ ကွန်ကရစ်နည်းပညာနှင့် အသုံးပြုမယ့် ကိရိယာများကို ရွေးချယ်ခြင်းဖြစ်ပါတယ်။
နံပါတ်လေးနောက်ဆုံးအနေနှင့် အသုံးပြုမည့် ပစ္စည်း material ၏ ကြာရှည်ခိုင်ခံမှု Durable ပဲ ဖြစ်ပါတယ်။
ကွန်ကရစ်များကို ပြုပြင်ဖာထေးတဲ့အခါ ကွန်ကရစ်သက်တမ်းနုတဲ့အချိန်မှာ လုပ်တာအကောင်းဆုံးဖြစ်ပါတယ်။ ထို့အပြင် အထက်ကပြောသလို သန့်ရှင်းစင်ကြယ်အောင် ဆောင်ရွက်ပြီးမှသာလျှင် ပြုပြင်ဖာထေးမှုကို လုပ်မှ တသားတည်းဖြစ်ပြီး ရှိပြီးသားကွန်ကရစ်နှင့် ကုပ်တွယ်မှုကောင်းမှာ ဖြစ်ပါတယ်။
အသုံးပြုတဲ့ Materials များ
ရှေးဦးစွာ အသုံးပြုမည့် ပစ္စည်းများကို သတ်မှတ်ပြီး ကိရိယာများကို ပြင်ဆင်ထားရမှာဖြစ်ပါတယ်။ ကွန်ကရစ်တိုင်များ ပြုပြင်ဖာထေးတဲ့အခါ အသုံးများတဲ့ ပစ္စည်းတွေကတော့ အောက်ပါအတိုင်းဖြစ်ပါတယ်။
Portland Cement and White Portland Cement; ကွန်ကရစ်များကို ဖာထေးတဲ့အခါမှာ တချို့ဘိလပ်မြေများသည် ဖာထေးတဲ့နေရာတွင် အကွက်လိုက်(အမဲကွက်)အရောင်ကွဲပြီး ကျန်နေတတ်ပြီး၊ မူလကွန်ကရစ်သား၏အရောင်နှင့်ကွဲတဲ့အတွက် အမြင်မကောင်းမှုများ ဖြစ်တတ်ပါတယ်။ ဒါကြောင့် အသုံးပြုမယ့် ဘိလပ်မြေကို သေချာရွေးပေးရမှာဖြစ်ပါတယ်။ Portland cement နှင့် white Portland cement များကို အသုံးပြုခြင်းအားဖြင့် ယင်းပြသနာများကို ရှောင်ရှားနိုင်မှာဖြစ်ပါတယ်။
Aggregate and Sand; ရောစာကြီးနှင့် သဲအနေဖြင့် ထုံးကျောက်နုများကို အသုံးပြုခြင်းဖြင့် အရောင်ကို ပိုတောက်စေမှာဖြစ်ပါတယ်။
Gauging Liquid; ရေနှင့် polymeric meterials များ ရောစပ်ထားသော Styrene Butadience rubber(SBR)များ၊ Polyvinyl Acetate(PVA) သို့မဟုတ် Acrylic Material များကို အသုံးပြုသင့်ပါတယ်။ ၄င်းတို့ကို ကော်ရည်အနေဖြင့် အသုံးပြုခြင်းအားဖြင့် မူလကွန်ကရစ်နှင့် စေးကပ်မှုအားပိုမိုကောင်းမွန်စေမှာ ဖြစ်ပါတယ်။ ထို့အပြင် ကွန်ကရစ်၏ ခံနိုင်ရည်၊ မာကျောမှု စတဲ့ ရုပ်ပိုင်းဆိုင်ရာ ဂုဏ်သတ္တိများ တိုးလာစေမှာဖြစ်ပါတယ်။
ကွန်ကရစ် အက်ကွဲမှုများကို ဖာထေးတဲ့အခါ အထက်ပါပစ္စည်းများကို အဓိကာအားဖြင့် အသုံးပြုလျက်ရှိပြီး တခါတရံတွင် အက်ကွဲမှုအရွယ်အစားး crack width အပေါ်မူတည်ပြီး Epoxy သို့မဟုတ် Polyester resin များ လိုအပ်လာနိုင်ပါတယ်။
အကယ်၍ ကြီးကြီးမားပြုပြင်ဖာထေးမှုများဆိုပါက Formwork, Formwork Tie, clamps နှင့် ကြိုးများ လိုအပ်လာမှာ ဖြစ်ပါတယ်။ ပြုပြင်ဖာထေးတဲ့အပိုင်းကို အသားနပ်ဖို့ curing လုပ်ဖို့အတွက် ပလာစတစ်အခင်းများ လိုအပ်ပါမယ်။
Repairing of Honeycombed Concrete
အများအားဖြင့်တော့ တိုင်တွေမှာ honeycomb ထတာတို့ကို သရွက်နှင့်ပဲ သိပ်ထည့်ပြီး ဖာထေးမှု ပြုလုပ်ရပါတယ်။ ထိုသို့ ဖာထေးမှုကို အောက်ပါအတိုင်း အဆင့်ဆင့် ဆောင်ရွက်ရပါတယ်။
၁။ ပထမဦးစွာ Honeycomb ပေါ်နေတဲ့၊ ထတဲ့အပိုင်းကို တူနှင့် ဆောက်နှင့် ထွင်းပြီး ဖယ်ရှားရပါတယ်။
၂။ အဲ့နေရာကို Brush နှင့် ပွတ်တိုက်ပြီး ဖုန်မှုန့်များ၊ အမှိုက်များ ဖယ်ရှား သန့်ရှင်းပေးရပါတယ်။
၃။ ထို့နောက် သိပ်မည့်သရွက်၊ကွန်ကရစ်ကို ပြင်ဆင်ရပါတယ်။ Thumb Rule အရ ဘိလပ်မြေနှင့် ထုံးကျောက်မှုန့်(အနု)ကို ၁:၂ အချိုးဖြင့် အသုံးပြုလေ့ရှိပါတယ်။ ဘိလပ်မြေကိုတော့ White Portland Cement ကို အသုံးပြုရပါတယ်။
အသုံးပြုမယ့်ရေကတော့ ရေနှင့် polymer ဆတူပါ၀င်သင့်ပါတယ်။
၄။ ရောစပ်လိုက်တဲ့ သရွက်များအနေဖြင့် ဒေါင်လိုက်မျက်နှာပြင်များကို ဖာထေးမယ်ဆိုရင် ပျစ်တွဲမှု slump နည်းအောင် လုပ်ရပါတယ်။
၅။ ထို့နောက်တွင် သရွက်များကို ဖာထေးမယ့်အခေါင်းထဲ ထိုးသိပ်ပြီး သိပ်သည်းမှုကောင်းအောင် သံတုတ်ဖြင့် ထိုးပေးရပါတယ်။ ပြီးမှ သလက်နှင့် မျက်နှာပြင်ကို သပ်ပေးရပါတယ်။
၆။ နောက်ဆုံးတွင် ယင်းနေရာကို ပလာစတစ်ဖြင့် ပတ်၍ တိတ်ဖြင့် ကပ်ထားပြီး curing လုပ်ပေးရပါတယ်။
အကယ်၍ honeycomb က အလွန်ဆိုး၀ါးပြီး အရမ်းကြီးနေလျှင် ယင်းနေရာကို section တစ်ခုပိုင်းခြားပြီး ပြန်ဖျက်ပေးရပါတယ်။ အကယ်၍ တိုင်နှင့်ထုတ်တန်းနေရာများတွင် အဲ့ဒီလို လုပ်ဖို့လိုအပ်လာရင် ၄င်းတို့ကို ထောက်မထိန်းချုပ်ဖို့ ထောက်ကန်ဖို့ လိုအပ်လာပါမယ်။
ထိုသို့ ငြမ်းဆင်၊ ထောက်မပြီး နောက် ဖာထေး၊ ကွန်ကရစ်ပြန်လောင်းမည့် အပိုင်းကို သန့်ရှင်းအောင်ပြုလုပ်ခြင်းများ ဆောင်ရွက်ရပါတယ်။
ကွန်ကရစ်သားများတွင် အပေါက်များ၊ အစက်ပြောက်များဖြစ်ပေါ်ခြင်းများကို ပြုပြင်ဖာထေးတဲ့အခါ Bagging in လို့ခေါ်တဲ့ နည်းပညာကို အသုံးပြုပါတယ်။ ယင်းနည်းပညာတွင် Hession pad ကို အသုံးပြီး ဘိလပ်မြေသရွက်များဖြင့် ကွန်ကရစ်မျက်နှာပြင်ကို ပွတ်တိုက် ဂျီးချွတ်ပေးရတာပဲဖြစ်ပါတယ်။ ယင်းဘိလပ်မြေများကို ပုံမှန်သရွက်များလိုပင် ၁း၃ ၊ ၂း၄ အချိုးဖြင့် ဖျော်စပ်အသုံးပြုနိုင်ပါတယ်။
၂။ Embedments In Concrete
*********************
ကွန်ကရစ်ထဲတွင် နစ်မြု ပ်ထားသော အရာများ....
ကွန်ကရစ်ထဲတွင် နစ်မြုပ်ထားသည့် အရာများတွင်
Pipe များ၊ ရေဆိုးပြွန်များ၊ sleeves များ၊ conduit များ စသည်ဖြင့် ရည်ရွယ်ချက်အမျိူ းမျိူ းအပေါ်မူ
တည်ပြီး အသုံးပြု ကြသည်။ ၄င်း embedments များသည် မတူညီသော material အမျိူ းမျိူ းဖြင့်
ထုတ်လုပ်ထားသည်။ အထူးသဖြင့် လေ၀င်လေ
ထွက်(ventilation) နှင့် လျှပ်စစ်ကြိုးများ သွယ်တန်း
နိုင်ရန်အတွက် အသုံးပြုသည်။
သို့ရာတွင် embedments များထည့်သွင်းအသုံး
ပြု ခြင်းဖြင့် ကွန်ကရစ်ကို ထိခိုက်နစ်နာစေသော စသည့် အန္တရယ်များကို အထူးဂရုပြု သင့်ပေသည်။
ပုံမှန်အခြေအနေများတွင် မည်သည့် material နှင့်မဆို ထုတ်လုပ်ထားသော embedments များသည်
ကွန်ကရစ်ကို မထိခိုက်နိုင်သည်ကို တွေ့ရှိရသည်။
၄င်းကို ACI 318-11 တွင် ဖော်ပြချထားသည်။
RC column ကွန်ကရစ်လုပ်ငန်းများတွင် conduitsများ၊ ပိုက်များမြုပ်ရာတွင် embedments
area သည် column strength တွက်ချက်ရာတွင်
ရွေးချယ်ထားသော cross section area ၏ (4%)
ရာခိုင်နှုန်းထက် မများသင့်ပေ။ Pipe နှင့် conduit
တို့၏ အတွင်း dimension အချင်း သည် slab, beam, wall များ၏ entire thickness ၏ 1/3 ထက်ပို မကြီးသင့် မများသင့်ပေ။ ပိုက်များနှင့် conduit များ၏ spacing သည် ၄င်းတို့၏ အချင်း
၃ဆ ဖြစ်သင့်ပြီး centre to centre ထားရှိသင့်
သည်။ pipe and fitting များကို လွမ်းမိုးနိုင်သော
Material, temperature, pressure များကို စနစ်
တကျ ဒီဇိုင်းတွက်ချက်သင့်သည်။ နစ်မြုပ်ထားသော
ပိုက်များအတွင်း အရည် သို့မဟုတ် အငွေ့ gas များ
ဖြတ်သန်းခြင်း၊ စီးဆင်းစေခြင်းကို concrete ၏
strength ပြည့်ပြည့်၀၀ မရမချင်း မပြု လုပ်ရန် အထူး ဂရုပြုသင့်သည်။ အပူချိန် 32°C မကျော်လွန်
မှသာ ရေကို လွတ်သင့်သည်။ Snow melting နှင့်
Radiant heating အပူပေးရန်အတွက် အသုံးပြုသော ပိုက်လိုင်းများကို Solid RC slab ဖြစ်ပါက
အပေါ် bar နှင့် အောက် bar အကြားတွင် ထားရှိ
အသုံးပြု သင့်သည်။ပိုက်များ၊ conduits များ ထည့်မြုပ်ထားသော ကွန်ကရစ်လုပ်ငန်းများတွင် မြေကြီးနှင့် ရာသီဥတုနှင့် ထိတွေ့ပါက concrete cover သည် အနည်းဆုံး 40mm ရှိသင့်ပြီး ထိတွေ့မှု မရှိပါက 20mm
ရှိသင့်သည်။ အသုံးပြုသည့် steel area သည်
concrete area section ၏ 0.002 ဆ ထက် ပိုမ
နည်းသင့်ပေ။ ပိုက်များ၊ conduit များကို ဆေးသုတ်
သင့်သည်။ ACI code အရ ဆေးသုတ်ထားခြင်း၊
cover လုပ်ထားခြင်းမရှိသော aluminum ဖြင့် ပြု
လုပ်သော ပစ္စည်းများကို ကွန်ကရစ်ထဲတွင် နစ်မြုပ်
အသုံးပြု ခြင်းကို ကန့်သတ်ထားသည်။အဘယ့်
ကြောင့်ဆိုသော် ကွန်ကရစ်နှင့် aluminum၊ aluminum နှင့် steel တို့အကြား ဓာတ်ပြုမှု ဖြစ်ရာမှ အန္တရယ်ဖြစ်စေနိုင်သော chloride ions များ
ဖြစ်ပေါ်စေသည်။ သို့ရာမှ ကွန်ကရစ် ကွဲအက်ခြင်း၊
spalling ဖြစ်ခြင်းများ တွေ့ရတတ်သည်။
၃။ Self Compacting Concrete
*********************
Self compacting concrete သည် high
performance concrete ဖြစ်ပြီး ကွန်ကရစ်လောင်း
ရာတွင် အလိုအလျောက်စီးဆင်းစေပြီး level ညှိ
ခြင်းဖြင့် ကွန်ကရစ်ဖြန့်ခြင်း ညှိခြင်းအတွက် လုပ်သားအရေအတွက်ကို လျော့နည်းစေသည်။ ၄င်းကို
Super workable concrete ဟုလည်း ခေါ်ဆို
သည်။
ဤကွန်ကရစ်များတွင် vi****or သုံးစွဲခြင်းမရှိပဲ
မိမိဘာသာ သိပ်သည်းသွားသည်။ သို့ရာတွင် yeild
stress ကိုလျော့ချရန် HRWR(high range water
reducing admixture) ဓာတုဆေးများအသုံးပြု ပြီး
စေးကပ်မှု(viscosity)ကောင်းမွန်စေရန် VMA(viscosity modified admixture) များကို
အသုံးပြု ရသည်။
Self compacting concrete ၏ ကောင်းကျိူ းများ
°°°°°°°°°°°°°°°°°°°°°°°°°°°°°°°°¿°°°°°°°°°°
၁။ တည်ဆောက်ရေးကာလကို မြန်ဆန်စေပြီး၊
လုပ်သားအရေအတွက် လျော့ချပေးသောကြောင့်
စုစုပေါင်းကုန်ကျစရိတ်ကို သက်သာစေသည်။
၂။ SCC သည် water cement ratio နည်းခြင်း
ကြောင့် strength အမြန်တက်ခြင်း၊ ကြာရှည်ခိုင်ခန့်ခြင်း နှင့် အရည်အသွေးကောင်းမွန်ခြင်းများ
ရရှိနိုင်သည်။
၃။ SCC သည် မိမိဘာသာ သိပ်သည်းသောကြောင့်
တုန်ခါစက် အသုံးပြု ရန်မလိုအပ်ပေ။
၄။ ကွန်ကရစ်များ bleeding ဖြစ်ခြင်း၊ segregation
ဖြစ်နိုင်ချေ နည်းပါးသည်။
၅။ ကွန်ကရစ်လောင်းပြီးသည်နှင့် တပြို င်နက်
ချောမွေ့ညီညာသော မျက်နှာပြင်နှင့် ကောင်းမွန်သော အပြီးသတ်ခြင်းကို ရရှိနိုင်သည်။
၆။ ထုသေးသော concrete slab များအတွက်
အလွယ်တကူ လုပ်ငန်းပြီးမြောက်စေသည်။
Self compacting concrete ၏ ဆိုးကျိူ းများ
°°°°°°°°°°°°°°°°°°°°°°°°°°°°°°°°°°°°°°°
၁။ w/c ratio နည်းသောကြောင့် plastic shrinkage ဖြစ်နိုင်သည်။ သို့သော် curing ကောင်းစွာ ပြုလုပ်ခြင်းဖြင့် ရှောင်ရှားနိုင်သည်။
၂။ ကွန်ကရစ်သွန်းလောင်းရာတွင် အတွေ့အကြုံ့ရှိ
ပြီး ကျွမ်းကျင်သော လုပ်သားများ လိုအပ်သည်။
၃။ SCC သည် အခြား သာမန် ကွန်ကရစ်များထက်
ကုန်ကျစရိတ် များသည်။
၄။ Concrete Curing အမျိူ းအစားအများ
✏ ✏ ✏ ✏ ✏ ✏ ✏ ✏ ✏ ✏ ✏
ကွန်ကရစ်မျက်နှာပြင်စိုစွတ်မှုနှင့် ဘိလပ်မြေ၏ hydration ကို ကာကွယ်ခြင်းကို curing ဟုခေါ်
သည်။ ကွန်ကရစ်၏ ရုပ်ပိုင်းဆိုင်ရာ ဂုဏ်သတ္တိ အားလုံးနီးပါးသည် ဘိလပ်မြေ၏ Hydration
အပေါ်တွင် မူတည်နေသည်။ curing ကို စနစ်တကျမပြုလုပ်ပါက ကွန်ကရစ်ချိူ့ယွင်းမှုအမျိူ းမျိူ း
ဖြစ်စေသည်။ ထို့ကြောင့် မှန်ကန်တဲ့curing ကို
ဂရုတစိုက် ရွေးချယ်ဆောင်ရွက်ရမည်ဖြစ်သည်။
၁။ အရိပ်ပေးခြင်း
ဤနည်းသည် ကွန်ကရစ်မျက်နှာပြင်ပေါ်ရှိ ရေများ အငွေ့ပြန်မှုကို ထိန်းချူ ပ်ရန် အရိပ်ပေးပြီး ကာကွယ်ခြင်း
ဖြစ်သည်။ အရိပ်ပေးခြင်းကြောင့် အပူနဲ့ လေကိုပါ ကာကွယ်ပေးနိုင်သည်။
၂။ Waterproof Paperဖြင့် မျက်နှာပြင်ကို ဖုံးအုပ်ခြင်း
ကွန်ကရစ်မျက်နှာပြင်ကို စိုစွတ်သော ဖျင်ကြမ်း၊ဂုန်နီအိတ် သို့မဟုတ် Waterproof paperများဖြင့်
ဖုံးအုပ်ထားခြင်းဖြင့် ရေဆုံးရှုံးမှု(water losses)ကို
ကာကွယ်ပေးပြီး ကွန်ကရစ်မျက်နှာထိခိုက်မှုကိုပါ
ကာကွယ်ပေးပါသည်။ဤနည်းသည် Slab နှင့်
concrete pavement တို့အတွက် အသင့်တော်ဆုံးဖြစ်သည်။
၃။ ရေဖြန်းခြင်း
ရေဖြန်းခြင်းဆိုသည်မှာ ကွန်ကရစ်မျက်နှာ
ပြင်ကို စိုစွတ်မှုရရှိရန် ရေဖြန်းပေးရခြင်းဖြစ်သည်။
ဤနည်းသည် ကွန်ကရစ်မျက်နှာပြင် အမြဲစိုစွတ်နေ
ရန်အတွက် မကြာခဏ ရေဖြန်းပေးရခြင်းကြောင့်
အခက်အခဲရှိနိုင်သည်။
၄။ Ponding
ဤနည်းကို floor,slab,pavement စသည်
များကို curing ပေးရာတွင် အဓိက အသုံးပြုသည်။
ပထမဦးစွာ ကွန်ကရစ်မျက်နှာပြင်ကို စိုစွတ်သော
ဖျင်ကြမ်းဖြင့် ၂၄နာရီဖုံးအုပ်ထားရှိပြီး၊ ပြန်ဖြုတ်ကာ
ရွံ့စေးဖြင့် ဘေးပတ်လည် ပိတ်ကာပြီး ရေဗွတ်အိုင်
ဖြစ်စေရန် ရေဖြည့်ပေးရသည်။
၅။ Membrane Curing
ကွန်ကရစ်မျက်နှာပြင်ကို waterproof membrane,sealing compound များဖြစ်သည့်
ကတ္တရာစေး၊ ဖယောင်း နှင့် ပလာစတစ်အကြည်
များဖြင့် ဖုံးအုပ်ထားရှိပြီး water losses ကိုထိန်းချူ ပ်
ထားရှိသည်။ membrane curing သည် ၂၈ရက်
curing လုပ်ရမည်ကို နှစ်ပတ်တည်းဖြင့် လုံလောက်မှု ရှိနိုင်သည်။
၆။ Steam Curing
Steam curing ကို စိုစွတ်သည့် အခြေအနေ
တွင် ကွန်ကရစ်ကို ရေနွေးငွေ့ပေးပြီး အပိုချိန်ကို တိုးမြင့်ပေးရခြင်း ဖြစ်သည်။ဤနည်းကို အသုံးပြုခြင်းဖြင့် ကွန်ကရစ်၏ fully strength ကို အချိန်အနည်းငယ်အတွင်း ရရှိနိုင်သည်။ ထို့ကြောင့် precast
concrete များတွင် အသုံးများသည်။
၅။ ဖျော်စပ်ပြီးသော ကွန်ကရစ်များကို Adjustment ပြုလုပ်ရန် အညွှန်း
*********************************************
Hints For The Adjustment of Concrete Mixes
+++++++++++++++++++++++++++++
ကွန်ကရစ်ဖျော်စပ်သည့် အချိုးအမျိုးမျိုးပေါ်တွင်ဖြစ်ပေါ်သော အကျိုးသက်ရောက်မှုများသည် များစွာရှိပြီး တစ်ခုနှင့်တစ်ခု ဆက်နွယ်မှုရှိကြသဖြင့် ယခုအညွှန်းတွင် ဖော်ပြထားခြင်းမရှိပါ။ ဖျော်စပ်ပြီးသော ကွန်ကရစ်များကို Adjust ပြုလုပ်ရန်အတွက် သင့်တင့်လျောက်ပတ်သော အတွေ့အကြုံရှိရန် လိုအပ်ပါသည်။
အောက်ပါဆောင်ရွက်မှုအဆင့်များသည် အကျိုးသက်ရောက်မှုရှိပါသည်။
ဖြစ်ပွားမှု (က)
-
Case - A
Slump များခြင်း၊ (Slump Too High)
(၁) Slump 1" လျော့စေလိုတိုင်း Batch တစ်ခုတွင် အသုံးပြုသော ရေပမာဏ၏ ၃% ကို
လျော့ပါ။
ဖြစ်ပွားမှု (ခ)
-
Case - B
ဖျော်စပ်ပြီးကွန်ကရစ်စိုနေသော်လည်း လုံလောက်သော Slump မရရှိခြင်း။ (Mix Appears Wet With not Sufficient Slump)
(၁) သဲကို အနည်းငယ် တိုးထည့်ပါး၊
ဖြစ်ပွားမှု (ဂ)
Case - C
-
Slump အလွန်နည်းခြင်း (Slump Too Low)
(၁) ရေနှင့် ဘိလပ်မြေအချိုးသည် သတ်မှတ်အချိုး (Max) ထိ ဆောင်ရွက်နိုင်သေးပါက ရေကို
တိုးပေးရန်နှင့် ရေနှင့် ဘိလပ်မြေအချိုး Constant ဖြစ်စေရန် ဘိလပ်မြေကိုပါတိုးပေးရန်။ Batch တွင်ပါဝင်သော ရေပမာဏ၏ ၃% ရှိရေကို တိုးပေးပါက Slump ၁" တက်လာ
ပါမည်။
-
ဖြစ်ပွားမှု (ဃ)
Case - D
ဖျော်စပ်ပြီးကွန်ကရစ်သည် ချွဲပျစ် (Sticky) ခြင်းနှင့် Mortar သည် စေးကပ်နေခြင်း (Mix Appears Stickly and Mortar Too Cohesive) (၁) သဲ၏ grading ကို စစ်ပါ။ - ၁၀၀ Mesh ထက်ငယ်သော သဲပါဝင်မှု မြင့်မားနေခြင်းကြောင့်
ဖြစ်နိုင်ပါသည်။
(၂) သတ်မှတ် grading သဲကို ပြောင်း၍ အသုံးပြုပါ။ သို့မဟုတ် လက်ရှိဖွဲ့ကို ၎င်းထက်ကောင်း
သောသဲနှင့်ရော၍သုံးရန်။
-
ဖြစ်ပွားမှု (င)
Case - E
သဲနှင့် ရေများစွာလိုအပ်ခြင်း။ (Excessive Sand and Water Demand)
(၁) ကျောက်စရစ် (Coarse aggregate) Grading ကို စစ်ဆေးပါ။ ကျောက်စရစ်များကြားတွင်
Voics များတိုးနေခြင်း။
(၂) ကျောက်စရစ် (Coarse aggregate) ပုံစံ (Shape) ကို စစ်ဆေးပါ။ ထောင့်အပြားသို့
အရည်များ များပြားစွာပါဝင်နေခြင်း။
(၃)သဲ၏ FM ကို စစ်ဆေးပါ။ ယခင်အသုံးပြုနေက သဲထက် Coarse ဖြစ်ပါက
(သဲနှင့် ကျောက်ရစ်အချိုး ၁ရာခိုင်နှုန်း တိုးပါက FM တန်ဖိုး ၀.၂ တိုးပါမည်။)
ဖြစ်ပွားမှု (စ)
Case F
Segregation များစွဖြစ်ခြင်း (Excessive Stone segregation (Field)
(၁) ကွန်ကရစ်ဖျော်စက်၏ စွမ်းရည်အား U S B R Concrete manual 2G ပါအတိုင်းစစ်ပါ။
(၂) ကွန်ကရစ်ကိုင်တွယ်မှု (handling) နှင့် သယ်ယူမှုတို့ကို စစ်ဆေးပါ။ (စက်တစ်မျိုးနှင့် တစ်မျိုး၊
တစ်ဆင့်နှင့် တစ်ဆင့်အကူးပြောင်းကိုသတိထားစစ်ပါ။ ဥပမာ-ကွန်ကရစ်ဖျော်စက်မှ သယ်စက်/သယ်စက်မှ ခွဲစက် သို့လွှဲပြောင်းထည့်သည့်နေရာများ။
(၃) ကွန်ကရစ်လောင်းသည့်ခွက်ကို ကွန်ကရစ်လောင်းရာတွင် နှိမ့်၍လောင်းပါ။
(၄) aggregate ၏ grading နှင့် လေပါဝင်မှုကိုစစ်ပါ။
(5) Maximum အရွယ်အစား gravel ရာခိုင်နှုန်းကို လျော့ချပါ။
ဖြစ်ပွားမှု (ဆ) Case (G)
လုပ်ငန်းဆောင်ရွက်မှုမပြုနိုင်သော ကွန်ကရစ် Concrete Unworkable (Field)
(၁) Slump ကို စစ်ပါ။
(၂) ဖျော်စက်၏ ချိန်တွယ်မှုစနစ်ကိုစစ်ပါ။
(၃) ရလိုအပ်ချက်နှင့် ရေနှင့် ဘိလပ်မြေအချိုးစစ်ပါ။
(၄) ကျောက်စရစ်၏ grading ကို စစ်ပါ။
(၅) ဘိလပ်မြေ၊ ဘိလပ်မြေ hopper scale နှင့် ဆက်နွယ်သောအရာများစစ်ပါ။
အထက်ဖော်ပြပါ အဆင့်များဆောင်ရွက်သော်လည်း ဖြစ်ပေါ်လာသောချွင်းချက်ကို မပြုပြင်နိုင် ကြောင်း တွေ့ရှိရပါက၊ ဘိလပ်မြေပိုသုံး သည့် Mix Design ကို ပြောင်းသုံး၍ အသုံးပြုရန်ဖြစ်ပါသည်။
၆။ Ready Mix Concrete လောင်းရာတွင်
သတိပြုစရာများ
**********************************
၁။ မိမိ order မှာထားသည့် Ready mix concrete
သယ်ယာဉ် AG truck လုပ်ငန်းခွင်ရောက်လာသည့် အခါ မှာယူထားသည့် အတိုင်း ကွန်ကရစ်၏ Strength,slump,maximum size of aggregate, temperature, quantity , cement type စသည်များကို ဦးစွာ စစ်ဆေးပါ။
၂။ အသုံးပြုမည့် ကွန်ကရစ်သည် Batching Plant မှ လုပ်ငန်းခွင်သို့ ၁နာရီမှ ၁နာရီခွဲအတွင်း ရောက်သင့်သည်။
၃။ Site ထဲသို့ ရောက်လာသော R.M concrete ကို ၁၅မိနစ်အတွင်း လောင်းသင့်ပြီး ဘိလပ်မြေအိပ်ချိန်မကျော်လွန်မီ အဆုံးသတ်ပြီးစီးရမည်။
၄။ ကွန်ကရစ်လောင်းရာတွင်နှင့် သယ်ပို့ရာတွင်
အသုံးပြုသည့် စက်ကိရိယာတန်ဆာပလာများကို
နေ့တနေ့၏ လုပ်ငန်းချိန် ပြီးဆုံးပြီး နာရီ၀က်အတွင်း
ဆေးကြော သန့်ရှင်းရမည် ဖြစ်သည်။
၅။ Ready mix concrete သယ်ပို့ရာတွင် ဖြစ်ပေါ်တတ်သော segregation ပြသာနာဖြစ်ပေါ်ပြီး batching plant သို့ ပြန်ပို့ရန် အခက်အခဲရှိပါက
သန့်ရှင်းသော ပလက်ဖောင်းပေါ်တွင် ရေထပ်မ
ထည့်တော့ပဲ mix ပြန်လုပ်ရမည်ဖြစ်သည်။
၆။ Ready mix concrete ကို စတင်မလောင်းမီ
Slump cone ဖြင့် ဦးစွာစစ်ဆေးမှု ပြုလုပ်ရသည်။
၇။ Ready Mix Concrete လောင်းရာတွင် segregate မဖြစ်စေရန် သတိထားရပါမည်။ wall နှင့် column စသည့် အမြင့်နေရာများ လောင်းရာ
တွင် free fall concrete အမြင့် 1.5 metre ထက်
မြင့်နေပါက ကွန်ကရစ်စီးဆင်းမှု မကောင်းမှုများ
ကြောင့် honeycomb,separation စသည့် ဆိုးကျိူ း
များ ရရှိနိုင်သည်။
၇။ Fiber Reinforced Concrete Beam Analysis
(Introduction)
Plain concrete များသည် tensile stress ကို ခံစားရသည့်အခါ brittle behavior ကြွပ်ဆပ်တဲ့ အဆင်းလက္ခာဏာကို တွေ့ရှိရတတ်သည်။ ကွန်ကရစ်ထဲတွင် အားကူသံချောင်းများ ထည့်သွင်းအသုံးပြုခြင်းသည် ၀န်သက်ရောက်မှုအခြေအနေအမျိုးမျိုးအတွက် strength ကို တိုးစေ သကဲ့သို့ လိုသလို ပုံသွင်းရ လွယ်ကူစေပါသည်။ ထို့အပြင် ကွန်ကရစ်ထဲတွင် steel fiber များကို ဘိလပ်မြေသရွက်ထဲတွင် ပေါင်းစပ်ရောနှောခြင်းဖြင့် ကွန်ကရစ်၏ ဂုဏ်သတ္တိကိုကောင်းမွန်စေပြီး crack width ကို လျော့ချပေးသည့်အပြင် ကွန်ကရစ်၏ flexural strength နှင့် tensile strength ကို တိုးမြင့်စေပါသည်။ FRC ကွန်ကရစ်များသည် failure ဖြစ်သည့်တိုင်အောင် fiber မပါ၀င်သော ကွန်ကရစ်များထက် release energy ပိုမြင့်မားပြီး ပုံပျက်မှုလျော့နည်းကာ pull-out mechanism ပိုကောင်းပါသည်။ Concrete compressive strength နှင့် ပါတ်သက်၍လည်း fiber ထည့်သွင်း အသုံးပြုခြင်းဖြင့် အကောင်းဆုံး၊ အမြင့်ဆုံး peak value ကို ရရှိစေနိုင်ပါသည်။ သို့ရာတွင် မည်သို့ပင်ဆိုစေကာမူ တခါတရံများတွင် fiber ကို ထည့်သွင်းအသုံးပြုခြင်းကြောင့် compressive strength ကို လျော့နည်းစေနိုင်ပါသေးသည်။ အဘယ့်ကြောင့်ဆိုသော် ကွန်ကရစ်အရောအနှောထဲတွင် fiber များ ပြန့်နှံ့ခြင်းကြောင့် လေခိုပေါက် void ဖြစ်ပေါ်စေခြင်းနှင့် discontinuities ဖြစ်စေသောကြောင့် ပင်ဖြစ်ပါသည်။
အစောပိုင်းကာလများတွင် FRC ကွန်ကရစ်များကို cracking ဖြစ်ခြင်းကို control လုပ်နိုင်ရန်နှင့် ကွန်ကရစ်၏သက်တမ်းကို ကြာရှည်ခံနိုင်စေရန်အသုံးပြုခြင်းဖြစ်ပြီး လွန်ခဲ့သည့် ဆယ်စုနှစ် နှစ်စုမှ စ၍ fiber ထည့်သွင်းအသုံးပြုခြင်းကို shear နှင့် bending ကဲ့သို့သော structural elements များကို strength analysis လုပ်ရာတွင် ထည့်သွင်းစဉ်းစားလာကြခြင်းဖြစ်ပါသည်။ ထိုသို့လုပ်ဆောင်လာကြရခြင်းမှာ FRC mechanism behavior အကြောင်းများကို အဓိက ပစ်မှတ်ထားပြီး ပုံနှိပ်ထုတ်ဝေသော စံသတ်မှတ်ချက် နှင့်ဒီဇိုင်းလမ်းညွှန်စာအုပ်များကြောင့်ဖြစ်သည်။ ၄င်းစာအုပ်များမှာ −−−−−−−−−−−−
[1] RILEM-TC-162-TDF, test and design methods for steel fibre reinforced concrete: σ∊design method - final recommendation. Mater Struct 2003;36(262):560–7.
[2] CNR-DT 204/2006. Guide for the Design and Construction of Fiber-Reinforced Concrete Structures. ROME CNR. Italian National Research Council; November 2007.
[3] Model Code 2010 - Final Draft; vol. 1–2. FIB Bulletin; 2012.
သို့ရာတွင် ယခုအချိန်ထိပင် FRC ကွန်ကရစ်နှင့်ပါတ်သက်ပြီး သုတေသနစမ်းသပ်မှုဆောင်ရွက် ရာတွင် တကယ့်လက်တွေ့နှင့်ကိုက်ညီမှုနည်းပါးလျက်ရှိနေပါသေးသည်။ ယခုနောက်ပိုင်းများတွင် beam များနှင့် slab များကဲ့သို့သော structure member များတွင် ပုံမှန်အသုံးပြုနေကျ အားကူသံချောင်းများ နှင့်အတွက် cement paste တွင် fiber များကို ပေါင်းစပ်၍ အသုံးပြုလာပြီဖြစ်သည်။ ထိုသို့အသုံးပြုခြင်း ဖြင့် အားကူသံချောင်း reinforced bar များအနေဖြင့် full tensile load ကို ခုခံပေးပြီး fiber များမှ ကွန်ကရစ်အက်ကွဲမှုကို ဟန့်တားပေးမှာဖြစ်ပြီး ကွန်ကရစ်၏ dynamic(or) impact action ခံနိုင်ရည်ကို တိုးမြင့်စေမည်ဖြစ်သည်။ ထို့ကြောင့် အကယ်၍ tensile stress အရေးမကြီးသော tension ဒဏ်ခံနိုင်ချေနည်းပါးသော structural member ကွန်ကရစ်များတွင် reinforced bar များကို လျော့ချအသုံးပြုခြင်းနှင့် လုံး၀အသုံးပြုမှုမရှိပါက safety ဖြစ်မဖြစ်ဆိုသည်မှာ မေးခွန်းထုတ်စရာ ဖြစ်လာသည်။ တဆက်တည်းမှာပင် တကယ့်လက်တွေ့ beam နှင့် slab များတွင် အသုံးပြုသော fiber အမျိုးအစားနှင့် ပါ၀င်မှုအချိုးအစားတို့နှင့် ပါတ်သက်ပြီး အကျိုးဆက်၊ အကျိုးအပြစ်များ မည်သို့ဖြစ်နိုင်သည်ဆိုသည့် သုတေသနစမ်းသပ်ချက်များသည် စိတ်၀င်စားစရာဖြစ်လာသည်။
ပုံမှန်အသုံးပြုသော အားကူသံချောင်းများကို ထည့်သွင်းအသုံးပြုထားသော RC beam များထက် steel fiber များ အသုံးပြုခြင်းသည် ကွန်ကရစ်၏ shear strength ခံနိုင်ရည်ကို ပိုကောင်းမွန်စေကြောင်း စမ်းသပ်လေ့လာချက်မှ သိသာထင်ရှားစွာ ပြသနေပါသည်။ လတ်တလောတွင် အဓိကစူးစမ်းလေ့လာမှုများဆောင်ရွက်လျက်ရှိကြသည်မှာ မတူညီသော fiber အမျိုးအစားများ အသုံးပြုခြင်းနှင့် အမျိုးမျိုးသော transverse reinforcement ratio တို့ဖြစ်ပါသည်။ ထိုသို့ စူးစမ်းလေ့လာချက်မှ အတည်ပြုကြသည်မှာ minimum transverse reinforcement ratio အတိုင်း အားကူသံချောင်းကို အသုံးပြုခြင်းထက် fiber ကို အသုံးပြုခြင်းသည် shear cracking ဖြစ်ပေါ်ခြင်းကို အချိန်ဆွဲဆန့်၊ နှောင့်နှေးစေပြီး အက်ကွဲထခြင်းကို ပိုပြီး ကာကွယ်တားဆီးပေးနိုင်ပါသည်။ ထို့အပြင် ကွန်ကရစ်ထုထည်နှင့်steel fiber အချိုး၏ ၀.၇၅% ရာခိုင်နှုန်းသော end hooked steel fiber များ ပေါင်းစပ်အသုံးပြုခြင်းဖြင့် ပုံမှန်ကွန်ကရစ်လုပ်ငန်းများနှင့် high strength concrete လုပ်ငန်းများတွင် stirrup ကို လုံး၀အသုံးမပြုဘဲ eliminate လုပ်နိုင်သည်။ သို့ရာတွင် (၂%)ရာခိုင်နှုန်းနှင့် ယင်းထက်များ သော steel fiber များကို အသုံးပြုပါက energy absorption ကို decrease ဖြစ်စေသကဲ့သို့ ကွန်ကရစ်ကို အနည်းငယ်ပုံပျက်သွားစေနိုင်ပါတယ်။ တဖက်တွင်လည်း stirrup မပါသော FRC concrete beam များသည် transverse reinforced ပါသော beam များထက် size effect ခံစားရလွယ်သောကြောင့် အကယ်၍ stirrup အသုံးပြုထားခြင်းမရှိသော beam များသည် အရွယ်အစားပိုကြီးလေ shear strength ခံနိုရည်နည်းသွားလေ ဖြစ်ပါသည်။(ဆိုလိုသည်မှာ shear အတွက် အသုံးပြုသော stirrup များကို အသုံးမပြုထားသောကြောင့် beam size ကြီးပါက အလေးချိန်ပိုများပြီး own weight ဖြင့်ပင် shear ကို ခံစားရနိုင်သည်။)( Yoo DY, Yang JM. Effects of stirrup, steel fiber, and beam size on shear behavior of high strength concrete beams. Cem Concr Compos 2018;87:137–48.)
Bending load သက်ရောက်သည့်အခြေအနေအောက်တွင် steel fiber များအနေဖြင့် တကယ့်လက်တွေ့ beam များ၏ flexural cracking နှင့် serviceability ကို improve ဖြစ်စေသည်ကို တွေ့ရှိရပြီး ကွန်ကရစ်နှင့်အားကူသံချောင်းများ၏ ကုတ်တွဲမှုအား bonding ကိုလည်း တိုးစေပါသည်။ တဆက်တည်းတွင် crack width ကိုလည်း လျော့ချပေးပါသည်။ တချို့ ကွန်ကရစ် Deep Beam များတွင် steel fiber များသည် အခြားသော steel fiber မပါ၀င်သည့် အရွယ်အစားတူညီသည့် beam များထက် cracking load ကို နှစ်ဆနီးပါးခန့် တိုးစေကြောင်း တွေ့ရှိရပါတယ်။ Recycled Aggregate concrete များ အသုံးပြုခြင်းနှင့် ပါတ်သက်ပြီး စဉ်းစားကြည့်သည့်အခါ volume ratio ၏ (၂%)ရာခိုင်နှုန်းသော steel fiber ပါ၀င်မှုသည် beam များတွင် cracking moment ကို increase ဖြစ်စေသည်။ ထို့အပြင် ၄င်း recycled aggregate များကို ထုထည်၏ ၁၀၀% အစားထိုးပြီး natural coarse aggregates များကို အသုံးပြုသည့်တိုင်အောင် cracking moment ကို တိုးစေသည်။ FRC beam များသည် dynamic behavior နှင့် ပါတ်သက်ပြီး impact resistant စွမ်းဆောင်ရည်ကောင်းသည်။ High strength concrete(HSC) beam များ၏ creep behavior နှင့် ပါတ်သက်၍ volume ratio ၏ (၀.၅%)ရာခိုင်နှုန်း steel fiber များကို အသုံးပြုခြင်းသည် creep effect ကို compression တွင် (၂၆%)ရာခိုင်နှုန်းနှင့် tension တွင် (၄၄%)ရာခိုင်နှုန်းခန့်ကို လျော့နည်းသွားစေသည်။ ထိုနည်းကဲ့သို့ volume ratio ၏ (၁%)ရာခိုင်နှုန်းသော steel fiber များကို အသုံးပြုခြင်းဖြင့် creep effect ကို compression တွင် (၇၆%)ရာခိုင်နှုန်းနှင့် tension တွင် (၄၇%)ရာခိုင်နှုန်းခန့်ကို လျော့နည်းသွားစေသည်။
မကြာသေးမီသော နှစ်ကာလများမှစတင်၍ လက်တွေ့အသုံးချမှုများအတွက် အမျိုးမျိုးသော ဂဏာန်းသင်္ချာတွက်ချက်မှုနှင့် analytical model ဒီဇိုင်းလုပ်ငန်းများ တိုးတက်လာပြီး FRC structural elements များ၏ mechanical behavior များကို အကြံပြုနိုင်သည့် စံသတ်မှတ်ချက်များ ထုတ်ဖော် နိုင်ရန် ကြိုးစားလာကြသည်။ ထိုသို့ model design များသည် shear strength ကို ခန့်မှန်းသည့် ရှေးရိုးစွဲ အယူအဆများကို လျော့နည်းပပျောက်အောင် ဖြစ်စေသည်။ FRC structural element များ၏ cracking behavior နှင့် ပါတ်သက်ပြီး ခန့်မှန်းသတ်မှတ်သည့် တချို့သော စံသတ်မှတ်ချက်နှင့် လမ်းညွှန်မှုများသည် အထူးသဖြင့် crack width နှင့် crack spacing တို့ကို simple supported beam အတွက် အမှန်တကယ်တိကျမှု၊ ကိုက်ညီမှုမရှိပေ။ ယခုနောက်ပိုင်းတွင် craking width estimation နှင့် ပါတ်သက်ပြီး စာတမ်းတစ်စောင်ကို Tahenni et al ဟုခေါ်သော ပုဂ္ဂိုလ်မှ RILEM-TC-162TDF စာစောင်တွင် အကြံပြုဖော်ပြထားပါသည်။
၈။ ကွန်ကရစ်၏ ရေစိမ့်၀င်နိုင်မှု(Concrete Permeability)
***********************************************************
ရေစိမ့်၀င်နိုင်မှု Permeability ဆိုသည်မှာ အပေါက်၊လေခိုပေါက်တွေ ပါ၀င်တဲ့ အစိုင်အခဲများ တွင် အရည်များ စိမ့်၀င်စီးဆင်းမှုနှုန်းကို လွှမ်းမိုးထားသော ဂုဏ်သတ္တိကို ဆိုလိုပါတယ်။ ထို့အတူ Permeability သည် ရာသီဥတုဒဏ်၊ chemical attack ၊ abrasion စတဲ့ ထိခိုက်ပျက်စီးစေနိုင်သော ဖြစ်စဉ်များအား ခုခံနိုင်မှုလည်းဖြစ်သည်။
မာပြီးသားကွန်ကရစ်(Hardened Concrete)များ၏ Permeability ဖြစ်ရခြင်း အကြောင်းနှစ်ချက်ရှိပါတယ်။ နံပါတ်တစ်အနေနှင့် ကွန်ကရစ်လောင်းနေစဉ်တွင် သိပ်သည်းမှု ကောင်းမွန်စွာ မရတဲ့အခါ ကွန်ကရစ်သားထဲတွင် လေခိုအပေါက်များ ကျန်ခဲ့ခြင်းဖြစ်ပြီး နံပါတ်နှစ်အချက်သည် ကွန်ကရစ်သားများ ရေငွေ့ပျံမှုကြောင့် ဖျော်စပ်တဲ့ရေများ အငွေ့ပြန်ခြင်းဖြစ်ပြီး ကွန်ကရစ်သားအတွင်း empty spaces များ ဖြစ်ပေါ်ရခြင်းတို့ကြောင့် ဖြစ်သည်။ ကွန်ကရစ်၏ ရေစိမ့်၀င်နိုင်မှု concrete permeability နှင့်ပါတ်သက်ပြီး သတင်းအချက်အလက်ဆိုင်ရာ စူးစမ်း လေ့လာမှုများသည် အစောပိုင်း ၁၉၃၀ခုနှစ်မှ စပြီး စနစ်တကျလေ့လာမှုများ၊ စူးစမ်းလေ့လာမှုများကို စတင်သတိထား စဉ်းစားလာကြသည်။ ထို့ကြောင့် ရေထဲကွန်ကရစ်လုပ်ငန်းများ ဆောင်ရွက်ကြရသော တမံများ၊ရေလွှဲဆည်များ၊ရေတံခါးများ စသည့် hydraulic structures များအား hydraulic pressure ကြောင့် ရေစိမ့်၀င်တိုက်စားပျက်စီးမှုများမှ ကင်းဝေးနိုင်ရန် ဒီဇိုင်းတွက်ချက်မှုများတွင် ကွန်ကရစ် ၏ရေစိမ့်၀င်မှုနှုန်းကို သေချာစဉ်းစားရပေသည်။
ယနေ့ခေတ်တွင် ကွန်ကရစ်၏ရေစိမ့်၀င်နိုင်မှုကို ပြန်လည်ပြီး အသစ်တဖန် စူးစမ်းလေ့လာ စိတ်၀င်စားမှုများ ပြုလုပ်လာကြပြီဖြစ်သည်။ သို့ရာတွင် အစောပိုင်းကာလကဲ့သို့ ရေအောက်အဆောက် အအုံများ၏ ကွန်ကရစ်အတွင်း အရည်စိမ့်၀င်စီးဆင်းမှုတစ်ခုထဲကိုပဲ ဗဟိုမပြုတော့ဘဲ စိမ့်၀င်တိုက်စား အန္တရာယ်ပြုနိုင်သည့်အရာများဖြစ်သည့် ပင်လယ်ရေများမှ chloride ions, deicing salt များ၊ sulphate ions နှင့် အခြားထိခိုက်စေနိုင်သော ဓာတုပစ္စည်းများ၏ ကွန်ကရစ်အတွင်း စိမ့်၀င်တိုက်စား ထိုခိုက်ပျက်စီးစေနိုင်မှုများကို စူးစမ်းလေ့လာမှုများ ဆောင်ရွက်လာပြီဖြစ်သည်။ ကွန်ကရစ်အဆောက် အအုံများ၏ ရေရှည်တည်တံ့ခိုင်မာမှုအတွက် concrete permeability သည် အလွန်အရေးကြီး သောကြောင့် ယင်းနှင့်ပါတ်သက်တဲ့ ဗဟုသုတ၊ အသိတရား သိကျွမ်းနားလည်ရန်လိုအပ်ပေသည်။ Concrete admixture များဖြစ်သော silica fume, latex emulsions, and high-range water reducers စသည်များကို အသုံးပြုခြင်းဖြင့် ကွန်ကရစ်အတွင်း ရေမစိမ့်၀င်နိုင်မှုအတွက် များစွာ အထောက်အကူဖြစ်စေသည်။ Highly permeability ဖြစ်စေသည်။ ထိုသို့ ဓာတုဆေးများ အသုံးပြုသည့်အခါ ကွန်ကရစ်အတွင်း စိမ့်၀င်နိုင်မှုကို ထိန်းချုပ်နိုင်စေဖို့အတွက် mix design နှင့် အသားသေအောင်ပြုလုပ်သည့် နည်းစနစ်များကို စနစ် တကျ သတ်မှတ်ရမည်ဖြစ်သည်။ ၁၉၈၆ ခုနှစ်တွင် အသုံးပြုမည့်ကွန်ကရစ်နမူနာများအတွက် စိမ့်၀င်နိုင်မှုကို ဖြစ်စေသော၊ စိမ့်၀င်နိုင်မှုအပေါ် effect ဖြစ်စေနိုင်သော mix design, materials များနှင့် curing များအား တည်ဆောက်ရေး နည်းပညာ ဓါတ်ခွဲစမ်းသပ်မှုများ လုပ်ဆောင်ခဲ့ကြသည်။ ယင်းစမ်းသပ်မှုတွင် ရေဘိလပ်မြေအချိုး water cement ratio(w/c)သည် 0.26 မှ 0.75 အထိရှိပြီး ရက်(၉၀)အကြာတွင် ကွန်ကရစ်၏ compressive strength သည် 3580 psi မှ 15250 psi အတွင်း ပြောင်းလဲမှုရှိသည်။ ကွန်ကရစ်တွင် ရေဘိလပ်အချိုးကို လျော့ချနိုင်ဖို့အတွက် Silica fume and high- range water reducers များကို အသုံးပြုခဲ့ကြသည်။ ထို့နောက် ကွန်ကရစ်အသားသေအောင် (၇)ရက်အထိ အစိုဓာတ်ပေးပြီး curing လုပ်ပြီးနောက် ရက်(၉၀)အကြာ လေထုနဲ့ခြောက်သွေ့သွား ပြီးနောက် စတင်၍ စမ်းသပ်မှု ပြုလုပ်ခဲ့ကြသည်။ ယင်းစမ်းသပ်မှုများတွင် ကွန်ကရစ်၏ ရေနှင့်လေ permeability ဖြစ်ခြင်း၊ ကလိုရိုက်အရည်များ ပျော်၀င်ပါရှိမှု၊ rapid chloride permeability, helium porosity များနှင့် permeability ဖြစ်သွားသော အပေါက်ကလေးများ၊ လေခိုပေါက်များ(voids)များ၏ ထုထည်တို့ကို စမ်းသပ်လေ့လာမှုများပါ၀င်ခဲ့သည်။
Compressive Strength, Durability and Permeability:
ကွန်ကရစ်သည် high compressive strength ရှိခြင်းအကြောင်းတရားတစ်ခုတည်းကြောင့် လွန်ခဲ့သော နှစ်ပေါင်းများစွာကတည်းက အဆောက်အအုံတည်ဆောက်ရေးလုပ်ငန်းများတွင် အသုံးပြု လာခဲ့ခြင်းဖြစ်သည်။ ယင်းမှတဆင့် ဆွဲဆန့်အား ခံနိုင်ရည်များကို ပိုမိုအားကောင်းစေရန်နှင့် ကွန်ကရစ်များကို လိုချင်သည့် ပုံသဏ္ဍာန်အမျိုးမျိုး၊ အရွယ်အစားအမျိုးမျိုးဖြင့် တည်ဆောက်နိုင်ရန် အတွက် အားကူသံချောင်းများကိုအသုံးပြုလာကြခင်းဖြစ်သည်။ သို့ရာတွင် ကွန်ကရစ်၏ သက်တမ်းကြာရှည်ခိုင်ခံတည်ရှိမှု Durability ဆိုင်ရာ အကြောင်းတရားများ၊ ခံနိုင်ရည်ကိုပါ အကျိုး သက်ရောက်စေသော Durability အကြောင်းတရားများကို စနစ်တကျ ထည့်သွင်းစဉ်းစားမှုများ အားနည်းလျက်ရှိပေသည်။ မှတ်သားရမည်မှာ ကွန်ကရစ်၏ compressive strength နှင့် penetrability တို့သည် အနီးစပ်ဆုံး ပြောင်းပြန်အချိုးကျသည်။ Compression အားနည်းလျှင် ထိုးဖောက်တိုက်စားလွယ်မည်ဖြစ်သည်။
American Concrete Institute ၏ ACI 116R တွင် ဖော်ပြချက်အရ ကွန်ကရစ်၏ Durability သည် ရာသီဥတုဒဏ်ခံနိုင်မှု၊ chemical attack, abrasion နှင့် ထိခိုက်နိုင်သော အရာများခံနိုင်ရည်တို့အပေါ်မူတည်သည်။ ကွန်ကရစ်၏ Durability ဆိုသည်မှာ သက်တမ်းကာလ တစ်ခုအတွင်းမှာ ကွန်ကရစ်၏ materals များသည် နဂိုဂုဏ်သတ္တိသည် ပြောင်းလဲမှုမရှိဘဲ တည်ရှိ နေခြင်းကိုဆိုလိုသည်။ ထပ်မံရှင်းပြရသော် ကွန်ကရစ်သည် ပတ်၀န်းကျင်နှင့် ထိတွေ့ရာတွင် သူ၏ နဂိုပုံသဏ္ဍာန်၊အရည်အသွေးနှင့် အသုံးချနိုင်မှုများ ပြောင်းလဲမှု မရှိခြင်းကို ဆိုလိုသည်။ ထိုသို့ ပတ်၀န်းကျင်နှင့် ထိတွေ့သော်လည်း ကွန်ကရစ်အတွင်း တည်ဆောက်ရေးပစ္စည်းများ တစ်ခုနှင့်တစ်ခု ပြိုကွဲသွားခြင်း၊ ခံနိုင်ရည်ကို ထိခိုက်စေခြင်းကြောင့် ကွန်ကရစ်၏ သက်တမ်းကို လျော့နည်းသွား စေသောကြောင့် ဖြစ်သည်။ ထို့ကြောင့် အကြောင်းတရားအမျိုးမျိုးသည် ကွန်ကရစ်၏ သက်တမ်း Durability ကို တိုက်ရိုက်အားဖြင့်လည်းကောင်း၊ သွယ်ဝိုက်အားဖြင့်လည်းကောင်း Effect ဖြစ်စေသည်။ တချို့သောအရာများသည် ရုပ်ပိုင်းဆိုင်ရာကြောင့်သော်လည်းကောင်း mix design ကို သတ်မှတ်ကတည်းက အားနည်းမှုများကြောင့်လည်းကောင်း ကွန်ကရစ်သက်တမ်းကို ထိခိုက်စေ နိုင်သည်။ ထိုကြောင့် ကွန်ကရစ်၏သက်တမ်း Durability သည် permeability အပေါ်တွင် အဓိကမူတည်သည်။ ထို့အပြင် ကွန်ကရစ်ကို အနီးကပ်ဆုံးနဲ့ လွှမ်းမိုးထိခိုက်စေနိုင်သော အရာ
