12/02/2025
“Оюуны Ундраа Пропертийз” ХХК-ийн үүсгэн байгуулагч О.Тэнүүн болон Хөдөө аж ахуйн их сургуулийн ректор Б.Баасансүх нар хамтын ажиллагааны санамж бичиг байгууллаа.
“Оюуны Ундраа Пропертийз” ХХК нь Хөдөө аж ахуйн их сургуультай /ХААИС/ хамтын ажиллагааны санамж бичиг байгуулж, Монгол Улсын хөдөө аж ахуйн салбарын хөгжил, инновац, гарааны бизнес, ажил эрхлэлтийг дэмжих болон үндэсний өв соёлыг хадгалан хөгжүүлэх чиглэлээр түншлэлийн харилцаагаа шат ахиуллаа.
Уг хамтын ажиллагааны хүрээнд “Оюуны Ундраа Пропертийз” ХХК нь :
▫️Хөдөө аж ахуйн салбарын үйл ажиллагааг олон нийтэд сурталчлах,
▫️Тус салбарт гарааны бизнес эрхлэх хүсэлтэй оюутан залуусыг дэмжих,
▫️Төгсөж буй оюутнуудыг ажлын байранд зуучлах,
▫️Багш, судлаачдын судалгааны ажилд дэмжлэг үзүүлэх,
▫️Өв соёл, уламжлалт мэдлэгийг орчин үеийн шинжлэх ухаан, технологийн шийдлүүдтэй хослуулан хөгжүүлэх зэрэг олон талт үйл ажиллагааг ХААИС-тай хамтран хэрэгжүүлэх юм.
Мөн ХААИС-ийн сургалтын хөтөлбөрүүдэд бодит дэмжлэг үзүүлэх, оюуны өмчийг патентжуулах, эдийн засгийн эргэлтэд оруулах, инновацыг хөгжүүлэх, нэмэгдүүлэх чиглэлээр хамтран ажиллах бөгөөд эрдэмтэн судлаачдынхаа бүтээлч санаачилгыг бодит үр дүнд хүргэхийг зорьж байна.
Энэхүү түншлэл нь Монгол Улсын хөдөө аж ахуйн салбарт тогтвортой хөгжил, инновац, хүний нөөцийн чадавхыг бэхжүүлэхээс гадна, өв соёл, уламжлалыг шинжлэх ухаан, техник, технологийн шинэ шийдэлтэй уялдуулан хөгжүүлэх ач холбогдолтой чухал алхам болно гэдэгт хоёр тал итгэлтэй байгаа юм.
