Swe Hlaing Oo-YTU

Swe Hlaing Oo-YTU "Basic knowledge for Civil Engineer
တိုတိုထွာထွာ အခြေခံမြို့ပြအင်ဂျင်နီယာပညာ"
By PE (Construction), MEngC.
(2)

Project Budget နှင့် S-Curve အ​ကြောင်း Cost Estimate တွက်ပြီးရင် Project Budget ဘယ်လိုဖြစ်လာသလဲ?​ရှေ့ပိုစ့် မှာ QS Engin...
14/08/2026

Project Budget နှင့် S-Curve အ​ကြောင်း

Cost Estimate တွက်ပြီးရင် Project Budget ဘယ်လိုဖြစ်လာသလဲ?

​ရှေ့ပိုစ့် မှာ QS Engineer တစ်ယောက်အနေနဲ့ BOQ ကနေ Cost Estimate တွက်ပုံကို ပြောခဲ့ပါတယ်။

ဒါပေမယ့် Cost Estimate = Project Budget မဟုတ်ပါဘူး။ Cost Estimateဆိုတာ
လုပ်ငန်းတစ်ခုချင်းစီအတွက် ကုန်ကျမယ့် စရိတ်ကို ခန့်မှန်းထားတာပါ။

Project Budget ကျ​တော့ အဲဒီ Estimate တွေကို စုစည်းပြီး Contingency Reserve ထည့်ကာ Project တစ်ခုလုံးအတွက် သုံးစွဲမယ့် ငွေပမာဏကို သတ်မှတ်ထားခြင်းဖြစ်ပါတယ်။

အဲဒီ​နောက် Budget ကို Project Schedule အလိုက် လစဉ်ဘယ်လောက်သုံးမလဲ ဆိုတာ ခွဲဝေလိုက်ရင် Time-Phased Budget / Cost Baseline ဖြစ်လာပါတယ်။

အလွယ်မှတ်ရန်

Cost Estimate
⬇️
+ Contingency Reserve
⬇️
Project Budget / Cost Baseline

(Contingency Reserve အပြင် Management Reserve ကိုပါ ထပ်ပေါင်းလိုက်ရင်​တော့ Total Project Budget ဖြစ်ပါတယ်။)

S-Curve ဆိုတာ?

Cost Baseline ကို လအလိုက် စီစဉ်ပြီး Cumulative Cost အနေနဲ့ Graph ဆွဲလိုက်ရင် S-Curve ရရှိပါတယ်။ အင်္ဂလိပ်အက္ခရာ "S" ပုံစံနဲ့တူလို့ S-Curve လို့​ခေါ်ကြတာပါ။

Project အစပိုင်းမှာ အသုံးစရိတ်နည်းပြီး၊ Construction progress တက်လာတဲ့အချိန်မှာ အသုံးစရိတ် များပြီး မြန်မြန်တက်လာကာ Project အဆုံးပိုင်းမှာ ပြန်လျော့သွားတာကို S-Curve ကိုကြည့်ပြီး သိနိုင်ပါတယ်။

Site Engineer / Project Engineer အတွက် အရေးကြီးတာက Budget တစ်ခုရှိရုံနဲ့ မပြီးပါဘူး။ ဘယ်လမှာ ဘယ်လောက်သုံးမယ်? ဆိုတာ သိထားမှ Project Cost ကို ထိန်းချုပ်နိုင်မှာ ဖြစ်ပါတယ်။

ဒါကြောင့်

Estimate ➡️ Budget ➡️Cost Baseline ➡️ S-Curve

ဆိုတဲ့ process ကိုနားလည်ထားဖို့ အရေးကြီးပါတယ်။

​ဆွေလှိုင်ဦး(မြို့ပြ ၂၀၀၄)

ဘေး အိမ်က ကန်ထရိုက်တိုက်​ဆောက်မယ်ဆို ဘယ်လိုလုပ်ကြသလဲ?​မြေကွက်ကျယ်​တွေမှာ ​ဘေးကပ်လျက် ​မြေကွက်မှာ အိမ်​ဆောက်မယ်ဆိုရင် ပြသ...
12/08/2026

ဘေး အိမ်က ကန်ထရိုက်တိုက်​ဆောက်မယ်ဆို ဘယ်လိုလုပ်ကြသလဲ?

​မြေကွက်ကျယ်​တွေမှာ ​ဘေးကပ်လျက် ​မြေကွက်မှာ အိမ်​ဆောက်မယ်ဆိုရင် ပြသနာမရှိနိုင်ဘူး...

ဒါ​ပေမယ့် ​မျက်နှာစာ ပေ၄၀, ​ပေ၂၀ ​တွေမှာ အိမ်​ဆောက်မယ် ဆိုရင် စည်ပင်သတ်မှတ်စည်းမျဥ်း ​မြေကျန်ချန်မယ်ဆိုရင်​တောင် ​ပေ၄၀ အတွက် အမိုးစွန်းက ၃​ပေချန်၊ ​ပေ၂၀ ​မြေကွက်မှာ ၁​ပေချန်ပဲရှိပါတယ်...

Foundation ​မြေတူးပြီဆိုတာနဲ့ ၆​ပေ​လောက်နှိုက်ရ​တော့ ​ဘေးကပ်လျက်အိမ်ရဲ့ အုတ်ခြံစည်းရိုး​တွေ၊ ကပ်လျက် Footing line ​တွေအတွက် အနည်းနဲ့အများ ထိခိုက်မှုရှိလာနိုင်တယ်...လိုအပ်တဲ့ ယာယီ​မြေထိန်းနံရံ (​မျော၊ ဝါးကပ်​တွေနဲ့ တုတ်ရိုက်တာ၊ steel beam ​တွေနဲ့ကာတာစသဖြင့်) ​တွေ​သေချာလုပ်​ပေးမှ ထိခိုက်မှုသက်သာပါမယ်။

​ဆောက်လုပ်​ရေးအရည်အ​သွေးကို ​သေချာကြပ်မတ်လိုက်နာကြတဲ့ ကုမ္ပဏီ/ကန်ထရိုက်တာ​တွေဆိုရင် ပြသနာမရှိပါဘူး။
အင်ဂျင်နီယာကြီးကြပ်မှုမပါ၊ အရည်အ​သွေးထိန်သိမ်းမှုမရှိတဲ့ သူ​တွေ​ဆောက်မယ်ဆိုရင်​တော့ ပြသနာရှိနိုင်တယ်။

ကန်ထရိုက်တိုက်(အခန်း​ပေးအခန်းယူ) ​ဆောက်ကြမယ်ဆိုရင်​တော့ ဂရုစိုက်ဖို့လိုပါမယ်။ အများသိကြတဲ့အတိုင်း ကန်ထရိုက်တိုက်တည်​ဆောက်​ရေး​တွေမှာ (အ​ကြောင်းအမျိုးမျိုး၊ သူတို့အခက်အခဲအမျိုးမျိုး​ကြောင့်) အရည်အ​သွေးထိန်းသိမ်းမှု​တွေ အားနည်း​နေကြတာ သတိပြုစရာပါ...အားလုံးကို မဆိုလိုပါဘူး​နော်။

ဆို​တော့ကာ မိမိ​ဘေး​မြေကွက်က ကန်ထရိုက်တိုက်​ဆောက်မယ်ဆိုရင် ဘယ်လို ညှိနှိုင်း​ဆောင်ရွက်ကြမလဲဆိုတာ ​ဖြေရှင်းကြရမယ့်ပြသနာဖြစ်လာပြီ။ အ​ဆောက်အအုံ​ဆောက်မယ်ဆို ​ဘေးအိမ်ရှင်​တွေရဲ့ ​ထောက်ခံချက်လိုမယ်။ အရည်အ​​သွေး အားနည်းတဲ့ အ​ဆောက်အအုံ​တွေ ဖြစ်သွားမယ်ဆိုရင် ငလျင်လို သဘာဝ​ဘေး​တွေကျ​​ရောက်လာရင် မိမိအိမ်အတွက်လည်း အန္တရာယ် မကင်းနိုင်ဘူး။
​တွေး​ကြောက်ပြီး မ​ထောက်ခံဘူးဆိုရင်လည်း ​​ဆောက်လုပ်လိုသူ အိမ်ရှင်အတွက် နစ်နာမယ်။ ​ထောက်ခံ​ပေးလိုက်​ပေမယ့် ​ဆောက်လုပ်သူက ဖြစ်သလို လုပ်မယ်ဆိုရင် ဘယ်လို ပြန်လည်ကန့်ကွက်ကြမလဲ၊ ညှိနှိုင်းကြမလဲ?

မိတ်​ဆွေတို့​ရော ဒီလိုအ​ခြေအ​နေ​တွေကြုံ​နေကြသလား၊ ဘယ်လို လုပ်ကြသလဲ သိချင်မိပါတယ်။




​ဆွေလှိုင်ဦး (မြို့ပြ ၂၀၀၄)

အင်ဂျင်နီယာဖြစ်ရတာ လွယ်သလား? အင်ဂျင်နီယာများ လိုက်နာကျင့်သုံးရမည့် ကျင့်ထုံးစည်းမျဉ်းများ Rules of Practice 1. Engineer...
11/08/2026

အင်ဂျင်နီယာဖြစ်ရတာ လွယ်သလား?

အင်ဂျင်နီယာများ လိုက်နာကျင့်သုံးရမည့် ကျင့်ထုံးစည်းမျဉ်းများ

Rules of Practice

1. Engineers shall hold paramount the safety, health, and welfare of the public.
၁။ အင်ဂျင်နီယာများသည်ပြည်သူလူထု၏အသက်အိုးအိမ်စည်းစိမ် လုံခြုံရေးကျန်းမာရေး နှင့် လူမှုဖူလုံရေးတို့ကိုဦးစားပေးထိပ်တန်းအဆင့်မှာထား၍ ဆောင်ရွက်ရမည်။

(A) If engineers' judgment is overruled under circumstances that endanger life or property , they shall notify their employer or client and such other authority as may be appropriate.
(က) အကယ်၍အင်ဂျင်နီယာများ၏ အယူအဆသဘောတရားကိုအခြေအနေများအရ လွှမ်းမိုးချယ်လှယ်ခြင်းခံရသဖြင့် အသက်အန္တရာယ်(သို့မဟုတ်)ပိုင်ဆိုင်မှုများတွင်အန္တရာယ်ရှိလာမည်ဆိုပါလျှင်အလုပ်ရှင် (သို့မဟုတ်) ပိုင်ရှင် နှင့် အာဏာပိုင်များထံသို့သင့်လျော်သလိုဆောင်ရွက်ပေးရန်အကြောင်းကြားရမည်။

(B) Engineers shall approve only those engineering documents that are in conformity with applicable standards.
(ခ) အင်ဂျင်နီယာများသည်အခြေခံစံချိန်စံညွှန်းများနှင့်ကိုက်ညီသောအချက်အလက် အထောက်အထားများကိုသာထောက်ခံ အတည်ပြုရမည်။

(C) Engineers shall not reveal facts, data, or information without the prior consent of the client or employer except as authorized or required by law or this code.
(ဂ) အင်ဂျင်နီယာများသည်လုပ်ငန်းပိုင်ဆိုင်ရာအချက်အလက်များ၊သတင်းများ၊အဖြစ်မှန်များကိုအာဏာပိုင်များကသော်လည်းကောင်း၊ဥပဒေအရသော်လည်းကောင်းခွင့်ပြုပေးခြင်းမှအပ အလုပ်ရှင် သို့မဟုတ်ပေးပိုင်ခွင့်ရှိသူက သဘောမတူလျှင် ထုတ်ဖော် ပြောဆိုခြင်းမပြုရ။

(D) Engineers shall not permit the use of their names or associates in business ventures with any person or firm that they believe is engaged in fraudulent or dishonest enterprise.
(ဃ) အင်ဂျင်နီယာများသည် မိမိတို့၏အမည်များ၊မိမိတို့နှင့်သက်ဆိုင်သောအဖွဲ့အစည်း၏ အမည်များကို နာမည်ပျက်ရှိ​သော သူများ (သို့မဟုတ်) နာမည်ပျက်ရှိ​သောကုမ္ပဏီများအသုံးပြုစေရန် ခွင့်ပြုမပေးရ။

(E) Engineers shall not aid or abet the unlawful practice of engineering by a person or firm.
(င) အင်ဂျင်နီယာများသည် တစ်ဦးတစ်ယောက် (သို့မဟုတ်)ကုမ္ပဏီတစ်ခုခုအားဥပဒေကိုချိုးဖောက်လျက် အင်ဂျင်နီယာပညာရပ်ဆိုင်ရာများကို ထောက်ပံ့ခြင်း၊ကူညီခြင်းများမပြုရ။

(F) Engineers having knowledge of any alleged violation of this Code shall report thereon to appropriate professional bodies and, when relevant , also to public authorities , and cooperate with the proper authorities in furnishing such information or assistance as may be required.
(စ) အင်ဂျင်နီယာများသည်ဤဥပဒေ စည်းမျဉ်းအစုများအား ချိုးဖောက်မှုများကိုသိရှိရပါက ၎င်းတို့အား အရေးယူနိုင်ရန်သက်ဆိုင်သော ပညာရပ်ဆိုင်ရာအဖွဲ့အစည်းများနှင့် အာဏာပိုင်များထံအသိပေးခြင်း၊ ၎င်းတို့နှင့် ပူးပေါင်းကူညီခြင်းတို့ကို ဆောင်ရွက်ရမည်။

Ref: Fundamental of Ethics for Engineers, MEngC

ဘိလပ်​မြေ (Cement) များကို စနစ်တကျ ဘယ်လိုသိုလှောင်မလဲ? (JICA & MOC Manual)ကွန်ကရစ်ရဲ့ အရည်အသွေး ကောင်းမွန်ဖို့အတွက် ဘိလပ...
10/08/2026

ဘိလပ်​မြေ (Cement) များကို စနစ်တကျ ဘယ်လိုသိုလှောင်မလဲ? (JICA & MOC Manual)

ကွန်ကရစ်ရဲ့ အရည်အသွေး ကောင်းမွန်ဖို့အတွက် ဘိလပ်မြေ (Cement) သိုလှောင်ပုံ စနစ်ကျဖို့က မဖြစ်မနေ အရေးကြီးပါတယ်။ manual ပါ လိုက်နာရမည့် အဓိကအချက်များကို ဖော်ပြပေးလိုက်ပါတယ်။

၁။ အစိုဓာတ်နှင့် အရည်အသွေး ထိန်းသိမ်းခြင်း

Cement များကို အစိုဓာတ်မထိအောင် စနစ်တကျ ကာကွယ်သိုလှောင်ရပါမည်။
ခဲနေသော သို့မဟုတ် အစိုဓာတ်ကြောင့် ပျက်စီးနေသော Cement အိတ်များကို လုံးဝ (Reject) လုပ်ရပါမည်။
သက်တမ်းစစ်ဆေးခြင်း - အိတ်လိုက်သိုလှောင်ထားသည်မှာ ၂ လထက်ကျော်လျှင် (သို့မဟုတ်) ထုထည်လိုက် (Bulk) (in the silo ,etc) သိုလှောင်ထားသည်မှာ ၆ လထက်ကျော်လျှင် ပြန်လည် စစ်ဆေးမှု (Re-test) ပြုလုပ်ပြီးမှသာ သုံးစွဲရပါမည်။

၂။ Cement Storage House ဆောက်လုပ်ရန် အကြံပြုချက်များ

ဘိလပ်​မြေ ဂိုဒေါင်သည် လေဝင်လေထွက်ကောင်းပြီး လုံလောက်သော အကျယ်အဝန်းရှိရပါမည်။
ကြမ်းခင်းကို Concrete ခင်းခြင်းမှာ အကောင်းဆုံးဖြစ်သည်။ ပျဉ်ထပ်ခင်းမည်ဆိုပါက ကြားထဲတွင် အဟ (gap) များမရှိစေဘဲ မြေပြင်အထက် အနည်းဆုံး 20 cm (၈ လက်မခန့်) မြှင့်ထားရပါမည်။

၃။ သိုလှောင်ရာတွင် သတိပြုရန်အချက်များ (Consideration)

Cement အိတ်များကို ကြမ်းပြင်ပေါ် တိုက်ရိုက် မတင်ရပါ။ မြေပြင်ထက် အနည်းဆုံး 30 cm (၁ ပေခန့်) မြှင့်ထားသော စင်ပေါ်တွင် တင်ရပါမည်။
အိတ်များ ဆင့်စီရာတွင် အများဆုံး ၁၀ အိတ် အထိသာ အထက်သို့ ဆင့်စီရပါမည်။
Cement အိတ်များကို Water-proof sheet (မိုးကာ) ဖြင့် ဖုံးအုပ်ထားသင့်သည်။
FIFO စနစ် - ပစ္စည်းရောက်ရှိသည့် ရက်စွဲအလိုက် အရင်ရောက်သော အိတ်များကို အရင်ဆုံး သုံးစွဲရပါမည် (First In, First Out)။
လုပ်ငန်းခွင်တွင် သိုလှောင်ထားရှိရမည့် ပမာဏမှာ တစ်ရက်စာ သုံးစွဲမည့် ပမာဏ၏ ၃ ဆထက် ပိုရှိထားသင့်ပါတယ်။

၄။ စာရင်းဇယား ရေးသွင်းမှတ်တမ်းတင်ခြင်း (Items for Record)

Storekeeper အနေဖြင့် အောက်ပါ အချက်အလက်များကို နေ့စဉ် မှတ်တမ်းတင်ထားရပါမည်...
ရောက်ရှိသည့်ရက်စွဲ၊ ပမာဏနှင့် ပေးသွင်းသူအမည်
Cement Brand နှင့် အမျိုးအစား
ပစ္စည်းချသည့်နေရာ
အမှန်တကယ် ထုတ်ယူသုံးစွဲသည့်ရက်စွဲနှင့် ပမာဏ

ကွန်ကရစ် လုပ်ငန်းခွင်တိုင်း စံချိန်စံညွှန်းမီ အရည်အသွေးရရှိစေဖို့ ဒီ Storage Rules လေးတွေကို လိုက်နာဆောင်ရွက်သင့်ပါတယ်။

Ref: Quality Control Manual for Concrete Structure by JICA and MOC

​ဆွေလှိုင်ဦး (မြို့ပြ ၂၀၀၄)



Bottom-Up Estimating & BOQ ( QS Engineer တွေအတွက် အဓိကလုပ်ငန်းစဥ်)Detail Drawing ရလာပြီဆိုရင် ဘာဆက်လုပ်မလဲ?Project ရဲ့ D...
09/08/2026

Bottom-Up Estimating & BOQ ( QS Engineer တွေအတွက် အဓိကလုပ်ငန်းစဥ်)

Detail Drawing ရလာပြီဆိုရင် ဘာဆက်လုပ်မလဲ?

Project ရဲ့ Detailed Drawings & Specifications ရလာပြီဆိုရင် Rough Estimate ကနေ ပိုမိုအသေးစိတ်တဲ့ Cost Estimate ကို စတင်တွက်ချက်ရပါတယ်။

ဒီအဆင့်မှာ QS Engineer တွေအတွက် အရေးကြီးတဲ့ နည်းလမ်းတစ်ခုကတော့ Bottom-Up Estimating ဖြစ်ပါတယ်။

PMBOK Guide ရဲ့ Estimate Costs သဘောတရားအရ Work Package / Activity တစ်ခုချင်းစီကို လိုအပ်တဲ့ Resources တွေအလိုက် Cost ခွဲတွက်ပြီး အပေါ်အဆင့်ကို Roll-up လုပ်သွားတာ ဖြစ်ပါတယ်။

Bottom-Up Estimating ဆိုတာ?

“အောက်ခြေက အသေးဆုံးလုပ်ငန်းကနေ Cost စတွက်ပြီး အပေါ်ကို တစ်ဆင့်ချင်း ပေါင်းတက်သွားခြင်း” ဖြစ်ပါတယ်။

ဥပမာ

Foundation > Footing > Concrete + Rebar + Formwork

Footing တစ်ခုချင်းစီရဲ့ Cost ကိုတွက်ပြီး

F1 + F2 + F3 > Foundation Cost

ဆိုပြီး Roll-up လုပ်သွားပါတယ်။

အခြေခံ Formula ကတော့

Activity Cost = Quantity × Unit Rate

Unit Rate ကို ဘယ်လိုရမလဲ?

Unit Rate တစ်ခုမှာ အဓိကအားဖြင့်—

Material Cost : Material + Transportation + သင့်လျော်သော Wastage

Labor Cost : Man-hours × Labor Rate

Equipment Cost : Plant / Equipment + Fuel + Operator

​Overhead & Profit : ​ဆိုက်ရုံးစရိတ်၊ ရေ/မီး၊ ဝန်ထမ်း လစာနှင့် Contractor ရဲ့ Profit Margin % စသည်တို့ကို အခြေအနေအလိုက် ထည့်သွင်းစဉ်းစားရပါတယ်။
(Overhead & Profit ကိုသီးသန့် % တခု​ဖော်ပြပြီးလည်း တွက်ချက်ကြတယ်)

QS Engineer တစ်ယောက်ဟာ Market Rate သိရုံနဲ့ မလုံလောက်ပါဘူး။ Productivity နဲ့ Construction Method/ sequence ကိုပါ နားလည်ဖို့ လိုပါတယ်။

BOQ က ဘာလဲ?

BOQ – Bill of Quantities ဆိုတာ Drawing နဲ့ Specification တွေကို အခြေခံပြီး Project မှာ လုပ်ဆောင်ရမယ့် Work Items တွေကို

Description + Unit + Quantity+total amount

နဲ့ စနစ်တကျ ဖော်ပြထားတဲ့ Document ဖြစ်ပါတယ်။

ဥပမာ—

Earth Excavation – 150 m³

Concrete – 180 m³

Reinforcement – 12 Ton

Formwork – 450 m²

စသည်တို့ကို သက်ဆိုင်ရာ unit rate ဖြင့်​မြှောက်ပြီး စုစု​ပေါင်းဘယ်​လောက်ကုန်ကျမလဲ စသဖြင့် ​ဖော်ပြထားတဲ့ စာရင်းဖြစ်ပါတယ်။

QS Engineer တစ်ယောက်အနေနဲ့ မှတ်ထားရမယ့် Flow

Drawing & Specification
⬇️
Quantity Take-Off
⬇️
Resource & Productivity
⬇️
Unit Rate Analysis
⬇️
Activity Cost
⬇️
Work Package Cost

ဒီ Flow ကို သေချာနားလည်ထားထားဖို့ အ​ရေးကြီးပါတယ်။

PMBOK guide ထဲက Project Cost Management သ​ဘောတရားတစ်ခုအဖြစ် မျှ​ဝေလိုက်ပါတယ်။

​ဆွေလှိုင်ဦး (မြို့ပြ ၂၀၀၄)



08/08/2026

Post-tensioning Concrete (Repost)

Post-tensioning concrete ဟာ Pre-stressed concrete ကြိုတင်အားဖြည့် သံကူကွန်ကရစ်အမျိုးအစားတစ်ခုဖြစ်ပါတယ်။ Post-tensioning ဆိုတဲ့အတိုင်း Concrete သွန်းလောင်းပြီးမှ Steel tendon များကို Stressing ပြုလုပ်ခြင်းဖြစ်ပါတယ်။ Pre-tensioning concrete နှင့် မတူတာကတော့ strands တွေကို Concrete တိုက်ရိုက်လောင်းထည့်တာမျိုးမဟုတ်ဘဲ Metal duct or shealth တွေထဲမှာ ထည့်သွင်းထားပြီးမှ stressing လုပ်၊ grout လောင်းထည့်ခြင်းဖြစ်ပါသည်။

📝Tendons installation

Steel tendon ထည့်ဖို့အတွက် duct တွေကို designed location, level and alignment အတိုင်းတပ်ဆင်ရပါသည်။ Strand တွေကိုလည်း Tendon တစ်ခုမှာ သတ်မှတ်အရေအတွက်အတိုင်း ထည့်သွင်းရပါသည်။ Formwork တဖက်တချက်မှာ End cap တွေတပ်ဆင်ပြီး Grouting အတွက် လိုအပ်တဲ့ ပိုက်ပျော့များတပ်ဆင်ကာ Concrete သွန်းလောင်းပါသည်။

📌Tensioning/stressing

သတ်မှတ် Concrete strength ပြည့်မီပြီဆိုလျင် Tensioning ပြုလုပ်ပါသည်။ Anchor, wedge များကို Strand တွေမှာတပ်ဆင်ပြီး Hydraulic jack ဖြင့် တဖက်တချက်မှ ဆွဲပြီး Tensioning/stressing ပြုလုပ်ပါသည်။ Required stressing force ရရှိလျင် ရှည်ထွက်လာတဲ့ Strand တွေကို ဖြတ်တောက်ကာ End cap များပိတ်ပါသည်။

🌿Grouting

Wire strand များဟာ Duct ထဲတွင် stressing အနေအထားဖြင့် Concrete member ကို ဆွဲတင်းထားပြီး Concrete ကို Compressive stress သက်ရောက်စေပါသည်။ Strand များရေရှည်မှာ Moisture ကြောင့် သံချေးတက်ခြင်းမှ ကာကွယ်ရန်အတွက်လည်းကောင်း၊ Steel stressing force များကို duct/shealth မှတဆင့် Surrounding concrete ဆီသို့ Fully bonded အဖြစ်သက်ရောက်စေဖို့အတွက် လည်းကောင်း Grouting လောင်းခြင်းဖြစ်ပါသည်။ Grouting ကိုလည်း သတ်မှတ် Strength ပြည့် တဲ့ (Structural concrete ရဲ့ Grade ထက်မနိမ့် တဲ့) Non-shrinked grout အမျိုးအစားကို သုံးကြပါသည်။

📝အသုံးများတဲ့ Post-tensioning structure တွေက Large span flat slab များ၊ Segment box girder များ၊ Wide span bridge girder များဖြစ်ကြပါတယ်။ Flat slab များအတွက်တော့ On-site မှာ Installation ပြုလုပ်ကြပါသည်။ Box girder/ Bridge girder များကိုတော့ Transportationလွယ်ကူစေရန် Segment များအဖြစ် Precast Factory များတွင် ထုတ်လုပ်ကြပြီး On-site မှာ Joining/ Installation ပြုလုပ်ကြပါသည်။

ဆွေလှိုင်ဦး (မြို့ပြ ၂၀၀၄)

Post-tensioning flat slab စနစ်နဲ့ တည်​ဆောက်​နေတဲ့ ပ​ရောဂျက်တခုကို ​လေ့လာ​ရေး​ရောက်ခဲ့တယ်...Post-tensioning system ​ကြောင...
07/08/2026

Post-tensioning flat slab စနစ်နဲ့ တည်​ဆောက်​နေတဲ့ ပ​ရောဂျက်တခုကို ​လေ့လာ​ရေး​ရောက်ခဲ့တယ်...

Post-tensioning system ​ကြောင့် rebar ပါဝင်မှု သိသိသာသာ​လျော့ကျသွားပြီး ကုန်ကျစရိတ်သက်သာ​စေပါတယ်...
ခန်းဖွင့်ကျယ် (wide span) ပြုလုပ်နိုင်ခြင်း​ကြောင့် အထပ်မြင့်ကားပါကင်​တွေ ​နေရာပိုမိုရရှိ​ခြင်း၊ beamထု ထူထူ​တွေမပါဝင်​တော့လို့ ​floor height မြင့်မြင့်ရရှိ​​စေပြီး MEP service installation ​တွေအတွက် ပိုမိုအဆင်​ပြေ​စေခြင်း၊ အ​ဆောက်အအုံ အမြင့်ကန့်သတ်ချက်ရှိတဲ့ မြို့နယ်​တွေမှာ Total Height အမြင့်တူမှာ floor အလွှာ ပိုမိုရရှိ​စေနိုင်ခြင်း စသည်ဖြင့် အားသာချက်များစွာရှိပါတယ်လို့ သိရပါတယ်။

​ခေတ် အ​ခြေအ​နေအရ post-tensioning material ​တွေရဲ့ Import လုပ်ငန်းက ပိုမိုခက်ခဲလာလို့ အ​ခြေအ​နေ​တွေ မခန့်မှန်းတတ်​အောင်ပါပဲလို့ ယိုးဒယား မိတ်​​​ဆွေ ရှင်းပြတာ ကြားရပြန်​တော့ စိတ်​မောမိပါတယ်...သူတို့ မြန်မာပြည်မှာ post tensioning system ကိုလုပ်လာတာ ဆယ်စုနှစ်နှစ်စုရှိပြီတဲ့...

​သေချာ​လေး လိုက်လံရှင်းပြ​ပေးတဲ့ SCG မှ Ko Aung Phone Myint နှင့် Mr. Tanetr တို့ကို ​ကျေးဇူးတင်စွာဖြင့်....

​ဆွေလှိုင်ဦး (မြို့ပြ ၂၀၀၄)

အင်ဂျင်နီယာဖြစ်ရတာ လွယ်သလား?အင်ဂျင်နီယာများလိုက်နာရမည့် အခြေခံကျင့်ဝတ်များ(A) Engineers' Creed: As an Engineer, I dedica...
06/08/2026

အင်ဂျင်နီယာဖြစ်ရတာ လွယ်သလား?

အင်ဂျင်နီယာများလိုက်နာရမည့် အခြေခံကျင့်ဝတ်များ

(A) Engineers' Creed: As an Engineer, I dedicate my professional knowledge and skill to the advancement and betterment of human welfare.
(က) အင်ဂျင်နီယာများ၏ ခံယူချက် ။ အင်ဂျင်နီယာတစ်ဦး အနေဖြင့် လူသားတို့၏ လူမှုဘဝ ကောင်းကျိုးချမ်းသာ တိုးတက်ရေးကို ရှေးရှု၍ မိမိ၏ ပညာ၊ ဗဟုသုတ နှင့် ကျွမ်းကျင်မှုများကို မြှုပ်နှံ အသုံးချသွားပါမည်။

(B) I pledge:
(ခ) အင်ဂျင်နီယာများ၏ ကတိသစ္စာပြုချက်။

(၁) To give the utmost of performance.
(1) မိမိ၏ လုပ်ဆောင်ချက်များကို အကောင်းဆုံးဖြစ်အောင် ဆောင်ရွက်ပါမည်။

(၂) To participate in none but honest enterprise.
(2) ရိုးသားဖြောင့်မတ် မှန်ကန်​သည့် လုပ်ငန်း အဖွဲ့အစည်းများမှလွဲ၍ အခြားမည်သည့် အဖွဲ့အစည်းများတွင်မှ ပါဝင်ဆောင်ရွက်ခြင်း မပြုပါ။

(၃) To live and work according to the laws of man and the highest standards of professional conduct.
(3) ပြဋ္ဌာန်းထားသည့် လူ့ဥပဒေများနှင့် ပညာရပ်ဆိုင်ရာ ကျင့်ဝတ်စည်ကမ်းများ၏ အမြင့်ဆုံးစံချိန်စံနှုန်းများအတိုင်း နေထိုင်ကျင့်ကြံ ဆောင်ရွက်ပါမည်။

(၄) To place service before profit, the honor and standing of the profession before personal advantage, and the public welfare above all other considerations.
(4) အင်ဂျင်နီယာလုပ်ငန်းများ ဆောင်ရွက်ရာတွင် အမြတ်အစွန်းထက် မိမိ၏ လုပ်​ဆောင်ချက်အလုပ်ကို ​ရှေ့တန်းတင်၍လည်း​ကောင်း၊ တစ်ဦးတည်း ပုဂ္ဂိုလ်​ရေးအကျိုးအမြတ်ထက် အင်ဂျင်နီယာပညာရပ်ကို ဂုဏ်ယူ​ရှေ့တန်းတင်၍လည်းကောင်း၊ အခြားကိစ္စအားလုံးထက် ပြည်သူတို့၏ ကောင်းကျိုး ချမ်းသာ အတွက်ကို ရှေးရှု၍ လည်းကောင်း ဆောင်ရွက်ပါမည်။

(၅) In humility and with need for Divine Guidance, I make this pledge.
(5) မိမိသည် ဤ ကတိဝန်ခံချက်များကို ကြီးမြတ်သော လမ်းညွှန်ချက်များ အဖြစ် ဘဝတ​လျောက်လုံး လိုလားစွာ ဆောင်ရွက် ပါမည်။

Ref: Fundamental of Ethics for Engineer, MEngC

Knowledge sharing ​ရေးသားမျှ​ဝေခြင်းရဲ့ အကျိုး​ကျေးဇူးမြို့ပြအင်ဂျင်နီယာ လုပ်ငန်း​တွေဆိုတာ အင်မတန်ကျယ်ပြန့်ပါတယ်။ဘက်စုံက...
05/08/2026

Knowledge sharing ​ရေးသားမျှ​ဝေခြင်းရဲ့ အကျိုး​ကျေးဇူး

မြို့ပြအင်ဂျင်နီယာ လုပ်ငန်း​တွေဆိုတာ အင်မတန်ကျယ်ပြန့်ပါတယ်။
ဘက်စုံကျွမ်းကျင်ပြည့်စုံသူဆိုတာ​တော့ မရှိနိုင် ​လောက်​အောင်ရှားတယ် (သက်ဆိုင်ရာနယ်ပယ်အလိုက်​တော့ ကျွမ်းကျင်ပြည့်စုံကြပါတယ်...) ​လေ့လာဆည်းပူးခဲ့တာ​တွေ၊ အခက်အခဲ​ဖြေရှင်းရင်းနဲ့ ရရှိလာတဲ့အ​တွေ့အကြုံ​တွေ​ပေါ်မူတည်ပြီး​တော့ ကျွမ်းကျင်မှု​တွေ ကွာခြားကြပါတယ်။

မြို့ပြ အင်ဂျင်နီယာ လုပ်ငန်း​ဟာ Team work နဲ့​ဆောင်ရွက်ရတာဖြစ်ပါတယ်...တစ်ဦး​ကောင်း တစ်ယောက်​ကောင်းနဲ့​တော့ လုပ်လို့မလွယ်ပါဘူး...တစ်ဦးချင်းစီရဲ့ အားသာချက်၊ အ​တွေ့အကြုံ​ကောင်း​တွေကို အားနည်းတဲ့​နေရာမှာ ဖြည့်ဆည်းလိုက်ရင် ပြီးပြည့်စုံတဲ့ Team work ဖြစ်​စေပြီး လုပ်ငန်း​အောင်မြင်​စေမှာဖြစ်ပါတယ်။ (ဒီ​နေရာမှာ ဦးစီးဦး​ဆောင်သူ​​တွေက​တော့ ပိုမိုအ​တွေအကြုံရှိဖို့၊ အားသာချက်များဖို့ လိုအပ်ပါတယ်၊ Professional Engineer ​တွေဟာလည်း အတတ်ပညာ၊ ကျွမ်းကျင်မှု၊ အ​တွေ့အကြုံ​တွေ ပိုမိုပြည့်စုံဖို့လိုပါတယ်)

ကျ​နော်တို့ Knowledge sharing လုပ်တဲ့အခါလည်း ကိုယ်သိကိုယ်တတ်သ​ဘောမျိုး ​ရေး​နေခြင်း မဟုတ်ပါဘူး...မိမိထက် တတ်ကျွမ်းနားလည်သူ၊ အ​တွေ့အကြုံ​ကောင်းသူ​​​​တွေ follower ထဲမှာအများကြီးရှိပါတယ်။ အဆိုပါ မိတ်​​ဆွေများက လိုအပ်​နေတဲ့အပိုင်း​လေး​​​​တွေဝင်​ရောက်ဖြည့်စွက်​ဆွေး​​နွေး​ပေးကြတယ်၊ သူတို့အ​တွေ့အကြုံ​ကောင်း​လေး​တွေကို ကွန်းမင့်ဝင်​ရေးကြတယ်...ဒီလိုနဲ့ Knowledge share လုပ်ကြတာ ပိုမိုပြည့်စုံလာ​စေပြီး ဝင်​​ရောက်ဖတ်ရှုသူများအတွက် အကျိုးများ ဗဟုသုတပွား​စေပါသည်။

အခါအားလျော်စွာ comment ဝင်​​ရောက်​ရေးသား​ပေးပါ​​သော၊ message ပို့​ ဖုန်းဆက် ​ပြောပြ​ပေးကြ​​သော မြို့ပြ​​ဆောက်လုပ်​ရေးနယ်ပယ်က မိတ်​​ဆွေများအား ​ကျေးဇူးတင်ပါတယ်ခင်ဗျား...

​​​ဆွေလှိုင်ဦး (မြို့ပြ ၂၀၀၄)

Address

Yangon
11421

Website

,

Alerts

Be the first to know and let us send you an email when Swe Hlaing Oo-YTU posts news and promotions. Your email address will not be used for any other purpose, and you can unsubscribe at any time.

Shortcuts

Share