Jagdulla Hydropower Company Limited

20/08/2026

आज मिति २०८३ भदौ ४ गते आर्थिक वर्ष २०८३-०८४ को स्वीकृत बजेट तथा समयसिमा अनुरुप प्रमुख कार्यकारी अधिकृत र आयोजना प्रमुखहरु / शाखा प्रमुखहरु बिच कार्य सम्पादन सम्झौता कार्यक्रम सम्पन्‍न भएको छ ।

04/08/2026

जगदुल्ला ए जलविद्युत आयोजनाले अर्को महत्वपूर्ण उपलब्धि हासिल गरेको छ।

मिति २०८३ श्रावण १८ गते नेपाल विद्युत प्राधिकरण (NEA) सँग जगदुल्ला ए जलविद्युत आयोजनाको Grid Connection Agreement (ग्रिड जडान सम्झौता) सफलतापूर्वक सम्पन्न भएको छ।

यो सम्झौतासँगै आयोजनाको विद्युत प्रसारण तथा राष्ट्रिय विद्युत प्रणालीमा जोडिने प्रक्रियामा अर्को महत्वपूर्ण चरण पूरा भएको छ। यस उपलब्धिले आयोजना निर्धारित समयमै सम्पन्न गरी राष्ट्रिय ऊर्जा सुरक्षामा योगदान पुर्‍याउने हाम्रो प्रतिबद्धतालाई थप मजबुत बनाएको छ।

यस महत्वपूर्ण उपलब्धिमा योगदान पुर्‍याउनुहुने नेपाल विद्युत प्राधिकरण, सम्बन्धित निकायहरू तथा सम्पूर्ण परियोजना टोलीप्रति हार्दिक धन्यवाद व्यक्त गर्दछौं।

19/07/2026

कम्पनीको नेतृत्वमा सञ्जय सापकोटाको प्रवेशसँगै जगदुल्ला आंशिकजलाशय (१०६ मेगावाट) र जगदुल्ला 'ए' (१२४.३५ मेगावाट) गरी दुई आयोजनाको कामले तीव्रता लिएको छ । नेपालको जलविद्युत्‌ विकासमा 'जनताको जलविद्युत्‌ कार्यक्रम' अन्तर्गत अघि सारिएका धेरै आयोजनामध्ये एक हो– जलदुल्ला जलविद्युत् आयोजना । कर्णाली प्रदेशको विकट डोल्पा जिल्लामा अवस्थित यस आयोजनाले संघीयताको वास्तविक मर्मलाई आत्मसात् गरेको छ ।

काठमाडौँ । नेपालको जलविद्युत्‌ विकासमा 'जनताको जलविद्युत्‌ कार्यक्रम' अन्तर्गत अघि सारिएका धेरै आयोजनामध्ये एक...

07/07/2026

नयाँ अध्यायको शुभारम्भ:
जगदुल्ला हाइड्रोपावर कम्पनी लिमिटेडले कर्णाली प्रदेश, डोल्पा जिल्लास्थित जगदुल्ला गाउँपालिका र मुड्केचुला गाउँपालिका हुँदै बग्ने जगदुल्ला नदीमा निर्माण हुन लागेको १०६ मेगावाट क्षमताको जगदुल्ला जलविद्युत् आयोजनाको मुख्य निर्माण कार्य (लट-२ सिभिल तथा हाइड्रोमेकानिकल) को मिति २०८३ असार १८ गतेबाट औपचारिक रूपमा शुभारम्भ गरेको छ।

आयोजनाको शुभारम्भ ऊर्जा, जलस्रोत तथा सिंचाइ मन्त्रालयका माननीय मन्त्री श्री विराज भक्त श्रेष्ठज्यू Biraj Bhakta Shrestha बिराज भक्त श्रेष्ठ, ऊर्जा मन्त्रालयका सचिव श्रीमती सरिता दवाडीज्यू, स्थानीय तहका जनप्रतिनिधिहरू, वडा अध्यक्षहरू, सम्बन्धित निकायका प्रतिनिधिहरू तथा स्थानीय समुदायको गरिमामय उपस्थितिमा सम्पन्न भएको हो। सोही अवसरमा आयोजनाद्वारा निर्माण गरिएको बेली ब्रिज तथा बाध स्थलमा रहेको मुख्य कार्यालय एवं आवास भवनहरूको समेत उद्घाटन गरिएको छ।
करिब चार वर्षको अथक योजना, तयारी, अध्ययन तथा समन्वयपछि कम्पनीले आयोजना विकासको प्रारम्भिक चरण सफलतापूर्वक सम्पन्न गर्दै निर्माणको मुख्य चरणमा प्रवेश गरेको छ। अबको आगामी चार वर्ष आयोजना निर्माणको सबैभन्दा महत्वपूर्ण र चुनौतीपूर्ण अवधि रहनेछ। कम्पनी स्वीकृत कार्यतालिका (वर्क सेड्युल) अनुसार दैनिक प्रगतिको नियमित अनुगमन गर्दै गुणस्तरीय, सुरक्षित र समयमै आयोजना सम्पन्न गर्न पूर्ण रूपमा प्रतिबद्ध रहेको छ।

प्राविधिक दृष्टिले आयोजना निर्धारित समयभित्र सम्पन्न गर्ने क्षमता कम्पनीसँग भए तापनि आयोजना कार्यान्वयनका क्रममा कम्पनीको अधिकार क्षेत्र भन्दा बाहिर उत्पन्न हुन सक्ने विभिन्न चुनौतीहरूको समाधानका लागि नेपाल सरकार, ऊर्जा, जलस्रोत तथा सिंचाइ मन्त्रालय, कर्णाली प्रदेश सरकार, स्थानीय सरकार, राजनीतिक दलहरू, सुरक्षा निकाय, स्थानीय समुदाय तथा सम्पूर्ण सरोकारवालाहरूको निरन्तर सहयोग, समन्वय र सहकार्य अपरिहार्य रहने कम्पनीको विश्वास छ।
यस आयोजनाले डोल्पाजस्तो दुर्गम जिल्लाको आर्थिक तथा सामाजिक विकासमा दीर्घकालीन सकारात्मक प्रभाव पार्ने अपेक्षा गरिएको छ। आयोजनाबाट प्राप्त हुने वार्षिक करिब नौ करोड रुपैयाँ रोयल्टी, स्थानीय रोजगारीका अवसरहरूको सिर्जना, निर्माण कार्यमा स्थानीय सहभागिता, पूर्वाधार विकास तथा व्यवसायिक गतिविधिको विस्तारमार्फत स्थानीय जनजीवन र जीवनस्तरमा उल्लेखनीय सुधार आउने विश्वास गरिएको छ। साथै, राष्ट्रिय ऊर्जा सुरक्षामा योगदान पुर्‍याउँदै स्वच्छ तथा दिगो ऊर्जाको उत्पादनमा समेत आयोजना महत्वपूर्ण कोशेढुङ्गा सावित हुनेछ।

यस महत्वपूर्ण अवसरमा सहयोग, सद्भाव, विश्वास र साथ प्रदान गर्नुहुने नेपाल सरकार,श्री उर्जा जलश्रोत तथा सिंचाई मन्त्रालय एबम माननीय मन्त्रीज्यु, श्रीमान पूर्व एबम बर्तमान सचिबज्युहरु, पूर्व तथा बर्तमान संचालक समितिका अध्यक्षज्युहरु एबम सदस्यज्युहरु, सस्थापक लगानी गर्ने शेयर धनि कम्पनी (बिद्युत उत्पादन कम्पनी, एच.आई.डी.सि एल., नेपाल बिद्युत प्राधिकरण, कर्णाली प्रदेश सरकार र स्थानीय पालिका), ऋण लगानी गर्ने वित्तीय सस्थाहरु (नबिल बैंक, एचआई.डी.सि.एल., लक्ष्मी सनराईज बैंक, एभरेस्ट बैंक, एन आई.सि. एसिया र कर्मचारी संचय कोष),स्थानीय सरकार प्रमुखज्युहरु, सम्बन्धित निकायहरू, स्थानीय जनप्रतिनिधिहरू, प्रभावित समुदाय, शुभेच्छुक तथा सम्पूर्ण सरोकारवालाप्रति जगदुल्ला हाइड्रोपावर कम्पनी लिमिटेड हार्दिक आभार व्यक्त गर्दछ। आगामी दिनहरूमा पनि यही विश्वास, सहकार्य र समन्वय कायम रहने अपेक्षासहित कम्पनी आयोजना सफलतापूर्वक सम्पन्न गर्न पूर्ण प्रतिबद्ध रहेको छ।

जगदुल्ला हाइड्रोपावर कम्पनी लिमिटेड
मिति: २०८३ असार २३ गते

28/05/2026

दुर्गम डोल्पाको अथाह जलसम्पदालाई
राष्ट्रिय समृद्धि, ऊर्जा आत्मनिर्भरता र उज्यालो भविष्यको शक्तिमा रूपान्तरण गर्ने दृढ संकल्पसहित अघि बढिरहेको जगदुल्ला हाईड्रोपावर कम्पनी लिमिटेडको स्थापना दिवसको हार्दिक शुभकामना।

ऊर्जा उत्पादनसँगै विकास, विश्वास र समृद्ध नेपालको आधार निर्माण गर्ने हाम्रो अभियान झन् सशक्त, सफल र प्रेरणादायी बनिरहोस्। 🌊⚡🇳🇵

Happy Jagdulla Day

जेष्ठ १४, जगदुल्ला डे

21/05/2026

मिति २०८३/०२/०६ गते यस जगदुल्ला हाइड्रोपावर कम्पनी लिमिटेडको केन्द्रिय कार्यालयमा माननीय उर्जा जलश्रोत तथा सिंचाई मन्त्रालयका माननीय मन्त्रि श्री बिराज भक्त श्रेष्ठज्यु Biraj Bhakta Shrestha बिराज भक्त श्रेष्ठ, र श्रीमान सचिब चिरन्जीवी चटौतज्युको समुपस्थितिमा, मन्त्रालयका प्रतिनिधिहरु, कम्पनीको संचालक समितिका सदस्य एबम एच.आई.डी.सि.एल का प्रमुख कार्यकारी अधिकृत प्रजेश बिक्रम थापाज्यु Prajesh Bikram Thapa, बुढी गण्डकी जलबिद्युत कम्पनीका प्रमुख कार्यकारी अधिकृत अरुण रजौरियाज्यु, कम्पनीको आयोजना प्रमुखहरु एबम् कर्मचारी साथीहरु बीच कम्पनीले निर्माण गर्न गईरहेको जगदुल्ला अर्ध-जलाशययुक्त जलबिद्युत आयोजना (१०६ मे.वा.) र जगदुल्ला ए अर्ध-जलाशययुक्त जलबिद्युत आयोजना (१२४.३५ मे.वा.) को प्रगति विवरण सारांशमा प्रस्तुतीकरण गर्ने अवसर प्राप्त भयो।

कर्णाली प्रदेश, डोल्पा जिल्लामा निर्माण हुन गईरहेको यस आयोजनाहरुको निर्माण संग संगै त्यहाँ भएका एबम् भईरहेका विकासहरुले त्यहाको स्थानीय बासिन्दाहरु लाभान्वित हुने नै छन्।

माननीय मन्त्रिज्युले यस आयोजनाहरुको निर्माण तिब्र गतिमा गर्न र निर्माणको चरणमा आइपर्ने समस्याहरुलाई मन्त्रालयलाइ तत्कालै जानकारी गराउन एवं आएका समस्याहरुलाइ मन्त्रालयले तत्कालै हल गर्ने छ भन्ने आश्वासनका साथ निर्माण कार्य समयमा नै सम्पन्न गर्न निर्देशन दिनु भयो। अझ कर्णाली प्रदेशको डोल्पा जस्तो ठाउमा मन्त्रालयको आयोजना द्रुत गतिमा बनिरहेकोमा खुशी व्यक्त समेत गर्नु भयो। माननीय मन्त्रिज्युलाइ यस कम्पनीमा हार्दिक स्वागत गर्दै वहाको कार्यकाल शुभ एबम् सफल रहोस भनी हार्दिक शुभकामना व्यक्त गर्दछौ।

कम्पनी स्थापना भए पश्चात यस अवस्था सम्म ल्याउन सदैब साथ, सहयोग, प्रेरणा एबम् माया प्रदान गर्नु हुने सबै शुभेच्छुकहरु प्रती हार्दिक आभार र नमन।

02/04/2026

जगदुल्ला हाइड्रोपावर कम्पनी लिमिटेड र राष्ट्रिय प्रसारण ग्रिड कम्पनी लिमिटेड बिच जगदुल्ला–ए जलविद्युत आयोजनाबाट उत्पादन हुने १२४.३५ मेगावाट विद्युत् निकासीका लागि सहमति भएको कम्पनीको प्रमुख कार्यकारी अधिकृत सञ्जय सापकोटाले जानकारी दिए ।

१९ चैत, जाजरकोट । जगदुल्ला ‘ए’ जलविद्युत् आयोजनाबाट उत्पादन हुने १२४.३५ मेगावाट विद्युत् ४०० केभी प्रसारण लाइनमा...

01/04/2026

जगदुल्ला हाईड्रोपावर कम्पनी लिमिटेड (JHCL) र राष्ट्रिय प्रसारण ग्रिड कम्पनी लिमिटेड (RPGCL) बीच जगदुल्ला-ए जलविद्युत आयोजना 124.35 मेगावाट विद्युत निकासीका लागि मिति २०८२ चैत १६ गते समझदारी भएको छ। ⚡🤝

400 केभी भेरी करिडोरमार्फत प्रसारण पूर्वाधार विकास गर्ने यो सहकार्य नेपालको ऊर्जा प्रणाली सुदृढीकरणतर्फ महत्वपूर्ण कदम हो। 🔌🏗️🇳🇵

30/03/2026

🙏 सम्माननीय प्रधानमन्त्री बालेन्द्र शाह ज्यू तथा नवनियुक्त मन्त्रीपरिषदका सम्माननीय मन्त्री ज्यूहरूमा हार्दिक बधाई तथा सफल कार्यकालको अनगिन्ती शुभकामना! 🎉

सुशासन ✅, दिगो विकास 🌱 र सामाजिक न्याय ⚖️ को क्षेत्रमा उल्लेखनीय सकारात्मक रूपान्तरण तथा असीम सफलताको कामना। ✨

Photo - Ratopati.com

11/01/2026

⚡जगदुल्ला हाईड्रोपावर कम्पनी लिमिटेडको नवौँ वार्षिक साधारणसभा 📅मिति २०८२ पौष २४ गते बिहिबार कम्पनीको केन्द्रीय कार्यालयको सभाहलमा कम्पनीका अध्यक्ष श्री सन्दिप कुमार देवको अध्यक्षतामा सम्पन्न भएको छ। ✅

सभामा संचालक समिति, विद्युत उत्पादन कम्पनी लिमिटेड, हाईड्रोईलेक्ट्रिसिटी इन्भेष्टमेन्ट तथा डेभलपमेन्ट कम्पनी लिमिटेड, नेपाल विद्युत प्राधिकरण, कर्णाली प्रदेश सरकार, जगदुल्ला गाउँपालिका, कम्पनी रजिष्ट्रारको प्रतिनिधि, बाह्य लेखापरीक्षक तथा कम्पनीका कर्मचारीहरूको गरिमामय उपस्थिति रहेको थियो।