13/01/2023
ОХУ байгалийн хийн нийлүүлэлтээ зогсоосноор, 40 шахам хувиа Оросоос импортлодог Герман улс эрчим хүчний гүн хямралд орно гэж дайн эхлэхэд их ч ярьсан даа. Манай Путины улаан фэнүүд Германчуудыг өрөвдөж, хохиор нь дуудах нь холгүй байсан даг.
ОХУ Украйнд халдан түрэмгийлснээс хойш эрчим хүчний хямралд тодорхой хэмжээнд өртсөн Герман улс АНУ-ын шингэрүүлсэн хий (LNG) тээвэрлэсэн анхны хөлөг онгоцыг хүлээн авч шингэрүүлсэн хийн чадал өндөр үйлдвэр оны өмнө ашиглалтад орж, энэ онд нэмж хий дахин боловсруулах үйлдвэр олон хотдоо барина гэнэ.
Салхин болон нарны үүсгүүрүүдээ улам эрчимжүүлж байна. Жирийн айл, өрхүүд ихэнхи нь нарны үүсгүүрээр зоорь давхар, халаалт, халуун ус, угаалгын машин зэргээ бүрэн ажиллуулж байна. Улсаас сэргээгдэх эрчим хүч хэрэглэх хүсэлт гаргасан айл өрхөд олон жилийн хүүгүй шахам зээл олгож, төхөөрөмжийг нь суурилуулаад өгдөг юм байна. Хөгжил өндөр орон сайхан юм, хөлдтөлөө зутраад байгаа юм алга.
Эрчим хүчний хараат байдлаасаа 2027 онд бүрэн гарна л гэнэ. Анх дайн эхлэхэд, урд нь унтрааж ашиглахаа байсан АЦС-уудаа асааж өвлийг даван туулах санал ганц нэг улстөрчдөөс гарч байсан ч, ухарсан шийдвэр гаргахгүй гээд засаг эрс эсэргүүцсэн гэнэ...
Байшин бүрийн дээвэр дээр шахуу нарны панелууд.
