28/08/2024
ЗХУ-ын Энергосеть проект институт Монгол Улсын нутаг дэвсгэрт 1964-1965 онд судалгаа явуулж 28 байршилд усан цахилгаан станц байгуулж болох тухай дүгнэлт гаргасан. Эдгээрийн нэг нь Эгийн голын адагт буюу Эг-Сэлэнгийн бэлчрээс 2,5 км зайд байрлах Эгийн голын усан цахилгаан станцын байршил юм 2023 онд МУ нь Шинэ сэргэлтийн бодлогодоо Эгийн голын төслийг тусган баталсан байдаг. Эгийн голын усан цахилгаан станц баригдсанаар 606 сая кВт.цаг цахилгаан эрчим хүч үйлдвэрлэж, төвийн бүсийн нэгдсэн сүлжээний өсөн нэмэгдэж буй хэрэглээг хангаж, системд нэн шаардлагатай горим тохируулгын үүрэг гүйцэтгэнэ. ТБЭХС-тэй 220кВ-ын ЦДАШ-р холбогдох ба нь төслийн талбайгаас одоо байгаа Эрдэнэтийн дэд станц хүртэл 72,3км үргэлжилнэ. Далангийн хярын дээд түвшин 913 метр хүртэл өндөр байна.
