22/09/2026
Vi er både glade og stolte over at Skaparhuset får vere heimebane for det nye prosjektet Medvind, eit samarbeid mellom Furene AS, Sparebanken Møre og Ulstein kommune.
Målet er enkelt, men viktig: å gi unge vaksne som står utanfor arbeid og utdanning eit fellesskap, meistringsopplevingar og nye moglegheiter til å finne si eiga retning vidare.
For oss betyr det mykje at Skaparhuset kan vere ein stad der slike initiativ får vekse fram. Vi trur på krafta i møte mellom menneske, på lågterskel arenaer der ein kan få prøve, feile, lære og oppleve meistring i sitt eige tempo.
Vi vil løfte fram Sparebanken Møre, som gjennom finansieringa av prosjektet viser kva samfunnsansvar kan vere i praksis. Lokalsamfunna våre treng aktørar som investerer i menneske ✨
Vi veit at mange unge har ressursar, talent og arbeidslyst som av ulike grunnar ikkje kjem til sin rett. Difor har vi stor tru på tiltak som tek utgangspunkt i den enkelte sine behov, byggjer relasjonar og gir rom for gradvis utvikling.
Fleire i utdanning. Fleire i arbeid. Fleire som får kjenne på meistring og tilhøyrsle. Det er eit mål vi trur heile regionen kan samle seg om 💛
Vi gler oss til å følgje Medvind vidare, og til å vere best mogleg vertskap for eit prosjekt som kan få stor betydning for mange unge på Søre Sunnmøre.
Finn lenker til meir info i kommentarfelt 👇
Foto: Ole-Ottar Thorup Høgstavoll, Vikebladet Vestposten
