Naran Group

20/10/2026

НАРАН ГРУПП МАРКЕТИНГИЙН САЛБАРЫН МЭРГЭЖИЛТНҮҮДДЭЭ БАЯР ХҮРГЭЛЭЭ! 🎉

Монголын маркетеруудын өдрийг тохиолдуулан Наран Групп нь 12 охин компанийнхаа маркетингийн салбарт ажиллаж буй мэргэжилтнүүдийг хүлээн авч уулзан, баярын мэнд хүргэж, тэдний бүтээлч хөдөлмөр, хичээл зүтгэлд талархал илэрхийллээ.

Брэндийн үнэ цэнийг бүтээж, зах зээлд таниулан хөгжүүлэх стратегийг тодорхойлдог брэнд менежерүүд, маркетингийн бодлого, төлөвлөлт, кампанит ажлуудыг удирдан хэрэгжүүлдэг маркетингийн менежерүүд, мөн хэрэглэгчдийн анхаарлыг татаж, брэндийн өнгө төрхийг бүтээлч шийдлээр илэрхийлдэг дизайнерууд бол Наран Группийн брэндүүдийн амжилтын ард ажилладаг чухал хүч юм.

Маркетинг бол зөвхөн сурталчилгаа бус, шинэ санаа, бүтээлч сэтгэлгээ, стратеги, багаар ажиллах ур чадварыг нэгтгэн брэнд болон хэрэглэгчдийн хооронд үнэ цэнтэй харилцааг бий болгодог салбар билээ.

Наран Группийн хэмжээнд олон улсын болон дотоодын брэндүүдийн хөгжил, нэр хүнд, зах зээл дэх өрсөлдөх чадварыг нэмэгдүүлэхийн төлөө өдөр бүр сэтгэл, зүтгэлээ зориулан ажиллаж буй маркетингийн нийт хамт олондоо чин сэтгэлийн талархал илэрхийлье.

Бүтээлч санааг бодит амжилт болгон хувиргадаг эрхэм маркетерууддаа Монголын маркетеруудын өдрийн баярын мэнд хүргэе! ❤️

15/10/2026

МОНГОЛЫН ХҮНИЙ НӨӨЦИЙН ӨДРИЙН БАЯРЫН МЭНД ХҮРГЭЕ!

Байгууллагын үнэ цэн, амжилтын ард хүнийг ойлгож, хөгжүүлж, хамт олныг нэгтгэх их үйлс байдаг.

Хүн бүрийн авьяас чадварыг нээн илрүүлж, ажилтан бүрийн хөгжил дэвшил, байгууллагын өсөлт амжилтын төлөө сэтгэл зүрхээ зориулан ажилладаг хүний нөөцийн салбарын нийт мэргэжилтнүүддээ Монголын Хүний нөөцийн өдрийн мэнд хүргэе!

Хүнээ хөгжүүлж, хамтдаа хөгжье.

Наран Групп

12/10/2026

🎸 HARD ROCK CAFE ULAANBAATAR 10 ЖИЛИЙН ОЙГОО АМЖИЛТ БҮТЭЭЛЭЭР УГТАЖ БАЙНА!

Дэлхийд алдартай **Hard Rock Cafe** брэнд Монгол Улсад үйл ажиллагаагаа эхлүүлсний 10 жилийн ой энэ жил тохиож байна.

Наран Группийн охин компани **ИнтерКюзин ХХК-ийн** хамт олон өнгөрсөн 10 жилийн хугацаанд олон улсын стандартад нийцсэн үйлчилгээ, өвөрмөц орчин, хөгжим, энтертайнмент соёлыг хэрэглэгчдэд хүргэж, нийслэлийн ресторан, үйлчилгээний салбарт өөрийн гэсэн өнгө төрхийг бүрдүүлэн ажиллаж ирлээ.

**ОЛОН УЛСЫН ТАВЦАН ДАХЬ АМЖИЛТ**

Hard Rock Cafe Ulaanbaatar-ийн хамт олон сүүлийн саруудад Азийн бүсийн хэмжээнд зохион байгуулагдсан олон улсын тэмцээн, шалгаруулалтад амжилттай оролцож, хэд хэдэн төрөлд тэргүүн байр эзлэн, Монголын үйлчилгээний салбарын ур чадвар, багийн ажиллагааг олон улсын түвшинд харууллаа.

Мөн хамт олны авьяас чадвар, бүтээлч сэтгэлгээ, нэгдмэл байдлыг илэрхийлсэн **“Battle of the Band”** хөгжмийн арга хэмжээг амжилттай зохион байгуулсан нь 10 жилийн ойн онцлох үйл явдлуудын нэг боллоо.

Эдгээр онцгой амжилт, хичээл зүтгэлийг нь өндрөөр үнэлэн Наран Группийн Төлөөлөн Удирдах Зөвлөлийн дарга С.Болдхэт Hard Rock Cafe Ulaanbaatar-ийн баг хамт олныг шагнаж, урамшууллаа.

**10 ЖИЛИЙН ОЙН ХҮРЭЭНД САГСАН БӨМБӨГИЙН ТЭМЦЭЭН ЗОХИОН БАЙГУУЛНА**

Түүхэн ойгоо угтан хамт олны нөхөрлөл, байгууллагуудын хамтын ажиллагааг бэхжүүлэх зорилгоор **2026 оны 10 дугаар сарын 24-ний өдөр Наран Группийн эрэгтэйчүүдийн сагсан бөмбөгийн тэмцээн** зохион байгуулагдах гэж байна.

Энэхүү тэмцээн нь Наран Группийн охин компаниудын ажилтнуудыг спортын талбарт нэгтгэж, багийн ажиллагаа, эв нэгдэл, хамтын үнэ цэнийг түгээн дэлгэрүүлэх ач холбогдолтой юм.

**10 ЖИЛИЙН ТҮҮХ – ХАМТЫН АМЖИЛТ**

Арван жилийн турш Hard Rock Cafe Ulaanbaatar-ийн хөгжил, амжилтын ард зүтгэсэн үе үеийн ажилтнууд, удирдлагын баг, үнэнч үйлчлүүлэгчид болон хамтран ажиллагч байгууллагууддаа Наран Группийн зүгээс талархал илэрхийлж байна.

**Хөгжим, амт, үйлчилгээ, хамтын амжилтаар дүүрэн 10 жил. Цаашдын олон жилийн амжилтын төлөө!** 🎸

01/10/2026

Таны бүтээсэн түүх — бидний бахархал.

Өнөөдөр бидний амьдрал, ажил үйлсийн эхлэлийг тавьж,
үнэтэй туршлага, мэдлэг, хөдөлмөрөөрөө дараагийн үеийнхэндээ
зам мөрөө үлдээсэн ахмад үеийнхэндээ талархал илэрхийлье.

Та бүхний туулсан зам, бүтээсэн бүхэн бидэнд үнэтэй өв болон үлдэж,
өнөөдөр бидний хийж бүтээх урам зориг, маргаашийн ирээдүйг
бүтээх итгэл болж байдаг билээ.

Та бүхэндээ эрүүл энх, аз жаргал,
урт удаан наслахын ерөөлийг өргөн дэвшүүлье.

Ахмадын баярын мэнд хүргэе!

Наран Групп

23/09/2026

FInal showdown. Three local acts bringing nothing but raw energy to the stage.

14/09/2026

🇮🇹 OVS | 7 ЖИЛ МОНГОЛД

Италийн тэргүүлэгч хувцасны брэнд OVS Монгол Улсад албан ёсоор үйл ажиллагаагаа эхлүүлснээс хойш 7 жилийн ойгоо тэмдэглэлээ. 🎉

Дэлхий даяар 1,300 гаруй салбартай OVS нь Итали загварын онцлог, чанар, тав тухыг хослуулан бүх насны хэрэглэгчдэд зориулсан хувцасны өргөн сонголтыг хүргэдэг.

Тэр дундаа OVS Kids нь 0–3, 3–9, 10–14 насны хүүхэд, өсвөр үеийнхэнд зориулсан загваруудаас гадна бяцхан үрсийн тав тух, эрүүл ахуйд анхаарсан Mini Fagottino цуглуулгыг санал болгодог. Мөн Disney, Marvel, DC Comics зэрэг хүүхэд багачуудын дуртай дүрүүдээс сэдэвлэсэн загваруудтай. ✨

Наран Лайф Стайл ХХК нь OVS брэндийн Монгол дахь албан ёсны төлөөлөгчөөр 2019 оноос хойш ажиллаж, Монгол орны улирлын онцлогт тохирсон Европ стандартын хувцас, загварыг хэрэглэгчдэд хүргэсээр ирсэн билээ.

7 жилийн ойн баярын хүрээнд OVS Kids-ийн бяцхан хэрэглэгчид, эцэг эхчүүдтэйгээ хамтдаа дуу хуур, бүжиг, хөгжилтэй үйл ажиллагаа, бэлэг дурсамжаар дүүрэн сайхан өдрийг өнгөрүүллээ. 🎈🎁

Энэ хугацаанд бидэнтэй хамт байсан нийт хэрэглэгчид, бяцхан найзууд болон эцэг эхчүүддээ баярлалаа. ❤️

“Хүн бүр өөрийнхөөрөө үнэ цэнэтэй.”

Цаашдаа ч хамтдаа олон сайхан дурсамж бүтээцгээе. ✨

OVS | 7 жил Монголд 🇮🇹
Дэлэгрэнгүй мэдээллийг :
https://narangroup.mn/news/blog/24

05/09/2026

Монголын барилгын салбар үүсэн хөгжсөний 100 жилийн ойн баярын мэндийг хүргэе!

Зураг төслөөс бодит бүтээн байгуулалт хүртэлх зам бүрийг бүтээж ирсэн үе үеийн барилгачид, бүтээн байгуулагчид та бүхэндээ гүн талархал илэрхийлье.

Энэхүү түүхт 100 жилийн ойтой зэрэгцэн 15 жилийн бүтээн байгуулалтын түүхээ бичиж буй Капитал Пропертис ХХК -ийн нийт хамт олондоо цаашдын ажил үйлс, бүтээн байгуулалтад нь өндөр амжилт хүсэн ерөөе.

НАРАН ГРУПП

01/09/2026

⚡ HARD ROCK RISING: HEAT 1 LINE-UP ⚡
🎤 Sinusoidioid 🎤 Lost In Nebula 🎤 Lady Bugs
📅 9 сарын 2 | 18:00 📍 Hard Rock Cafe Ulaanbaatar
🔥 Ялагчийг үзэгчдийн санал шийднэ.

01/09/2026

🌍 МОНГОЛЫН УРАН БҮТЭЭЛЧИД ДЭЛХИЙН ТАЙЗ РУУ: HARD ROCK RISING 2026 ЭХЛЭХ ГЭЖ БАЙНА

Hard Rock Cafe-гийн зохион байгуулдаг олон улсын хөгжмийн тэмцээн бөгөөд энэ жил 34 орны авьяаслаг уран бүтээлчид өрсөлдөж байна.

Улаанбаатарын тайзнаас шалгарсан ялагч дэлхийн хэмжээний уран бүтээлчидтэй өрсөлдөх боломжтой.

🎵 Coke Studio LA-д бичлэг хийх эрх 💰 $10,000 шагнал 🎤 Hard Rock Orlando тайзан дээр тоглох боломж

Энэ долоо хоногийн эхний шатны тоглолтыг бүү алдаарай.

📍 Rock Cafe Ulaanbaatar

Дэлэгрэнгүй мэдээллийг :
https://narangroup.mn/news/blog/23

29/08/2026