Диспетчерийн Үндэсний Төв ТӨХХК

14/04/2026

Эрчим хүчний сайд Б.Найдалаа Диспетчерийн Үндэсний Төвийн үйл ажиллагаатай танилцлаа

2026 оны 4 дүгээр сарын 14-ний өдөр Эрчим хүчний сайд Б.Найдалаа эрчим хүчний системийн найдвартай ажиллагааг 24 цагийн турш техникийн шуурхай удирдлагаар ханган ажилладаг “Диспетчерийн Үндэсний Төв” ТӨХХК-ийн үйл ажиллагаатай танилцав.
Уулзалтаар гүйцэтгэх захирал Ч.Амарсанаа, ерөнхий диспетчер Б.Баатар болон удирдлагын багийн гишүүд диспетчерийн төв удирдлагын өрөөнд ажиллаж, Эрчим хүчний сайд Б.Найдалаад эрчим хүчний системийн хэрэглээ, төлөв байдал, тулгамдсан нөхцөл байдал, хяналт мэдээллийн системийн онцлог, үйл ажиллагааны цахимжуулалт зэрэг асуудлаар мэдээлэл өглөө.
Мөн компанийн хэмжээнд шийдвэрлэх шаардлагатай тулгамдсан асуудлуудыг хэлэлцэж, шаардлагатай арга хэмжээг шат дараатай авч хэрэгжүүлэх чиглэлээр холбогдох байгууллагуудтай хамтран ажиллах, бодлогын түвшинд дэмжлэг үзүүлэн ажиллахаа Эрчим хүчний сайд илэрхийллээ.

10/04/2026

10/04/2026

ЭРЧИМ ХҮЧНИЙ САЛБАРЫН "НЭЭЛТТЭЙ ХААЛГАНЫ ӨДӨРЛӨГ" ЗОХИОН БАЙГУУЛАГДАЖ БАЙНА.

2026 оны 04 дүгээр сарын 09-ний өдрөөс 11-ний өдрүүдэд Сүхбаатарын талбайд зохион байгуулагдаж байна.

Тус өдөрлөгт "Диспетчерийн үндэсний төв" ТӨХХК оролцож, Монгол Улсын нэгдсэн эрчим хүчний системийн горим ажиллагааг төвлөрсөн удирдлагаар хангах, цахилгаан эрчим хүчний үйлдвэрлэл, дамжуулалт, хэрэглээний тэнцвэрийг бодит хугацаанд зохицуулах, SCADA/EMS болон WAMS системд суурилсан хяналт, удирдлагыг хэрэгжүүлэх, мөн системийн найдвартай, тасралтгүй ажиллагааг хангах чиглэлээр хэрэгжүүлж буй үйл ажиллагаагаа танилцуулж байна

07/04/2026

Эрчим хүчний салбарын нээлттэй хаалганы өдөрлөгт урьж байна.

12/03/2026

08/03/2026

💐 🌹🌷Нийт эмэгтэйчүүддээ болон монголын мянга мянган ээж, бүсгүйчүүддээ Олон улсын эмэгтэйчүүдийн эрхийг хамгаалах өдрийн мэнд хүргэе.🌷🌹

17/02/2026

XVII жарны “Сүрээр дарагч” хэмээх гал Морин жилдээ өлзий буян арвин, ерөөл билэг дүүрэн сар шинийн баярын мэндийг нийт хамтран ажиллагч байгууллагууд, харилцагчид, ажилтан албан хаагч Та бүхэндээ өргөн дэвшүүлье.

Шинэхэн жилийн өнгө тэнүүн,
Шийдвэр бүр мэргэн зөв,
Хамтын ажиллагаа бат бөх,
Хөгжил дэвшил өөдрөг байж,
Амжилт бүтээл арвин дэлгэрэх болтугай.

ДИСПЕТЧЕРИЙН ҮНДЭСНИЙ ТӨВ ТӨХХК

16/02/2026

ТӨРИЙН ДЭЭД ОДОН МЕДАЛИАР ШАГНАГДЛАА

XVII жарны “Сүрээр дарагч” хэмээх Гал морин жилийн сар шинийн баярыг тохиолдуулан Монгол Улсын Ерөнхийлөгчийн зарлигаар “Диспетчерийн Үндэсний Төв” ТӨХХК-ийн ахмад ажилтан А.Самбуудагва “Хөдөлмөрийн гавьяаны улаан тугийн одон”, Импортын тооцооны инженер Ц.Цэрэндулам “Алтан гадас одон”-оор тус тус шагнагдлаа. Шагналыг 2026 оны 02 дугаар сарын 16-ны өдөр Эрчим хүчний дэд сайд С.Далхаасүрэн болон ТНБД Б.Ерэн-Өлзий нар гардууллаа.

Ахмад ажилтан А.Самбуудагва нь 1964 онд Диспетчерийн тасгийг үүсгэн байгуулж анхны даргаар нь томилогдож байсан бол инженер Ц.Цэрэндулам нь ДҮТ-д 30 жил тасралтгүй ажиллаж байгаа билээ.
Улс эх орныхоо бүтээн байгуулалт, хөгжил дэвшилд үнэтэй хувь нэмэр оруулж, эрчим хүчний салбарын найдвартай ажиллагаанд мэдлэг, ур чадвар, сэтгэл зүтгэлээ зориулан илч гэрэл нэмж яваа та бүхэндээ халуун баяр хүргэж цаашдын ажил үйлс тань өөдөө дэлгэрч, эрүүл энх, аз жаргал, амжилт бүтээлээр дүүрэн байхыг хүсэн ерөөе.

Диспетчерийн Үндэсний Төвийн хамт олон.

16/02/2026

АХМАД АЖИЛТНУУДАА ХҮЛЭЭН АВЧ ХҮНДЭТГЭЛ ҮЗҮҮЛЛЭЭ

Сүрээр дарагч хэмээх гал морин жилийн сар шинийн баярыг тохиолдуулан "Диспетчерийн Үндэсний Төв" ТӨХХК-ийн хамт олон ахмад ажилтнуудаа хүлээн авч хүндэтгэл үзүүллээ. Эрчим хүчний нэгдсэн системийн найдвартай, тасралтгүй ажиллагааг хангах их үйлсэд оюун ухаан, ур чадвар, амьдралынхаа үнэт он жилүүдийг зориулсан та бүхэн бол манай байгууллагын түүх, бахархал, үнэт өв юм. Залуу үедээ мэдлэг туршлагаа өвлүүлж, салбарынхаа үнэт зүйлсийг хадгалан хамгаалж ирсэн та бүхэндээ гүн талархал илэрхийлэн Сүрээр дарагч хэмээх Гал морин жилийн сар шинийн баярын мэндийг дэвшүүлж, элгээрээ энх амгалан, төрлөөрөө түвшин жаргалтай байхыг хүсэн ерөөе.