Эрдмин ХХК

23/09/2022

2022 онд Эрдмин ХХК-ний үүсгэн байгуулагдсаны 25 жилийн ой, Уул уурхайн салбарын 100 жилийн ой давхцан тохиож байгаа түүхэн он болж байна.
“Эрдмин” ХХК нь 1997 онд Монголын анхны катодын зэсийн үйлдвэрийг барьж ашиглалтанд оруулсан бөгөөд эдийн засгийн хувьд бага өртгөөр байгаль орчинд ээлтэй гидрометаллургийн аргыг ашиглан 99,999%-ийн цэвэршилттэй, олон улсын “А” зэрэглэлийн чанарын шаардлагыг хангасан катодын цэвэр зэсийг гарган авч эхэлсэн түүхтэй.
Улмаар 2005 онд үйлдвэрээ өргөтгөн Монгол улсын анхны цахилгаан монтажны утасны үйлдвэрийг ашиглалтанд оруулсан бөгөөд одоогоор 50 гаруй нэр төрлийн кабель, цахилгаан монтажны утас үйлдвэрлэж байна.
Уул уурхайн салбарын 100 жилийн түүхийг сөхөн дурьдваас Монгол улсад ардын хувьсгал ялсны дараа шинэ засаг төрөө эмхлэн байгуулсан 1922 оны 12-р сарын 25-нд Налайхын нүүрсний уурхайг улсын мэдэлд авснаар энэ өдрийг уул уурхайн салбар үүсэж хөгжсөн өдөр болгон жил бүр тэмдэглэдэг.
Монгол улсын уул уурхайн салбарын түүхэн хөгжлийг зогсолтгүй бүтээлцэж ирсэн үе үеийн уурхайчиддаа, хамтран ажиллагч байгууллагын хамт олонд Монгол улсад Уул уурхайн салбар үүсч хөгжсөний 100 жилийн ой баярын мэндийг хүргэе.

20/09/2022

Өнөөдөр буюу 2022 оны 09-р сарын 20-ны өдөр Монгол улсад суугаа Их Британи улсын элчин сайдын яамны ажилтнууд, ханган нийлүүлэгч компаний Монгол улс дахь төлөөлөгч нар Эрдмин ХХК-ний үйл ажиллагаатай танилцлаа. Зочид төлөөлөгч нарын бие бүрэлдэхүүнийг танилцуулбал:
James Holder Их Британийн ЭСЯ-ны Дэд тэргүүн
А.Элбэгсайхан ИХ Британийн ЭСЯ-ны Уул уурхай, дэд бүтэц хариуцсан дарга
Marc Hawkins Монгол дахь Их Британийн Худалдаа аж үйлдвэрийн танхимын төлөөлөгч
Raj Naik BestChem компаний гүйцэтгэх захирал
Kieran Naik BestChem үйл ажиллагаа хариуцсан захирал
Jonathan Douglas Cain MMD Green mining Solution компаний гүйцэтгэх захирал
Pushkar Bissoonauth MMD Green mining Solution компаний худалдаа төсөл хариуцсан менежер
Shakeel Baichu MMD Green mining Solution компанийн худалдаа төсөл хариуцсан менежер
Alan Lambourne GB Lubricant компанийн экспорт хариуцсан менежер
Si Wu Xian Cummins Mongolia Investment сервис менежер
зэрэг Их Британи улсад төвтэй Монгол улс дахь салбар нэгжүүдийн бие төлөөлөгч нар байв.
Тус зочид төлөөлөгч нарын дунд Их Британи улсын уул уурхай, химийн бодис үйлдвэрлэлийн салбарынхан байсан нь цаашид Эрдмин ХХК-тай хамтран ажиллах чиглэл, боломжийг харсан гэж найдаж байна

13/09/2022

ХБНГУ-н GIZ буюу Германы олон улсын хамтын ажиллагааны нийгэмлэг болон Орхон аймгийн худалдаа аж үйлдвэрийн танхимтай хамтарсан “Эдийн засгийн өсөлт, бизнес эрхлэлтийг дэмжих” төсөл хөтөлбөрт оролцож буй Улаанбаатар хот болон Ховд, Булган зэрэг орон нутгийн жижиг дунд бизнес эрхлэгчид Эрдмин ХХК-ний үйл ажиллагаатай танилцлаа.
Орхон Аймаг дахь Салбар Танхим

12/09/2022

Зэсийн хамгийн том хэрэглэгч болох БНХАУ цар тахлаас сэргийлэх зорилгоор томоохон аж үйлдвэрийн хотуудад хөл хорио тогтоосон. Үүнтэй холбоотойгоор тус улсын аж үйлдвэрийн салбарын борлуулалтын менежерийн индекс сүүлийн саруудад агшиж, зэсийн эрэлт буурчээ.
Лондоны металлын бирж дээрх 2022.09.06 өдрийн зэсийн үнэ тонн нь 7621 ам.доллар байв. Нэг тонн зэсийн үнэ 2022 оны зургадугаар сард дунджаар 9,024 ам.доллар байсан бол долдугаар сард 7,525 ам.доллар болж унажээ.
Нийлүүлэлт талаас Чили улсад усны хомсдол, Австрали улсад ажиллах хүчний хомсдол үүссэн хэдий ч зэсийн эрэлт нийлүүлэлтээ давж буурчээ. Зэсийн үнэ дунджаар 2022 онд 9282 ам.доллар/тонн, 2023 онд 9142.3 ам.доллар/тоннд хүрэх хүлээлттэй байна.
ЭРДЭНЭТИЙН зэсээр
ЭРДМИНД үйлдвэрлэв
Катодын зэс, цахилгаан монтажны кабель утас үйлдвэрлэгч "ЭРДМИН" ХХК

09/09/2022

Хүнс, хөдөө аж ахуй, хөнгөн үйлдвэрийн сайд Х.Болорчулуун Засгийн газрын хэрэгжүүлэгч агентлаг Жижиг, дунд үйлдвэрийн газрын үйл ажиллагаатай танилцаж, цаашдын бо....

09/09/2022

Үндэсний татварын ажилтны өдөр жил бүрийн 9 дүгээр сарын 2 дахь Ням гарагт тохиодог билээ. Монгол Улсын Засгийн газраас дэвшүүлсэн зорилт, хөтөлбөрийг хэрэгжүүлж, төр, бизнесийн байгууллага хоорондын хамтын ажиллагааг сайжруулж, улс орныхоо эдийн засаг, нийгмийн хөгжлийг түргэтгэхэд хөдөлмөр зүтгэлээ зориулан буй Татварын албаны албан хаагчид болон татварын албаны ахмад үе Та бүхэнд Татварын албаны ажилтны өдрийн баярын мэнд хүргэж, ажлын амжилт, сайн сайхныг хүсэн ерөөе. Эрдмин ХХК-ний хамт олноос.
Орхон аймгийн Татварын хэлтэс

05/09/2022

Барилга, бүтээн байгуулалтын салбарын ажилтнууд, инженерүүд, үе үеийн ахмадууд алдар гавъяатнууд Та бүхэндээ Монгол Улсад орчин цагийн барилгын салбар үүсэж, хөгжсөний түүхт 96 жилийн ойн баярын мэндийг өргөн дэвшүүлье. Барилгын салбар болон Эрдмин ХХК-ний үйл ажиллагаа нягт уялдаа холбоотой билээ иймээс Эх орныхоо хөгжлийн төлөө, ард олныхоо ая тухтай амьдралын төлөө хөдөлмөр зүтгэлээ зориулж яваа эрхэм барилгачиддаа эрүүл энх сайн сайхан бүхнийг хүсэн ерөөж, ажил үйлст нь амжилт бүтээлийн дээдийг ерөөе.

31/08/2022

“Эрдмин” ХХК нь нийгмийн хариуцлагын хүрээнд жил бүр Баянцагаан багийн сургуулийн насны хүүхдүүдэд хичээлийн иж бүрэн хэрэгсэл гардуулдаг уламжлал тогтоод удаж байгаа билээ.
2022-2023 оны хичээлийн шинэ жилийг тохиолдуулан Орхон аймгийн Баянцагаан багийн шинээр 1-р ангид элсэн суралцаж байгаа зургаан настнууддаа энэхүү уламжлалын дагуу хичээлийн иж бүрэн хэрэгсэлийг гардууллаа.
Эрдмийн их аянд шамдан суралцах дүү нар, багш сурган хүмүүжүүлэгч нартаа хичээлийн шинэ жилийн баярын мэндийг өргөн дэвшүүлж, сурлага хөдөлмөрийн өндөр амжилт хүсье.
ОРХОН АЙМАГ БАЯНЦАГААН БАГ
ЭРДЭНЭТИЙН зэсээр
ЭРДМИНД үйлдвэрлэв
Катодын зэс, цахилгаан монтажны кабель утас үйлдвэрлэгч "ЭРДМИН" ХХК

23/08/2022

23/08/2022

Монголд орчин цагийн ЭРЧИМ ХҮЧНИЙ САЛБАР үүсэн байгуулагдсаны түүхт 100 жилийн ой, “Эрчим хүчний ажиллагсдын өдөр” тус тус тохиож байна.

Монгол орныхоо гал голомтыг ашид бадруулан, эх орныхоо ирээдүйг өнөд гэрэлтүүлэгч Эрчим хүчний салбарын ажилтнууд, Монгол Улсын Эрчим Хүчний Яам, албан хаагчид, инженер техникийн ажилтнууд тэр дундаа “Эрдэнэт үйлдвэр” ТӨҮГ-ын Дулааны Цахилгаан Станцын хамт олон, “Эрдэнэтийн Дулааны Цахилгаан Станц” Төрийн өмчит хувьцаат компанийн хамт олонд “Эрчим хүчний ажиллагсдын өдөр”, орчин цагийн ЭРЧИМ ХҮЧНИЙ САЛБАР үүсэн байгуулагдсаны түүхт 100 жилийн ойн баярын мэндийг хамтатган дэвшүүлье.

Эрчим хүчний салбар бол Монгол орны хөгжлийн үндэс суурь, эдийн засгийн өсөлтийг хангах гол хүч юм.

Эрхэм илч гэрлийн эзэд, инженер техникийн ажилтан, албан хаагчид Та бүхний гэр бүл, ажлын хамт олонд эрүүл энхийн түмэн жаргаланг хүсэн ерөөе.

“Эрдмин” ХХК-ий хамт олон

19/08/2022

Өнөөдөр "Эрдэнэт үйлдвэр" ТӨҮГ-ын аж ахуй, үйлчилгээний цехийн 25 ажилтан манай үйлдвэрийн зэс ялгах үйлдвэр, зэс цувих цехийн үйл ажиллагаатай танилцах аялал зохион байгуулж "Эрдмин" ХХК-ий боловсруулах үйлдвэрийн бүтээгдэхүүн үйлдвэрлэлтэй танилцлаа.

16/08/2022

БНСУ-н "Taihan I&Co" компаний удирдлага, Монгол улс дахь суурин төлөөлөгчийн газрын ажилтнууд "Эрдмин"ХХК-ний үйл ажиллагаатай танилцлаа.

Тус компаний захирал ноён Park Ha Yong, ноён Kim Ju Sik-"Taihan I&Co" компаний шинжээч, ноён Kim Jong Sin-"Taihan I&Co" компаний кабель утас үйлдвэрлэлийн захирал, ноён Oh Sejoon- "Taihan I&Co" компаний Улаанбаатар дахь салбарын тэргүүлэгч менежер, "Taihan I&Co" компаний Улаанбаатар хот дахь салбарын менежер ноён Мөнх-Эрдэнэ тэргүүтэй зочид манай үйлдвэрийн зэс ялгах үйлдвэр болон зэс цувих цехийн үйл ажиллагаатай танилцлаа.

"Taihan I&Co" компаний талаар товч танилцуулахад 1958 онд үүсгэн байгуулагдсан ба БНСУ-ын Gyeonggy-do, Chungcheongnam-do мужид кабель утас, гангийн үйлдвэрлэл эрхэлдэг.
Үйл ажиллагаа нь өргөжин тэлж Өмнөд Африк, Конго улс, Вьетнам, Хонг-Конг, Монгол улс, АНУ, Канад, Арабын нэгдсэн Эмират улс, Саудын Араб, Кувейт, Сингапур, Малайз, Тайланд, Австрали зэрэг улсуудад салбартай дэлхийн хэмжээний компани юм.

Дашрамд дурьдахад тус компани "Эрдэнэт үйлдвэр" ТӨҮГ-тай хамтран кабель утасны үйлдвэр барих, Монголын зах зээлд борлуулах боломж бий эсэхэд судалгааны ажил явуулж байгаа ажээ.